Zoo siab txais tos, "SwmZeej"

Nyob zoo phooj ywg swmzeej, tuaj ces los nrog niam laus peb ua si thiab os, xav tias nws yuav lom zem nrog peb thiab no nawb.
Pab nrog kuv txais rev paj no rau koj mus ua kev zoo siab os phooj ywg

Nyob zoo cov phooj ywg,

Wow...! Cas nej yuav de paj hmab paj ntoos txais tos kuv ci ntsa iab, ua kuv chaw dai siab.Kuv tuaj nrhiav tau nej nyob lom zem xauv npo, kuv yuav tuaj nrog nej nyob. Zoo siab nej txhua tus txais tos kuv luag ntxhi, kuv yuav tuaj nrog nej tham lus hlub nrog nthuav ci. Nej txais kuv luag nyav nrog rev paj ua rau kuv zoo siab tshaj.

Nyobzoo hnub tshiab os, Swmzeej, Maivntximhlub, thiab NtsesYajNtsim.

Tau ob peb hnub no tsis ntsib nej li es nej puas nojqab nyobzoo os?

Npauj Npaim,

Kuv nyob zoo thiab os, nyob zoo tab sis muaj hauj lwm me ntssi lawm thiaj tsis tau tuaj xyuas cov phooj ywg xwb. Kuv pom koj sau tau ntau yam zoo heev...Koj mas tshaj lij heev tiag li...Tib pliag xwb koj lub zos twb tawg paj paug lawm, tssi ntev ces yuav txi txiv lawm lauj...Ces peb yuav tau noj lawm laiv...Hahahah...!

Hahahahaha, koj mas hais lus taslauv ua luaj.

Kuv mus nqa kuv cov dabneeg thiab cov pajhuam los tso rau hauv no xwb twb tsim tsis tau muaj ib cov tshiab li ne, hahaaha, es seb koj puas kam nrog kuv tsim cov tshiab seb puas muaj hnub ho txawj hlob thiab tawg paj txi txiv xwb tiag.

Ua tsaug rau koj cov lus txhawb zog os, tus phoojywg.

nyob zoo rau neb os Swjzeej thiab npaujnpaim e.
Swmzeej cas koj yog hmoob nyob toj roob es yuav coj tau txiv nplai ntxim qab laj siab ua luaj tuaj rau peb pom ces peb nqhi nqhi li ne...

Swmzeej wrote:

Npauj Npaim,

Kuv nyob zoo thiab os, nyob zoo tab sis muaj hauj lwm me ntssi lawm thiaj tsis tau tuaj xyuas cov phooj ywg xwb. Kuv pom koj sau tau ntau yam zoo heev...Koj mas tshaj lij heev tiag li...Tib pliag xwb koj lub zos twb tawg paj paug lawm, tssi ntev ces yuav txi txiv lawm lauj...Ces peb yuav tau noj lawm laiv...Hahahah...!

Nyob zoo Npauj Npaim thiab Maivntximhlub,

Twb yog kuv ncig mus xyuas Npauj Npaim tsev txuj, muaj ntau li ntau thiaj li mus pom txiv qaub...hahaha...! Neb tham ces kuv los qaub ncaug lawm thiab...Hahhaah...!Nkawd, saib seb lub txiv plab nyug puas siav, yog siav no de mus peb noj...

Wow! Swmzeej,

Tsob txiv plabnyug muaj ntsis zoo li txiv txhais thiab os.

Nyob tim nej lub caij twg txiv plabnyug thiaj li siav siav os?

Ntxim qab kawg, xav kom tuaj tau nrog koj noj uake xwb lau yom.

Hahhaah...! Yog nyob ze mas yuav hu koj tuaj nrog peb noj xwb tiag Npauj Npaim, vim txiv plab nyug loj heev...Yuav coob leej noj thiaj noj tag...Koj puas paub tias thaum noj txiv plab nyug nplaum tes no muab roj los txhuam ces cov kua nplaum ploj lawm no...hahahah...Lam tham ua si xwb.

SwmZeej,

Kuv ces noj cov uas lawv muab ntim rau hauv poom lawm xwb ces tsis tau noj lub nyob saum ntoo es tsis paub tias cov kua nplaum npaum licas li os.

Ua li thaum cov kua nplaum lawm, muab roj los ntuav lod? Tsis yog muab cov hand soap los ntxuav lod?

Ua li nws puas cog muaj nyob ntawm nws vaj thiab na? Kheev lam nyob ze ntshe yuav tuaj nrog nws noj thaum lub caij txiv siav siav mas ntshe yuav qab heev li os.

Npauj Npaim,

Kuv cog tsis tau txiv Plab nyug os, vim nws no heev, tab sis kuv nyiam ncig ntuj ces kuv yeej tau noj cov nyoos, tshiab tshiab thiab...Yog cov txab lo koj tes ces muab roj los txhuam kom cov txab tawm, kauv ua ke tag mam muab xab npuq ntxuav tes tom qab thiaj li los. Zoo ib yam li cov chewing-gum lo tej plag tsev uas pua ntaub, ces koj muab nab kuab los txhuam kom chewing gum tawm, yog koj cov rau tes dub dub thiab noj ntses tag tes tsw ntses ces koj muab txiv maj naus los ntxuav tes...Yog koj noj qej nyoos ua rau qhov ncauj tsw ces koj noj zaub txhwb parsley rau ces tsis tsw lawm...Yog koj ua pa tsw phem ces rhaub Thyme haus ces qhov ncauj tsis tsw phem lawm...hahahah...Lam tham ua si xwb...

Wow!!!

Swmzeej, koj paub ntau yam kawg laiv yom. Ua tsaug koj qhia ntau yam rau kuv paub thiab es cia siab tias tej yam kuv tsis paub yuav thov nug koj qhia no mog.

Kuv thov nug koj tias lolus tias, "Thyme" no yog dabtsi ne?