Tus Phoojywg Nyob Kev Deb

Cov lus no xa rau koj...,

Tus phoojywg nyob kev deb
Kuv pom koj nquag tuaj saib peb
Tabsis koj tsuas tuaj nyob ib sab saib
Puas yog koj ntshai ntshai tsam peb ho yog laib

Kuv twb pom koj niaj hnub tuaj ncig
Tabsis koj yeej tsis muaj cuab kav txav ti
Koj tsis tawm kiag los nrog peb tham thiab hais lus
Koj tsuas lam tuaj nyob ib sab saib zoo li koj qus qus xwb nas

Tuaj txog lawm ces nkag kiag los nrog peb tham
Nyaj peb yeej tsis yuav phem npaum li koj lub siab xav
Hos yog koj tsis tau kam tawm los nrog peb tham los tsis ua cas
Peb yeej zoo siab rau qhov koj niaj hnub tuaj saib peb lub ntuj nas.

Ua koj tsaug ntau os tus phoojywg
Txawm koj tsis pub kuv paub koj yog leejtwg
Los kuv yeej zoo siab qhov koj tuaj ncig saib kuv thiab
Tsuav pom koj nyob ib sab saib ces kuv lub siab nws twb kiab lawm mog.

Tus phoojywg, koj tuaj txog ib zaug tsis muaj abtsi rau koj
Muab txhoj nkauj no dedicate rau koj mloog mog.
Nws yog ib txoj nkauj uas kuv nyiam tshaj plaws li
Hnub no kuv thiaj los muab tso rau koj nrog kuv mloog
Kom kuv lub siab nqeg mog.

Tus phoojywg,

Koj mas nquas tuaj nyob ib sab toj nyiag saib peb kawg li, tabsis kuj tsis kam txav los ze nrog peb hais lus ntxhi,

Txawm licas los tsuav ib hnub kuv pom koj tuaj tshwm tim ntug zos ib zaug ces kuv lub siab twb kaj lawm hov ntau,

Koj yuavtsum nco ntsoov tuaj saib kuv txhua hnub li no, yog hnubtwg tsis pom koj tuaj lawm ntshe kuv yuav muab koj nco,

Koj yuavtsum nco ntsoov tuaj xauj kuv ib hnub ib zaug, yog tias hnubtwg koj tsis tuaj lawm ntshe kuv yuav saub lau,

Li no xwb los yeej tau lawm os, me phoojywg, tsis paub npe, ua tsaug koj niaj hnub tuaj xauj kuv tej kwj tse.