HMOOB NTUJ TSHIAB

TXOJ KEV HLUB FORUM

Similar topics

August 2014

SunMonTueWedThuFriSat
     12
3456789
10111213141516
17181920212223
24252627282930
31      

Calendar Calendar

Top posters

Npauj Npaim (1378)
 
Ntsuj_Plig (543)
 
Lubpajzoo (454)
 
Tubzoonraug (415)
 
Dok_Champa (368)
 
maivntximhlub (348)
 
NkaujNyiag (105)
 
PajHmabPajNtoos (96)
 
Nkauj_Hli (88)
 
Tojxeem (86)
 

Latest topics

» NCO KOJ TSIS PLOJ
Wed Aug 13, 2014 6:13 pm by Ntsuj_Plig

» Hmoob Lub Neej Tojsiab
Tue Aug 12, 2014 5:55 pm by Ntsuj_Plig

» POJ NTXOOG
Wed Jul 30, 2014 8:12 pm by Ntsuj_Plig

» Ncaim Cev Tsis Ncaim Siab
Wed Jul 30, 2014 7:59 pm by Ntsuj_Plig

» Paj Huam Sib Hlub
Mon Jun 23, 2014 2:58 pm by Ntsuj_Plig

» SO KOJ LUB KUA MUAG
Tue Jun 17, 2014 4:47 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Jun 04, 2014 5:46 pm by Ntsuj_Plig

» Nyiaj Hoom Poob Nyob Nplog Teb
Sun May 18, 2014 9:59 pm by Ntsuj_Plig

» XAV KOM LUB NTIAJ TEB NO MUAJ WB 2 LEEG XWB
Sun May 18, 2014 4:16 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 8:11 pm

Statistics

Our users have posted a total of 4038 messages in 198 subjects

We have 32 registered users

The newest registered user is tubthao92

Keywords

Hmoob  huam  ntuj  txog  tshiab  niam  

Gallery


Log in

I forgot my password

    Paj Huam Sib Hlub

    Share

    Ntsuj_Plig
    Moderator

    Posts: 543
    Join date: 2011-02-15

    Paj Huam Sib Hlub

    Post by Ntsuj_Plig on Thu Feb 17, 2011 7:17 pm



    Nkauj Dab Ntub thiab Nraug Npau Suav

    Muaj ib hnub xyoo 2008

    kuv txawm sim tuaj mus ua si
    lam tuaj ncig nyob rau toj siab
    lub ntuj tshiab kuv kuj muaj hmoo
    hnov suab nroo hu tias leej nus
    koj tuaj mus ua tus dab tsi
    kuv txawm tig rov los mus saib
    tias me naib koj yog leej twg
    me paj lwg koj nyob twg tuaj
    puas tau muaj leej twg los hlub
    nkauj dab ntub txawm tig los teb
    zoo li peb tsis muaj neeg nyiam
    neeg lwj liam tsis muaj neeg ntshaw
    muab so taw los luag tsis yuav
    nraug npau suav thiaj txav zog los
    tias ab mos tus neeg ntxim hlub
    thiab los rub nws puag kiag cia
    muab nws hnia tias kuv hlub koj
    txawm sib coj mus ua si lawm xwb ...tiag..!!



    Last edited by Ntsuj_Plig on Mon Jun 23, 2014 8:06 pm; edited 3 times in total

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Fri Feb 18, 2011 12:26 am


    Lub caij no koj nyob qhov twg
    me pajlwg tus neeg kuv nco
    cas hmo no pos huab ua luaj
    kuv xav tuaj nrhiav koj ib zaug
    ntshe koj tsaug koj me dab ntub
    wb kev hlub koj puas tseem nco
    txhua txhua hmo wb mus saib hli
    ntuj thaum i koj hais rau kuv
    tias nkauj hnub thiab txiv nraug hli
    yeej yuav ci ziab lub ntiaj nrag
    puas yog dag kom kuv siab kaj xwb os??


    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Fri Feb 18, 2011 11:32 pm


    Tshav ntuj nrig snow dawb vog
    kuv tuaj txog los tsis ntsib koj
    muab xav zov tu siab ua luaj
    tsa suab quaj los ho tsis khws
    lub siab yws luj loos tas li'
    lub suab ntxhi kuv me pajlwg
    nyob qhov twg cas tsis tuaj tos
    hauv nej zos suab kab noog quaj
    nco ua luaj koj puas paub na
    thaum kuv ya nyob rau nruab ntug
    nco ib tug uas tsis muaj npe
    cas xav ntshe tuaj yuav ntsib koj
    hmoov tsis loj thiaj tsis tau ntsib
    cia mam pib dua zaug tshiab....os mog!!

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Fri Feb 25, 2011 7:43 am

    Vim dab tsi thiaj tau ncaim koj
    hmoov tsis txog lub neej tiam no
    ua chaw nco nyob hauv npau suav
    nco tsis dhuav thiab pom tsis tseeb
    cia muab feeb los ua dab neeg
    koj puas ntseeg wb txoj kev hlub
    yav thaum ub nws yeej muaj tiag
    cia kuv nyiag koj mus kom deb
    hauv ntiaj teb tsis txhob muaj wb
    kom lub hlwb tsis thiaj li tsis nco
    txhua txhua hmo kuv mam puag koj xwb....mog!!




    Last edited by Ntsuj_Plig on Tue Mar 01, 2011 7:42 am; edited 1 time in total




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Tue Mar 01, 2011 6:43 am

    Koj puas paub kuv txoj kev nco
    hnub dhau hmo los tso tsis tau
    yuav cia dhau mus ua npau suav
    ntshe yuav cuav mus tag ib sim
    tej txiaj ntsim uas kuv hlub koj
    ntshe yuav ploj mus nrog huab cua
    txoj kev hluas uas wb xav cia
    puas yuav qhia tau rau lwm tus
    ncaim koj mus kuv lub siab mob
    tso koj nyob kuv siab quaj dhi
    lo lus ntxhi thaum wb yuav ncaim
    tseem nyob nraim hauv kuv nruab siab....mog!!!






    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Tue Mar 01, 2011 8:24 pm

    Nkauj dab ntub thiab nraug npau suav
    nco tsis dhuav lub neej tiam no
    koj puas nco tias kuv hlub koj
    lub caij noj kuv noj tsis qab
    txawm tshaib plab los yeej xum yoo
    xyoo dhau xyoo nyob hauv npau suav
    nws yog cuav los yuav yog tseeb
    cas lub neej khuam siab ua luaj
    kuv xav quaj twb yog vim koj
    puas kam coj leej nus mus hlub
    li thaum ub lub neej tiam tag na....?











    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Sat Mar 05, 2011 6:42 am

    Paj lwg dej koj nyob qhov twg
    ua nquab rwg tuaj wb sib ntsib
    thov tuaj qhib lub siab pub kuv
    cas tuaj thuv tav li no lawm
    tsis pom tawm qhov twg tuaj li
    lub suab ntxhi ua tsw qabzib
    tshaj kab tsi dua qhov twg lawm
    cia li tawm thiab los kuv puag koj
    sib tham zoj seb siab puas nqig
    lub siab chis ho puas txawj hloov
    yam noog roov ya tuaj nruab huab
    wb lub cuab yij neej puas muaj
    lub suab quaj ho puas yuav ntsiag os????








    bird love Pictures, Images and Photos

    "Koj xwb thiaj yog tus kuv hlub"

    Lubpajzoo
    Moderator

    Posts: 454
    Join date: 2011-02-04

    Re: Paj Huam Sib Hlub

    Post by Lubpajzoo on Wed Mar 09, 2011 12:30 am



    Txoj kev hlub kho siab ua luaj
    tsis xav quaj los kua muag los
    vim xav txog yav neej thaum ub
    lo lus hlub koj tau hais tias
    kom khaws cia wb kev sib hlub
    tsis txhob pub rau leej twg li
    mus ib txhis cia rau nruab siab

    Lubpajzoo
    Moderator

    Posts: 454
    Join date: 2011-02-04

    Re: Paj Huam Sib Hlub

    Post by Lubpajzoo on Thu Mar 10, 2011 4:34 am




    Ntsuj Plig...,

    Yog lwm tiam muaj tiag li hais,
    Thov txhob ncaim ntawm kuv lawm mog,
    Thov nco txog wb tej lus cog tseg,
    Yav nram ntej koj tau hais tias,
    Yuav cim cia wb txoj kev sibhlub,
    Yav thaum ub wb tau tsim cia,
    Coj mus qhia rau niam nkauj kabyeeb,
    Tsim noob neej kos npe kom muaj,
    Tuav kom ruaj cia wb los yug dua,
    Yuav los ua ib nkawm nkauj nraug,
    Muaj kev tawg tsim kev sib hlub,
    Thov ntuj pub wb los sib yuav,
    Kev npausuav kom muaj raws siab ntshaw,
    Lub neej ntawd yog wb li ntiag tug,
    Yuav sib hlub mus kom tag txhua tiam mog.






    Lubpajzoo....

    Yog lwm tiam muaj tiag tsis dag
    kuv yuav nkag mus thov yawm saub
    kom nws paub thiab sau npe tseg
    kos kab teg kom los ua ke
    los yug ze thooj teb koom chaw
    txoj kev ntshaw kom yog wb tug
    siab kub lug tos rau lwm tiam
    kuv mas nyiam kom muaj nws xwb
    hauv lub hlwb yuav tos nws ib leeg....os mog!!!




    Ntsuj Plig,

    Kuv los yuav thov ib yam,
    Kom ntuj kam wb los yua dua,
    Los hlub dua rau tiam tom ntej,
    Nyob uake tsim wb lub neej,
    Kom peem tsheej li qhov wb ntshaw,
    Kos ntaub ntawv muab wb sib txis,
    Nyob ib txhis ua lub neej zoo,
    Kom muaj hmoo tau raws siab xav,
    Nyob sib pab sib hlub kom tau li qhov wb ntshaw os mog.




    Lubpajzoo koj ua tau zoo kawg li
    yav thaum i yog vim koj khiav
    kuv thiaj nrhiav tsis tau koj lawm
    wb ho tawm los rau lub ntiaj teb
    los yug deb tsis nyob ua ke
    tiam no ntshe tsis yog wb hmoov
    mam ua yoov ntxuav tes ntsia luag
    cia wb tuag rov mus thov ntawv
    mam tuav rawv ntawm wb txhais tes
    rov los ces koj yog kuv tug
    kuv los yug mam ua koj li
    thov siv yis muab daim ntawv hlub
    rov los pub kom wb tau sib cuag
    kuv mam puag koj rau hauv xub ntiag
    yuav tsis cia koj lub kua muag poob
    yug ua hmoob rau lwm tiam mog
    kuv mam los tos koj lwm tiam os....


    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Thu Mar 17, 2011 5:59 am

    Hi.........Ua tsaug koj mus nqa cov paj huam no los tso ntawm no os leej muam. Mus pab nqa kuv cov thiab nawb yog koj muaj sij hawm na.




    bird love Pictures, Images and Photos

    "Koj xwb thiaj yog tus kuv hlub"

    Mob Siab

    Posts: 1
    Join date: 2011-03-29
    Age: 21

    Re: Paj Huam Sib Hlub

    Post by Mob Siab on Tue Mar 29, 2011 11:45 pm

    hey ua cas koj yuav sau tau paj huam kho siab ua luaj li.............
    Very Happy

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Wed Mar 30, 2011 11:56 pm

    Hi.............Mobsiab

    zoo siab tos txais koj tuaj koom kuv sau paj huam os, twb yog kuv pheej nco nco kuv tus me nkauj dab ntub tsim dhuj dheev tuaj tus npau suav na. Tuaj pab kuv sau seb hnub twg kuv mam tau ntsib nws os.




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Thu Mar 31, 2011 12:00 am

    Nkauj Dab Ntub leej muam siab zoo
    tau ntau xyoo uas wb sib paub
    yam tej zaub loj hlob zuj zus
    siab puas tsus rau txoj kev nco
    tsheej tag hmo pw tsis tsaug zog
    twb vim yog nco koj xwb tiag
    tus cev yiag thiab suab qab zib
    puas yuav ntsib ib zaug lawm os
    kuv mam tos kom txog lwm tiam mog...






    bird love Pictures, Images and Photos

    "Koj xwb thiaj yog tus kuv hlub"

    Lubpajzoo
    Moderator

    Posts: 454
    Join date: 2011-02-04

    Re: Paj Huam Sib Hlub

    Post by Lubpajzoo on Thu Apr 07, 2011 4:20 am



    Kheev lam muaj tiag li hais
    niam leej ntxhais mam nyob tos koj
    mov tsis noj yuav tos koj tso
    vim kev nco thiaj tos koj ntag
    caij ntuj nag twb yuav dhau mus
    siab puas tsus vim nco koj heev
    thiaj tuaj seev li no tiag lawv...,

    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Thu Apr 07, 2011 8:36 am

    Vim dab tsi thiaj ho ntsib koj
    sab ntuj no ntshe yuav los nag
    nco koj tag tsis mus txhua tiam
    kuv yeej nyiam koj lawm tiag hos
    tig rov los kuv mam puag koj os...mog




    bird love Pictures, Images and Photos

    "Koj xwb thiaj yog tus kuv hlub"

    Lubpajzoo
    Moderator

    Posts: 454
    Join date: 2011-02-04

    Re: Paj Huam Sib Hlub

    Post by Lubpajzoo on Fri Apr 08, 2011 4:17 am


    Koj tej lus puas muaj tseeb tiag
    yog tau hnia ntshe yog hmoov zoo
    vim caij nyoog twb dhau mus lawm
    kev txij nkawm yuav ua cas tos
    vim tsam nod koj twb muaj tug
    twb tsis nrug ntawm nws li ne
    nyob uake tag li lawm xwb
    mob lub hlwb thaum koj nrog luag
    lub kua muag yuav ntws tawm los
    thov thiab mog txhob sim kuv siab
    lub ntuj tshiab thiaj xav mus ncig
    nyob uasi nrog me paj huab
    lub ntuj ntsuab thiaj pom paj tawg
    thaum ntuj kawg mam nco ces lig
    me Ntsuj Plig, kuv nco koj heev
    thiaj tuaj seev seb puas ntsib ib pliag xwb tiag.







    Swmzeej

    Posts: 25
    Join date: 2011-03-17

    Re: Paj Huam Sib Hlub

    Post by Swmzeej on Fri Apr 08, 2011 2:14 pm


    Wow...! Cas muaj kev sib hlub mas yuav kaj siab ua luaj li...Hais lus ntxhi los qab zib...Hais lus dib los deev siab...Hnia tus ntxhiab tsw qab ntxiag...Nyob koj lub xub ntiag tsis xav ncua...Qaum ntuj yog wb kev npau suav ...ntiaj teb yog wb kev hlub tsis dhuav...

    Npauj Npaim
    Moderator

    Posts: 1378
    Join date: 2011-02-11
    Age: 39

    Re: Paj Huam Sib Hlub

    Post by Npauj Npaim on Wed Apr 13, 2011 3:36 am



    Ua cas nej nim seev tau kev hlub kho siab zim
    Npauj Npaim tsis txawj ces nyob ib leeg chis chis
    Ua cas nej nim seev kev hlub sau ua pajhuam
    Npauj Npaim tsis txawj ces lam tuaj saib ib muag

    Npauj Npaim
    Moderator

    Posts: 1378
    Join date: 2011-02-11
    Age: 39

    Re: Paj Huam Sib Hlub

    Post by Npauj Npaim on Sat Apr 16, 2011 1:09 am


    Hnub no txhua yam tseem nyob li qub
    Hnub no los wb mam tsim dua txojkev hlub
    Hnub no txhua yam tseem nyob tag nrho
    Hnub no los wb mam peb wb txojkev hlub dua mog

    Kuv yuav nrog koj nyob li no mus li
    Txawm zoo licas los yuav hlub mus ib sim
    Kuv yuav nrog koj nyob tsis ncaim ntxiv
    Yuav hlub nrog koj mus kom tag ib txhis


    Ntsuj_Plig
    Moderator

    Posts: 543
    Join date: 2011-02-15

    Re: Paj Huam Sib Hlub

    Post by Ntsuj_Plig on Thu Apr 21, 2011 6:54 am

    Me Npauj Npaimkoj nyob li cas
    puas xeev ras txog kuv ntsujplig
    rov tuaj ncig pom koj ib muag
    siab mob yuav tuag vim nco koj xwb
    cas koj wb txoj kev sib hlub
    ntuj tsis pub kom los sib ntsib
    thiab tsis qhib wb txoj hau kev
    los nyob ntev ua ke ib sim
    cas yuav chim lub siab ua luaj li os....



    xeev ras los mas yeej npau suav pom koj tas li xwb los mas nawb

    [center][center][center]
    kuv npau suav mus ntsib koj

    Tus ntawm no-------------yog nraug Hmoob vaj
    yuav los tshaj--------------------ib tsab xov tawm
    Lub keej khawm---------------txoj uas kev hlub
    Ntuj thaum ub---------------nyob nroog nab fias
    Siab yuj lias------------------tuaj zos roob tsawb
    Zoo ntxim tawb--------------cev yiag dawb mos
    Niaj hmo yos--------------------tuaj nyob sib zov
    Sib xa xov---------------------txog txoj kev plees
    Hais seev yees--------------------tsis xav tso tseg
    Mob tej teg-------------------ua plawv yuav nres
    Yam tus ntses-----------------tau pas dej ntshiab
    Zoo ntxim siab-------------lub neej thaum hluas
    Teb chaws puas-----------kev hlub plam plhuav
    Npaum ntuj nchuav----------ntiaj teb ntxeev tig
    Av qhuav nkig----------------------dej sib tw lau
    Sib ncaim tau---------------peb caug tawm xyoo
    Koj lub moo----------------------twb ploj zuj zus
    Wb tej lus--------------------------uas tau cog cia
    Twb mob ntxhia----------------yuav rov qab zoo
    Tseg tsis nroo---------------------ua siab tsis nco
    Cas nag hmo--------------------ho rov npau suav
    Pom koj tuav---------------------kuv ib sab npab
    Zaum ib sab-------------------tham txog kev nco
    Sim neej no------------------------nco kuv ua luaj
    Pom koj quaj------------------kua muag ntws sis
    Kuv khoov ntshis-------------muab kuv tes tsho
    Coj los so----------------------koj cov kua muag
    Kuv khawm puag -------------koj rau xub ntiag
    Ib me pliag-----------------------koj kua muag tu
    Hnov koj hu-------------------kuv lub npe hluas
    Tias vaj nruas--------------------yog tiag los dag
    Zaum no ntag------------------xav kom yog tiag
    Kuv tig kiag---------------------los tuav koj plhu
    Tsa ncauj hu------------------hais tias maiv nyiaj
    Cev zeej txhiaj------------------tus zoo sim xeeb
    Yeej yog tseeb-----------------tsis yog npau suav
    Wb tham dhuav-----------------ces wb mus tsev
    Taug tej kev------------------------nce toj qis hav
    Ntoo siv lav-------------------tawg paj dawb vog
    Noog poog pog-------------ntxais paj zom zaws
    Paj zeeg tshaws---------------------rau ub rau no
    Wb tig hlo---------------------saib rov pem roob
    Pom hav xyoob-----------------hav ntoo kaj nrig
    Hnov nraj yig----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua
    Hnov cuab npua----------------puag pem nej zos
    Suab kab nqos-----------------quaj kho siab tshaj
    Txiv pos daj----------------------siav kawg kiag li
    Wb luag ntxhi----------------------mus de los noj
    Kuv saib koj------------------------yeej zoo li qub
    Tseem ntxim hlub----------------li ntuj yav dhau
    Kuv tseem yau-----------nyuam qhuav tiav hluas
    Wb tham txuas------------------tsis muaj tsawg lo
    Ces wb ho----------------------mus tom moos cab
    Hnov suab kab-------------quaj saum ntsis ntoo
    Cua tuaj loo---------------------ua ntoo rawv tag
    Wb tso dag------------------tham luag mob plab
    Tau sib thab----------------------sib zeg taug kev
    Pom txiv cev--------------------siav daj pes vog
    Wb mus txog----------------tim sam muas txhos
    Ntsuag xyoob pos------------sam leej zom zaws
    Wb tshwm plaws----------ntawm dej cawm siav
    De nplooj txhiav------------------los ce dej haus
    Sib tham txaus-----------------mus txog khib xaj
    Txaus siab tshaj-------------------ua ke tag hnub
    Wb kev hlub----------------------rau neej tiam no
    Kuv thiaj ho--------------------tuav rawv koj tes
    Yam tus ntses------------------luam dej yuj yeev
    Yeej tsis seev----------------------txog leej twg li
    Tham lus ntxhi-------------------rau koj xwb tiag
    Wb tij kiag-----------------------saib rov qub qab
    Tuav koj npab-------------------rov los mus tsev
    Pom koj ev-----------------------ib lub kawm rov
    Kuv txawm hnov---------------koj hais lus taum
    Nco txog thaum-----------------caij noj peb caug
    Tham nrov yaug---------------pov pob zom zaws
    Kev sib raws--------------------------rau ub rau no
    Wb los so----------------------tim tsag kev ntxhab
    Hnov suab kab-----------------quaj nrov zig ziag
    Cua tuaj ntxiag------------------wb cev txias zias
    Siab yuj lias--------------------tsis xav ncaim koj
    Wb tig zoj-------------------saib pem qhov tsaug
    Hmoob kev taug--------------ntuag toj ntuag pes
    Wb sawv nres-----------------saib pem roob zoo
    Pom hav ntoo---------------ntsuab xiab tsaus nti
    Wb thiaj li---------------------ntsia pem xam kaj
    Kho siab tshaj---------------tsis xav ncaim mus
    Koj tej lus--------------------tham seev yuj yees
    Txoj kev plees---------------yav puag thaum ub
    Kev sib hlub---------------nyob zos roob tsawb
    Neeg siab dawb----------------nrog koj ev nplej
    Caij kwv dej-------------------tej chaw sib tawb
    Hav paj dawb-----------------------fab ti kwj tse
    Tim ncauj ke------------------kev ncaim nce toj
    Kuv nrog koj------------------mus dob teb zaub
    Pem teb taub--------------------daim teb av dub
    Kev sib hlub-------------------nyob caij ntuj no
    Lus sib nco-------------------kuj tham tag nrho
    Wb rov hlo----------------------los txog dej liab
    Kab noog diab------------quaj nrov ntsho nrooj
    Hmoob tshuab nplooj--------nrov kho siab zim
    Sab puag tim------------------lawv zos tiaj npeb
    Nyob pem teb---------------lawv roob teb npleg
    Tshuab tsis tseg-----------suab nplooj xiv nqiab
    Nrov kho siab------------------suab seev sib dib
    Teb kab tsib--------------------nrog koj mus lov
    Caij sawv ntxov-----------------wb kuj sib cuag
    Wb rov zuag---------------tham lus tseem tseeb
    Lus meej xeeb--------------wb tham khee kawv
    Kuv tuav rawv-----------------koj txhais me tes
    Mus tsis nres-------------------tham kev sib nco
    Sim neej no------------------------nco koj luaj li
    Tham lus ntxhi------------------rau koj tsis tseg
    Hnub tuaj ntseg---------------los txog ntug zos
    Hmoob tuav cos -----------suab nrov doog diaj
    Hnov suab tsiaj----------------sib tog zom zaws
    Wb tshwm plaws------------ntawm nej tog tsev
    Sib tham ntev-----------------tsis xav sib ncaim
    Koj nyob nraim------------hauv kuv nruab siab
    Cia xyoo tshiab---------------wb mam sib yuav
    Kuv quaj zuav-------------------tsis xav rov qab
    Koj siab fab---------------------tsis xav sib nrug
    Siab kub lug-------------------txog kev sib tshua
    Ob leeg ua -------------------kua muag ntws nto
    Sim neej no----------------------sib nco luaj tiag
    Quaj kawg kiag----------------vim sib nco dhau
    Lawv thiaj tau--------------sawv phov txaj nrov
    Kuv thiaj hnov----------------tsim dheev los no
    Ua cas ho--------------------yog npau suab xwb
    Kua muag twb-----------ntxaum hauv ncoo tag
    Hais cuag dag---------------ntub tog hauv ncoo
    Nws ntub loo-------------npaum xuas dej tsuag
    Rov qi muag-----------------kom npau suav dua
    Lawv sawv ua---------------tshais ntxov los noj
    Dab ntub ploj---------------mas chim siab dhau
    Zaum tsaws npau-----------kho siab tshaj plaws
    Tim teb chaws----------------------ua tsov ua rog
    Kuv thiaj nrog--------------cov laus khiav lawm
    Koj kuv txawm--------ncaim thaum ntawd kiag
    Qhov tseeb tiag------------------vim tsov rog loj
    Kuv thiab koj--------------------wb cov lus tseeb
    Thiaj khuam xeeb------------ua kua muag nrog
    Nco los txog--------------------niaj hnub nim no
    Thiaj tseem nco----------------------koj ua luaj li
    Hnub thawm hli----------thiaj tshem tsis tawm
    Kev txij nkawm-------------------li ncav tsis tau
    Nws thiaj dhau--------------------ua kev sib nco
    Koj thiaj ho--------------------poob rau tom qab
    Nyob nrog kab-------------thiab nrog noog quaj
    Kuv ncaim tuaj--------------------rau rooj teb no
    Los tseem nco------------------wb tej chaw nyob
    Lub siab mob---------------cuag kua txob ntsim
    Ntshe yog vim---------------txoj hmoo tsis tiam
    Teb chaws piam-----------nplog liab siab phem
    Tuaj rhuav tshem------------peb Hmoob yaj sab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus-----------------thiaj tsis tau koj
    Lub plawv ntoj-----------------ces siav yuav yaj
    Nco koj tshaj-------------------nyob rau tiam no
    Xyov yuav nco--------------mus txog hnub twg
    Me phooj ywg-------------------tus kuv hlub e!!
    Es koj ne!! -------------------puas nco kuv thiab
    Me nplooj siab---------------------tus cev tsis loj
    Koj niam noj----------------------dab tsi yug koj
    Zoo tam zoj----------------me ntxhais nkauj hli
    Es thiaj ci--------------------mus thoob ntiaj teb
    Ua rau peb-----------------------nco nej tag hnub
    Thiaj muab qhub------------coj los nthuav tawm
    Kev txij nkawm-----------------twb ncav tsis tau
    Nws thiaj dhau----------------------mus zoo li no
    Wb thiaj nco-----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub
    Kuv thiaj rub--------------------tsis tau koj npab
    Ua kuv nyab-----------------mus nrog kuv nyob
    Siab thiaj mob----------------cuag dej kub npau
    Nws thiaj dhau-----------------mus ua dab neeg
    Muab tham deeg---------------nrog huab cua ya
    Li thov xa-------------------------ib tsab xov tua
    Nrog suab quaj---------------saib koj puas hnov
    Neej nram ntxov---------nyob teb chaws nplog
    Puas nco txog------------------wb txoj kev hlub
    Yav thaum ub----------------nyob pem teb yeeb
    Tej lus tseeb-------------------kuv tseem nco tas
    Siab khis ras------------------cuag rwj aws ncus
    Tham lo lus------------------yeej hais tsis tawm
    Kev txij nkawm-----------------tsis tau nrog pib
    Thov kom ntsib-----------------nyob rau tiam ob
    Neej pov plob-------------------ho nphau rov los
    Tej lus ntos-------------------------seev koj tas li
    Zais tuag nthi---------------rau hauv nruab siab
    Koj tus ntxhiab---------------kuv tseem cim cia
    Ntsib mam qhia---------------rau koj lawm xwb
    Hais txog wb---------------------txoj kev sib nco
    Thov saub ho------------muab ntawv nyiaj keeb
    Los nrog teeb---------------ua ntawv puaj txwm
    Tuav keeb kwm---------------rov rau lwm tiam
    Wb keeb kiam---------------mam ho ntsib ntxiv
    Thiaj tsis chiv------------------kev mob siab dua
    Xws nthwv cua--------nplawm ntuj ntws lawm
    Kom hmoov sawm------------wb txhob sib cais
    Yog yuav hais--------------yeej tham tsis txhua
    Thiaj li ua--------------------npau suav pom koj
    Siab ntsws ntoj---------------nco koj heev dhau
    Thiaj li tau-----------------muab los tham tawm
    Kom plawv nqawm---------siab ntsws ho nqig
    Tej tsuj plig---------------------rov los puab cev
    Siab ho ntev------------------ua neeg mus ntxiv
    Yog yuav chiv------------------npau suav li qub
    puas muaj hnub--------------rov tau lawm mog
    Tseem xav txog---------------lub neej yav dhau
    Wb tseem yau-----------nco npaum nkauj hnub
    Ntsib dab ntub-----------tseem tham luag ntxhi
    Txiv nraug hli---------------nco koj tshaj plaws
    Yog tham ntxaws-----------ces kua muag poob
    Me nkauj Hmoob------------tus me ntxim hlub
    Nkauj dab ntub------------txiv nraug npau suav
    Tham tsis dhuav-----------------ua ke tsis txaus
    Hais tsis xaus---------------------tej lus sib hlub
    Nkauj dab ntub----------thiab nraug npau suav
    Nws puas tshuav-----------ib zaug lawm nawb
    Hmoob roob tsawb-------------tus me neeg zoo
    Yog puag loo-----------------mus yeeb yaj kiab
    Thiaj zoo siab------------------os me leej muam
    Tej lus xuam---------------thov koj txhob chim
    Yeeb yog vim--------------txoj hmoov tsis txog
    Tej lus cog------------------hais muaj hais khov
    Thiaj tig rov----------------nyob lwj siab ntsuav
    Yam noog puav------------------ua neej dai taw
    Tsis muaj chaw------------------li no lawm tiag
    Lub xub ntiag-------------------thiaj pw txias to
    Seev tag hmo-------------------rau tej npoo txaj
    Lub ntuj kaj--------------------los tsis xav sawv
    Ntuj yuas lawv------------------tus me neeg zoo
    Tsis muaj hmoo-----------------thiaj tsis tau koj
    Yog tuag ploj-----------------thov kom sib ntsib
    Nywj vag ib-----------------nyob rau nruab dab
    Tuav koj npab---------------haus paj zaub quag
    Rov tau puag----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab
    Mus thawj thiab----------------xeeb rov los dua
    Kom txhob tshua----------------koj li lawm tiag
    ( xaus li no )

    [/center]

    [/center]


    [/center]

      Current date/time is Fri Aug 22, 2014 2:51 pm