Khuvxim Lub Neej Hluas

Lawv aw..., nej puas khuvxim lub neej hluas thiab nas lod?

Yog nej khuvxim no, khuvxim mus rau seem twg?

Kuv li mas kuv khuvxim qhov tsis muab sijhawm los kawm kev txawjntse thaum tseem hluas es nimno yus laus lawm kawm tsis tau ces raug lwmtus tsuj thiab hais lus saib tsis taus yus, ua yus lub siab mob hlais rhe lawm ob peb lub week ua tsis taus pa li mas rovqab chim rau yus tus kheej kawg li os.

Yog nej leejtwg hnov kuv cov lus lawm no, txhob nyob nyob lawm, lub sijhawm nej khoom cia li mus nrhiav kev txawjntse kawm nawd mog.

Sister Npaujnpaim,  koj hai khuv xim lub neej thaum hlua? Kuv hai rau koj tus ua muam hai tias, kuv tus kheej tsi nco txog khuv xim lub neej thaum hlua xyov zoo li ca. Vim kuv ib txwm tsi paub thiab tsi nco txog thaum kuv hlua zoo li ca. Ntawm kuv tus kheej ces kuv tsi paub nco tsi paub khuv xim, vim kuv ua neej lo tau 34 xyoo nov lawm, kuv twb ua tsi tau ib yam dab tsi zoo rau lub ntiaj teb  thiab kuv tseem tsi tau paub dab tsi li thiab tiag.

Hai txog lub neej ces zoo li yuam qhuav ua lub neej xwb tseem tsi paub hai tias, ntev npaum li ca lawm. txoj kev sib hlub ma yeej muaj, tej kev sib cav sib ceg kuj muaj qee zaum tab si kuj tsi loj. Ua lub neej sib hlub sib ntseeg siab, vim kuv lo kuj tsi zoo nraug, tus wife lo yeej tsi zoo nkauj 2 leeg yeej sib phim, thaum hlua ma kuj zoo nkauj zoo nkaug kawg tab si lau lawm ces yeej tsi pauv li thaum hlua lawm thiab ma.

Ua neej yog you tsi muaj kev sib hlub sib pab ces lub neej tsi nce qeb, me tub menyuam lo yuav tsi mloog lus. ntawm kuv lub neej ces tsi zoo lo kuj nrog luag nyob li lub ntiaj teb nov lawm.  Me tub menyuam lo nrog lub teb lub chaws nkawm ntaub kawm ntawv zoo puav leej tsi nrog luag ntshaw.

Los lus kawg hauv qab nov ces kuv tsi muaj qhov khuv xim lub neej thaum hlua. Kuv lo yeej tsi tau ua hlua nraug, loj kiag ces ua lub neej lo txog hnub nov lo yeej tsi tau mus ua nkauj nraug nyob qhov twg. Ces yeej tsi paub khuv xim li os.

Nyobzoo tijlaug, Tubzoonraug,

Koj cov lus hais yog kawg li lawm os. Kuv yeej pom tau li qhov koj hais thiab mas.  Qhov kuv hais khuvxim lub neej hluas yog thaum yus tseem hluas yus tsis tau txawj xav ces tsis muab sijhawm los saib muaj nujqes es tsis kub siab nrhiav kev txawjntse ces nimno laus lawm kawm tsis tau li thaum hluas vim lub hlwb tsis khiav zoo ces kawm tsis tau xwb os.

Ua tsaug koj tseem tuaj nrog kuv sibpauv tswvyim thiab os nawd.

Vam tias tseem yuav tau ntsib koj ntxiv thiab no os.