HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there are 4 users online :: 0 Registered, 0 Hidden and 4 Guests

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

huam  Hmoob  txog  niam  ntuj  tshiab  

Gallery


Log in

I forgot my password


    Ncaim Cev Tsis Ncaim Siab

    Share

    Npauj Npaim
    Moderator

    Posts : 1385
    Join date : 2011-02-11
    Age : 41

    Ncaim Cev Tsis Ncaim Siab

    Post by Npauj Npaim on Sat Feb 12, 2011 12:58 am

    First topic message reminder :

    Ncaim Cev Tsis Ncaim Siab



    Ncaim Cev Siab Quaj Dhi,


    Lub cev lam ncaim koj mus...,
    Lub siab tseem niaj hnub hlub...,
    Lub cev lam tias ncaim koj mus li...,
    Lub siab mob kub lug zoo li yuav khis...,

    Lub cev lam ua ib siab tso koj tseg...,
    Lub siab mob lub plawv yuav nres...,
    Lub cev lam ua ib siab mus...,
    Lub siab mob cuag tu...,







    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Mar 26, 2011 6:55 am

    Hahahaha, cas yuav hais lus txaus xav ua luaj li tiag, hehehee,

    Ua tsaug rau koj cov lus txhawb siab mog. Kuv twb sau tau hnuCb ob tag lawm tabsis muaj neeg los tshuam kuv kev ua rau kuv ceeb ces kuv nias tau qhov delete ces ploj tag lawm, hahaha,

    Cia seb puas muaj lub siab los sau ntxiv lawm os vim kuv qaug qaug zog lawm ces ntshe yuav muab tso tseg los kuj tsis paub thiab.


    Swmzeej

    Posts : 25
    Join date : 2011-03-17

    Re: Ncaim Cev Tsis Ncaim Siab

    Post by Swmzeej on Sat Mar 26, 2011 12:31 pm


    Nyob zoo Npauj Npaim,

    Ncaim cev tssi ncaim siab, lub siab xav tau ntau dua lub cev ua tau.

    Koj khwv khwv tab sis koj twb ua tau ntau yam heev rau koj lub tsev no mas yeej nyob sov siab so xwb. Zoo kawg li os, khoom no tuaj tham rau peb mloog ntxiv.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Mon Mar 28, 2011 10:41 pm

    Nyobzoo Swmzeej,

    Ua tsaug ntau koj tseem los nyeem kuv zaj dabneeg thiab os. Kuv ces ntu no tsis muaj sijhawm sau dabneeg lawm es cia seb kuv puas nquag sau ntxiv lawm os.

    Zoo siab tau ntsib nws hauv no os mog.

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Tue Apr 05, 2011 4:55 am

    Npauj Npaim......

    Muaj tseeb tiag txawm tias Ntsuj Plig yuav ncaim Npauj Npaim mus lawm los lub siab quaj dhi nrog nws nyob tsis ploj li. Lub caij pw tsuas npau suav pom npauj npaim ib leeg lub caij sawv tsuas hnov npauj npaim lub suab qab zib nrov ploj loog hauv pob ntseg tsis paub kawg. Yuav ua cas thiaj nqa tau lub siab mus ma.....?




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Tue Apr 05, 2011 11:03 pm

    Nyobzoo Ntsuj Plig thiab Swmzeej,

    Ua tsaug ntau neb tuaj pab kuv zov tsev os mog.

    Ntsuj plig, ua tsaug ntau rau koj cov lus txhawb siab tabsis txij no mus ntshe kuv yuav tsis tshua muaj sijhawm tuaj sau mus ntxiv lawm os. Ntshe kuv yuav qhia qhov chaw xaus rau lawm xwb vim tsis khoom muab sau kom tag lawm na.

    Swmzeej

    Posts : 25
    Join date : 2011-03-17

    Re: Ncaim Cev Tsis Ncaim Siab

    Post by Swmzeej on Tue Apr 05, 2011 11:56 pm

    Npauj Npaim wrote:Nyobzoo Ntsuj Plig thiab Swmzeej,

    Ua tsaug ntau neb tuaj pab kuv zov tsev os mog.

    Ntsuj plig, ua tsaug ntau rau koj cov lus txhawb siab tabsis txij no mus ntshe kuv yuav tsis tshua muaj sijhawm tuaj sau mus ntxiv lawm os. Ntshe kuv yuav qhia qhov chaw xaus rau lawm xwb vim tsis khoom muab sau kom tag lawm na.

    Nyob zoo Npauj Npaim,

    Tuaj txhawb nws ces yeej zoo siab hlo pab xwb. Yog tseem muaj peev xwm yuav pab tau nws thiab. Nws hais tias yuav tso nws zaj dab neeg HLUB nov tseg, tab sis kuv lam hais ib los seb nws puas nyiam xwb. Yog tsis nyiam los txhob xav li cas, tso tseg xwb yuad. Kuv xav tias yog nws xav khaws tej yam ntawm nws lub tswv yim tseg mas nws rov sau ntxiv mus...Sau kom muaj qab muaj quag, muaj zaj mas ntev mus nws thiaj khaws tau tej yam zoo cia. Vim yus tus neeg yuav hloov mus raws lub caij lub nyoog, lub hnub nyug...Ces yus lub tswv yim yuav hloov mus yam tssi tig rov qab lawm. Li ntawd yog nws sau tau tej zaj ntev ntev li nws lub siab xav txog tam sim no mas cia ntev mus yuav muaj nqes heev rau nws...Vim nws lub siab thiab lub tswv yim yuav hloov lawm...Hahahah...Lam hais xwb yog nws tsis khoom los nws tso tseg...Yog nws khoom los sau mus thiaj tau txuj khaws cia.

    Nws lub tsev no yeej ua tau zoo kawg lawm. Nws yuav txhob qaug zog.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Apr 06, 2011 12:13 am

    Nyobzoo, Swmzeej,

    Ua tsaug ntau rau koj cov lus txhawb siab thiab txhawb zog huvsi li os mog. Kuv teb koj tias koj cov lus yeej hais yog lawm tabsis qhov kuv xav muab tso tseg ces vim tias kuv ntshai tsam muaj tej tug neeg tuaj nyeem ua rau lawv xav txawv tias ua cas kuv twb ua neej laus tag li no tseem pheej muab tej qub hluas thaum ub coj los sau cia no ces ua rau kuv me siab kuv thiaj yuav muab tso tseg xwb os.

    Hos hais txog qhov nyiam sau ces tau li ntawm 10 lub xyoos dhau los no kuv yeej nyiam sau dabneeg heev li. Kuv twb sau tau muaj ob peb zaj dabneeg ntev heev tabsis kuv tus me naib txiv tsis muaj sijhawm los kho rau ua ntej kuv yuav muab luam tawm xwb. Kuv hais tias yog nws tsis pab kuv ces kuv yuav muab luam tawm li ntawd xwb tabsis nws hais tias nws mam pab no ces thiaj tos thiab tos, tos tos kuv zog qaug tag lawm thiab ces kuv thiaj tsis xav sau dabneeg lawm os mog.

    Kuv yeej paub qhov koj hais tias sau ces sau thaum yus tseem muaj tswvyim, yog tsis sau ces laus mus tej tswvyim ntawd ploj mus lawm no mas, vim li kuv thiaj muab sau rau hauv no thiab uas tabsis kuv ntshai tsam tej phoojywg tsis nkag siab kuv xwb os mog.

    Ua tsaug ntau rau nws cov lus txhawb zog mog.

    Swmzeej

    Posts : 25
    Join date : 2011-03-17

    Re: Ncaim Cev Tsis Ncaim Siab

    Post by Swmzeej on Wed Apr 06, 2011 12:59 am



    Nyob zoo Npauj Npaim,

    Ntawm kuv tus kheej mas kuv ua dab tsi, kuv tsis xav txog luag tej yuav hais li cas, yuav xav li cas rau kuv li. Kuv nyiam li cas kuv ua li kuv nyiam xwb. Vim luag tssi yog kuv, kuv tsis yog luag. Yog yus pheej ua li luag nyiam xwb twb tsis muaj qhov yus nyiam, deev yus siab li ces kuv chim chim siab li. Sau tej dab neeg HLUB nov tsis yog sau yus lub neej, yog sau yus tej kev txawj ntse xwb. Yog tim li cas, txhua leej ntshaw kom muaj kev hlub, tab sis tham kev hlub no ces ho muab hais phem, xav phem...Kuj tsis yog lawm thiab...Luag lwm haiv neeg, luag ua dab tsi los zoo, vam meej, vim luag muaj kev ywj pheej xav thiab hais lus tib si...Hahhaah...! Lam hais xwb nyob ntawm nws txiav txim siab...

    maivntximhlub

    Posts : 349
    Join date : 2011-02-05

    Re: Ncaim Cev Tsis Ncaim Siab

    Post by maivntximhlub on Wed Apr 06, 2011 1:02 am

    kuv tuaj lawm os npaujnpaim thiab Swmzeej a, neb puas nyob zoo thiab os?

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Apr 06, 2011 1:17 am

    Swmzeej,

    Yeej muaj tseeb li koj hais os. Tej kev sau dabneeg no ces yog yus lub siab xav tau licas yus sau li ntawd thiab yog muab tau lub tsiab lus tias yuav sau licas mus lawm ces tej lus ntawd yeej tawm cuag dej ntws los li, zoo li zaj movies yus saib uas yus yeej pom tom hauv ntej lawm li yus thiaj paub sau thiab os. Vim li kuv thiaj nyiam sau heev tabsis xyov uacas lub sijhawm no kuv cia li hloov siab tsis xav sau li lawm xwb os.

    Ua tsaug koj tuaj txhawb kuv mog.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Apr 06, 2011 1:17 am

    Nyobzoo Maivntximhlub,

    Koj tuaj saib kuv lawm thiab lod? Los nrog kuv sau dabneeg os. Koj tsis tuaj pab ces kuv yuav so tsis sau dabneeg lawm thiab os, niamhluas.

    Kuv qaug qaub zog sau li lawm os, hahaaha

    maivntximhlub

    Posts : 349
    Join date : 2011-02-05

    Re: Ncaim Cev Tsis Ncaim Siab

    Post by maivntximhlub on Wed Apr 06, 2011 1:20 am

    Npauj Npaim wrote:Swmzeej,

    Yeej muaj tseeb li koj hais os. Tej kev sau dabneeg no ces yog yus lub siab xav tau licas yus sau li ntawd thiab yog muab tau lub tsiab lus tias yuav sau licas mus lawm ces tej lus ntawd yeej tawm cuag dej ntws los li, zoo li zaj movies yus saib uas yus yeej pom tom hauv ntej lawm li yus thiaj paub sau thiab os. Vim li kuv thiaj nyiam sau heev tabsis xyov uacas lub sijhawm no kuv cia li hloov siab tsis xav sau li lawm xwb os.

    Ua tsaug koj tuaj txhawb kuv mog.
    kuv me niam laus e... cas nws sau paj huam zoo zoo thiab txawj sau dab neeg kawg li es kuv tsis tau ùuaj sij hawm tuaj nrog nws nyeem li os... hnub no kuv tuaj pom neb nyob luag ntxhi ces kuv zoo siab kawg li na.
    npaujnpaim a kav tsij sau os mog, kuv khoom ces kuv yuav tuaj nyeem es kuv thiaj li tsis laj nyob os mog

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Apr 06, 2011 2:25 am

    Maivntximhlub,

    Ua tsaug rau koj cov lus txhawb zog thiab os. Cia kuv muaj sijhawm mam muab sau mus ntxiv thiab mam nqa los tso rau nej tau nyeem os mog.

    maivntximhlub

    Posts : 349
    Join date : 2011-02-05

    Re: Ncaim Cev Tsis Ncaim Siab

    Post by maivntximhlub on Wed Apr 06, 2011 2:30 am

    ua li os niam laus a
    kuv khoomkuv mam tuaj nyeem nawb
    kav tsij sau nawb

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Apr 06, 2011 7:42 pm

    Hahahahaa, koj es cuav zos ua tau ua luaj puas muaj sijhawm tuaj nyeem tiag na???

    Hahahaha, tso dag xwb os, cia kuv muaj sijhawm mam tuaj sau ntxiv os.

    maivntximhlub

    Posts : 349
    Join date : 2011-02-05

    Re: Ncaim Cev Tsis Ncaim Siab

    Post by maivntximhlub on Wed Apr 06, 2011 11:47 pm

    koj mas!!!!
    Kav tsij sau cia thaum luag cuav zos tag mam li los nyeem xw los mas
    hi koj os niam laus a

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Thu Apr 21, 2011 4:09 am

    Npauj Npaim.....

    Kuv rov tuaj lawm os, los qhib kuv qhov rooj thiab nqa tog los wb zaum tham
    ua ke ib pliag seb puas zoo tam li yav nram ntej uas kuv puag koj pw
    hauv kuv xub ntiag os mog...

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Thu Apr 21, 2011 4:14 am

    Npauj Npaim wrote:Hahahaha, cas yuav hais lus txaus xav ua luaj li tiag, hehehee,

    Ua tsaug rau koj cov lus txhawb siab mog. Kuv twb sau tau hnuCb ob tag lawm tabsis muaj neeg los tshuam kuv kev ua rau kuv ceeb ces kuv nias tau qhov delete ces ploj tag lawm, hahaha,

    Cia seb puas muaj lub siab los sau ntxiv lawm os vim kuv qaug qaug zog lawm ces ntshe yuav muab tso tseg los kuj tsis paub thiab.


    hahaaaa...Npauj Npaim

    Puas yog tseem pheej xav txog NtsujPlig no tab sis tus hlub muab pob ntseg ntsej es thiaj muab delete tag lawm na. Txawm li ntawd ua zoo hais rau tias nws yog wb zaj dab neeg xwb kom nws zam txim rau koj mog. Yog nws tsis zam txim no hais rau tias "Koj yog tus kuv hlub tshaj kuv twb muab tau rau nws yog nws tsis zam txim kuv yuav tuaj coj rov qab no nawb".

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Apr 29, 2011 1:54 am

    Ntsuj_Plig wrote:Npauj Npaim.....

    Kuv rov tuaj lawm os, los qhib kuv qhov rooj thiab nqa tog los wb zaum tham
    ua ke ib pliag seb puas zoo tam li yav nram ntej uas kuv puag koj pw
    hauv kuv xub ntiag os mog...
    Ntsuj Plig,

    Lub caij nyoog twb dhau mus lawm ntev niaj ntau xyoo
    Ua cas hnub no koj ho yuav rov qab tuaj nrog kuv nroo
    Lub caij nyoob twb dhau mus lawm ntev xyoo ntau niaj
    Ua cas hnub no koj ho yuav rov qab seev txog puag kuv thiab

    Ntuj aw..., kheev lam yog tiag tsis yog npau suav
    Ntshe kuv yuav nrog koj nyob tsis hnov dhuav
    Kheev lam yog tiag tsis yog lam tham uasi
    Ntshe kuv yuav nrog koj nyob tsis hnov dhauv li

    Tabsis lub sijhawm no ces tsuas yog ib vuag dua lawm xwb
    Tsuas lam tuaj nrog koj tham hais lus khib dwb
    Tabsis lub siab yeej mob lawm twj ywm tsis zoo qhia
    Nrog koj tham tej lus zoo ces ua rau kuv lub plawv dhia

    Xyov yuav xav licas thiaj yuav kaj lub siab li tiag
    Vim koj yog kuv tus hlub ib txwm thiaj li xav hais qhia
    Tias kuv yeej nco koj heev tsis xav tso koj mus li
    Xav nrog koj ua lub neej sib hlub mus tag ib txhis...., xwb tiag.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Thu May 26, 2011 3:22 am

    Ab..., nim xav zoj tias cia ua ib siab
    Los nim nco nco koj tseg tsis taus li thiab
    Nim xav zoj tias cia ua ib siab txhob nco
    Los nim nco nco koj lub siab tsis xav tso

    Sim neej no yog koj txhob mloog luag dag
    Wb txoj kev sib hlub yeej tsis plam
    Sim neej no yog koj txhob ntseeg lwmtus
    Wb txoj kev sib hlub yeej nyob li qub

    Vim koj mloog lwm tus neeg dag ntxias
    Wb txoj kev sib hlub thiaj tu lawm tiag
    Vim koj ntseeg lwm tus tsis ntseeg kuv
    Wb thiaj caum tsis cuag wb txoj kev hlub

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Jun 10, 2011 7:57 pm


    Nco koj kawg kiag
    Lam ncaim cev tsis ncaim siab



    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Sat Jun 11, 2011 5:31 am

    Npauj Npaim wrote:
    Ntsuj_Plig wrote:Npauj Npaim.....

    Kuv rov tuaj lawm os, los qhib kuv qhov rooj thiab nqa tog los wb zaum tham
    ua ke ib pliag seb puas zoo tam li yav nram ntej uas kuv puag koj pw
    hauv kuv xub ntiag os mog...
    Ntsuj Plig,

    Lub caij nyoog twb dhau mus lawm ntev niaj ntau xyoo
    Ua cas hnub no koj ho yuav rov qab tuaj nrog kuv nroo
    Lub caij nyoob twb dhau mus lawm ntev xyoo ntau niaj
    Ua cas hnub no koj ho yuav rov qab seev txog puag kuv thiab

    Ntuj aw..., kheev lam yog tiag tsis yog npau suav
    Ntshe kuv yuav nrog koj nyob tsis hnov dhuav
    Kheev lam yog tiag tsis yog lam tham uasi
    Ntshe kuv yuav nrog koj nyob tsis hnov dhauv li

    Tabsis lub sijhawm no ces tsuas yog ib vuag dua lawm xwb
    Tsuas lam tuaj nrog koj tham hais lus khib dwb
    Tabsis lub siab yeej mob lawm twj ywm tsis zoo qhia
    Nrog koj tham tej lus zoo ces ua rau kuv lub plawv dhia

    Xyov yuav xav licas thiaj yuav kaj lub siab li tiag
    Vim koj yog kuv tus hlub ib txwm thiaj li xav hais qhia
    Tias kuv yeej nco koj heev tsis xav tso koj mus li
    Xav nrog koj ua lub neej sib hlub mus tag ib txhis...., xwb tiag.

    Npoauj Npaim......

    Twb xav tias yuav ua ib siab mus tsis tuaj los cas lub siab pheej quaj quaj
    zaum no ho tuaj pom koj tus me hneev tes sau ntawv kawv ko los tsis pom
    tus duab ntshe kuv ceeb laj yuav ua cas nco os.
    Txawm yog lub hnub yuav txawj mus lub hli yuav txawj poob los
    txoj kev kuv nco koj nws twb ris mus puv ntuj thoob.

    Puas nyob zoo lawm os? Kuv zoo siab rov tuaj pom koj sau wb zaj
    dab neeg tseem tsis tau tso tseg mog. Nco ntsoov sau kuv mam tuaj nyeem os.

    Kuv hlub thiab nco koj mog

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Tue Jun 21, 2011 2:49 am

    Nyobzoo os, Ntsuj Plig,

    Kuv yeej xav kom muaj sijhawm li yav tag los es kuv tuaj sau zaj lus nruag no kom tag tabsis zoo li kuv cov sijhawm tsawg heev lawm ces cia lub 9 hli yuav los no seb kuv muaj sijhawm no mam rov tuaj muab zaj lus nruag no sau kom tag os mog.

    Yog koj muaj sijhawm no ho tuaj pab sau mus kom tag thiab nawd.

    Ua tsaug os.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Jun 22, 2011 12:08 am

    Npauj Npaim Txoj Kev Hlub, continues...,

    “Zoo mas, ib chim no ces los saib peb os,” Npauj Npaim niam hais.
    “Aws,” tus phauj teb tag ces nws tig rovqab mus nrog nws ob tug vivncaus tham lawm. Tus phauj no yog cov phauj kwvtij xwb tsis yog Npauj Npaim txiv tus muam kiag. Tabsis thaum Npauj Npaim tseem yau lawv yeej nyob uake.

    Npauj Npaim nrog nws niam nyob ibpliag ces muaj ob tug tubhluas los hais rau Npauj Npaim tias, “Nyobzoo os leej muam.”
    “Nyobzoo os,” Npauj Npaim teb.
    “Puas kam nrog wb pov khaubhnab ib pliag thiab os?”
    “Wsm…, kuv tsis paub pov ces neb txhob xav licas os,” Npauj Npaim teb.
    Ib tug thiaj hais ntxiv tias, “Leej muam, kuv hu ua Nplooj no hos kuv tus kwv no hu ua Tsheej no es koj ne npe hu licas puas kam qhia rau wb thiab os?”
    “Kuv hu ua Npauj Npaim no os,” Npauj Npaim teb luag ntxhi.
    “Npauj Npaim, koj lub npe zoo kawg li os. Thov nrog wb pov khaubhnab ib pliag uake mas lod?” Nplooj nug ntxiv.
    “Tsis tau os, vim kuv twb tsis tau pov dua khaubhnab li ces tsis paub nrog neb pov os,” Npauj Npaim teb.
    “Thov los mas, wb los twb tsis tau pov dua li thiab ned.” Nplooj hais lus rau Npauj Npaim hos Tsheej saib Npauj Npaim tsis ntsais muag li. Ua rau Npauj Npaim txajmuag heev ces nws txawm teb ntxiv tias, “Thov zamtxim os, kuv twb tsis paub tiag tiag li ces neb txhob tu siab mog.”
    “Npauj Npaim, puas yog koj tsis kam vim koj ntshai koj niam cem mas?” Nplooj nug.
    “Wbm…, tsis yog os,” Npauj Npaim teb.
    “Yog li ces kuj nrog wb mus pov khaubhnab ib zaug mas lod?” Nplooj nug.
    “Kuv yeej tsis paub tiag tiag li ces neb txhob xav licas nawd,” Npauj Npaim hais tag ces nws niam thiaj hais rau nws tias, “Ob tug metub, neb tuaj qhovtwg tuaj os?”
    “Kuv nyob hauv no hos kuv tus kwv no tuaj lwm qhov chaw tuaj os, phauj,” Nplooj teb tag ces nws txawm thov Npauj Npaim niam tias, “Niam phauj, thov pab hais koj tus me ntxhais nrog wb pov khaubhnab ib pliag puas tau os?”
    “Npauj Npaim yeej tsis paub pov li nws hais tiag ces neb txhob tu siab cia ib chim nws saib nej uasi txaus tso neb mam los thov dua seb nws puas kam nrog neb pov os mog,” Npauj Npaim niam hais tag ces Nplooj thiab Tsheej nkawd txawm mus lawm. Ua rau Npauj Npaim txog ib zaj siav tias, “Vuag! Kuv ntshai ua luaj li os, kuv niad. Ua tsaug koj pab kuv nawd.”
    “Koj tsis nrog nkawd mus es koj tseem yuav tos leejtwg thiab na? Tsis yog koj tos Ntsuj Plig lod? Twb lig li no lawm tsis pom Ntsuj Plig nyob qhovtwg li ntshe nws twb muaj nws ib tug lawm os.” Npauj Npaim niam hais tag ces Npauj Npaim tsis teb ib los li. Ua rau nws niam xav tsis thoob nws niam thiaj rovqab hais ntxiv tias, “Koj tsis teb los tsis ua cas, tsuas yog kuv txhawj koj xwb os.”

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Jun 22, 2011 12:10 am

    Npauj Npaim Txoj Kev Hlub, continues...,

    Npauj Npaim tsis teb nws niam li thiab. Nws nyob ibtug mluas mluas de tes nruj nrho xwb. Npauj Npaim ob tug phoojywg vivncaus uas yog Maiv Paj thiab nws tus niamhluas tuaj txog thiab. Maiv Paj thiaj hais rau Npauj Npaim tias, “Npauj Npaim, los peb mus pov khaubhnab os.”
    Npauj Npaim thiaj tig loo saib no yog Maiv Paj tuaj lawm. Nws thiaj hu luagntxhi tias, “Nyobzoo os, Maiv Paj. Kuv twb xav tias yuav mus tsev no os.”
    “Ua cas thiaj yuav mus tsev no? Koj twb tuaj ntev lawm lod?” Maiv Paj nug.
    “Kuv tuaj txog tsis ntev no xwb tabsis kuv txajmuag dhau lawm nas,” Npauj Npaim hais.
    “Txajmuag ua abtsi na? Nrog kuv mus pov khaubhnab ib chim xwb ces koj tsis txajmuag li lawm os. Mus od,” Maiv Paj hais thiab cev tes los rub Npauj Npaim nrog nws mus pov khaubhnab. Lawv mus pov khaubhnab ntev loo tsis pom Ntsuj Plig tuaj tshwm qhovtwg li. Npauj Npaim thiaj ua ib siab nrog Maiv Paj thiab nws cov phoojywg pov khaubhnab lawm. Lawv twb pov ib chim ntev loo ces mam pom Ntsuj Plig tuaj tshwm. Thaum Ntsuj Plig tuaj txog nws pom Npauj Npaim pov khaubhnab rau ib tug tubhluas thiab nrog Maiv Paj sawv uake. Ntsuj Plig txawm los ntsiagto los nyob ntawm Npauj Npaim nraubqaum mloog Npauj Npaim tham xwb. Ntsuj Plig mloog ib pliag ces nws lub siab mob mob vim Npauj Npaim tham los qab qab zib rau tus tub hluas ntawd lawm. Ntsuj Plig thiaj hais lus tias, “Ua cas Ntsuj Plig nim ua roj qeeb hneev lig es tuaj txog Npauj Npaim twb nrog luag tham luagntxhi tsis ncog txog Ntsuj Plig ib nyuag qhov li?”

    To be continues...,

    Sponsored content

    Re: Ncaim Cev Tsis Ncaim Siab

    Post by Sponsored content Today at 6:01 pm


      Current date/time is Mon Dec 05, 2016 6:01 pm