HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

huam  tshiab  Hmoob  ntuj  txog  niam  

Gallery


Log in

I forgot my password


    Dej Laj Siab

    Share

    Npauj Npaim
    Moderator

    Posts : 1385
    Join date : 2011-02-11
    Age : 41

    Dej Laj Siab

    Post by Npauj Npaim on Thu Nov 03, 2011 7:11 pm

    Hnub no koj xav haus dej abtsi thiaj lajsiab os?

    Kuv ces xav haus tais dej "coconut" qabzib no xwb os...,


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Thu Nov 03, 2011 7:14 pm

    Wmmm..., tais no puas qab thiab???

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Thu Nov 03, 2011 7:15 pm

    Wmmm..., ntshe cov dej no yuav laj siab dua pob???


    Tojxeem

    Posts : 94
    Join date : 2013-04-18

    Re: Dej Laj Siab

    Post by Tojxeem on Thu May 02, 2013 1:22 am

    Npauj Npaim.
    Ua cas kuv pom koj lub txiv taub dej no kuv cia li xav noj cov mos mos es muab kaus rau hauv cov kua noj kawg ntshe yuav tau mus yuav 2 lub los noj tam sim no li lauj.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Thu May 09, 2013 8:37 pm

    Oh, nqhis ces mus yuav xwb tiag. Tej lub sijhawm mas tsis nqhis tej dej ntawd tabsis nqhis dej kua zaub tsuag xwb os.

    Thaum ub kuv hnov kuv niam lawv hais mas lawv nqhis cov kua dib qaub uas thaum lub caij lawv hlais nplej tag es lawv de cov dib loj loj liab liab lossis daj daj los kaus rau qabzib haus lub caij lawv hlais nplej ua lawv sab sab ces lawv los zaum so kaus kua deb haus mas lawv hais tias qab laj siab kawg no tiag. Thiab lawv haus cov ua kua txiv huabtxhib mas qab heev no es ua li koj twb hlob tim ub tuaj koj puas tau haus tej no nas, txiv Tojxeem aw?

    Tebchaws no ces kuv tsis paub xyov dej laj siab yog cov twg thiaj laj siab li os, vim yog kua qabzib ntau li ntau lawm xwb es.

    Tojxeem

    Posts : 94
    Join date : 2013-04-18

    Re: Dej Laj Siab

    Post by Tojxeem on Sat May 25, 2013 2:01 am

    Npaujnpaim.
    Kuv nyob kiag ntawm lub taj laj khab meem 1 sab xwb tej thaum ces kuv cov me nyuam tseem nyiag kev mus ko taw mus yuav khoom yuav dej haus tom taj laj khab meem li thiab.
    Hos kuv ces lub caij ntuj sov no mas kuv haus tej dej kua txiv hmab txiv ntoo no tuav siav lawm xwb tiag.
    Thaum ub peb tej laus ces tsis muaj kua txiv hmab txiv ntoo li nim no ces lawv kawg haus kua dib kua zaub tsuag xwb tiag.Kuv niam lawv muab cov nplooj zaub qwv los hlab ua zaub tsib kua qaub tsuav ces ntim tej niag hwj coj mus nram teb 1 tsam ces los noj sus ces haus tej kua zaub tsib xwb los kuj los siav kawg li thiab tiag.
    kua txiv huab txhib mas kuv ho tsis paub tias lawv ua li cas haus thiab ov.Hos ntawm peb ntug teb mas muaj txiv maj toob siav daj rhuv tsw qab ntxiag xwb mus khaws los noj mas ua cas yuav laj siab tag npaum li lau.kuv txiv lawv tuam kiag 1 tug ciav los rau hauv plawv teb lub caij ntuj sov ces ua teb 1 pliag los da dej mas txias laj khiam kawg nkaus li lau.kheev lam lub caij ntawd wb muaj Internet li nim no ces kuv kom koj tuaj nrog kuv mus da dej ua si seb puas lom zem mas yom.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Sat May 25, 2013 2:33 am

    Nyobzoo Tojxeem,

    Tej koj tham no mas yog lub caij Summer ces hais thiaj laj siab yos yog lub caij ntuj no ces ntshe cov me kuantxhai yuav qab dua lawm thiab os yom.

    Koj tham txog koj txiv lawv tuam ciav dej ntws los rau hauv nej daim teb,hmmm..., muab xav los mas lub sijhawm menyuam yaus mas xav mus tsau dej uasi kawg, yog lub sijhawm ntawd muaj kuv nrog koj no ntshe wb yuav mag cem thiab los tsis paub vim pheej yuav dadej uasi tag li tsis nco qab mus tsev ces tsam mag kuv niam cab pobntseg xwb laud, hehehehee,

    Ua tsaug koj tuaj tham tej lus txog lub neej thaum ub rau peb mloog mog.


    Tojxeem

    Posts : 94
    Join date : 2013-04-18

    Re: Dej Laj Siab

    Post by Tojxeem on Sat May 25, 2013 9:41 pm

    NpaujNpaim.
    Tsias txhob ntshai maj thaum ntawd wb tseem yog me nyuam yaus xwb koj niam tsis lam cem thiab tsis lam yuav cia li ntswj wb pob ntseg li nav.
    Thaum ntawd yog muaj wb 2 leeg ces wb mus txhom tej nyuag me nyuam ntses leev los tuav kuatxob ua su ntshe koj niam haj cav zoo siab rau wb xwb los mas.



    Tubzoonraug

    Posts : 408
    Join date : 2011-02-10

    Re: Dej Laj Siab

    Post by Tubzoonraug on Sun May 26, 2013 4:55 am

    Toj xeem koj daim duab nov zoo kawg thiabnyob rau tom chaws yos hav zoov lawm ma kho siab zim xwb os

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Tue May 28, 2013 8:09 pm

    Vuag! Koj tus ciavdej zoo li no lod? Ntxim tias qab heev thiab no tiag yom?
    Peb li ces tsis ncoqab xyov puas tau haus dej "ciavdej" li no tabsis tau haus cov dej hauv qhov qav lossis qhov zeb xwb os.

    Yog mas, thaum lub sijhawm tseem menyuam yaus ces tej dej no yeej ntxim zoo uasi thiab yog tau uasi lawm hnub yeej tsis ntev li os.

    Ua tsaug koj rau koj lub sijhawm koj mus nrhiav tej qub neej no los tham rau peb mloog mog.

    Mam sibntsib dua.

    Tojxeem wrote:NpaujNpaim.
    Tsias txhob ntshai maj thaum ntawd wb tseem yog me nyuam yaus xwb koj niam tsis lam cem thiab tsis lam yuav cia li ntswj wb pob ntseg li nav.
    Thaum ntawd yog muaj wb 2 leeg ces wb mus txhom tej nyuag me nyuam ntses leev los tuav kuatxob ua su ntshe koj niam haj cav zoo siab rau wb xwb los mas.



    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Thu May 30, 2013 12:52 am

    Npauj Npaim......

    Kuv ib txwm ua neej nyob toj siab nrog tej ciav dej uas ntws los pem tej me hav zoov txias zias li no xwb. Txawm yog tias muab saib zoo li yuav tsis ntxim huv pes tsawg tab sis thaum koj pom thiab ce tau nws ntshiab si haus tau txias zias laj ntxiag thawm nruab siab.

    Ummm...........Thaum tab tom xav li no ua rau kuv xav txog ib zaug kuv nrog ob tug hluas nkauj mus sau yeeb ntawm nkawv ib daig teb lub qhov dej txhawj kiag ntawm nkawd qab teb. Nkawd mus ce los rau kuv haus thiab txiav kab tsib los tev rau kuv noj mas qab laj siab kawg taig......

    Ab........... Cas ib sij huam xwb tej kev hluas no cia li ploj ntais yam nkaus tus dej uas poob qhov tsis pom tawm qhov twg los li lawm na....???




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Thu May 30, 2013 7:38 pm

    Wow! Tojxeem thiab Ntsujplig, nej xub xeevxwm tim ntuj qub qab ces nej muaj kev lomzem thiab paub txog tej dej lajsiab no hos peb ces tuaj hlob tebchaws no xwb ces tsis tau nrog leejtwg mus taug dej lossis tsis paub txog dej ciav lajsiab li os, hehehehee,

    Hmmm..., niag kheev kheev tham li kuv no, yog tseem hlob tim ub thiab ntshe yuav muaj coob tus phoojywg thiab od, hehehehe j/k. Smile

    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Sun Jun 02, 2013 8:46 pm

    Npauj Npaim....

    Zoo ib yam li zaj dab neeg Nkauj Ntses thiab Nraug Noog tiag. Txawm tias koj yuav loj hlob rau lub teb chaws vam meej koj mus qhov twg yuav caij tsheb xwb los kuv loj hlob nyob pem toj siab tawm rooj plaws mus haus tej me dej ntshiab laj siab txias zias nws kuj lom zem kawg thiab tiag.

    Muaj ib lub caij Ntsuj Plig thiab Maiv nkawd nyob 2 leeg tsaus ntuj nti hauv ib lub me nyuam tsev pheeb suab vov nplooj tsawb muaj ib tug me nyuam dej ntws nto los ntawm ib sab tsev tuam tus ciav dej los rau ntawm qab tsev. Txawm yog tias hmo ntawd Ntsuj Plig thiab Maiv nkawd yuav pw tsaus ntuj nti hauv lub tsev nplooj tsawb nyob puag pem plawv zoov xwb los nyob hauv nkawd 2 lub siab tseem tshav ntuj nrig npaum nkaus li nyob rau ntuj ceeb tsheej. Nkawd tsis xav kom kaj ntug mus ib sim neej li tiag......




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Tue Jun 04, 2013 2:03 am

    Nyobzoo Ntsujplig,

    Ab... yom, yog tias lub neej tiag tiag lam zoosiab thiab kajsiab npaum li kev npausuav thiab kev nkaujnraug thaum menyuam yaus xwb ntshe yuav tsis xav kom txawj laus thiab txawj tuag li tiag yom.

    Tabsis vim lub neej tiag tiag tsis zoo cuag lub neej npausuav ces thiaj pheej seev txog kev hlub tag zog ces thiaj muaj muaj kev tuag vim muaj kev nyuajsiab ntau dhau lawm os.

    Txawm li cas los nco ntsoov coj lub siab ncaj rau tus yus tau tuav ntawm yus txhais tes lawm xwb mas nawd. Smile

    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Thu Jun 13, 2013 4:55 am

    Npauj Npaim wrote:Nyobzoo Ntsujplig,

    Ab... yom, yog tias lub neej tiag tiag lam zoosiab thiab kajsiab npaum li kev npausuav thiab kev nkaujnraug thaum menyuam yaus xwb ntshe yuav tsis xav kom txawj laus thiab txawj tuag li tiag yom.

    Tabsis vim lub neej tiag tiag tsis zoo cuag lub neej npausuav ces thiaj pheej seev txog kev hlub tag zog ces thiaj muaj muaj kev tuag vim muaj kev nyuajsiab ntau dhau lawm os.

    Txawm li cas los nco ntsoov coj lub siab ncaj rau tus yus tau tuav ntawm yus txhais tes lawm xwb mas nawd. Smile
    Yog lawm, tab sis tus yuav kom coj lub siab ncaj yuav yog leej twg ma??
    Yuav yog Npauj Npaim los Ntsuj Plig na??

    Txawm li cas los, muab xam tias txoj kev ua si nws tsuas yog kev tso daj tso luag
    tab sis lub neej txoj sia tus yus niaj hnub puag thiaj yuav yog yus lub neej sib hlub
    ib txhis txog hnub laus tuag no mog....




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Fri Jun 14, 2013 7:41 pm

    Ntsuj Plig,

    Yuavtsum yog ob leeg coj siab ncaj ib yam koom siab tswj thiaj muaj kev sib nkag siab thiab sib ntseeg siab es lub neej thiaj nto ntsis os  mog.

    Nyias yuavtsum txawj khuvxim nyias lub meejmom thiab lub neej, thiaj pom tus ntawm yus lub xubntiag yog tus zoo os  mog.

    Ua tsaug rau koj nqe lus zoo nawd.

    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Thu Jun 20, 2013 5:00 am

    Yog mas......., kuv los yeej xav ib yam li koj hais thiab. Txawm li cas los xij mas txoj kev ua neej
    tsuas muaj ib txoj sia thiab hlub ib zaug xwb tsis muaj ob nawb mog...




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Thu Jul 04, 2013 6:38 am

    DEJ LAJ SIAB


    Dej laj siab nyob Roob Cuam Kau
    yav thaum yau kuv thiab nws wb
    ua xib hwb qhia sab sij huam
    kuv leej muam tus uas zoo nkauj
    kuv mus xauj nws sawv ntxuav muag
    zoo nkauj cuag niam nkauj zuag paj
    kuv thiaj npaj muab ciav dej txo
    dej tu nrho tsis tau ua tshai
    Hmoob tej ntxhais maub tuaj kho dej
    cas thaum ntej kuv ho ntshai tsawv
    kuv txawm sawv nyob tus ntsiag to
    nws tuaj kho ciav dej rov rau
    nws tsa hau pom kuv ib muag
    nws txawm luag tias yog koj xwb
    neeg khib dwb  leej nus siab zoo
    kuv los loo tuav nkau nws npab
    dej puas qab nws de taus nplooj
    los sib tshooj ce dej kuv haus
    wb nyob txaus nws mam rov qab
    zos toj ntxhab mas dej qab laj siab...kawg tiag!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Wed Aug 07, 2013 9:03 pm

    Lub sijhawm no ces cov dej laj siab ces yog cov no lawm xwb os lawv aw:


    Ntsuj_Plig
    Moderator

    Posts : 604
    Join date : 2011-02-15

    Re: Dej Laj Siab

    Post by Ntsuj_Plig on Thu Aug 08, 2013 3:25 am

    Txawm yuav yog dib liab xwb los tsuav tseem nco ntsoov tias txoj kev hlub nyob hauv nruab siab mas mog.




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Wed Aug 14, 2013 2:24 am

    Oh, txojkev hlub mas yeej nyob nraim hauv nruabsiab tsis ploj li os...,

    Tubzoonraug

    Posts : 408
    Join date : 2011-02-10

    Re: Dej Laj Siab

    Post by Tubzoonraug on Wed Aug 14, 2013 4:12 am

    Ntxim laj siab kawg li os. Kuv tsi tau hau ntau kuv tsi paub lam siab li ca thiab os.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Tue Sep 24, 2013 6:53 pm

    Yog tsis muaj kev hlub ces dej lajsiab los tsis xav haus
    Vim tej khoom noj khoom haus ntawd yuav kho tsis tau
    Yog tsis muaj kev  hlub ces dej lajsiab yeej haus tsis poob plab
    Yog lub siab mob lawm ces tej dej lajsiab haus yeej tsis pab
    Ua neej nyob yuavtsum muaj kev sibhlub thiaj li zoo
    Ua neej sib hlub thiaj xav tawm tuaj sib nug moo
    Ua neej nyob yuavtsum muaj kev sibhlub thiaj nyob luag ntxhi
    Yog tsis muaj kev sibhlub ces tej dej lajsiab yeej tsis xav haus li

    Tubzoonraug

    Posts : 408
    Join date : 2011-02-10

    Re: Dej Laj Siab

    Post by Tubzoonraug on Thu Sep 26, 2013 5:18 am

    Hi, Npauj NPaim

    Dej laj siab nov ma kuv twb hau lawm nws kuj tsi qab luaj twg. Yog tsi xi txhob hau nws tseem ua rau yus mob thiab ntuav tawm thiab.

    Txoj kev hlub nws mus raws li thiab. Yog tej tus neeg yus tsi nyiam tiag txhob mus dag lawv ib ntsi lawv ua tiagg tuaj ces u ho ua tus niag neeg tuag e lawm ces nws yog li qhov dej laj siab ntag.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Dej Laj Siab

    Post by Npauj Npaim on Thu Sep 26, 2013 6:56 pm

    Nyobzoo Tubzoonraug,

    Koj kuj nkagsiab li kuv txoj kev xav lawm thiab yom.  Lub ntsiab lus ntawm, "Dej Laj Siab" ces yog txhais li ko xwb tiag.  Yog muaj kev sibhlub ntawm ib nkawm niamtxiv ces muaj kev kajsiab muaj dej laj siab xwb, yog tsis muaj kev sibhlub ces tsis muaj dej lajsiab li os.  Txawm licas los xij vim nws thiab yus yog ntuj tso los ua txijnkawm lawm ces yuav tau sib yoog thiaj muaj dej lajsiab xwb tiag.

    Zoo siab tau ntsib koj hnub no nawd mog.

    Sponsored content

    Re: Dej Laj Siab

    Post by Sponsored content Today at 3:25 pm


      Current date/time is Thu Dec 08, 2016 3:25 pm