HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

ntuj  niam  Hmoob  tshiab  huam  txog  

Gallery


Log in

I forgot my password


    NCO KUV LUB QUB ZOG

    Share

    Ntsuj_Plig
    Moderator

    Posts : 604
    Join date : 2011-02-15

    NCO KUV LUB QUB ZOG

    Post by Ntsuj_Plig on Fri Nov 18, 2016 11:01 pm





    NCO KUV LUB QUB ZOG

    Xyoo 1979 tom qab kob rog COBFAB nyob tuam laj roob Phus Npiab (Phou Bia) tau xaus mus. Ib tsoom hmoob tau tsiv tawm ntawm ib cheeb tsam taw roob Phus Npiab sab hnub tuaj los mus nyob rau lub hav Thoj Vias - Thoj Thoos (Thavieng - Tha Thorm). Thoj Vias yog ib lub hav loj uas muaj ntau lub me nyuam zos nplog nyob raws tus ntug dej xeev, thiab nws nyob nruab nrab ntawm txoj kev tsheb yuav mus rau Xeev Xieng Khouang thiab Tha Thorm. 

    Xyoo 1980 Tsoom hmoob tau tsiv tawm ntawm thaj chaw uas kub nthiab ntaiv heev los nyob rau lub hav Thoj Vias no. Hmoob tau los ua teb thiab ua vaj ua tsev pib ntawm tus ntug dej Naj Ces tshuam dej xeev mus txog ntua rau nplog lub zos Ban Kao los yog txhais ua lus hmoob tias (Qub Zog). Lub sij hawm no lub hav Thoj Vias no nws yog hav zoov nuj txeeg thiab hav xyoob tuam tswm thiab xyoob puj tswm sib txuam daws. Sawv ntxov tsees suab cuam kau laws pem tej ncov roob zoo tam li ib suab suab nkauj kho siab zim ua rau tej neeg zej zog qab siab hlo mus ua liaj ua teb. Tsaus ntuj zus kuj yog tej hluas nkauj hluas nraug txoj kev los sib xaiv sib tham thiab nrhiav nyias lub neej. Tawm rooj plaws taug tej me nyuam kev mus hauv tej xub zoo cua tuaj txias zias laj ntxiag thiab me noog puj daum dab laug quaj kho siab zim.

    Ib xyoos puag ncig rov los txog muab tej qoob loo sau rau nruab txhab thiab npaj los noj cim peb caug xyoo 1980 nyob rau ntawm zos Naj Ces uas muaj Hmoob coob tshaj li 5000 tawm tus tuaj sib koom ua ke. Lub caij noj peb caug zaum no ua rau tyej hluas nkauj hluas nraug tau tuaj sib ntsib thiab sib fim zoo tam li pom dua ib lub ntuj tshiab. Coob leej ntau tus tusb ntxhais uas lawv tau tso lawv tej qub phooj qub ywg cia rau sab Phus Npiab lawm kuj tau rov los tsim muaj txoj kev hlub tshiab dua rau Thaoj Vias zaum no. Lub sij hawm tau tuaj pov pob thiab ntsib dua ib co neeg tshiab li no kuj zoo tam li txoj kev hlub uas yuav tau pib dua tshiab tsis txawv li tej kev taug uas mam xeem rov tho dua mus rau hauv tejliaj tej teb. Txij ntawd los thiaj ua rau tej hluas nkauj thiab hluas nraug rov los pom dua ib lub neej tshiab thiab ua siab tsis nco lawv tej qub phooj qub ywg mus ntxiv lawm.

    Ib sij huam twb dhau mus lawm 35 xyoos uas rov ncig mus txog thaj qub chaw ib txwm nyob thiab muaj huab cua txias zias, hnov suab cuam kau ntsoo nrooj, nrog tej suab kab suab noog thiab puj daum dab laug quaj kho siab zim yav thaum ub. Cas nim no nws ho ciaj ua quav poj tag twb tsis hnov lib suab tseev quaj lawm, mus taug tej kev los nroj tsuag lo av daj rhuv lawm xwb. Txoj kev hlub uas ib txwm muaj nyob hauv lub zoov nuj txeeg zaum mloog suab kab noog quaj ho dua twg lawm os??





    bird love Pictures, Images and Photos

    "Koj xwb thiaj yog tus kuv hlub"

      Current date/time is Thu Dec 08, 2016 3:21 pm