NCO THAUM HLUAS...... HLUB THAUM LAUS
- Muaj ib hnub nyob hauv lub tsiab peb caug xyoo 1980 yog ib hnub zoo rau Pheej Hmoo thiab Paj Huab nkawd lub neej sib ntsib thawj zaug. Hnub ntawd yog hnub xiab 3 thaum yav sawv ntxov ntuj ua huab zig tsawv thiab no ntxiag, Paj Huab thiab Pheej Hmoo tseem tab tom tuaj sib ntsib pov pob yam tsis nco qab nkees. Txij ntawd los ua rau Paj Huab tus duab tsis ploj hauv Pheej Hmoo nruab siab hos Pheej Hmoo lub suab luag tsis ploj hauv Paj Huab lub ntsiab muag. Pheej Hmoo xav tias kheev lam Paj Huab zoo li lub paj ntshe yuav muab de kiag coj los hnia, hos Paj Huab los xav tias kheev lam Pheej Hmoo zoo li lub txiv cia muab de kiag coj los noj. - Tom qab lub tsiab peb caug dhau mus ua rau ib tsoom hmoob tau tawg ua ntau pab ntau pawg khiav mus nrhiav liaj nrhiav teb rau ntau qhov chaw ua rau Pheej Hmoo tsis hnov Paj Huab ib ntsug xov hos Paj Huab los nug tsis tau Pheej Hmoo ib ntsug moo. Lub caij no haj yam ua rau Pheej Hmoo thiab Paj Huab sib nco heev tshaj qub, Pheej Hmoo nco Paj Huab seev yuj yees tsheej tag hnub noj tsis taus ib dia mov, hos Paj Huab los nco Pheej Hmoo seev yuj yees tsheej tag hmo tuaj tsis taus ib tug dab ntub. Pheej Hmoo nco Paj Huab zoo ib yam tus neeg dig muag suav hnub suav tsis pom kev zuj zus hos Paj Huab nco Pheej Hmoo zoo ib yam li tus neeg mob uas dab poj ntxoog yuj tau lawm suav hnub suav qaug zog zuj zus. Lub caij no Paj Huab tau mus nyob rau Roob Cuam Kau lawm hos Pheej Hmoo kuj tau tsiv mus nyob rau Tsua Xyuam Yaj lawm, Roob Cuam Kau mus rau Tsua Xyuam Yaj yog ib ncua kev deb hav zoov nuj txeeg uas yuav tsum tau mus ib hnub ob tog tsaus thiaj txog. - Ib xyoos puag ncig rov qab los txog lub tsiab peb caug xyoo 1981 Pheej Hmoo thiab Paj Huab nkawd thiaj tau rov tuaj sib ntsib. Lub sij hawm nkawd tau rov tuaj sib ntsib zaum no thiaj ua rau nkawd ob leeg zoo siab heev, Pheej Hmoo hais rau Paj Huab tias " PAJ HUAB, QHOV KUV TAU NTSIB KOJ ZAUM NO ZOO IB YAM LI HAUV TSHUAJ UAS CAWM TAU TUS NEEG DIG MUAG ROV QAB LOS POM KEV DUA IB ZAUG NTXIV" hos Paj Huab los kuj hais rau Pheej Hmoo tias " PHEEJ HMOO QHOV KUV TAU NTSIB KOJ ZAUM NO KUJ ZOO IB YAM LI TUS TXIV NEEB UAS TWB CAIS TAU TUS DAB POJ NTXOOG TAWM NTAWM TUS NEEG MOB MUS LAWM UA RAU TUS NEEG MOB NTAWD SUAV HNUB SUAV YUAV MUAJ ZOG ZUJ ZUS." Vim tej kev sib nco thiab ntshai tsam muaj lwm tus rhuav tshem Pheej Hmoo thiab Paj Huab nkawd tej kev sib hlub li yav dhau los Pheej Hmoo thiab Paj Huab nkawd ob leeg thiaj tau cog lus tias " TXIJ NO MUS TSOB PAJ UAS WB TAU COG TSEG LAWM YUAV TSIS PUB KOM MUAJ LWM TUS LOS CUAM TSHUAM TAU, YUAV YWG DEJ KOM NWS LOJ HLOB THIAB THAUM KAWG KOM NWS TAWG PAJ TXI TXIV RAU WB TAU NOJ MUS TAS IB SIM NEEJ." - Tom qab tsis ntev uas yog ncaj rau lub 11 hlis ntuj hmoob xyoo 1981 Pheej Hmoo thiab Paj Huab nkawd tsob paj thiaj tau tawg paj txi txiv raws li nkawd tus npau suav uas tau xav tseg lawm. Txij ntawd los Pheej Hmoo thiab Paj Huab nkawd thiaj li ua lub neej nyob kaj siab lug los txog niaj hnub no. - Zaj kwv huam no thiaj muaj npe tias " NCO THAUM HLUAS.... HLUB THAUM LAUS" tab sis txhob cia "HLUB THAUM HLUAS..... TSO THAUM LAUS." - Li ntawd, thiaj tau muab sau rau peb ib tsoom phooj ywg thiab tsoom tub ntxhais hluas tau nyeem thiab xyaum coj mus ua lub neej kom nyob kaj siab lug. Nco qab ntsoov tias yog khub niam txiv twg txawj sib hlub li kuv tau hais los saum no lawm txawm yog nws lub neej twb laus tag lawm los tseem zoo li nyuam qhuav tau 2 - 3 lub hlis xwb, hos yog leej twg tsuas pom niaj hnub sib cav sib ceg xwb txawm tias nyuam qhuav sib yuav los tau 2 - 3 lub hlis xwb los twb zoo li tau 30 xyoo lawm tiag tsoom phooj ywg. Vam thiab cia siab tias zaj kwv huam no muaj nuj nqis rau koj tus nyeem tsis ntau los me, ua tsaug. Last edited by Ntsuj_Plig on Sun Feb 21, 2016 6:53 am; edited 2 times in total
Re: NCOThaum Hluas HLUB Thaum LausMe Ntsujplig, Koj mas cas yuav txawj faib kev hlub ua luaj es nim yuav faib thaum hluas ua kev nco hos thaum laus ua kev hlub lau..., Npauj Npaim ces tsis txawj faib li os. Thaum hluas thaum laus los yeej nco thiab hlub huvsi li xwb tiag...,
Re: NCOThaum Hluas HLUB Thaum LausNpauj Npaim..... Zoo siab rov ntsib koj hnub no os, kuv niaj hnub tuaj los tsis pom koj twb ua ib siab lawm tab sis hnub no rov tuaj no ho pom koj me hneev taw tshiab khiv zoo siab kawg tiag. Npauj Npaim, yog mas vim thaum hluas yus twb nco nco nws ntshai tsam tsis tau thaum tau lawm txawm yuav luas tsis zoo li tus qub lawm los yuav hlub nws mus kom tag ib sim os mog.
|
Mon Feb 01, 2021 9:48 am by maivntximhlub
» Nyiaj Txiag Pauv Tsis Tau Kev Hlub
Sat May 09, 2020 8:15 pm by Ntsuj_Plig
» Caw Npauj Npaim rov tuaj qhia qee yam
Mon Apr 20, 2020 8:43 am by Tubzoonraug
» Nej leej twg Paub LorMong Lo
Mon Apr 20, 2020 8:24 am by Tubzoonraug
» Nyob zoo phooj ywg
Tue Jun 04, 2019 6:01 am by maivntximhlub
» GVP thiab Hmoob txoj kev ua rog nyob nplog teb
Sun Mar 10, 2019 9:53 pm by Ntsuj_Plig
» Xa Xov Rau Qub Phooj Ywg
Thu Dec 28, 2017 12:11 am by Ntsuj_Plig
» Nco Hauv Lub Tsev Pheeb Suab
Thu Oct 26, 2017 9:38 pm by Ntsuj_Plig
» Nkauj Ntxoo Mus Tsheej Dab
Wed Jul 19, 2017 10:34 pm by Ntsuj_Plig