LEEJ NIAM TOS TSIS TAU LEEJ TUB TXOJ KEV HLUB

Nkauj Zoo yog Pheej Hmoo niam hos Pheej Hmoo yog Nkauj Zoo leej tub. Pheej Hmoo tshwm sim yug los ua neej nyob rau lub ntiaj teb uas yog Nkauj Zoo ib leej tub thiab nws yog Nkauj Zoo tus me nyuam thib 8th.

Tom qab uas Pheej Hmoo muaj 4 xyoos Laj Lim uas yog Pheej Hmoo txiv kuj tau tag sim neej mus thiab tau tso lawv tsev neeg tseg. Lub sij hawm ntawd Nkauj Zoo muaj 33 xyoos nws tsis laus los kuj ho tsis hluas lawm thiab. Nkauj Zoo xav tias yuav mus ua neej tom ntej los tsam tshuav Pheej Hmoo nws leej tub yau yuav tsis muaj neeg hlub, nws xav tias yuav ua siab ntev tus Pheej Hmoo los ntshai ruj rwg lub ntuj tsaus nti tsis paub yuav los nag los tshav yuav kub tsam muaj hnub ho zoo tam li te los te tua nroj tsam ho tos tsis tau nws leej tub lub zog noj.

Txawm li ntawd los Nkauj Zoo kuj txiav txim siab zov thiab hlub nws 9 leeg me nyuam. Nws niaj hnub xav tias muaj ib hnub twg yog Pheej Hmoo loj hlob zoo tam li me nyuam nyuj tsis tuag yuav hlob mus tiav pwj, yog tias nws leej tub tsis tuag muaj ib hnub nyaj yuav hlob mus ciaj xeev txwj. Tom qab 9 xyoos dhau mus uas Laj Lim tau ncaim Nkauj Zoo mus kuj zoo tam zoj li lub hli ncig rov los ntsib dua lub hnub ib zaug thiaj ua rau Nkauj Zoo ua siab tos tsis taus nws leej tub Pheej Hmoo lub zog noj. Nws ua siab nrog Laj Lim mus ua lub neej raws txoj kev tuag nrog kev ploj thiaj tau tso Pheej Hmoo uas yog nws leej tus ua ntsoj ua ntsuag nyob zov luag noj. Lub sij hawm ntawd Pheej Hmoo muaj hnub nyoog 13 xyoos lam noj nplooj hmab nplooj ntoos nrog luag ua neej.

Continue........

Oh Wow!

Thaum koj hais tias koj yuav sau txog,

"LEEJ NIAM TOS TSIS TAU LEEJ TUB TXOJ KEV HLUB"

Kuv xav tias ntshe yuav txhais tau tias leej niam yug tau leej tub tabsis leej niam siab phem khiav mus ua lub neej tshiab rau tom ntej lawm es tsis nyob tos leej tub txojkev hlub uas ua ib sim niamtub no nas. Kuv xav txog zaj movie uas Nraug nas thiab Nkauj Ntxawm Qaum Ntuj es qhov uas leej niam mus ua neej tom ntej lawm ho tseg leej tub nyob nas. Kuv thiaj xav tau li ntawd lawm os.

Tabsis koj ho muab txhais txawv lawm. Very interesting. Kavtsij sau kuv mam tuaj nyeem os nawd.

Ntsuj_Plig wrote:

Zaj KWV HUAM no muaj ntsib lus tias
"LEEJ NIAM TOS TSIS TAU LEEJ TUB TXOJ KEV HLUB"
txhais tias
"LEEJ NIAM LAJ TOS TAU LEEJ TUB LUB ZOG NOJ".

Nkauj Zoo yog Pheej Hmoo niam hos Pheej Hmoo yog Nkauj Zoo leej tub. Pheej Hmoo tshwm sim yug los ua neej nyob rau lub ntiaj teb uas yog Nkauj Zoo ib leej tub thiab nws yog Nkauj Zoo tus me nyuam thib 8th.

Tom qab uas Pheej Hmoo muaj 4 xyoos Laj Lim uas yog Pheej Hmoo txiv kuj tau tag sim neej mus thiab tau tso lawv tsev neeg tseg. Lub sij hawm ntawd Nkauj Zoo muaj 33 xyoos nws tsis laus los kuj ho tsis hluas lawm thiab. Nkauj Zoo xav tias yuav mus ua neej tom ntej los tsam tshuav Pheej Hmoo nws leej tub yau yuav tsis muaj neeg hlub, nws xav tias yuav ua siab ntev tus Pheej Hmoo los ntshai ruj rwg lub ntuj tsaus nti tsis paub yuav los nag los tshav yuav kub tsam muaj hnub ho zoo tam li te los te tua nroj tsam ho tos tsis tau nws leej tub lub zog noj.

Txawm li ntawd los Nkauj Zoo kuj txiav txim siab zov thiab hlub nws 9 leeg me nyuam. Nws niaj hnub xav tias muaj ib hnub twg yog Pheej Hmoo loj hlob zoo tam li me nyuam nyuj tsis tuag yuav hlob mus tiav pwj, yog tias nws leej tub tsis tuag muaj ib hnub nyaj yuav hlob mus ciaj xeev txwj. Tom qab 9 xyoos dhau mus uas Laj Lim tau ncaim Nkauj Zoo mus kuj zoo tam zoj li lub hli ncig rov los ntsib dua lub hnub ib zaug thiaj ua rau Nkauj Zoo ua siab tos tsis taus nws leej tub Pheej Hmoo lub zog noj. Nws ua siab nrog Laj Lim mus ua lub neej raws txoj kev tuag nrog kev ploj thiaj tau tso Pheej Hmoo uas yog nws leej tus ua ntsoj ua ntsuag nyob zov luag noj. Lub sij hawm ntawd Pheej Hmoo muaj hnub nyoog 13 xyoos lam noj nplooj hmab nplooj ntoos nrog luag ua neej.

Continue........

Vuag! Txais tu siab ua luaj li os. Kuv nyeem mas ua rau kuv lub siab nyob rau lub sijhawm uas Nkaujzoo mob siab rau nws tus tub lawm thiab os.

Zoo heev li, leejtwg ntshaw txojkev hlub ces nyeem yuavtsum los kuamuag xwb tiag...,

Tabsis hais rau Pheejhmoo tias kom nws txhob tu siab vim txoj hmoo yeej los li no xwb ces cheem tsis tau leej niam nrog nws nyob los kom nws ua siab loj no mog.

Txawm tias Pheej Hmoo niam thiab nws cov muam cov tij laug yuav tau ncaim nws tag tso nws ib leeg tseg los, nws kuj tseem txiav txim siab hlo ua lub neej nyob ib leeg thiab cia siab tias nws niam thiab nws tsev neeg uas tau ncaim mus yuav pov hwm nws mus rau txoj kev zoo. 4 xyoos tom qab Pheej Hmoo thiaj tau los ntsib Paj Huab thiab nkawd thiaj tau sib sau los ua neej, 5 lub hlis tom qab uas Pheej Hmoo thiab Pab nkawd sib yuav lawm Pheej Hmoo thiaj tau coj Paj Huab khiav tawm hauv daim av Los Tsuas tuaj mus rau Thaib teb.

Tom qab qab 5 xyoos uas Pheej Hmoo thiab Paj Huab nkawd tau tuaj ua lub neej nyob rau Vib Nais, pom tias nws muaj kev mob nkeeg ntau tsav ntau yam thiab muaj kev txom nyem ua rau nkawd tsis muaj peev xwm yuav ua tau lub neej mus raws li lub siab xav Pheej Hmoo thiaj tau coj Paj Huab tawm tuaj mus rau USA. Suav txij Paj Huab thiab Pheej Hmoo nkawd tuaj txog rau USA lawm, Pheej Hmoo los rau siab ntso khwv los pab nkawd lub neej seb puas yuav muaj ib hnub zoo tam li lub hnub yuav pom lub ntuj tshav, hos Paj Huab los kuj ua tib zoo tu nkawd tej me nyuam kom ib hnub loj hlob zuj zus seb puas muaj ib hnub nkawd lub neej yuav huaj vam zoo tam li xub ntab uas sav hnub suav yuav coob zuj zus tuaj.

25 xyoos dhau mus uas Pheej Hmoo thiab Paj Huab tau tuaj nyob rau USA kuj pom tias nkawd tau ua lub neej mus raws li txoj kev tau xav tseg. Nkawd tej tub los pib muaj nyab tej ntxhais los muaj vauv tag lub neej zoo tam li lub ntuj uas nyob tau qaib hli nrig hnub qub dawb paug mus puv ntuj, tab sis txawm yuav yog tias Pheej Hmoo thiab Paj Huab lub neej yuav nyob tau kaj siab nrig los nyob hauv Pheej Hmoo lub siab tseem tshuav ib qho zoo tam li lub ntuj tsaus huab nti. Qhov ntawd vim yog Pheej Hmoo tseem ua hnub ua hmo xav tias " Kheev lam yog nws niam (Nkauj Zoo) tseem ua lub neej nyob ntshe txawm yuav nyob deb npaum twg los nws yua rov mus kom pom ib zaug thiab txawm mus tss tau los nws yuav xa nyiaj pab rau nws niam kom tsim nyog txoj kev nws niam tau tu nws loj hlob."

Txoj kev xav uas ua rau Pheej Hmoo muab xav ua hnub ua hmo thia dhau mus ua ib tug npau suav rau nws txiav txim siab coj Paj Huab rov mus ncig xyuas nkawd tej qub zej qub zog ib vuag seb puas pom nws niam nyob qhov twg. Lub sij hawm rov mus txog rau tej qub zej qub zog ciaj quav poj tag tsis hnov ib lub suab noog quaj tsis muaj ib lub suab nas tshe, thiaj ua rau Pheej Hmoo lub ncauj tsis hais los lub siab xav twj ym tias " Ab....Kuv niam....., ntshe tau 35 xyoos dhau mus yog kuv niam mus yug ua ib tug tub los ntshe twb muaj nyab lawm yog mus yug ua ib leej ntxhais los ntshe twb mus yuav txiv ua nws lub neej muaj tub muaj ki tag lawm thiab." Lub sij hawm thaum pheej xav thiab xav li no thiaj ua rau Pheej Hmoo lub kua muag poob Paj Huab thiaj hais rau Pheej Hmoo tias "Pheej Hmoo ua cas koj quaj na? Puas yog tias rov los pom tej qub teb qub chaw ua rau koj rov nco txog koj tej qub hluas nkauj los?" Pheej Hmoo teb tias "Paj Huab tsis yog os, twb yog kuv rov nco txog thaum koj tseem ua hluas nkauj kuv tseem ua hluas nraug wb niaj hnub taug tej kev no cas ib sij huam koj twb laus tag kuv twb laus dua lawm puas muaj ib hnub ho muab lub sij hawm tig tau rov qab os...Paj Huab."

Continue...............