HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

tshiab  txog  huam  Hmoob  ntuj  niam  

Gallery


Log in

I forgot my password


    Txoj kev hlub khuam siab tshaj npev 3 ceg

    Share

    Poll

    Koj puas ntseeg tias kev hlub khuam siab tshaj npev 3 ceg??

    [ 1 ]
    100% [100%] 
    [ 0 ]
    0% [0%] 
    [ 0 ]
    0% [0%] 

    Total Votes: 1

    Ntsuj_Plig
    Moderator

    Posts : 604
    Join date : 2011-02-15

    Txoj kev hlub khuam siab tshaj npev 3 ceg

    Post by Ntsuj_Plig on Thu Apr 09, 2015 12:00 am



    CIA KUV MAM KHAWS KOJ TEJ LUS ZOO CIA UA IB ZAJ DAB NEEG
     

    "Thov muab zaj dab neeg no zwm cia rau hauv lub zos no ua ib qho keeb kwm tseg"


    TXOJ KEV HLUB UAS KHUAM SIAB TSHAJ NPEV 3 CEG


    Muaj ib hnub nyob hauv xyoo 2008 lub sij hawm tav su nrig uas ntsia rau saum ntuj pom tej duab hnub ci tuaj rau lub ntiaj teb zoo tam li txoj kab lwg ntuj yuav ua txoj kev rau tej ntsuj plig saum qaum ntuj nqis los rau ntiaj teb. Hos ntsia hauv ntiaj teb pom me paj hmab paj ntoos tawg nra paug hnov cua tuaj txias zias. Ua ke lub sij hawm ntawd Nraug Noog tseem tab tom zaum ntawm ib tsob qab ntoo nyeem ntawv uas yog tab tom nyeem txog ib phau ntawv muaj ntsiab lus tias "LUB NEEJ KUA MUAG" lub sij hawm Nraug Noog tab tom nyeem txog ib nkawm hluas nkauj hluas nraug txoj kev sib hlub uas nkawd tseem npaj siab yuav sib sau los ua ib lub neej kom vam meej ntws lawm yav tom ntej, tab sis thaum kawg tus hluas nkauj raug ib tug thawj tub rog muab zij mus ua niam yau lawm thiaj ua rau plam tag nrho nkawd sim neej.

    Ua ke ntawd, txawm hnov ib lub suab hu tias "Npawg...., tuaj zaum ib leeg dab tsi ntawm koj na?" Nraug Noog ntsia dheev yog ib tug tub hluas tab tom taug kev tuaj ncaj ntawm nws xub ntiag. Nraug Noog thiaj teb tias "Tshav kub heev li lam tuaj nkauj ntxoov ntxoo nyeem ntawv xwb os phooj ywg". Tus tub hluas ntawd teb tias "Oh......., yog li no nrog kuv wb mus ua si tom lawv zos tojsiab ma?" Nraug Noog teb tias "Eb....Koj mus xwb rau qhov kuv twb tsis paub neeg li es". Tus tusb hluas ntawd teb tias " Mus ma, tod muaj hluas nkauj tuaj ua si coob kawg li tej zaum yeej yuav muaj tus koj paub thiab hod.." Nraug Noog xav zoj ib pliag txawm teb tias " Ua li mus los mus cia kuv mam ua koj luag". Lub sij hawm nkawd mus txog rau zos Tojsiab Nraug Noog saib qhov twg los tsis pom muaj neeg li tab sis ua cas tsuas hnov suab poj niam txiv neej tham nsthoo nrooj. Lub sij hawm ntawd Nraug Noog ntsia mus rau tim ib sab pob tsuas cas pom hneev tes sau ntawv kawv ko tab sis ho tsis pom neeg thiab ua rau Nraug Noog txawm pib xav tias " Ab......, yog neej los yog dab tiag ne cas lub zos no yuav txawv ua luaj." Thaum Nraug Noog tab tom xav li no nws mam ras txog tias vuag kuv tus phooj ywg dua twg lawm. Nraug Noog tig hlo los xam ncig lees cas tsis pom nws tus phooj ywg lawm thiab.

    Ua ke ntawd, txawm cia li hnov ib lub sua hu tias "Tus nus koj tuaj los?" Nraug Noog xav ncig lees kuj tsis pom muaj neeg nyob qhov twg. Txawm rov hais ntxiv tias "Leej nus kuv nyob ntawm no na kuv hais koj los mas" Nraug Noog saib ib vuag kuj tsis pom neeg nws thiaj teb tias "puas yog leej twg hu kuv ne?" Lub suab ntawd rov hais ntxiv tias "Yog kuv xwb los mas, kuv hu koj na". Nraug Noog thiaj teb tias "kuv lam tuaj ncig ua si xwb." Thaum ntawd txawm hnov lub suab poj niam ntawd teb tias "Leej nus kuv yuav tau mus lawm, muab koj chaw nyob rau kuv mam xa duab rau koj saib os". Nraug Noog thiaj nug tias "koj hais li koj npe hu li cas". Nws teb tias kuv yog Kab Noog os" Nraug Noog txawm muab chaw nyob tas rau ces nws cia li mus lawm thiab tsuas hnov nws lo lus kawg tias mam sib ntsib hauv npau suav mog.

    Tom qab ntawd, ua rau Nraug Noog tig rov qab mus saib rau tim sab pob tsuas, tsuas pom tej hneev tes sau ntawv ntsais plias thiab tsuas hnov tej suab hluas nkauj hluas nraug sib tham kho siab zim. Muaj tej txhia suab kuj ho sib cav sib ceg ua pob tsuas ntxhe ntws. Nraug Noog txawm saib mus saib los tsis pom neeg ces nws txawm cia li rov qab los tsev lawm.


    Hmo ntawd Nraug Noog lam rov los pw saum nws lub ze xwb los nws lub siab ua nyuj nyes tias " Ab....., Cas twb xav tias txhob mus no. Zaum no mus xyov yog ntsib neej los ntsib dab cas lub suab yuav qab zib ua luaj tab sis cas ho tsis pom lub cev li yog dab tsi tiag ne??" Thaum Nraug Noog pheej muab xav mus xav los li no tos nco cia li ua rau Nraug Noog loov hlias lawm, thaum nws hnov dheev los cas tshav ntuj twb tuaj puv nras. Nraug Noog rov nco dheev txog lub suab uas hais tias "Kuv mam xa duab rau koj saib mog"  Nraug Noog thiaj sawv tsees ncab me tis me tws tsuag tsuag thiab txawm cia li mus qhib nws lub tub xa ntawv. Lub sij hawm mus qhiv plho ua cas hnov ib tug ntxhiab tsw qab zib liaj thiab pom ib daim ntawv tiag, nws thiaj li muab kiag daim ntawv los saib no pom ib daim duab nyob hauv tiag. Daim duab ntawd zoo li ib tug neeg mob uas sawv hauv lub lav mob los tsis tau ntxuav muag, Nraug Noog thiaj mam muab daim ntawv los saib sau tias " Kuv zoo siab uas tau pom koj ib pliag nag hmo tab sis vim sij hawm tag lawm kuv tsis tau nrog koj tham kuv xa daim duab no tuaj rau koj saib xwb os. Sau npe, Kab Noog." Nraug Noog ke nyeem ke rov mus xav txog lub suab qab zib uas dhau los lawm ib hmos tseem tsis tau yaj hauv nws lub pob ntseg mus. Thaum Nraug Noog saib tas lawm nws thiaj sau ib tsab ntawv xa rov mus teb tias " Nyob zoo Kab Noog. Kuv zoo siab tau txais koj tsab ntawv thiab daim duab lawm tab sis kuv tsis to taub tias daim duab no puas yog koj tiag." 

    Dlau los ib hnub tom qab ntxiv, Nraug Noog kuj rov tau txais dua ib tsab ntawv tuaj ntawm Kab Noog tuaj tias " Nraug Noog....., Yog kuv xwb los mas koj tsis ntseeg los, kuv yuav ua cas mus muab leej twg li duab xa rau koj na. Twb yog kuv xuas lub foos thaij es mam coj los xa koj thiaj pom zoo li txawv txawv xwb, cia kuv mam xa dua ib daim no tuaj ntxiv rau koj saib mog." Thaum ntawd Nraug Noog thiaj thau tau daim duab los saib pom ib tug ntxhais lub ntsej muag luag ntxhi thiab dawb paug zoo tau ntxim hlub heev. Txij ntawd los thiaj ua rau Nraug Noog lub siab ua loj ua lug xav rov mus nrhiav nws rau tom zos Tojsiab tas li.




    bird love Pictures, Images and Photos

    "Koj xwb thiaj yog tus kuv hlub"

      Current date/time is Thu Dec 08, 2016 3:19 pm