KUV UA KOJ LUAG MUS TOM TEB
Muaj ib hmos-------------------------thaum wb sib ntsib
koj txawm pib------------------------------nug ua dab tsi
teb luag ntxhi--------------------------tias kuv nyob xwb
koj kuv wb--------------------------txawm pib sim tham
nyob ib tsam----------------------------sib puag ib hmos
kuv yuav los---------------------------koj txawm pib taij
puas muaj caij-------------------------------wb mus ua si
kuv txawm ntxhi----------------------tias mus qhov twg
me phooj ywg------------------------tsa suab npliag lias
teb hais tias-----------------------------wb mus nram teb
nws puas deb------------------------------kuv teb koj lus
koj tias mus-----------------------------thiaj li mam paub
kuv txawm saub------------------------tias puas mus tau
koj ntshais dhau------------------------tias ntshai dab tsi
mus ua si---------------------------------kom wb siab kaj
kuv thiaj npaj------------------------kaj ntug hnub tawm
koj tuaj lawm-------------------------kuv mam lawv qab
dhau toj ntxhab-------------------------koj zaum tos kuv
hnov nplooj thuv----------------nrov zeeg ntxuaj ntxog
kuv tuaj txog-------------------------wb tham luag ntxhi
tias ua si------------------------------qhov twg xwb mas?
koj tias cas--------------------------pheej yuav xav paub
kuv txawm saub------------------------tias xav paub tiag
koj qhia kiag---------------------------nram teb hav taub
mus de zaub------------------------------coj los pub npua
koj txawm ua----------------------------yam tsis tau luag
kuv thiaj zuag-------------------------wb rov tham ntxiv
lo lus chiv-----------------------------tham seev yuj yees
txoj kev plees-----------------------nyob tuaj nruab siab
suab xiv nqiab-------------------------lom zem xauv npo
yeej tsis nco-------------------------------ntshai dab tsi li
tej lus ntxhi-----------------------------txog wb kev hlub
kuv txawm qhub----------------------tias muaj neeg tuaj
hnov suab quaj---------------------------zoo li suab neeg
wb ob leeg-----------------------------ho tsa ntsej mloog
hnov suab noog-----------------------quaj zom pes zaws
sib xyaw daws--------------------------tom tej xub tsuag
ua kuv luag-----------------------------es koj ntshai thiab
hauv kuv siab---------------------------luag nyav rau koj
ua siab loj--------------------------------txhob ua siab me
koj txawm de--------------------------kuv caj npab doog
mus tig toog---------------------------hav zoov nuj txeeg
wb ob leeg-----------------------------tsis nco ntshai dab
kev hav fab---------------------------dej nag ntub ntsuav
kho siab khuav------------------------thaum tuav koj tes
mus txog ces-------------------------------wb tsis de taub
txawm sib qaub--------------------------sib nwj sib hnia
cuag rho ntxhia--------------------- hnub yuav ploj roob
suab noog qhoob---------------------kab tsaus ntuj quaj
kev sib zuaj----------------------------tsis nco txaj muag
wb sib puag--------------------------------tsaus ntuj zuag
tsis tau luag---------------------------nkaus hlo kawm ev
rov los tsev----------------------------ob tug mluas mlob
tsis txhawj txob-----------------------------txog dab tsi li
tham lus ntxhi-----------------------tias tsaus ntuj lawm
mus kev nrawm------------------------wb thiaj txog tsev
los tsis ntev-------------------------txog ntawm ntug zos
hmoob tuav cos----------------------suab nrov doog diaj
hnov suab tsiaj--------------------------sib tog zom zaws
wb tshwm plaws---------------------ntawm nej tog tsev
sib tham ntev---------------------------tsis xav sib ncaim
tseem xav nraim---------------------------wb tej dej num
tsis xav tsum------------------------------li tiag tus hlu./.
( xaus li no )
Mon Feb 01, 2021 9:48 am by maivntximhlub
» Nyiaj Txiag Pauv Tsis Tau Kev Hlub
Sat May 09, 2020 8:15 pm by Ntsuj_Plig
» Caw Npauj Npaim rov tuaj qhia qee yam
Mon Apr 20, 2020 8:43 am by Tubzoonraug
» Nej leej twg Paub LorMong Lo
Mon Apr 20, 2020 8:24 am by Tubzoonraug
» Nyob zoo phooj ywg
Tue Jun 04, 2019 6:01 am by maivntximhlub
» GVP thiab Hmoob txoj kev ua rog nyob nplog teb
Sun Mar 10, 2019 9:53 pm by Ntsuj_Plig
» Xa Xov Rau Qub Phooj Ywg
Thu Dec 28, 2017 12:11 am by Ntsuj_Plig
» Nco Hauv Lub Tsev Pheeb Suab
Thu Oct 26, 2017 9:38 pm by Ntsuj_Plig
» Nkauj Ntxoo Mus Tsheej Dab
Wed Jul 19, 2017 10:34 pm by Ntsuj_Plig