HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

ntuj  tshiab  niam  Hmoob  huam  txog  

Gallery


Log in

I forgot my password


    Paj Huam Sib Hlub

    Share

    Ntsuj_Plig
    Moderator

    Posts : 604
    Join date : 2011-02-15

    Paj Huam Sib Hlub

    Post by Ntsuj_Plig on Thu Feb 17, 2011 9:47 pm

    First topic message reminder :



    Nkauj Dab Ntub thiab Nraug Npau Suav

    Muaj ib hnub xyoo 2008

    kuv txawm sim tuaj mus ua si
    lam tuaj ncig nyob rau toj siab
    lub ntuj tshiab kuv kuj muaj hmoo
    hnov suab nroo hu tias leej nus
    koj tuaj mus ua tus dab tsi
    kuv txawm tig rov los mus saib
    tias me naib koj yog leej twg
    me paj lwg koj nyob twg tuaj
    puas tau muaj leej twg los hlub
    nkauj dab ntub txawm tig los teb
    zoo li peb tsis muaj neeg nyiam
    neeg lwj liam tsis muaj neeg ntshaw
    muab so taw los luag tsis yuav
    nraug npau suav thiaj txav zog los
    tias ab mos tus neeg ntxim hlub
    thiab los rub nws puag kiag cia
    muab nws hnia tias kuv hlub koj
    txawm sib coj mus ua si lawm xwb ...tiag..!!



    Last edited by Ntsuj_Plig on Mon Jun 23, 2014 5:36 pm; edited 3 times in total

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed Nov 06, 2013 4:22 am

    Xyoo tshiab no kuv tsis muaj koj
    muab xav zoj lub siab quaj dhi
    xav tuag nthi mus thawj dua thiab
    los yug tshiab ua koj thawj tug
    yuav tsis nrug koj mus ib sim
    kuv yuav cim koj rau nruab siab
    lub neej tshiab hlub koj ib leeg
    koj puas ntseeg os tus kuv hlub
    kuv niaj hnub nrhiav koj txhua qhov
    koj puas hnov thiab puas kam teb
    ncua kev deb leeg nyob sab ntuj
    los ya yuj tuaj wb sib ntsib
    thov ho qhib koj lub suab tham
    nyob ib tsam nrog kuv puas tau
    ntau siab npau kom kuv siab nqig
    yog ntuj tig kuv mam hlub koj
    tsis pub ploj hauv ntiaj teb no...mus os mog!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Wed Nov 13, 2013 7:40 pm

    Tsis txhob tu siab qhov kuv tsis yuav koj
    Vim yog wb txoj hmoo yeej los tsis txog
    Txhob khuvxim qhov wb tsis sib tau
    Vim wb txoj hmoo yeej los tsis sib raug
    Tsis txhob tu siab qhov kuv tsis yog koj tug
    Vim txoj hmoo yeej tsis pub wb los ua khub
    Txhob tu siab qhov kuv muab koj tso cia
    Vim ntuj yeej tsis tsim kuv los ua koj pojniam

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sat Nov 16, 2013 4:12 am

    Koj tsis tuaj los tsis ua cas
    ntuj yuav tas ntiaj teb yuav kawg
    peb cov npawg twb yuav ncaim mus
    kuv leej nus los tsis khoom tuaj
    vim kuv muaj hauj lwm ntau yam
    thiaj tau plam txoj kev ua si
    tuaj sib ntxhi nrog huab nrog cua
    tam nplooj qhua cua tshuab puv toj
    hais txog koj ho puas nyob zoo
    tsis hnov nroo kuv yeej tso siab
    pom tshwm thiab sau lus paj huam
    hmoob leej muam rau siab ua neej
    kom nyob tsheej lub neej tiam no
    raws kuv nco muaj xwm txheej ntau
    dej los nphau yuav nyab ntiaj teb
    xyov koj peb puas yuav sib ntsib
    thiaj tau qhib sau ua paj huam
    rau leej muam ho coj mus xav...nawb mog!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Tue Nov 19, 2013 9:08 pm

    Nyobzoo me leej nus tus zoo
    Tuaj nug moo txog peb lub ntuj
    Peb los kuj tsis muaj abtsi
    Tseem luag ntxhi li yav tag los
    Tseem nyob tos tias muaj ib hnub
    Hmoob leej tub tseem yuav rov tuaj
    Yog hmoov muaj tseem yuav sib ntsib
    Vim hnub ib peb twb sib paub
    Txawm yawm saub muab ntuj tig mus
    Ntuj tsis tus ntiajteb yuav kawg
    Txawm ntuj tawg thiab av yuav qeeg
    Peb cov ntseeg yuav tsum txhob txhawj
    Tus uas txawj ho pab tus ruam
    Thov txhob thuam ua neej sib hlub
    Ntuj thiaj pub peb muaj sia ntev
    Thaum tws kev ntuj yeej yuav pab
    Txawm dej nyab toj roob hauv pes
    Los No Es tseem nyob khov kho
    Yeej tsis tso Vajtswv tseg kiag
    Tseem sau cia nyob ua keeb kwm
    Kom peb hwm Vajtswv txoj lus
    Ua ntu zus Vajtswv tau hais
    Tej lus txhais hais txog dej nyab
    Ntuj tom qab no yuav tsis muaj
    Kev puas tsuaj nyob rau tiam no
    Ntuj yuav tso hluav taws los hlawv
    Dej yuav txhawv av yuav kub hnyiab
    Pom dej liab ces yog hluav taws
    Cua yuav yaws vajtse yuav puas
    Neeg yuav tuag li tej nplooj zeeg
    Vim ntuj qee thiaj muaj cua tshuab
    Tej nplooj ntsuab yuav nyob khov kho
    Tej uas po zoo li nplooj qhua
    Yuav raug ntshua kom ploj ntais mus
    Thaum cua tus ntiajteb tshiab khiv
    Peb Leejtxiv yuav cev tes rub
    Peb los hlub rau nws xub ntiag
    Nrog nws kiag nyob mus  ib txhis..., xwb tiag!
    Tsis ntshai li yog peb ntseeg Nws!

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Tue Nov 19, 2013 9:46 pm

    Npauj Npaim......

    Ua tsaug os, koj sau tau paj huam zoo kawg li lawm mas.

    Hos ntawm kuv tus tseem coj dab
    ntsia pom tshab rau sab ntsuj plig
    lub ntuj tig ntiaj teb pauv hloov
    tej noog roov nyob saum laj roob
    los yuav poob tuag mus kom tag
    tej uab lag los zaum zov noj
    cov tsiaj loj li tso thiab dais
    lawv yuav pais nkaum tag qhov zeb
    hauv ntiaj teb dej nag yuav nyab
    me zaj nab tsis tau kev nyob
    ntuj ua mob rau ntiaj teb neeg
    koj puas ntseeg muaj qee thaj chaw
    ciaj hluav taws nroj tsuag tuag tas
    hauv tiaj nrag nws raug dej nyab
    ntuj qab plab tsis muaj chaw nkaum
    mam sib yaum seb txoj twg yog
    txhob sib npog ho sib pab qhia
    cawm txoj sia ntawm neeg lub neej
    seb puas tsheej rau tiam tom ntej...os mog!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Wed Nov 20, 2013 3:55 am

    Koj coj dab ntsia pom ntsujplig
    Lub ntuj tig koj paub txhua yam
    Koj txawj tham li koj yog saub
    Tias koj paub li ub li no
    Ntuj yuav tso dej nyab ntiaj teb
    Tej pob zeb los yuav dov toj
    Tej ntses loj me nab me qav
    Los yuav txhav tuag mus kom tas
    Me noog nas me tsov me plis
    Tej nyuj tshis khiav nkaum qhov zeb
    Hauv ntiajteb dej nag yuav nyab
    Me laj kab vaj tsev chaw nyob
    Nws yuav pob nrog dej nag ntws
    Noog qwvqws thiab tej noog roov
    Nyob nruab zoov tsis tau chaw nkaum
    Tej kab ntsaum dej nyab tuag tag
    Tej dej nag yog ntuj tso los
    Kuv tsis nros txog tej cua hlob
    Thiab av pob vim yog ntuj tsim
    Ntuj yuav lim ib tog zuj zus
    Nws yuav pus tus neeg siab ncaj
    Nyob ntuj kaj tau kev kajsiab
    Tawm ntuj tshiab nyob luag ntxhwb ntxhi 
    Peb Leejtxi yog Vajtswv Ntuj
    Nws tej txuj peb paub tsis tag
    Txawm ntuj nag ntuj kub ntuj sov
    Thaum sawv ntxov los yog ntuj tsaus
    Tsis hais laus los yog tus hluas
    Nws saib xyuas peb txhua txhia leej
    Kom peem tsheej nyob kaj siab lug
    Peb txhua tug uas ntseeg nws lawm
    Nws yuav cawm kom peb tiv taus
    Thaum ntuj tsaus nws qhia peb paub
    Kom txhob saub txhob seev txhob quaj
    Kev ploj tuag yog Vajtswv lim
    Tus yuav dim yog Vajtswv tshau
    Nws yuav npau kev mob kev nkeeg
    Ntuj thiaj qeeg kom tej ntawd ploj
    Kuv thiaj koj thiaj muaj txoj sia
    Ntuj yuav cia tus neeg zoo nyob
    Ntuj yuav pob tus neeg phem mus
    Kom puas tsus kev phem kev qias
    Muab nphau kiag rau qhov ntuj saus
    Peb tus saub yog Vajtswv Ntuj
    Tus tsim nuj thiab paub txhua yam
    Tej lus  tham uas peb tau hais
    Yog Nws txhais peb thiaj paub tseeb
    Yog Nws feeb ces peb paub txhua
    Tej huab cua txawm nws yuav hloov
    Vim ntuj tshoov kom neeg ceev faj
    Thaum ntuj kaj kom paub nrhiav noj
    Tso ntuj coj peb txoj hauv kev
    Rov mus  tsev saum ntuj ceebtsheej
    Peb lub neej txoj kev sib hlub
    Peb tsis ntxub thiab peb tsis cais
    Tab meeg hais kom nej paub txog
    Tias tiam no thiab tiam tom ntej
    Kuv tub nej thov ntseeg Yesxus
    Nws yuav pus yuav rub nej npab
    Thov tso dab txoj kev cai tseg
    Tsis txhob leg txhob mloog dab hais
    Kuv me ntxhais nej thiaj dim txim
    Lub tswv yim yog Yesxus kav
    Txoj kev xav yog Vaj Ntsujplig
    Cia li tig los cuag tus Tswv
    Peb tsis txwv qheb rooj lug tos
    Cia li los peb sawv daws ntseeg
    Noob neej neeg Vajtswv menyuam
    Txhob sib thuam Vajtswv thiaj hlub
    Nws thiaj pub kev noj haus huv
    Rau koj kuv peb txhua txhia tus
    Mloog nws lus peb thiaj muaj neej
    Thiaj peem tsheej ua neej kaj siab
    Nyob ntuj tshiab peb lub tebchaws
    Lub ntuj ntawd yog Leejtxiv tsev
    Nyob uake mus  tag ib txhis!!!
    Nrog Leejtxiv peb Vajtswv Ntuj
    Tus muaj txuj tshaj txhua tsav yam
    Halelusyas!  Amen!

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Thu Nov 21, 2013 4:11 am

    Zoo siab rau koj cov paj huam
    hais cuam tshuaj txog ntuj ceeb tsheej
    koj hais meej lub neej tiam no
    cia wb ho tham dua lwm yam
    kuv xav tsam caij nyoog ho dhau
    wb tsis tau rov tuaj sib ntsib
    cia kuv pib tham txog kev hlub
    yam lub hnub twb yuav dua toj
    nyob ntawm koj ho xav li cas
    lus hais tas nkauj muam nraug nus
    lam sau lus piv sab sij huam
    hais cuam tshuam txog neeg kev hlub
    kuv leej tub muab xav los ntev
    thaum nyob tsev sau ua dab neeg
    kuv yeej ntseeg tias kev sib hlub
    thiaj yuav rub tau neeg lub siab
    kua muag iab thiaj yuav tsis poob
    me nkauj hmoob yog kev hlub tsuag
    txawm yuav nquag npaum li cas los
    ntshe laj tos txog hnub siav tu
    thiaj nqua hu rau tej ntxhais hmoob
    uas muaj coob cov uas nrauj txiv
    thov pib chiv dua lub neej tshiab
    ho rub siab kom ntev dua qub
    luag tsis hlub los yuav tau uv
    tseg txhob thuv tej qub hluas nraug
    tsam ho raug txiv muab tso dua
    tej tub hluas los ib yam thiab
    tau tu tshiab txawm yog nkauj mos
    tseg txhob yos los pib lub neej
    kom nyob tsheej thiab ho tsheej cuab
    txhob lam muab hmoob tej me ntxhais
    coj mus hais khav ntuj nrag lus
    muaj qee tus luag ho ntxias tau
    zaum tsaws npau xwb tiag cov npawg
    txiv neej yawg thaum poj niam nyob
    yau thiab hlob luag noj tsis cais
    thaum cov ntxhais muab yus tso cia
    xua kev dhia mus loj leeb
    mas hais tseeb luag noj tsis hu
    yus txawm nug luag twb tsis teb
    thov kom peb nyias hlub nyias tus...mog!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Fri Nov 22, 2013 11:11 pm

    Wow!
    Ua li kiag, koj twb hais tau zoo heev txog txojkev hlub lawm.  Kuv los yeej xav li koj hais thiab.  Ua neej nyob ces yog tsis muaj kev hlub ces lub neej yeej tsis ntseej ib yig li.  Txoj kev nkauj kev nraug los yog tsis sibhlub ces yeej tsis tuaj sibntsib li thiab.  Vim kev hlub xwb thiaj muaj kev sib raugzoo thiab tuaj sibntsib nyob uake os nawd.

    Ntawm kev txijnkawm los  ibyam.  Yog  ib nkawm niamtxiv sibyuav tag tsis muaj kev sibhlub ces lub neej yeej mus tsis taus li.  Qhov yuav muaj kev sibhlub rau ib nkawm niamtxiv, yuavtsum yog obleeg sibpab.  Ua ibyam abtsi los obleeg sibpab thiab sib qhia siab mas thiaj muaj kev sibhlub nawd.

    Cia kuv mam sau ib txoj pajhuam hais txog ib nkawm niamtxiv txojkev hlub nawd.

    Ntawm no mus yog lus pajhuam
    Hais cuam tshuam txog neeg lub neej
    Thaum peem tsheej nyob ua ib yig
    Niam muaj txi thiab txiv muaj niam
    Txhob sib tshiam hais lus sib chob
    Ua zoo nyob tuav lub neej mus
    Tej ncauj lus niam hais txiv mloog
    Niam txhob nroo thiab txiv txhob nros
    Txhob sib nyhos hais lus chob siab
    Niam thiaj kiab txiv thiaj zoo plawv
    Ob leeg sawv sib pab khwv noj
    Niam nce toj txiv yuav soj qab
    Rub niam npab pw txiv xub ntiag
    Sib puag hnia muaj tub muaj ntxhais
    Ua zoo hais thaum ib tug mluas
    Yuav saib xyuas thaum muaj mob nkeeg
    Tsis txhob qee coj lub siab phem
    Tsis txhob lem mus coj siab dub
    Neb me tub twb hlob tiav hluas
    Mloog lus ntuas ua neej txhob cais
    Neb me ntxhais twb hlob tiav nkauj
    Ua zoo xauj thiab ua zoo xyuas
    Txoj kev hluas muab tso kiag tseg
    Txhob sib nthe koj phem kuv zoo
    Tsis txhob nroo cia li sawv hlo
    Los sib kho tuav neb lub neej
    Peem kom tsheej ib yim neej zoo
    Tsis txhob nroo txog tej qub hluas
    Cia li qhuas yus tus me hlub
    Uas ntuj pub thaum chiv keeb los
    Thiaj li yog yus tus me tav
    Cia li kav thiab txaus siab hlo
    Tias tus no thiaj yog yus tus
    Mloog nws lus thiab caum nws qab
    Tuav nws npab rub kiag los hnia
    Nias siab qhia kuv hlub koj tshaj
    Pw koom txaj thiaj sov lub siab
    Thaum siab kiab ces luag ntxhwb ntxhi
    Kev uasi muab tso kiag tseg
    Cia li nreg neb lub neej mus
    Coj siab tus tuav neej kom khov
    Thiaj yuav nrov lub koob npe zoo
    Thawm txhua xyoo tias neb sib hlub
    Yug muaj tub muaj ntxhais puv tsev
    Niam siab ntev txiv coj siab ncaj
    Koom siab npaj rau lub cuab yig
    Kom nto ntsis tsis muaj hnub dhuav
    Sib pab tuav kom neb tsim nyog
    Tias tiam no neb muaj koob npe
    Nyob uake thaum hluas nto ntsis
    Nyob ib txhis tsis muaj hnub ncaim mog.

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sun Nov 24, 2013 1:12 am

    Nws muaj tseeb li koj tau hais
    peb tau txais txoj kev txij nkawm
    muaj poj yawm yog cov rhawv kab
    tus nkauj nyab thiaj tau nraug vauv
    neej thiaj pauv ntawm txoj kev hluas
    ua zoo xyuas tsim nyog sib hlub
    noj sib pub pw los sib puag
    txog thaum tuag yog muaj tiam tshiab
    hauv lub siab tseem yuav nco ncia
    coj mus qhia rau yawm saub hnov
    rov mus thov dua daim ntawv hlub
    kom saub pub rov los sib yuav
    vim tseem tshuav kev hlub tsis tag
    tsis lam dag yog txawj sib tshua
    txawm yuav tuag los tseem sib nco
    hos yog ho tsis txawj sib hlub
    nyob ib hnub ntev npaum ib xyoos
    xav tuag nyoos mus yug dua tshiab
    kom lub siab txhob nco txog nws
    tsis lam yws kuv hais muaj tseeb
    thiaj tau feeb kom puv txheej txheem...os mog!!




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sat Dec 14, 2013 1:33 am

    Ib sij huam christmas los txog
    koj puas nco txoj kev phooj ywg
    ib hnub twg yog dhau mus lawm
    yuav tsis tawm rov qab los dua
    txoj kev tshua uas peb tau ntsib
    tam tsob dib hlav mus puv toj
    nws yuav ploj yam dej lwg poob
    cov muam hmoob nej nyob li cas
    christmas thov kom nyob zoo
    kom muaj hmoo tau nrog tsev neeg
    uas koj ntseeg nyob kaj siab lug
    tshuav ib tug koj hlub tshaj plaws
    thov muab tsaws los puag ib zaug
    yam nkauj nraug txoj kev sib ntsib
    thov kom qhib lub siab dawb paug
    yog ib zaug rau neb lub neej
    kom nyob tsheej ib cuab ib yig
    mus ib txhis lawm yav tom ntej...xwb mog!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Thu Dec 19, 2013 7:43 pm

    Nyobzoo Ntsujplig,

    Pom koj tuaj sau tau pajhuam kho siab kawg tabsis kuv tsis tau khoom teb ces nws kavtsij tuaj sau ntxiv txhob qaug zog nawv mog.

    Hnub twg kuv khoom mam tuaj nrog nws sau os.

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Jan 10, 2014 6:11 pm

    Npauj Npaim

    Tsis txhob nyuaj siab txhob Ntsuj Plig mog, muaj dab tsi kav tsij mus ua pab rau nws tsev neeg ua ntej muaj caij khoom mam tuaj ua si os. Ntu no kuv los tuaj tsawg heev lawm thiab vim tsis muaj sij hawm khoom li lawm thiab os.


    Last edited by Ntsuj_Plig on Fri Jan 10, 2014 6:27 pm; edited 1 time in total




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Jan 10, 2014 6:26 pm

    Lub xyoo laus twb dhau mus lawm
    xyoo tshiab tawm ob txhiab kaum plaub
    qhia koj paub nws yog xyoo khub
    txoj kev hlub muaj loj zuj zus
    nyaj ib ntus kev phem yuav dhau
    txoj kev npau nws yuav ploj mus
    xyaum hais lus zoo rau xyoo tshiab
    qhib lub siab kom nyob dav fo
    hnav ris tsho kom zoo nkauj rhib
    rov mus qhib muab tej duab saib
    cas me naib twb loj tiav nkauj
    ho mus xauj tej me tub tub yau
    lawv loj tau dawb paug mos nyoos
    hnav phim tsoos xav mus dhia qaib
    tig rov saib yus tus me hlub
    yav thaum ub nws zoo nkauj tshaj
    cas laus tag kaum muag pib ntsws
    cev tes phlws tias kuv hlub koj
    los xav zoj yuav tshuav tsawg xyoo
    yog muaj hmoo wb txoj kev hlub
    yav thaum ub kheev lam tig tau
    tsis txhob dhau mus nrog hnub nyoog
    ua yog toog pom koj tseem hluas
    cev tes xuas ntuj teb tag hmo
    kuv tseem nco yav ua koj hluas
    kuv tuaj xyuas nej noj peb caug
    muaj ib zaug peb los saib nej
    rau mov nplej thiab nqaij qaib hau
    thaum noj tsau pom koj zoo nkauj
    xav cauj xauj tas li xwb tiag
    cas ib pliag wb twb laus tag
    tshuav nrig pas xwb tiag koj niam
    los kav liam lub neej xam tau
    tias thaum yau kuv yog koj tug
    txawm luag nug koj yeej lees paub
    zaum no lau laus tag lawm tiag
    txaus siab kiag ua kuv leej poj
    thaum koj noj cia kuv mam pub
    txoj kev hlub cia kuv mam puag
    txog thaum tuag mam li sib ncaim...xwb mog!!
     


    Last edited by Npauj Npaim on Tue Jan 21, 2014 9:35 pm; edited 3 times in total (Reason for editing : single space)

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Jan 10, 2014 6:26 pm

    Pab kho kom txob nrug deb deb puas tau???




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Tue Jan 21, 2014 9:37 pm

    Nyobzoo me Ntsujplig,

    Zoo siab hnub no twb yog lub xyoo tshiab tabsis koj tseem rov tuaj ncig txog npaum npaim lub ntuj tshiab thiab es zoo siab ntsib koj mog.

    Thov kom xyoo no koj tsuas ntsib kev kajsiab xwb mog.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Tue Jan 28, 2014 8:32 pm

    Nyobzoo ib tsoom phoojywg,

    Lub xyoo tshiab no nej puas nyobzoo
    Ua cas tsis pom nej tawm tuaj nrog kuv nroo
    Kuv nyob ib leeg ntsiag to tsis muaj suab sab
    Zoo li tus noog ya tsis taus pheej poob qab

    Lub xyoo tshiab no nej npaj siab mus ua abtsi
    Kuv los kuj tsis muaj abtsi tshiab rau nej kawm li
    Tsuas yog tuaj ncig saib puas ntsib nej xwb tiag
    Thov kom nej txhua tug tau ntsib kev kaj siab mog.

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Tue Mar 04, 2014 8:14 pm

    Vib Nais Chaw Nco:

    Yeej Vib Nai yog Hmoob ceeb tsheej
    muab saib meej mas yeej tsim nyog
    rau peb nco qub zog Vib Nais
    yog yuav hais hmoob muaj hov coob
    tas peb hmoob los nyob Vib Nais
    raws li hais rau caum txhiab leej
    mas hais meej plaub caug tsib phav
    lawv muaj npav los nyob raug cai
    thiab tsis ntshai txawm thaib tuaj tshawb
    cov npav dawb raug xa rov nplog
    muaj ib co lam los khiav nkaum
    nyob sib caum kwv tij neej tsa
    lus hais tas tsis muaj taus maus
    neej tsis xaus raug xa chiengkham
    ua npav tas thiaj tau xam phaj
    mas hais ncaj cov nyob Vib Nais
    caij noj tshais pas thus tsw thoob
    lub neej hmoob tsis ua dab tsi
    tshav ntuj nrig teb tub ntxhais hluas
    sib yaum xyuas movie liab qab
    mus tas pab ntuj teb tag hmo
    thaum plab o tej laus mam paub
    ces ua plaub sib cav sib ceg
    quaj vwm leg tam neeg qaug cawv
    hmoob yuas lawv tej me nkauj nraug
    sib tham raug dai siab tshaj plaws
    hmoob sawv daws txoj kev sib nco
    kuv hais no nws muaj tseeb tiag
    yog nce kiag rau roob kaum npaj
    kho siab tshaj ntsia tej hluas nraug
    pob hauv caug lo av lwb li
    lawv ua si tsis nco qab nkees
    tham seev yees txoj kev sib ncaim
    koj sawv nraim rau kuv nruab siab
    kua muag iab tsis muaj hnub tu
    lawv ntim su mus noj ua si
    tham luag ntxhi tej me hluas nkauj
    kuv mus xauj sib nwj sib hnia
    thaum tso cia ces lawv zog tas
    pw xyab nqa yam nkaus tuag lawm
    thaum kuv tawm ob me plhu nphob
    ua txuj mob taub hau yuav tawg
    tiag cov npawg thiab hmoob cov muam
    lus paj haum sau tseg li no
    cia lwm hmo mam ho sau ntxiv nawb mog!!




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Mon Mar 31, 2014 6:11 pm

    Khaw tseg ua dab muag
    Me Nkauj Hmoob koj tej lus nco
    kuv tus no mam muab khaws cia
    yog txoj sia tseem tsis tau tu
    yuav ev xyu mus kom nto roob
    mam qhia thoob rau ntiaj teb no
    tias koj nco wb tej chaw ntsib
    puag thaum pib thawj hnub sib pom
    kuv xav txhom koj mus ua nyab
    ntshai tsam ab tsis tau mis noj
    ho tso koj los nco ua luaj
    xav tsis tuaj lub siab quaj dhi
    pheej tham ntxhi ntuj teb tag hmo
    kuv niag pog tseem tau txhawj xeeb
    mus hu neeb tuaj ua kho tas
    los ua cas hu plig tsis rov
    plig mus zov lub me paj zoo
    lawm ntau xyoo muab nyuj los hu
    yawg Xaiv Tsu saib nyuj tus tw
    cas txoj lw sib hlub to tog
    kuv aib pog thiaj poob plig tas
    yuav ua cas thiaj hu tau rov
    lawv tias xyov cia ua neeb ntxiv
    thiaj mus fiv aib yawg Nom Phaj
    pib nce thaj ces pib khav ntsuj
    mus dhau ntuj ceeb tsheej tsis tau
    kawg niam yau xwb thiaj yuav pab
    Nom Phaj tshab txhais ua lus hais meej
    tus cawm seej ces yuav Paj Zoo
    nws txoj hmoo thiaj yuav nyob laus
    thov muab xaus li no tso mog......hahaaa




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sun Apr 13, 2014 7:14 am

    Thaj chaw no tsis muaj neeg tuaj
    nphob ua luaj nej mus twg tas
    muab xav mas tu siab tshaj plaws
    Hmoob sawv daws nej tsis txhob nkaum
    rov tuaj xyaum sau paj huam cia
    tuaj sib qhia txoj kev ua neej
    muaj qee leej lub neej puas tag
    caij ntug nag nplooj ntoos pib hlav
    lub ntuj tshav nco nws ib zaug
    caij ntuj tsaug thaum te sam khub
    nco leej tub tsis muaj neeg puag
    mus muab luag los hu ua txiv
    los tsis piv yus nraug txhav noog
    ua yog toog tau nws tes tuav
    yog npau suav lawm xwb ntag tiag
    muaj ib txhia muab poj niam nrauj
    ho mus xauj lawv tej ntxhais mos
    yuav coj los ua nws leej nyab
    mas hais tshab lam tau lub cev
    ua siab ntev nplij hnub dhau hmo
    los yeej nco yus niam txhav qaib
    tig los saib wb ntxhais tseem yau
    tsis tau khau yuav mus kawm ntawv
    niam yau sawv los khawm txiv cia
    me nyuam ntsia kua muag poob ntav
    saum lub lav tsis muaj neeg kho
    kuv hais no tsis txhob lam chim
    leej twg sim lawm mas thiaj paub
    tej lauj kaub tsis muaj neeg ntxhuav
    qhov suav suav los lawm du lug
    tau tib tug me nyuam ntxhais mos
    pw tsheej hmos tsis paub ua tshais
    tham ua nkais nyob hauv toj siab
    nws lub siab nco qub hluas nraug
    lam nyob laug ua tau npav ntsuab
    ces nws muab yus laim hlo cia
    xuas kev dhia mus nrhiav tus tshiab
    yawg lub siab mas mob tshuav tawg...xwb tiag lawv!!!




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed Apr 30, 2014 8:08 pm

    Npauj Npaim Ncaim Mus

    Ib sij huam Npauj Npaim yuav mus
    Kuv leej nus lub siab ntxhov hnyo
    Cas nag hmo thaum tau txais xov
    Tias koj rov tuaj saib zaum kawg
    Peb cov npawg nco koj kawg tiag
    Koj ncaim kiag zoo tam lub ntuj
    Huab yaj yuj muab tsis tau los
    Peb lub zos ces yuav pib nphob
    Thaum koj nyob sawv daws luag ntxhi
    Tam lub hli ziab lub ntiaj teb
    Ncua kev deb koj mus lawm dhau
    Puas yuav tau hnov xov lawm os?
    Mus nco txog ntsia ntuj hnub hli
    Chaw ua si yav nram ntej ub
    Dej nag txhub tuaj nroj ntsuab xiab
    Hauv koj siab puas tshua txog peb
    Ncaim mus deb ua tib zoo coj
    Ua siab loj mus ua lub neej
    Nyob kom tsheej ib cuab ib yig
    Yog ntuj tig ho tau sib ntsib
    Yam tsob dib luag cab puv toj
    Kuv thiab koj mam los sib cuag
    tam nus muag los ib vuag dua
    txoj kev tshua nco mus ib sim....os mog!!!




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Tue May 06, 2014 9:59 pm

    Yog koj mus muaj ib hnub twg
    nco phooj ywg ho rov qab tuaj
    twb tseem muaj peb sawv daws nyob
    mus tsis txhob tag kev cia siab
    lub tseem ntsiab xaiv txoj kev taug
    muaj ib zaug kuv tseem nco tau
    yav thaum yau hauv kuv lub neej
    nyob tsis tsheej pw tsis tsaug zog
    ntawd mas yog lub neeg ntsuag nos
    kuv sawv los lub ntuj tsaus nti
    yam lub hli huab laum yuav ploj
    kuv xav zoj yuav tau pauv kev
    nyob hauv tsev xav ib hnub nkaus
    thaum xav txaus thiaj txiav txim siab
    taug txoj tshiab mus dua lwm qhov
    tos kuv hnov tuaj txog thaib teb
    ncua kev deb tsis nco qab nkees
    siab seev yees tso lub neej qub
    tuaj pom hnub ziab tej nroj tsuag
    ntsia ib muag ntiaj teb tshiab khiv
    thiaj mus ntxiv thaum rov tsim los
    ho tuaj txog teb chaws meskas
    zoo tas tas npaum ntuj ceeb tsheej
    tuaj ua neej nyob kaj siab lug...lawm xwb tiag!!!


    Last edited by Ntsuj_Plig on Mon Jun 23, 2014 5:29 pm; edited 1 time in total




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Mon Jun 23, 2014 5:28 pm

    Lub ntiaj teb nws yeej tsis ploj
    neeg ncauj loj lawv lam hais xwb
    cia koj wb mam sib pab sau
    kuv nco tau thaum 2000 xyoo
    muaj lub moo Yesxus yuav los
    tsoom ntseeg tos los tau ntev lawm
    tsis pom tawm thiab tsis muaj tseeb
    neeg khib xeeb ntuj fav teb lam
    lawv thiaj tham ntuj tag teb kawg
    tiag cov npawg thiab leej muam zoo
    tau ntau xyoo twb tsis tshwm sim
    tsis txhob chim tej lus kuv hais
    tsuas yog txhais kom nws muaj tseeb
    kev thaj yeeb tseem yuav muaj ntxiv
    cia mam chiv los hais dua lwm zaus...mog




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Mon Dec 15, 2014 10:01 pm

    Ib sij huam caij ntuj qhua dhau
    hos los rau lub caij snow
    lub ntuj tsaus cuag tsis muaj hnub
    txoj kev hlub uas nyob deb ncua
    ua chaw tshua tsis muaj hnub ploj
    snow loj tsis pom kev tag
    tsheb lam nkag li tej vaub kib
    ib sij ntsib luv poob qab ke
    yog nyob ze cia kuv puag koj
    zoo tam zoj me noog pub kab
    ntuj nram qab seb puas yuav zoo
    yog muaj hmoo wb ho tau ntsib
    kuv yuav pib hais rau koj tias
    nyias nyob ib leeg sab ntuj
    siab ya yuj nrhiav koj txhua hnub
    txoj kev hlub nyob ntuj tag hmo
    kev sib nco loj hlob nruab siab
    tsis pom thiab tab sis ho hnov
    qee yam xov hauv lub xov tooj
    yam tej kooj thiab me kab saub
    qhia kuv paub tias koj hlub kuv
    thiaj pheej uv nyob tav li no
    kuv thiaj nco koj tsis paub ploj
    snow loj mus twg tsis tau
    zaum tsaws npau ntsia ntawm qhov rai
    pom kauv sai thiab tej mos lwj
    tseem sib nwj xav txog rau koj
    ncauj lam noj mov tsis poob plab
    ntuj nram qab yog muaj txoj hmoo
    tam cua nroo hnov koj lub suab
    kuv mam muab piav qhia koj mog......!!!








    bird love Pictures, Images and Photos

    "Koj xwb thiaj yog tus kuv hlub"

    Lubpajzoo
    Moderator

    Posts : 455
    Join date : 2011-02-04

    Re: Paj Huam Sib Hlub

    Post by Lubpajzoo on Tue Dec 23, 2014 7:53 pm

    Lubpajzoo tseem muaj kev hlub
    Nyob li qub tsis tau hloov siab
    Caij ntuj tshiab ntuj nag ntuj so
    Lubpaj no yeej tsis hloov li
    Tseem tshiab khiv thiab cia ntsa iab
    Nyob nram kiab ntawm tej chaw so
    Lubpaj no tseem yog tib lub
    Puag thaum ub ntuj tsim teb raug
    Uas tau daug los ua lub tshiab
    Yeej tseem liab tseem zoo nkauj heev
    Neeg pom dheev yeej txaus siab tshaj
    Thaum ntuj kaj Lubpajzoo muab
    Daim nplooj ntsuab los qhwv nkaus tseg
    Tus me ceg yeej txheem khov kho
    Yeej tsis tso tuav rawv lub ntsis
    Tu hnia ntshis tsis pub tshav kub
    Rau nws hlub ua neej luag ntxhi
    Zoo tshaj li tsis muaj qhov tib
    Puag hnub ib uas tau ntsib ntawd
    Yeej tuav rawv los  txog tav no
    Yeej tsis tso yuav hlub ib txhis..., Smile

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Thu Dec 25, 2014 7:57 pm

    Txoj kev hlub Lubpajzoo muaj
    puas nyob ruaj li yav dhau los
    puas tseem tos lub hnub qub ci
    txhua txhua hli puas tseem sib hlub
    paj hnub qub puas ci puv ntuj
    puas ya yuj raws kab lwg hli
    tus duab ci puas ci ntsa iab
    tawm ntuj tshiab yuav ua li cas
    muab xav tas txoj kev sib hlub
    uas ntuj pub nws yuav dhau tiag
    yog xav kiag ib hnub laus zus
    kuv leej nus yeej txhawj xeeb kawg
    tiag cov npawg thiab lub paj zoo
    sib nug moo rau lub xyoo tshiab
    qhib lub siab rau txoj kev hlub
    thov ntuj pub rau lub paj zoo
    kom muaj hmoo sib hlub ntev ntev
    nyob hauv tsev los noj sib puag
    kom txawj nquag ua neej sib hlub
    li thaum ub nyuam qhuav sib tau
    zoo yam nkaus lub paj tawg tshiab
    qhib lub siab rau ib tug neeg
    thiab tsuas ntseeg nws ib leeg xwb
    hauv lub hlwb xav ntsoov rau nws
    tsis txhob yws rau ub rau no
    yav tag los kuv muab xaus cia
    mam sib qhia rau lub xyoo tshiab dua...mog!!!




    bird love Pictures, Images and Photos

    "Koj xwb thiaj yog tus kuv hlub"

    Sponsored content

    Re: Paj Huam Sib Hlub

    Post by Sponsored content Today at 3:22 pm


      Current date/time is Thu Dec 08, 2016 3:22 pm