HMOOB NTUJ TSHIAB

Would you like to react to this message? Create an account in a few clicks or log in to continue.
HMOOB NTUJ TSHIAB

TXOJ KEV HLUB FORUM

March 2024

SunMonTueWedThuFriSat
     12
3456789
10111213141516
17181920212223
24252627282930
31      

Calendar Calendar

Top posters

Npauj Npaim (1363)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Ntsuj_Plig (560)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Lubpajzoo (449)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Tubzoonraug (409)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Dok_Champa (367)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
maivntximhlub (351)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
NkaujNyiag (101)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Tojxeem (93)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
PajHmabPajNtoos (90)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 
Nkauj_Hli (88)
Hmoob Lub Neej Tojsiab Bar_leftHmoob Lub Neej Tojsiab BarHmoob Lub Neej Tojsiab Bar_right 

Latest topics

» LEEJ NIAM HNUB 2020
Hmoob Lub Neej Tojsiab EmptyMon Feb 01, 2021 9:48 am by maivntximhlub

» Nyiaj Txiag Pauv Tsis Tau Kev Hlub
Hmoob Lub Neej Tojsiab EmptySat May 09, 2020 8:15 pm by Ntsuj_Plig

» Caw Npauj Npaim rov tuaj qhia qee yam
Hmoob Lub Neej Tojsiab EmptyMon Apr 20, 2020 8:43 am by Tubzoonraug

» Nej leej twg Paub LorMong Lo
Hmoob Lub Neej Tojsiab EmptyMon Apr 20, 2020 8:24 am by Tubzoonraug

» Nyob zoo phooj ywg
Hmoob Lub Neej Tojsiab EmptyTue Jun 04, 2019 6:01 am by maivntximhlub

» GVP thiab Hmoob txoj kev ua rog nyob nplog teb
Hmoob Lub Neej Tojsiab EmptySun Mar 10, 2019 9:53 pm by Ntsuj_Plig

» Xa Xov Rau Qub Phooj Ywg
Hmoob Lub Neej Tojsiab EmptyThu Dec 28, 2017 12:11 am by Ntsuj_Plig

» Nco Hauv Lub Tsev Pheeb Suab
Hmoob Lub Neej Tojsiab EmptyThu Oct 26, 2017 9:38 pm by Ntsuj_Plig

» Nkauj Ntxoo Mus Tsheej Dab
Hmoob Lub Neej Tojsiab EmptyWed Jul 19, 2017 10:34 pm by Ntsuj_Plig

Who is online?

In total there are 3 users online :: 0 Registered, 0 Hidden and 3 Guests

None


Most users ever online was 203 on Sun Jul 04, 2021 2:20 pm

Statistics

Our users have posted a total of 4024 messages in 216 subjects

We have 36 registered users

The newest registered user is cwj mem hmoob

Keywords

Gallery


Hmoob Lub Neej Tojsiab Empty

Log in

I forgot my password


    Hmoob Lub Neej Tojsiab

    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Hmoob Lub Neej Tojsiab

    Post by Ntsuj_Plig Tue Aug 12, 2014 7:58 pm

    Lub neej toj siab ib txwm yog kuv lub neej uas khuam siab thiab nco ntsoov tsis ploj mus ib txhis. Kuv tseem nco tau hnub uas kuv thiab kuv tus phooj ywg tuaj nrog koj thiab koj tus phooj ywg dob nplej. Hnub ntawd muab xam tau tias yog wb txoj kev sib hlub uas tsis ploj hauv nruab siab mus tag tiam no. Vim kuv txoj kev tso dag thiaj tau ua rau koj chim, kuv tseem nco thaum koj chim kuv los ntxias koj lub kawm ev. Kuv saib mas koj zoo tau ntxim hlub tshaj txhua zaus, cas hnub no koj ho dua twg lawm os? Kheev lam muab lub sij hawm tig tau rov qab cia muab hnub no rov mus ua hnub ntawd ib zaug ntxiv, kuv mam puag koj rau hauv xub ntiag kom ntev ntev os mog...
    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 7:59 pm

    Zaj dab neeg no mas ntshe kuv yuav nco mus ib sim li lau, xav txog thaum twg uas muaj nws thiab yus 2 leeg zaum ntawm tus qab ntoo faj khaum me noog quaj ntshoo nrooj saum ntsis ntoo tuaj hos nws pw hauv yus xub ntiag ua kua muag teev yees thiab hais rau kuv tias " Yog hnub twg tsis muaj kuv lawm no koj yuav tsum kwv ib ntshuas ntawv tuaj rau kuv xwb ces kuv zoo siab qi lub qhov muag lawm."

    Thaum twg xav txog nws tej lus nco haj yam ua rau kuv nco nws heev li, thaum kuv rov mus ncig pom tso ntoo faj khaum qub tseem ntsuab xiab cas ho tsis muaj nws nyob qhov twg lawm ua rau kuv lub ncauj tsis hais los lub siab quaj dhi xwb tiag....

    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:02 pm

    Thaum kuv mus txog ntawm wb thaj qub chaw tus faj khaum los tseem nyob tab sis cas ho tsis muaj nws lawm. Kuv ntsia mus rau nram tsob qhaus uas thaum ub wb mus de paj qhaus los ua si thiaj pom tus qav no zaum ib pob saum daim nplooj qhaus  xwb. Kuv thiaj seev tias " Ab.....kuv tus me poj ntxoog nws txawm yog koj tiag los?" Cas hnub no wb rov sib ntsib ho tsis zoo li 30 xyoo uas dhau mus lawm.

    Thaum pom li no haj yam ua rau kuv lub siab mob cuag kua txob ntsim xwb tiag...
    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:07 pm

    Qhov kuv tseem nco tau nyob hauv nruab siab tsis ploj
    yog qhov kuv tuav koj tes wb taug txoj kev nce roob
    ntawm ib lub zoov nuj txeeg me kab me noog quaj
    ntshoo nrooj.....


    Hmoob Lub Neej Tojsiab 51VaBveO4GL
    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:08 pm

    Lub sij hawm kuv rov mus txog wb thaj qub chaw ntawm lub roob tsuas uas wb 
    ib txwm nyob cas ntsia mus rau qhov twg los tsis muaj koj lawm....


    Hmoob Lub Neej Tojsiab Laos-luang-prabang-nong-khiaw-view
    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:14 pm




     Kuv ib txwm loj hlob nyob rau toj siab
    thaum pom tej duab li no ua rau kuv nco thiab kho siab kawg tiag.

    Tseem xav txog ib zaug nyob rau Roob Cuam Kau lub zoov nuj txeeg
    kaj ntug txoog tsuas hnov suab cuam kau ntshoo nrooj, tawm rooj plaws
    tsuas hnov me puj daum dab laug qhuav kho siab zim.

    Ib pliag ntshis xwb cas tej zoov nuj txeeg no ho cia li dhau mus ua hav
    quav poj tag tej me nas noog thiab liab cuam los tu noob tas yuav ua cas
    thiaj yuav rub tau lub sij hawm rov qab los ib zaug os??






    _________________
    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:15 pm

    Ab...........Cas thaum hnov zaj nkauj "me Leej Muam Hmoob Toj Siab" yuav ua rau kuv nco
    txog lub neej nyob toj siab ua luaj.

    Tsaus ntuj zus npaj teeb zoj zeeg thiab yuav mus saib me nkauj Hmoob toj siab xwb, thaum mus
    txog lub caij nws noj hmo tas nws tawm tuaj ntxuav taw nraum zoov cas tuav nkaus tau qhov twg
    los me nqaij mos nyoos dawb paug xwb ntxim hlub ua luaj li tiag...



    Ntsuj_Plig
    Ntsuj_Plig
    Moderator


    Posts : 560
    Join date : 2011-02-15

    Hmoob Lub Neej Tojsiab Empty Re: Hmoob Lub Neej Tojsiab

    Post by Ntsuj_Plig Tue Aug 12, 2014 8:25 pm

    KHAWS TSEG UA IB ZAJ DAB NEEG

     - Muaj ib hnub lub caij hlais nplej tag tej me quav nplej daj rhuvYim Laj thiab Nkauj Ntxoo nkawd tseem sib tuav tes rawv taug ib lub laj roob siab cua tuaj txias zias hnov puj daum chaw qis quaj ploj loog saum ntsis ntoo tuaj. Kuj tseem muaj suab cuam kau ua hav ntas ntua tim ib sab roob tuaj yam kho siab zim.

    - Ua ke ntawd nkawd ob leeg txawm cia li mus zaum ntawm ib tso qaum ntoo Nkauj Ntxoo txawm pw kiag rau hauv Yim Laj xub ntiag thiab hais rau Yim Laj tias " Yog hmoob tuaj hais kuv niam lawv muab kuv rau Hmoob lawm no koj puas chim thiab na? Yim Laj". Yim laj teb tias kuv yuav ua cas chim tau no vim twb yog koj lub neej koj yog tus txiav txim siab xwb ne. Ua rau Nkauj Ntxoo ua kua muag teev yees thiab hais ntxiv tias "Yim Laj...., Koj yeej tsis hlub tsis nco kuv li los?" Nkauj Ntxoo tseem hais ntxiv tias "Koj puas paub tias kuv hlub koj ib leeg xwb kuv yeej yuav tsis mus yuav niag hmoob ntawd li os."



    - Yim Laj teb tias Nkauj Ntxoo kuv yeej hlub thiab nco koj kawg mas tab sis kuv yeej tsis muaj peev xwm yuav cheem tau koj nrog kuv nyob vim tias lawv twb tuaj nqis tsev hais koj lawm. Thaum ntawd Yim Laj thiab Nkauj Ntxoo nkawd txawm cia li sawv thiab rov qab taug lub laj roob uas yog hav zoov nuj txeeg me suab kab noog quaj kho siab zim mus ntxiv.

    - Lub sij hawm Nkawd mus txog rau Roob Cuam Kau tab tom yog lub caij uas hnub ntseg heev. Nkawd thiaj tau mus yees duab ua si nram ib thaj teb npleg uas nplej tab tom dauv tw qaib thiab tej me qos ntoo tab tom txij neeg. Lub caij tshav kub nkawd kuj mus zaum ua si nkauj tshav ntuj hauv tej hav qos ntoo.

    - Ib pliag ntshi tsis nco saib muaj 2 tug tub hluas kwv phom nrog ncig txawm cia tuaj tshwm plaws. "Ntawd yog tus hmoob uas tuaj hais Nkauj Ntxoo", tab sis Yim Laj thiab Nkauj Ntxoo nkawd los kuj rau siab ntso yees duab tsis quav ntsej txog leej twg. Thaum kawg ob tug tub hluas ntawd nyob tsis taus kuj cia li rov qab lawm yam txaj muag ntsuav.


    - Tom qab Nkauj Ntxoo thiab Yim Laj yees duab tag nkawd tau rov qab los mus rau tom Nkauj Ntxoo lawv lub zos. Lub sij hawm los mus hauv tej hav zoov nuj txeeg cua tuaj laj ntxiag me kab noog quaj kho siab zim, tab sis nyob hauv Yim Laj lub siab tsis kaj vim xav tias tshuav tsis pes tsawg hnub xwb Nkauj Ntxoo twb yuav mus ua luag nyab ntshe Yim Laj yuav zoo tam li te mi noog poob zoo nyob tsis muaj khub.

    - Nkauj Ntxoo los kuj xav ntsoov tias nws yuav tsis mus yuav niag hmoob ntawd li, Nkauj Ntxoo tau hais rau Yim Laj tias yog kuv niam lawv cia li muab kuv yuam rau niag hmoob ntawd kuv hais tsis yeej ces kawg kuv xum tuag. Yog koj hnov kuv tuag lawm no koj kwv ib ntshuas ntawv tuaj saib kuv ua zaum kawg xwb ces kuv zoo siab qi muag mus lawm mog.


    - Thaum Yim Laj xa Nkauj Ntxoo mus txog tsev lawm ces Yim Laj kuj ua ib siab rov los mus tsev lawm thiab. Nkauj Ntxoo hais rau Yim Laj tias koj mus ua lub siab loj kuv yeej yuav nyob tos koj ib leeg xwb, yuav tsis muaj leej twg yuam tau kuv os. Yim Laj rov los tsev tau 5 hnub tom qab muaj neeg dhau tuaj mus thiaj mam hnov xov tias lawv mus hais tsis tau Nkauj Ntxoo, tab sis lawv chim kawg rau Yim Laj. 

    - Thaum hnov tias Nkauj Ntxoo tsis tau yuav txiv tiag, ua rau Yim Laj lub siab zoo hlo thiab npaj dua rov mus ntsib Nkauj Ntxoo. Lub hnub poob qis zuj zus Yim Laj thiab nws cov phooj ywg mus ze zuj zus rau Nkauj Ntxoo lawv lub zos. Thaum tsaus ntuj zuag tav caij noj hmo Yim Laj lawv tau mus txog ntawm Nkauj Ntxoo qhov rooj cas tsis hnov ua suab sab li Yim Laj siab poob nthav tias "Ab....Tsam lawv dag xwb Nkauj Ntxoo mus yuav txiv lawm ma".

    Ua ke ntawd hnov ib lub suab luag pem tus ciav dej tuaj. Yim Laj kab loo teeb rau cas yog Nkauj Ntxoo thiab Nkauj Ntxoo hu tias leej twg ne? Yim Laj teb tias Nkauj Ntxoo twb yog peb xwb mas. Nkauj Ntxoo teb tias "Yim Laj koj tuaj los? Los pem no os." Yim Laj txav zog mus txog tuav nkaus Nkauj Ntxoo sab tes kab kiag teeb pom nws lub ntsej muag luag ntxhi zoo tam li lub hli ziab tag Yim Laj nplooj siab pom kev nrig mus ib ncua muag.


    - Txij ntawd los haj yam ua rau Yim Laj thiab Nkauj Ntxoo nkawd txoj kev sib hlub suav hnub suav loj hlob yam tsis tu ncua. Nkauj Ntxoo thiab Yim Laj tau teem caij yuav sib yuav rau lub tsiab peb caug uas los yuav txog tom ntej tsis ntev. 

    - Nkauj Ntxoo hais rau Yim Laj tias "Kuv txaus siab yuav nrog koj mus ua wb lub neej tab sis kuv hnov tias koj yog ib tug tub hluas txawj kwv txhiaj heev thov cia kuv nrog koj noj ib cim peb caug ua ke thiab pov pob 3 hnub xwb ces kuv txaus siab nrog koj mus lawm." Yim Laj los kuj pom zoo li Nkauj Ntxoo hais nkawd thiaj tau muab khoom los qhaib tseg tos lub caij nyoog los txog.

    - Ob lub hlis tom qab ua rau Yim Laj thiab Nkauj Ntxoo nkawd txoj kev xav tau hloov mus deb npaum li lub ntuj thiab daim av ua rau Yim Laj nco Nkauj Ntxoo zoo tam ntua saum ntuj tsis muaj hnub thiab ntiaj teb tsis tau txais tus duab tshav ntuj kub, hos Nkauj Ntxoo los nco Yim Laj zoo tam li saum ntuj tsis muaj hli ntiaj teb tsis tau txais tus duab tshav ci lawm xwb tiag.


    - Tom qab Yim Laj thiab Nkauj Ntxoo nkawd tau teem caij tag tau 2 lub hlis uas ncaj rau lub 11 hlis ntuj hmoob Yim Laj cov kwv tij los kuj xav kom Yim Laj yuav poj niam. Muaj ib hnub nyob hauv lub 11 hlis xiab Yim Laj thiaj tau coj nws cov kwv tij mus hais Nkauj Ntxoo, hmo ntawd ntsia saum ntuj hnub qub dawb vog mus puv ntuj ntiaj teb qaim hli nrig mus puv toj. Yim Laj thiab Nkauj Ntxoo nkawd tseem tsis tau tsaug zog thiab tham muaj zog zis rau txoj kev yuav sib sau los ua txij ua nkawm. Nkauj Ntxoo tau hais rau Yim Laj tias kuv thov sij hawm ib hnub ntxiv uas kuv yuav tsum tau qhia rau kuv niam paub, Yim Laj los kuj pom zoo thiab muab sij hawm rau Nkauj ntxoo. 

    - Hnub tom qab Nkauj Ntxoo tau mus nrog nws niam sib tham tag Nkauj Ntxoo niam tsis pom zoo Nkauj Ntxoo yuav Yim Laj vim tias Yim Laj yog ib tug tub ntsuag yug los rau ib tsev neeg txom nyem thiaj ua rau Yim Laj thiab Nkauj Ntxoo txoj kev sib hlub sib nco tau dhau mus ua tus npau suav uas tsim tsis nto lawm xwb tiag. 


    Txij ntawd los Yim Laj los kuj ua siab mus yuav poj niam thiab tom qab tsis ntev kuj hnov tias Nkauj Ntxoo los ua siab mus yuav tus neeg uas Nkauj Ntxoo niam xaiv rau nws lawm. Tau 3 xyoos tom qab Nkauj Ntxoo los tseem nco Yim Laj tsis ploj hauv nruab siab, vim txoj kev hlub kev nco uas tsis tau tus neeg Nkauj Ntxoo xaiv tseg nws thiaj tau ua siab tso lub ntiaj teb tseg mus yam tsis muaj hnub yuav tau rov los ntsib Yim Laj lawm. Hos Yim Laj los txawm tias yuav ua lub neej laus tag los tseem nco ntsoov Nkauj Ntxoo lo lus uas nws tau hais tseg tias " NYIAJ TXIAG PAUV TSIS TAU WB TXOJ KEV HLUB... NYIAJ KUB CES YOG LUB NEEJ KUA MUAG XWB".

    Zaj dab neeg no cia muab xaus tseg li no, vam thiab cia siab tias yog koj tau nyeem lawm nws yuav pab ua rau koj hloov qee yam ntawm koj lub neej mus lawm yav tom ntej.

    Ua tsaug ntau.

    Sau Npe,

    Ntsuj Plig (Lub Neej Toj Siab) 






    Sponsored content


    Hmoob Lub Neej Tojsiab Empty Re: Hmoob Lub Neej Tojsiab

    Post by Sponsored content


      Current date/time is Fri Mar 29, 2024 10:48 am