Hmoob ntuj tshiab......Koj lub siab zoo
Tuaj qhia loo.............Kuv yeej xav kawm
Koj txawj tawm.........Cov me ntsiab lus
Txawj tham mus.........Taug kev kaj siab
Qhov tseem ntsiab .........txhua lo los phim
Kuv yeej cim ..............tsis tub nkeeg sau
Tsim tsis tau ..............raws lub siab nrawm
Kuv xav kawm ..........sau zoo li koj
Tsis txawj soj............. thiaj sau tau nruam
Kuv tseem ruam .......Tsis tau muaj hlwb
Lam sau xwb ................ los tham ua si
Seev lus ntxhi..............kawm los khaws cia
Ho tau qhia.................tej me xeeb ntxwv
Kom zoo xwv.............cia ua puav pheej
Rau lub neej...............yav pem suab mus
Me leej nus.................tus ua siab dawb
Koj tuaj txhawb..........thiab tuaj cob qhia
uas txhua txhia............lo lus muaj kuab
yuav thov muab..........khaws ua koob hmoov
Thiab cim ntsoov........txhua txhia yam zoo
Muab coj loo.............cia rau hauv siab
Hmoob ntuj tshiab......tus uas txawj xav
lus siab dav................tsis khuv xim txuj
yam tsim nuj...............coj tuaj nthuav pub
tam nyiaj kub..............los yeej pub tau
Txawm me ntau..........zoo siab muab faib
Kom peb laib.............thiab nrog luag txawj
Thiaj tsis thawj...........lwm tus neeg lawm
Txoj kev kawm.........yeej zoo heev mog
Thov ntos txog..........los ua koj tsaug
Yam tsis raug...........los thov zam txim
Tsis tej lim...............li luag tej los
Thov txhob nros........thiab txhob tu siab
Hmoob ntuj tshiab..........tus neeg siab zoo
Maivntximhlub nyiam sau li koj kawg thiab os tab sis tsis muaj tswv yim ces lam sau li haiv neeg tawv dawb sau xwb lauj! Hehehe
Hmong ntuj tshiab wrote:Leej muam Hmoob------------tus me ntxim hlub
yuav txawj qhub----------------tej lus qab zib
hais tuaj dib---------------------kuv nplooj me plawv
ntuj yuas lawv------------------tus me neeg zoo
yog muaj hmoo-----------------tau koj nplooj siab
coj los xiab----------------------kuv txoj kev nco
sim neej no----------------------nyiam koj ua luaj
yam lub tshuaj------------------noj kho tej mob
siab tsis txob--------------------nco leej twg li
nyob luag ntxhi-----------------hais lus luag nyav
koj puas xav---------------------li kuv hais thiab
me nplooj siab------------------tus me ntxim tawb
plhu mos dawb------------------cuag me ntxhais nom
thaum kuv pom------------------kuv siab qaug lais
koj puas txais--------------------kuv ua phooj ywg
txawm leej twg------------------yeej yuav tsis nyiam
kuv thov liam--------------------ua koj tus hlub
koj ntawv rub--------------------wb los ua ke
noj sib ce--------------------------los haus sib hlub
li nkauj hnub---------------------thiab txiv nraug hli
zoo xws li-------------------------lus ntuj tsis tsaus
ua neej laus-----------------------kom txog hnub kawg
xws kuv yawm-------------------thiab kuv pog nkawv
tau zoo ntawv---------------------nyob ib puas xyoo
ces neej zoo-----------------------xwb tiag leej muam
tej lus xuam-----------------------thov tsis txhob chim
ntshai tsam dim------------------mus ua luag nyab
thiaj muab tshab------------------hais deeg koj siab
qhov tseem ntsiab---------------yog nyiam koj dhau
hais tau ntau----------------------txhob xav li cas
Mon Feb 01, 2021 9:48 am by maivntximhlub
» Nyiaj Txiag Pauv Tsis Tau Kev Hlub
Sat May 09, 2020 8:15 pm by Ntsuj_Plig
» Caw Npauj Npaim rov tuaj qhia qee yam
Mon Apr 20, 2020 8:43 am by Tubzoonraug
» Nej leej twg Paub LorMong Lo
Mon Apr 20, 2020 8:24 am by Tubzoonraug
» Nyob zoo phooj ywg
Tue Jun 04, 2019 6:01 am by maivntximhlub
» GVP thiab Hmoob txoj kev ua rog nyob nplog teb
Sun Mar 10, 2019 9:53 pm by Ntsuj_Plig
» Xa Xov Rau Qub Phooj Ywg
Thu Dec 28, 2017 12:11 am by Ntsuj_Plig
» Nco Hauv Lub Tsev Pheeb Suab
Thu Oct 26, 2017 9:38 pm by Ntsuj_Plig
» Nkauj Ntxoo Mus Tsheej Dab
Wed Jul 19, 2017 10:34 pm by Ntsuj_Plig