HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

niam  tshiab  huam  Hmoob  txog  ntuj  

Gallery


Log in

I forgot my password


    Paj Huam Sib Hlub

    Share

    Ntsuj_Plig
    Moderator

    Posts : 604
    Join date : 2011-02-15

    Paj Huam Sib Hlub

    Post by Ntsuj_Plig on Thu Feb 17, 2011 9:47 pm

    First topic message reminder :



    Nkauj Dab Ntub thiab Nraug Npau Suav

    Muaj ib hnub xyoo 2008

    kuv txawm sim tuaj mus ua si
    lam tuaj ncig nyob rau toj siab
    lub ntuj tshiab kuv kuj muaj hmoo
    hnov suab nroo hu tias leej nus
    koj tuaj mus ua tus dab tsi
    kuv txawm tig rov los mus saib
    tias me naib koj yog leej twg
    me paj lwg koj nyob twg tuaj
    puas tau muaj leej twg los hlub
    nkauj dab ntub txawm tig los teb
    zoo li peb tsis muaj neeg nyiam
    neeg lwj liam tsis muaj neeg ntshaw
    muab so taw los luag tsis yuav
    nraug npau suav thiaj txav zog los
    tias ab mos tus neeg ntxim hlub
    thiab los rub nws puag kiag cia
    muab nws hnia tias kuv hlub koj
    txawm sib coj mus ua si lawm xwb ...tiag..!!



    Last edited by Ntsuj_Plig on Mon Jun 23, 2014 5:36 pm; edited 3 times in total

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed May 02, 2012 3:13 am

    PajHmabPajNtoos wrote:










    NtsujPlig kuv los ncig txog koj lub me to loog
    Kuv hnov koj lub suab nroo ua rau
    Kuv tauv tauv tsis tau kuv lub kua muag.
    Kuv tsis zoo quaj kuv lam ua lub me ntsej muag luag
    Tu tu kuv lub siab vim xyoo no phem niaj
    tsiv xyoo ntsia rau twg los tsis pom tus duab tshav ntuj
    ziab,Koj nyob lam khaws kuv tej me lus seev
    Txij no ces yuav tsis hnov moo
    Tsis pom neev mog,Yog nco txog mam tos hmo hli kaj
    Kuv nkauj siab ncaj yuav tuaj
    tos ntsuj plig rau saum hli .nco hmo e lub ntuj ci tshiab
    kuv tseem khaws koj me ntxhiab
    zais hauv kuv plawv .Tseem tuav rawv koj lub npe
    khaw kom zoo.txawm ntev xyoo los koj
    yuav nyob nraim hauv kuv siab ,Nws yuav ua lub hnub
    ci iab rau kuv nplooj plaw os Nco1Vuag.
    Koj nyob yog tshav koj ntuj .Ntshe kuv me ntsuj ho
    yuav nros ,Xyov yuav tos koj pes
    tsawg tiam mam rov ntsib.mam ho pib wb txoj kev
    Hlub dua ,Tiam no ces ntshe yuav
    Tshua tshua tuag lub qhov muag tsis xav qe ,Txawm ncaim mus
    lawm los yuav tso kuv lub me siab nyob
    nrog koj kam ze nawb mog Nco koj ua zaj ua ntxiv os .





    PjahmaPajntoos tus neeg zoo lus
    ncaim koj ib ntus lub siab quaj dhi
    nco tus duab hli thaum hmo hli nra
    koj hu tuaj tsa kuv sawv los teb
    nyob ncua kev deb cas tsis pom koj
    lub siab xav zoj nco koj tshaj qub
    wb txoj kev hlub puas muaj neeg paub
    txawm tais yuav saub ua ntuj los nag
    muab koj nco tag tam li paj tawg
    hlub tas txoj yawg los tseem yuav nco

    Ua cas hmo no koj thiaj yuav ncaim
    koj tseem sawv nraim tuaj kuv nruab siab
    txawm mus thawj thiab los yuav los tos
    yug ua ab mos los yuav los coj
    siab xav zoj yog koj ncaim tiag
    kuv tuag kiag koj thiaj zoo siab
    me mos liab kuv tus babe
    tsis txhob chim rov los kuv puag
    saib ib muag tso ma tus neeg zoo nkauj!!!


    [youtube][/youtube]

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Mon May 07, 2012 7:01 pm

    Nkauj Dab Ntub tus neeg kuv nco
    cas hmo no npau suav pom koj
    lub plawv ntoj siab nyob tsis tus
    nco zuj zus ua mob ntxuj ntxiag
    yuav tuag tiag yog tsis ntsib koj
    kuv xav soj koj txhua sij hawm
    thaum koj tawm mus rau txhua qhov
    kuv xav hnov koj tej lus zoo
    puas muaj hmoo kuv tau puag koj
    thaum koj noj cia kuv mam pub
    txoj kev hlub kuv ua tus puag
    txog thaum tuag wb mam sib ncaim...os mog!!!



    PajHmabPajNtoos
    Member

    Posts : 96
    Join date : 2011-11-29

    Re: Paj Huam Sib Hlub

    Post by PajHmabPajNtoos on Tue May 08, 2012 8:16 am




    Me NraugNpauSuav Puas tseem suav wb tej lus zoo
    twb ntau xyoo txog tav li no
    cas kuv nco koj ua luaj yeej tsis muaj tus zoo cuag koj
    Ua siab loj ,Yog wb muaj hmoo
    lub suab nroog uas niaj hnub nco ,Nws yuav tho lub
    toj lub pes yam me ntses yuav
    los cuag koj ,tsis ncaim npoj li niaj hnub no,Txojkev
    nco yuav tsis muaj lawm
    thov hmoov sawm kom wb sib cuag ,kuv li puag
    koj rau xub ntiag,kuv li
    Npliag kom koj tsaug zog ,Hli poob tog twb yuav
    dhau dawm..yog hmoov sawm
    wb yuav sib ntsib ,wb li pib lub neej sawv lig.Yeej
    Tshav nrig rau koj thiab kuv
    Yuav tsis khuv muab koj tso cia tus mob ntxhia wb
    muaj dhau los ,ciayam xyuv pos
    Muab nws nrauj loo,Ntshe yuav zoo kuv lub sia
    heev,Txoj kev seev yuav tsis
    muaj ntxiv lawm mog NtsujPligTus Tshua 1 txhis.







    Last edited by PajHmabPajNtoos on Tue Sep 25, 2012 9:13 am; edited 1 time in total

    PajHmabPajNtoos
    Member

    Posts : 96
    Join date : 2011-11-29

    Re: Paj Huam Sib Hlub

    Post by PajHmabPajNtoos on Tue May 08, 2012 8:23 am

    Npauj Npaim wrote:
    Me Vivncaus,

    Koj cov lus cas yuav seev tau tu siab ua luaj
    Kuv hnov kiag ua rau kuv lub siab nrog koj quaj
    Uacas yuav seev tias yuav mus tsis tuaj lawm
    Hnov koj tej lus ua rau kuv mob lub plawv

    Nws yuav mus lawm qhovtwg nas me niamhluas
    Uali nws txawm yuav mus tsis rov tuaj
    Ntshe kuv yuav tu siab nrho rau rooj teb no
    Ntshe yuav nyob ib leeg tsis muaj tus nco

    Kuv yuav ua cas nco me Ntsujplig neb na
    Neb ncaim kuv mus tseg kuv nyob siab tsis kaj
    Xyov yuav nco neb mus txog thaum twg
    Ntshe yuav nyob ibleeg tsis muaj phoojywg

    Sad Sad Sad Sad Sad Sad Sad Sad Sad Sad

    hehehe sister NpaujNpaim twb yog kuv nco nco nws lam seev xwb mog
    kuvyuav tsis ncaim koj thiab cov phooj ywg mus twg os nawb Vim kuv
    cog lus rau nws tias hehehehe LisPov nyob twg NkaujHli yuav nyob ntawv hehehe
    koj mas tseem hais ua kuv luag lawm na sister npaujNpaim ua tsaug os mog koj cov lus
    Txhawb zog na

    PajHmabPajNtoos
    Member

    Posts : 96
    Join date : 2011-11-29

    Re: Paj Huam Sib Hlub

    Post by PajHmabPajNtoos on Tue May 08, 2012 8:40 am

    Ntsuj_Plig wrote:



    Nkauj Dab Ntub thiab Nraug Npau Suav

    Muaj ib hnub xyoo 2008

    kuv txawm sim tuaj mus ua si
    lam tuaj ncig nyob rau toj siab
    lub ntuj tshiab kuv kuj muaj hmoo
    hnov suab nroo hu tias leej nus
    koj tuaj mus ua tus dab tsi
    kuv txawm tig rov los mus saib
    tias me naib koj yog leej twg
    me paj lwg koj nyob twg tuaj
    puas tau muaj leej twg los hlub
    nkauj dab ntub txawm tig los teb
    zoo li peb tsis muaj neeg nyiam
    neeg lwj liam tsis muaj neeg ntshaw
    muab so tawm los luag tsis yuav
    nraug npau suav thiaj txav zog los
    tias ab mos tus neeg ntxim hlub
    thiab los rub nws puag kiag cia
    muab nws hnia tias kuv hlub koj
    txawm sib coj mus ua si lawm xwb ...tiag..!!





    NtsujPlig
    kuv yuav ua li cas Thaij tso tau koj tseg ma los heheh ua tsaug nawb
    koj zaj nkauj ua rau kuv poob kua muag txhua zaus uas kuv pom lub hli
    nra thiab ntsa tau kaj lug ,

    Dhau los lawm ntau xyoo ,Wb zoo yam tus noog
    Yeej lug toj lug pes nrhiav,Thaum wb sib ntsib wb tau sib
    pus khiav .Wb txoj me siav twb yaj lis loo .Vim tsis zoo xyoo
    thiab tsis zoo niaj.Khiav txog nram tiaj los yeej pom tsov wb
    Tig rov mus lwm lub ntuj ,Wb zias wb tus hneev
    tsuj tsis pub twg paub ,Tsuj ceg khaub twb tsi pub dam
    Ntshai tsam plam wb txoj lw hlub.Ntuj tsaus dub yam yuav
    los nag.Ntshai tsam tag wb txoj lw nco.Thaij khiav ntos rau
    wb lub ntuj .Tus neev tsuj nws haj tseem nyob.zais cia tob tsis
    muaj neeg pom. li ma NtsujPlig koj puas nco tau kuv nco koj nawb.






    Last edited by PajHmabPajNtoos on Tue Sep 25, 2012 9:12 am; edited 2 times in total

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed May 16, 2012 5:22 am

    PajHmabPajNtoos

    Yog hais txog qhov koj tso kuv tseg xwb mas nws yeej yuav yooj yim heev rau koj
    tab sis nws yuav nyuaj heev rau kuv na. Vim tias koj twb muab txoj kev hlub uas
    ntau npaum cov xuab zeb nyob nram ntug hiav txwv rau kuv tag lawm, kuv yuav ua
    li cas thiaj yuav muab tau txoj kev hlub ntawd ua kom ploj mus ma....hahaha

    Kuv yuav tsis kam tso koj li os...Tus hlub babe...

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed Sep 12, 2012 6:00 am

    Wow..........Tus nraug Hmoob Vaj no zaj paj huam kuj tsis dog dig thiab nawb...hahaa

    Ntuj thaum ub koj nyob nab Fias
    cua txias zias ntsia roob phus npiab
    zoov ntsuab xiab pos huab auv tsawv
    hmoob yuav alwv kuv tseem nco tau
    Nab Fias dhau mus ua chaw sib tua
    lub caij uas Vaj Pov khiav tawm
    nyab laj txawm tig loo phom loj
    tuaj tim koj ces kuv zaum saib
    pib txom qaib yuav npaj khiav tawm
    kuv txiv ntxawm qw tias pw tso
    txawm hnov nro cuag li xob nroo
    ua zoo mloog phom loj ya tuaj
    tsuas hnov quaj pob ntseg lag zi
    kuv thiaj tig rov los mus ntsia
    cas Nab Fia ncho cuag hlawv teb
    nkaus kawm ev ces nce pob tsuas
    raws zoov zuag pem Pha Xieng Thong lawm xwb tiag!!!

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed Sep 12, 2012 6:04 am

    Kuv nco koj ua hnub ua hmo
    koj puas nco wb kev sib hlub
    muaj ib hnub wb los sib ntsib
    thiaj tau pib txoj kev sib nco
    tsheej tag hmo kuv tsis tsaug zog
    tseem nco txog koj lub suab hu
    koj sab plhu uas kuv xav hnia
    tseem nco cia txog niaj hnub no tiag...PajHmabPajNtoos!!

    PajHmabPajNtoos
    Member

    Posts : 96
    Join date : 2011-11-29

    Re: Paj Huam Sib Hlub

    Post by PajHmabPajNtoos on Tue Sep 25, 2012 9:05 am

    Ntsuj_Plig wrote:
    Nkauj dab ntub thiab nraug npau suav
    nco tsis dhuav lub neej tiam no
    koj puas nco tias kuv hlub koj
    lub caij noj kuv noj tsis qab
    txawm tshaib plab los yeej xum yoo
    xyoo dhau xyoo nyob hauv npau suav
    nws yog cuav los yuav yog tseeb
    cas lub neej khuam siab ua luaj
    kuv xav quaj twb yog vim koj
    puas kam coj leej nus mus hlub
    li thaum ub lub neej tiam tag na....?


    NtsujPlig koj khaws wb tej puav pheej kom zoo
    txawm ntau xyoo los nws yuav nyob nrog koj
    tsis txhob pub nws ploj txam koj mus muaj dua tshiab
    Thov txhob ntiab wb tej me puav pheej pov tseg
    cia nws nyob li no nrog koj lub tse,Nws yuav zoo nkauj
    tam me paj hmab paj ntoo rau wb lub siab tag 1 sim os
    mog.Cia kuv mam txia ua me nkauj npauj npaim wb ya
    ua 1 ntxaig mus ncig ntuj seb puas yuav tag wb txoj kev
    sib nco ntsujplig tus neeg kuv nco txhua tiam ...KN

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed Sep 26, 2012 2:09 am

    PajHmabPajNtoos wrote:


    NtsujPlig koj khaws wb tej puav pheej kom zoo
    txawm ntau xyoo los nws yuav nyob nrog koj
    tsis txhob pub nws ploj txam koj mus muaj dua tshiab
    Thov txhob ntiab wb tej me puav pheej pov tseg
    cia nws nyob li no nrog koj lub tse,Nws yuav zoo nkauj
    tam me paj hmab paj ntoo rau wb lub siab tag 1 sim os
    mog.Cia kuv mam txia ua me nkauj npauj npaim wb ya
    ua 1 ntxaig mus ncig ntuj seb puas yuav tag wb txoj kev
    sib nco ntsujplig tus neeg kuv nco txhua tiam ...KN

    PajHmabPajNtoos........

    Kuv nco koj heev li os, cas koj tsis tos kuv tuaj pom ib pliag
    tus neeg cev yiag thiab ntxim hlub. Koj puas paub tias kuv leej tub
    nco koj txhua hnub txhua hmo yeej tsis muaj hnub tso koj mus rau luag
    yuav nco nco mus txog thaum tuag muab av faus kiag txhib txiv txiag lwj
    tsus mus ciaj zeb kuv mam nco ntsoov los ua koj tus me noog saum hleb
    yog koj mus cev ntaj ntsug lwj tsus mus ciaj av nco ntsoov tias koj ib
    txwm yog kuv repajsaumntxa os mog....

    Ua tsaug koj cov lus thiab koj 2 tug me npauj npaim ntxim hlub os mog......KN

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Sep 28, 2012 2:00 am

    Ntuj nis hmoob kuv leej muam zoo
    txawm tsawg xyoo los yuav nco koj
    ua siab loj vim ntiaj teb dav
    wb thiaj ncav tes los tsis cuag
    txawm ciaj tuag cia kuv hlub koj
    txawm tuag ploj yuav nco nruab dab
    mam rov qab los nrhiav kom tau
    koj mus dhau ho puas nco kuv
    wb sib thuv los tav li no
    koj puas nco yav ntuj qub qab
    wb sib thab sib zeg txhua hnub
    caij tsav kub kuv ua kaus roos
    caij ntxoov ntxoo koj ua duab tshav
    wb thiaj xav ua lub neej nyob
    lub siab mob twb yog vim koj
    txoj sia loj twb vim muaj kuv
    wb sib uv nyob mus kom kawg....mog!!



    PajHmabPajNtoos
    Member

    Posts : 96
    Join date : 2011-11-29

    Re: Paj Huam Sib Hlub

    Post by PajHmabPajNtoos on Fri Sep 28, 2012 4:19 am


    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Sep 28, 2012 7:17 pm

    Nyob zoo PajHmabPajNtoos

    Tuaj ua dab tsi cas tsis tham ib lo li na?? Kuv niaj hnub tuaj tos koj
    txhua txhia txoj kev los cas tsuas pom koj tus hneev taw los tsuj
    kuj txoj lw xwb koj twb tsis xav nrog kuv tham li. Ntshe yuav ua
    ib siab mus tsis txhob tuaj lawm laub!!!

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Nov 30, 2012 6:26 pm

    Tau ntev lawm tsis hnov nej moo
    thiaj tuaj nroo seb nej puas teb
    ua cas peb thiaj nyob ntsiag to
    tus kuv no mas ntxhov siab kawg
    tiag cov yawg peb lub neej hmoob
    nyob pem roob qaib qua zom zaws
    hmoob sawv daws tuaj mus ev dej
    ntxhais hmoob nej ncej qab dawb paug
    ev dej taug txoj kev nce toj
    cas nim no ho tsis muaj lawm
    peb khiav tawm tuaj teb chaws no
    ces txawm ho hloov mus hnav tiab
    ncej qab liab khiab mis tawm tas
    tsis ua cas hmoob yoog luaj txuj
    txhob ntsia nruj tsam ho tsaus muag...mog!!! hahaaa

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Fri Dec 21, 2012 9:25 pm

    Tus neeg kuv hlub hnub no koj puas tseem nyob li qub
    Tus neeg kuv nco txhua xyoo hnub no koj puas nyobzoo
    Kuv tuaj saib koj ib pliag xwb yuav rov qab mus lawm
    Koj nyob yog nco kuv ces muab kuv zais rau koj lub plawv


    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Fri Dec 28, 2012 7:17 pm

    Foom Koob Hmoov Xyoo Tshiab


    Lub xyoo laus twb yuav dhau mus
    kuv leej nus thov foom koob hmoov
    ntuj pauv hloov xyoo tshiab tawm tuaj
    kom nyob ruaj thiab txawj sib hlub
    yog yug tub hu ua Pheej Hmoo
    tau neej zoo lam nco Ntsuj Plig
    ntiaj teb tig yog koj tau ntxhais
    cia kuv xaiv nws lub npe nawb
    hu Maiv Dawb puas zoo rau koj
    xyoo laus ploj xyoo tshiab tawm los
    ho mus tos tej me koob hmoov
    txhua yam hloov tsis txhob sib ceg
    muab tso tseg kev phem yav tas
    tig los ras lub neej tom ntej
    nkauj hmoob nej cov uas tseem yau
    tsis txhob npau thaum tej txiv qhub
    txoj kev hlub tsuas los ib zaug
    yog hmoov raug thiaj tau sib yuav
    tsis txhob rhuav yus lub neej mog
    tsheej tag hmo tsis txhob sib cav
    tham luag nyav niam hais txiv mloog
    ua yog toog txiv puag niam pw
    peb txoj lw ces li no tiag
    thaum sawv kiag niam los ua tshais
    txiv puag ntxhais ab tub quaj tse
    tuav nkaus npe niam dua twg lawm
    txiv mus tsaws nqa hlo los puag
    muab ntxuav muag nrhiav mis rau noj
    niam ua zoj zaub mov siav tas
    me nqaij nas siav ncho pa lug
    tshuav qee tug tsis tau ntxuav muag
    niam mus puag txiv los rau mov
    thaum sawv ntxov snow dawb vog
    mus hu pog sawv los noj tshais
    tej me ntxhais sawv los seev cev
    sib tham ntev zaub mov txias tas
    me nqaij nas los twb txias dhau
    tej zaub hau tsaws rov los rhaub
    tej qub zaub ces tsis txhovb noj
    ua siab loj txoj kev sib hlub
    yog ntuj pub thiaj los sib tau
    cia sib sau ua neej kom kawg
    mog cov npawg thiab kuv cov muam
    lus paj huam xaus tseg txij no
    cia lwm hmo mam rov hais dua....mog!!!




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Tue Feb 12, 2013 7:18 pm

    Ib sij huam cas tsis muaj koj
    cia li ploj dua twg lawm na?
    yuav ua cas kuv thiaj rov ntsib
    lub siab pib mob thiab ncus tuaj
    mob ua luaj puas muaj hnub zoo
    yog ntau xyoo kuv tsis ntsib koj
    ces kawg ploj thiab tuag mus xwb
    hauv lub hlwb pib ua dej lawm
    hmoob nkauj ntxawm tus ua kuv nco
    yog tiam no ho tsis tau koj
    txawm tuag ploj yuav tsis thawj thiab
    kuv lub siab yeej yuav tsis lwj
    yam lub rwj mob ncus txhua hnub
    yam dej kub hlab koj lub cev
    yog ncaim ntev thiab yuav ua cas na....!!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Wed Feb 13, 2013 9:59 pm

    Nyobzoo os, ob tug me hlub

    Ua cas tsis pom neb tuaj seev kev hlub li yav thaum ub
    Yog thaum twg neb xav rovqab los seev los kuv yeej pub
    Vim kuv nco nco neb tej kev seev li yav tag los
    Yog hnub twg neb xav los seev los qhia tias kuv tseem tos


    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Tue May 28, 2013 3:21 am

    Npauj Npaim.....

    Twb vim yog txoj kev sib hlub
    hauv dab ntub thiab tus npau suav
    nws yog cuav tsis muaj qhov tseeb
    thiaj li feeb tsis puv txheej txheem
    tus neeg seem li ntsuj plig no
    cia mam nco nej txhua leej xwb
    xav tias wb tsuas yog kwv luag
    los ib vuag tam li nthwv cua
    ib vuag dua mus lawm ploj ntais
    cuag muab zais tsis rov qab los
    txawm kuv tos ua hnub ua hmo
    txawm yuav nco thiab yuav quaj tuag
    nws tseem luag thiab tuaj dab ros
    kuv txawm tos los nws tsis tuaj
    xav tias muaj nws rau nruab siab
    tos ntuj tshiab tawm plaws ntuj tsaug
    rov mus taug wb tej qub kev
    pom hneev dev lwj hlaw xwb tiag
    xav tiag kiag kom tsis txhob nco...lawm xwb os!!!





    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Tue May 28, 2013 8:00 pm

    Nyobzoo Ntsujplig,

    Zoosiab hnub no rov pom koj tuaj ncig txog hauv no tabsis yeej muaj tseeb li koj hais mog. Lub neej qeeb neej lig no ces tsis zoo cuag li lub neej thaum hluas hluas es nws yog koj thawj tug hlub hos koj yog nws thawj tug khub lawm os mog. Txawm licas los zoo siab tias hnov koj moo es thov kom koj ntsib kev nojqab nyobzoo os mog.

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Wed May 29, 2013 3:48 am

    Npauj Npaim..... Muaj tseeb tiag.

    Suav txij thaum nws ncaim kuv mus
    nws tej lus los tseg tsis nco
    tus kuv no hlub nws ib leeg
    txawm ua neeg los yeej yuav hlub
    yog muaj hnub ho tuag ua dab
    yuav los cab coj mus puag pw
    txawm lwj tsw kuv tsis quav ntsej
    yav nram ntej vim nws dag kuv
    thiaj tau thuv tojsiab hmongza
    mus txhua tag los hmoob ntujtshiab
    tsis txaus siab mus ntuj ceeb tsheej
    mas txhua leej yeej lom zem kawg
    tiag cov npawg thiab kuv cov muam
    tshuav tus ruam zoo li kuv no
    thiaj raug tso nyob tug mluas mlob
    thiaj ua mob lub siab yuav tuag
    caum tsis cuag nws mus lwm qhov
    tsis hnov xov nws zais txhua yam
    tej lus tham los nws hloov tas
    kuv tso ncas nws twb tsis mloog
    ua yog toog tias tau puag nws
    lub siab yws hauv nruab dab ntub
    tias kuv hlub koj tshaj babe
    cas thaum tsim puag pillow pw
    wb txoj lw sib hlub sib nco
    kuv hais no puas raug koj siab
    lub tseem ntsiab txawm hais tsis tau
    cia mam sau dua lwm zaus...mog!!




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Thu May 30, 2013 7:50 pm

    Nyobzoo Ntsujplig,

    Zoosiab hnub no koj rov tuaj seev tau ib txoj pajhuam rau hauv no rau peb tau mloog. Kuv xav tias hauv koj lub siab tsis muaj ntau los yeej muaj me me nco txog ibtug neeg npaum li koj hais no lawm koj thiaj lug toj lug pes tuaj muag tej niag ntuj no ncig txhua nrho li os. Zoo qhov kuv tsis yog nws, yog kuv yog nws ntshe yuav nrog koj mob lub siab heev thiab os yom.
    Txawm licas los thov kom koj ua ib siab tso nws mus nws tsis txhob nco lawm vim koj twb hais tias koj kawm Ntsujplig tag lawm es yog yus nco nco ibtug neeg ces nws yuav muab tig rau sab phem lawm no ces ua ib siab os mog.

    Hmmm..., kuv muaj ibtug nraug Hmoob Vaj thiab uas thaum twg kuv seev txog nws, kuv pheej ua npausuav pom nws mas ua rau kuv nco nws lawm ob peb hnub li nas. Ntu no kuv txiav txim siab txhob seev txog nws thiab txhob xav txog kiag kom kuv txhob pom ntxiv lawm. Vim tej niag ntawd tsuas yog kev xav lawm xwb ces yuav tau muab tso tseg no tiag. Kuv qhia qhov tseeb tiag rau koj lawm nawd. Koj los yuav tau tso tseg thiaj tsis kho kho siab os nawd.

    Ntsuj_Plig wrote:
    Npauj Npaim..... Muaj tseeb tiag.

    Suav txij thaum nws ncaim kuv mus
    nws tej lus los tseg tsis nco
    tus kuv no hlub nws ib leeg
    txawm ua neeg los yeej yuav hlub
    yog muaj hnub ho tuag ua dab
    yuav los cab coj mus puag pw
    txawm lwj tsw kuv tsis quav ntsej
    yav nram ntej vim nws dag kuv
    thiaj tau thuv tojsiab hmongza
    mus txhua tag los hmoob ntujtshiab
    tsis txaus siab mus ntuj ceeb tsheej
    mas txhua leej yeej lom zem kawg
    tiag cov npawg thiab kuv cov muam
    tshuav tus ruam zoo li kuv no
    thiaj raug tso nyob tug mluas mlob
    thiaj ua mob lub siab yuav tuag
    caum tsis cuag nws mus lwm qhov
    tsis hnov xov nws zais txhua yam
    tej lus tham los nws hloov tas
    kuv tso ncas nws twb tsis mloog
    ua yog toog tias tau puag nws
    lub siab yws hauv nruab dab ntub
    tias kuv hlub koj tshaj babe
    cas thaum tsim puag pillow pw
    wb txoj lw sib hlub sib nco
    kuv hais no puas raug koj siab
    lub tseem ntsiab txawm hais tsis tau
    cia mam sau dua lwm zaus...mog!!

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sun Jun 02, 2013 8:08 pm

    Wow.................Npauj Npaim....

    Kuv ib txwm tsis tau hnov dua ib tug poj niam qhia qhov tseeb li, tab sis ntau zaus thaum lawv sib nrauj tag nws ho mus yuav dua txiv tshiab mas tsawg tus poj niam los pheej hais rau tej neeg txheeb ze tias tus ntawd twb yog nws thawj tug qub hluas nraug. Zaum no kuv hnov koj qhia qhov tseeb tias koj tseem ua npau suav toog rau koj tus me nraug HMOOB VAJ kawg thiab no kuv zoo siab heev thiab ua tsaug ntau os. Oib.............Kheev lam yog kuv ma??? hahaha

    Koj puas kam qhia tias vim li cas poj niam thiaj pheej yuav zais nws tej qub hluas nraug ua luaj li? Thaum tus txiv tseem nyob los yog tseem sib yuav mas nug nws npaum cas los nws yeej tias "Muaj koj ib leeg xwb kuv yeej ib txwm tsis tau muab kuv lub xub ntiag rau leej twg" tab sis thaum txiv tuag tag los yog sib nrauj lawm mas tsawg tus los pheej yog nws tej qub xwb no? Kuv thov koj teb kuv 2 nqe lus nram qab no:

    (1). Puas yog tias cov poj niam ntawd yeej ib txwm zais siab tiag?
    (2). Puas yog tias cov poj niam ntawd lam kwv ntsov kom lwm tus qhuas xwb ne...hahaa?





    Npauj Npaim wrote:Nyobzoo Ntsujplig,

    Zoosiab hnub no koj rov tuaj seev tau ib txoj pajhuam rau hauv no rau peb tau mloog. Kuv xav tias hauv koj lub siab tsis muaj ntau los yeej muaj me me nco txog ibtug neeg npaum li koj hais no lawm koj thiaj lug toj lug pes tuaj muag tej niag ntuj no ncig txhua nrho li os. Zoo qhov kuv tsis yog nws, yog kuv yog nws ntshe yuav nrog koj mob lub siab heev thiab os yom.
    Txawm licas los thov kom koj ua ib siab tso nws mus nws tsis txhob nco lawm vim koj twb hais tias koj kawm Ntsujplig tag lawm es yog yus nco nco ibtug neeg ces nws yuav muab tig rau sab phem lawm no ces ua ib siab os mog.

    Hmmm..., kuv muaj ibtug nraug Hmoob Vaj thiab uas thaum twg kuv seev txog nws, kuv pheej ua npausuav pom nws mas ua rau kuv nco nws lawm ob peb hnub li nas. Ntu no kuv txiav txim siab txhob seev txog nws thiab txhob xav txog kiag kom kuv txhob pom ntxiv lawm. Vim tej niag ntawd tsuas yog kev xav lawm xwb ces yuav tau muab tso tseg no tiag. Kuv qhia qhov tseeb tiag rau koj lawm nawd. Koj los yuav tau tso tseg thiaj tsis kho kho siab os nawd.





    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Paj Huam Sib Hlub

    Post by Npauj Npaim on Tue Jun 04, 2013 2:32 am

    Ntsuj_Plig wrote:Wow.................Npauj Npaim....

    Kuv ib txwm tsis tau hnov dua ib tug poj niam qhia qhov tseeb li, tab sis ntau zaus thaum lawv sib nrauj tag nws ho mus yuav dua txiv tshiab mas tsawg tus poj niam los pheej hais rau tej neeg txheeb ze tias tus ntawd twb yog nws thawj tug qub hluas nraug. Zaum no kuv hnov koj qhia qhov tseeb tias koj tseem ua npau suav toog rau koj tus me nraug HMOOB VAJ kawg thiab no kuv zoo siab heev thiab ua tsaug ntau os. Oib.............Kheev lam yog kuv ma??? hahaha

    Koj puas kam qhia tias vim li cas poj niam thiaj pheej yuav zais nws tej qub hluas nraug ua luaj li? Thaum tus txiv tseem nyob los yog tseem sib yuav mas nug nws npaum cas los nws yeej tias "Muaj koj ib leeg xwb kuv yeej ib txwm tsis tau muab kuv lub xub ntiag rau leej twg" tab sis thaum txiv tuag tag los yog sib nrauj lawm mas tsawg tus los pheej yog nws tej qub xwb no? Kuv thov koj teb kuv 2 nqe lus nram qab no:

    (1). Puas yog tias cov poj niam ntawd yeej ib txwm zais siab tiag?
    (2). Puas yog tias cov poj niam ntawd lam kwv ntsov kom lwm tus qhuas xwb ne...hahaa?


    [/quote]

    Nyobzoo Ntsujplig,

    Hais txog koj 2 nqe lus no mas peb ua neej nyob ces tsis hais tus Tub lossis tus Ntxhais li, thaum tseem hluas hluas ces kev uasi hlob hlob ces txawm tias luag twb tsis nyiam yus los yus cia li nyiag nyiam luag lawm thiab.

    Qhov kuv hais no mas tej tug ces tsuas yog nyiag nyiam xwb twb tsis tau sib tuav tsis tau txav ze li es nyiag nyiam xwb los kuj ua tau rau nws nyob hauv kev npausuav lawm thiab ne.

    Hais txog qhov qhia tseeb thiab tsis tseeb ntawd mas yog cov sib nyiag nyiam xwb tsis tau sib tuav tes tsis tau sib puag li ces yeej qhia tseeb tseeb rau nws tus txiv tias nws muaj tus puav hluasnraug thiab uas tsuas yog lam sib paub xwb tsis tau sibtham tim ntsej tim muag lossis tsis tau sib tuav tes rawv mus taug kev li nod.

    Hos yog tus uas twb sib sib hlub lawm tabsis tej laus tsis pomzoo rau yuav xwb ces nws yeej qhia rau nws tus txiv tias nws twb tham tau ibtug hluas tabsis nws niam lawv tsis pub nkawd sib yuav no los mas. Txhob nkagsiab yuamkev nawd, txawm tias ib leeg xav xav yuav ib leeg es tej laus tsis pomzoo los qhov ntawd txhais tsis tau tias nkawd twb swb nkawd lub cev nkaujxwb/nraugxwb lawm no nawd. Nyaj tej tug yeej swb lawm tabsis tej tug ntxhais mloog mloog niam txiv lus mas nws yeej tsis tau swb nws lub cev nkaujxwb li ne.

    Ib qhov uas kuv xav tias tus Ntxhais tsis kam qhia nws tus txiv mas kuj vim tej laus tsis pub yuav ces nws kuj ua ib siab txhob qhia tus txiv vim xav kom tus txiv hlub nws tiag ces nws kuj tsis qhia tabsis ntshe thaum kawg yog lub neej mus tsis taus lawm ces mam ua rau nws khuvxim qhov nws tsis tau yuav tus nws nyiam yog tau yuav no ntshe lub neej twb mus tau zoo lawm no xwb.

    Lus teb koj qhov lus nug ib saud mas kuv xav tias peb pojniam nyias muaj nyias siab, ib leeg xav lawm ib yam ces kuv yuav tsis paub lwmtus xav licas lossis puas zais siab li koj hais, tabsis nyob li ntawm kuv tus kheej mas kuv xav tias tsis yog "zais siab" tabsis vim txawm qhia tag tag los tus txiv yuav tsis nkagsiab ces yuav muab xav rau qhov tsis zoo ces ntshe nws thiaj tsis qhia tag tag xwb.

    Hos ntawm kuv tus kheej, kuv yeej qhia tag rau kuv tus txiv lawm mas, tias thaum kuv ua hluasnkauj yeej muaj cov tub hluas nyiag nyiam kuv thiab no mas.

    Koj lolus ob tias puas yog cov pojniam lam hais no mas kuv yuav tsis paub tseeb tias lwmtus xav licas hos ntawm kuv thiab feem coob ntawm cov pojniam uas kuv paub sais yog tsis muaj tseeb tiag ces pojniam tsis lam hais lus dag kom luag qhuas li nawd. Vim tias pojniam no nws khuvxim nws lub meejmom pojniam heev li. Yog nws tsis tau dajdeev ibtug txivneeg twg mas nws tsis lam dag tias nws twb tau tham tau deev lawm no li nawd. Tsuas yog tias ntshe ho muaj tej tug ntshaw ntshaw txiv es nws lam dag kom tau txiv yuav no mas lav tsis tau thiab od. Hos yog nws yeej muaj txiv lawm es lam dag tias thaum nws hluas mas nws nim muaj npaum ub npaum no tus hluasnraug no mas feem coob yeej tsis muaj os.

    Ntshe tias muaj tus puav pojniam uas nws lam dag li koj hais xwb no mas kuv kuj tsis tau pom dua li thiab od.

    Koj puas nkagsiab na?

    Ntsuj_Plig
    Moderator

    Posts : 604
    Join date : 2011-02-15

    Re: Paj Huam Sib Hlub

    Post by Ntsuj_Plig on Sun Jun 09, 2013 5:05 pm

    Nyob zoo Npauj Npaim

    Tij laug yeej nkag siab nws kawg los mas tsuas yog tsis nkag siab qee leej poj niam uas thaum tsis muaj
    tus txiv lawm es ho mus yuav tus tshiab mas pheej hais tias yog nws tus qub hluas nraug xwb os..

    Ua tsaug koj cov lus teb mog. Npauj Npaim puas tau qhia rau yawm yij tias thaum ub nws tau puag
    ib tug tub hluas lub sij hawm nkawd mus camping thiab los nag xuj xuav ib hmos. Hmo ntawd txawm
    yog saum ntuj yuav tsis muaj hnub qub los ntiaj teb yeej tseem tau txais tus duab tshav ntuj kub
    thiab no ma....hahaaaa......




    bird love Pictures, Images and Photos

    "Koj xwb thiaj yog tus kuv hlub"

    Sponsored content

    Re: Paj Huam Sib Hlub

    Post by Sponsored content Today at 3:20 pm


      Current date/time is Sun Dec 11, 2016 3:20 pm