HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

huam  txog  niam  tshiab  ntuj  Hmoob  

Gallery


Log in

I forgot my password


    Thaj Chaw Seev

    Share

    Lubpajzoo
    Moderator

    Posts : 455
    Join date : 2011-02-04

    Thaj Chaw Seev

    Post by Lubpajzoo on Fri Feb 04, 2011 8:47 pm

    First topic message reminder :


    Txawm kuv tsis tau txawj sau pajhuam
    Los thov caw nej tuaj nrog kuv xyuas
    Tuaj peb kawm sau pajhuam laug hnub
    Qhia tawm txog peb txoj kev sibhlub

    Muaj qee zaus kuj hais tau zoo heev thiab
    Pajhuam yog ib cov lus hais zoo deev siab
    Yog tau mloog lawm yuav zoo siab heev li
    Muaj tej lolus kuj ua rau lub siab luagntxhi














    Last edited by Lubpajzoo on Wed Feb 01, 2012 8:21 pm; edited 2 times in total

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 1:49 am



    Thaum koj tsis tau paub kuv koj nim tham luag ntxhi
    Thaum koj paub kuv yog leejtwg lawm koj nyob dubtxig
    Thaum koj tsis tau paub kuv koj nim tham seev li yees
    Thaum koj paub tias kuv yog leejtwg lawm koj ho nkees

    Thaum koj tsis paub tias kuv yog leejtwg koj twb xyivfab
    Thaum koj ho paub tias kuv yog leejtwg lawm koj thim rovqab
    Thaum koj tsis paub tias kuv yog leejtwg koj twb xav nrog kuv hais
    Thaum koj paub tias kuv yog leejtwg lawm koj cia li ploj dua ntais

    Thaum koj tsis paub kuv koj xav nrog kuv seev heev li
    Thaum koj paub tias kuv yog leejtwg koj tsis nrog kuv ntxhi
    Thaum koj tsis paub kuv koj xav nrog kuv tham txoj kev hlub
    Thaum koj paub tias kuv yog leejtwg koj cia li muab kuv ntxub

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 1:50 am


    Nyob zoo os vivncaus Lubpajzoo

    Txawm luag tsis nrog koj ntxhi
    Twb muaj kuv luag ntxhi tos
    Txawm luag tsis nrog koj tham
    Twb muaj kuv zaum no tos
    Koj txhob tu siab
    Cai koj thiab kuv peb mam sib tham
    Kom daws tau peb tej kev kho siab
    Koj txhob chim mog
    Txav zog los nrog kuv hais lus
    Kom daws tau koj thiab kuv peb tej kev nyuaj siab ploj
    Kom peb sawv daws nyob tus
    Txav zog los kuv mam ua nws tus nrog nws hais lus


    Sau los ntawm, NkaujNyiag

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 1:51 am

    Hahahahaa, ob tug vivncaua aw,

    Vim tseg tau ntev ntev lawm tsis muaj lus hais
    Thiaj tawm tuaj seev seb nej puas tseem lees txais
    Vim li thiaj seev tau dhau cai zog lawm xwb mog
    Neb tuaj pom no ces ho tsis txhob xav phem os

    Vim tseg tau ntev lawm tsis paub sau pajhuam li
    Thiaj tawm tuaj seev dua seb puas ua tau nej chis
    Vim tsis paub yuav seev licas kom nej zoo siab
    Neb tuaj pom no ces ho txhob xav licas thiab

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 1:53 am


    Vim hnub no nws yog ib hnub lub ntuj zoo zoo
    Thiaj tawm tuaj nyob ntawm no mloog nej nroo
    Vim hnub no rovqab nco txog ib leej me vivncaus
    Thiaj tawm tuaj nyob ntawm no maj mam xauj

    Vim hnub no rov qab nco txog kuv tsev phoojywg
    Thiaj rov qab ncig los saib seb nej nyob qhovtwg
    Vim hnub no rov qab nco txog kuv thaj chaw
    Thiaj rov qab ncig los saib nej nas lawv aw...,

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:00 am

    Hi..............Pajzoo, zoo siab tos txais koj tuaj koom Ntsuj Plig sau paj huam os.
    Koj mas sau tau zoo kawg li os leej muam Pajzoo, kuv tseem xav tias ntshe koj
    yuav yog ib tug kuv yuav luag paub lawm tiag no hos...

    Lub Paj zoo uas nyob toj siab
    yam dej ntshiab los yug lub cev
    ncaim lawm ntev ntsuj plig thiaj nco
    thiaj tuaj tso hais lus paj huam
    los cuam tshuam txog lub paj zoo
    yog muaj hmoo wb ho sib paub
    kuv yuav haub koj ua kuv tug
    kaj ntug zus lub caij sawv ntxov
    yuav ua mov los pub koj noj
    cia kuv coj koj mus ua si
    saib duab hli thiab saib hnub qub
    kuv mam hlub koj mus ib sim
    tsis pub chim yuav tawb tas hnub
    tshav ntuj kub kuv ua kaus roo
    nag poob nroos kuv ua tsev vov
    caij noj mov yuav cia kuv puag
    thaum ntxuav muag mam cia kuv thab
    lus hais tshab yeej hlub koj tiag
    txawm nyiaj txiag los tsis khuv xim
    nyob ib sim ua ke xwb tiag.....

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:03 am

    " NYOB TOS KOJ "

    Lub caij twg koj thiaj yuav tuaj
    los koj muaj dua tus hlub tshiab
    tshav ci iab lub dej lwg poob
    xav tsis thoob nco koj ib leeg
    koj puas ntseeg os kuv luv cev
    koj mus ntev lub siab puas kaj
    thaum tuaj ncaj ho puas nco kuv
    niaj hnub thuv txhua txhia qhov chaw
    kuv tseem ntshaw koj lo lus zoo
    yog muaj hmoo wb ho sib ntsib
    cia mam pib dua lub neej tshiab
    mus nco thiab ho hlub tshua txog
    yuav mov mog tuaj sib faib noj
    kuv nco koj thaum pw xub ntiag
    txawm ib pliag yog tseem zoo dua
    muab koj tshua mus tas ib tiam
    thiaj li nyiam koj lawm xwb tiag........!!!

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:06 am


    Ntsuj plig tos Lubpazoo los mas
    vim li cas thiaj nug li koj
    niaj hnub soj pajzoo xwb tiag
    yog pom kiag yuav muab nyiag mus
    ntshe leej nus yuav zoo siab heev
    lawv puas kheev rau kuv nyiag na
    tsis txhob dag ntsuj plig muaj siab
    ho muaj txiab tsis ua neeb kho
    thaum mob no ho txav deb deb
    lub ntiaj teb yuav ua cas nyob
    lub siab txob vim nco lubpajzoo
    thov nug moo yog tau sib ntsib
    wb mam pib txoj kev sib tham os mog.....

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:07 am


    Lubpajzoo lawv tus me hlub
    Yog ntuj pub cia wb sib ntsib
    Kuv yuav pib qhia rau koj tias
    hlub koj tiag tsis muaj dag li
    Yuav luag ntxhi ntawm koj ib sab
    Tuag ua dab los yuav los coj
    Txawm lawv poj los kuv tsis K
    Muaj siab ces wb ua phooj ywg
    Txawm leej twg los yej yuav hlub
    Tsis muaj ntxub mus tag ib sim
    Yuav tsis chim rau Lubpajzoo
    Nyob nto xyoo los yuav tsis dhuav
    Yuav tsis tsuav tej qub hluas nraug
    Yuav tsis qaug lwm tus kev hlub
    Yuav tsis ntxub kuv me pajzoo li os....

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:10 am


    Lubpajzoo

    Yog muaj hmoo wb tau sib ntsib
    yuav rov pib lub neej sib hlub
    yuav tsis ntsub txawm yog luag tug
    zam du lug yuav tsis rau txim
    twb yog vim txoj hmoo thiaj ntsib
    yuav rov pib hlub lub me pajzoo
    kom ntuj ntxhoo hnub qub dawb vog
    kuv tseem nrog koj pw ua ke
    txawm los te cia kuv puag koj
    thaum xav noj cia kuv mam pub
    txoj kev hlub kuv yeej yuav puag
    txog thaum tuag kuv coj koj mus
    txhua lo lus nco ntsoov nawb mog....

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:13 am


    Wow........Lubpajzoo koj mas tshaj lij kawg li nawb


    Caij ntuj tsaug snow dawb vog
    kuv los txog tsis pom koj nyob
    lub siab txob tsis ua dab tsi
    siab quaj dhi nrhiav koj ib leeg
    koj puas ntseeg kuv me koj niam
    yog ntawv tiam wb sib yuav tau
    txawm ntuj vau los cia kuv txheem
    yuav tsis yeem ciaj koj ploj mus
    kuv leej nus yuav hlub koj tiag
    tus cev yiag thiab lub siab zoo
    puas muaj hmoo ho puas tau ntsib
    yam tsob dib puas hlav sib sua
    tau sib yua muaj tub muaj ki
    siab kaj nrig rau wb lub neej
    txheej dhau txheej ua neej nto moo
    lub neej zoo ces li no tiag.....Qabzib!!!

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:16 am


    Lubpajzoo yog wb hmoov txog
    teb liab vog tsis pub koj ua
    tej qaib npua tsis cia koj pub
    kuv yuav hlub koj mus ib sim
    tsis pub chim yuav tawb kom luag
    txawm muaj pluag yuav puag koj cia
    kuv yuav hnia koj sab me plhu
    kuv yuav hu koj me qabzib
    kuv yuav ntsib koj txhua txhua hmo
    kuv yuav tos koj rau saum txaj
    mas hais ncaj yuav hlub koj xwb
    hauv lub hlwb tsis muaj lwm tus
    ua neej mus nyob tag ib sim
    tsis paub chim lub suab luag ntshi
    tawb ua si tas hnub tas hmo xwb tiag....

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:19 am


    Hlub koj ib leeg

    Ntuj thaum ub muaj koj ib leeg
    tus kuv ntseeg thiab kuv tso siab
    lub neej tshiab thaum kuv tau koj
    tsis muaj noj los koj los pab
    wb lub txhab nplej thiaj puv nkaus
    yav thaum laus txawm koj muaj mob
    cia koj nyob kuv mam mus khwv
    yuav tsis twv koj rau kev phem
    kuv tsis cem thiab yeej hlub koj
    ua siab loj txawm yog yav laus
    ua tsis taus los kuv tsis ntiab
    koj lub siab yeej zoo txaus lawm
    kev txij nkawm koj ua txhua yam
    nws zoo tshaj li lub pov haum
    cia kuv xyaum ua zoo rau koj
    kom txhob ploj mus rau tiam no
    kuv yuav nco koj mus ib sim ...mog!!

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Fri Mar 11, 2011 2:20 am


    Lubpajzoo Txawm nto xyoo yuav tsis sib ntsib
    yam tsob dib luag cab puv toj
    tseem nco koj nyob rau nruab siab
    thiaj tuaj nrhiav koj tus neeg zoo
    puas muaj hmoo kuv ho tau puag
    ntshe yuav luag ua suab nqhuab npho
    txoj kev nco sau kiag rau koj
    tsis xav noj vim mob lub siab
    pheej ntshai thiab pheej khib koj heev
    thiaj xav seev muab qhia kiag koj
    thov txhob coj lub paj tsw qab
    rau muv ntab muab zib noj tag
    tshuav tus cag tseg cia rau kuv
    me ntab muv yuav ua cas nyob
    lub siab txob vim koj xwb tiag.....Lubpajzoo!!!

    Sau los ntawm, Ntsuj Plig

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Thu Apr 07, 2011 1:42 am

    Ntsuj Plig,

    Tseg tau ib ntus no koj tsis tuaj nrog kuv seev pajhuam lawm ces kuv tsis paub seev pajhuam li lawm os.

    Nco koj os,


    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Mon May 09, 2011 8:53 pm

    Ntsuj Plig,

    Koj tsis tuaj copy koj cov pajhuam no mus tso rau lwm qhov chaw lod?

    Kuv tsuas yog nqa los tso rau ntawm no tos koj xwb koj yuav cia nyob nov los yeej tau hos yog koj xav muab copy mus tso rau lwm qhov los tau os mog.

    Ntev lawm tsis tau ntsib koj, koj puas nyobzoo os?

    Lubpajzoo
    Moderator

    Posts : 455
    Join date : 2011-02-04

    Re: Thaj Chaw Seev

    Post by Lubpajzoo on Sat Jul 23, 2011 1:36 am

    Leej phoojywg zoo,

    Ncaim ntev tsis hnov koj moo
    Uali koj puas noj qab nyob zoo
    Ua cas tsis pom koj tuaj nug kuv moo
    Yuav thaum twg koj mam rov tuaj nrog kuv nroo

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Thaj Chaw Seev

    Post by Npauj Npaim on Tue Jul 26, 2011 3:30 am

    Tau ib ntus no tsis muaj neeg tuaj nrog kuv seev paj huam lawm ces kuv cia li tsis txawj seev paj huam li lawm thiab na cov vivncaus, haahhaaa


    Ntsuj_Plig
    Moderator

    Posts : 604
    Join date : 2011-02-15

    Re: Thaj Chaw Seev

    Post by Ntsuj_Plig on Sun Sep 25, 2011 10:34 pm

    Lubpajzoo ncaim ntau xyoo tsis tau ntsib koj
    cas yuav nco koj ib leeg xwb
    koj kuv wb tej me lus zoo
    sib ncaim loo ploj pliag mus lawm
    tsis pom tawm koj puas nco kuv
    yam tej muv tsis tuaj sib ntsib
    yam tsob dib luag cab puv toj
    tsis muaj koj kuv tsis xav nyob
    lub siab mob nco koj ua luaj
    tsa suab quaj los koj tsis hnov
    caij ntuj sov twb yuav dhau mus
    nco koj tus txawj sau paj huam
    kuv leej muam tus neeg siab tus
    ncaim koj mus mas nco koj heev...li tiag!!!


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Thaj Chaw Seev

    Post by Npauj Npaim on Thu Oct 06, 2011 6:53 pm

    Thaum ub muaj ibtug neeg, nws hlub hlub kuv,
    Nim no tus neeg ntawd ua rau kuv lub siab tu tu...,

    Thaum ub muaj ibtug neeg, nws hlub kuv heev,
    Nim no tus neeg ntawd ua rau kuv lub siab seev seev...,


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Thaj Chaw Seev

    Post by Npauj Npaim on Thu Oct 06, 2011 6:53 pm

    Tus neeg kuv paub, nws coj lub siab ntev,
    Tus neeg kuv paub, nws tsis lam tau lam tshev,

    Tus neeg kuv nco, nws muaj lub siab hlub,
    Tus neeg kuv nco, nws tsis hais txog kev ntxub,

    Tus neeg kuv hlub, nws coj lub siab zoo,
    Tus neeg kuv hlub, nws ua neej nug kuv moo,

    Nco koj os...,


    Swmzeej

    Posts : 25
    Join date : 2011-03-17

    Re: Thaj Chaw Seev

    Post by Swmzeej on Fri Oct 07, 2011 4:06 pm

    NpaujNpaim,

    Thaum ub muaj ib tug neeg hlub
    Zaum nws muab siab ntsws hlawv kub
    Thaum ub muaj ib tug neeg nyiam
    Zaum no nws muab siab ntsws tsuj piam

    Tus neeg ib txwm hais zoo
    Raug luag muab nws ua laug cam tsoo
    Tus neeg ib txwm siab ntev
    Raug luag muab tsuj pua kev

    Siab ntsws lwj
    Tu siab nro rau kev phooj ywg
    Tag kev cia siab
    Zam kev sib tshiam

    Txhob quaj mog, yog muaj lub siab zoo
    Tseem tshua chaw ntau yuav los sib poog
    Txhob tas kev cia siab, yog hais tiag
    Tseem tshua chaw hauv kuv lub siab yuav rub nws tes dua ntxiv thiab...

    Txij no mus yuav tsum thim xav
    Tus zoo thiaj li tsis plam
    Tus tseeb yuav lim xeeb,
    thiaj nyob thaj yeeb...
    Tus cuav yuav tseg ncua,
    thiaj li tsis xyuam khuav...




    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Thaj Chaw Seev

    Post by Npauj Npaim on Thu Oct 13, 2011 6:36 pm

    Vuag!

    SwmZeej, ua tsaug ntau rau koj cov lus pajhuam plig siab os nawd. Tseg ntev heev lawm tsis tau ntsib koj, zoo siab tias hnub no rov pom koj tuaj saib kuv lawm es zoo siab heev li os.

    Ua tsaug ntau nawd, mam sib ntsib dua.

    maivntximhlub

    Posts : 349
    Join date : 2011-02-05

    Re: Thaj Chaw Seev

    Post by maivntximhlub on Sat Oct 15, 2011 11:39 pm

    Npaujnpaim a kuv hlub koj thiab os
    Koj pheej to tos leej twg na kuv me niam laus?
    Nws nyob ib leeg es nws tu tusiab los sav?
    kuv ces ib ntu no tsis txawj seev paj huam li lawm os...
    lwm hnub yog kuv xav tuaj sau ntxiv os mog
    kuv hlub thiab nco koj mog maiv


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Thaj Chaw Seev

    Post by Npauj Npaim on Mon Oct 17, 2011 6:47 pm

    Nyobzoo os, kuv me niamhluas, me maivntximhlub
    Xav tias muaj ib hnub twg nws yuav tuaj nrog kuv seev li qub
    Vim li thiaj rov qab tuaj nyob ntawm no tos
    Ua tsaug ntau rau nws cov lus zoo thiab os mog

    Vam tias ib hnub nws yuav rov tuaj saib kuv dua
    Thov kom muaj ib hnub peb tej vivncaus tau sib cuag
    Ua tsaug nws tseem rov tuaj saib kuv ntxiv
    Thov kom nws tau txojkev kajsiab nyob luagntxhi

    NkaujNyiag

    Posts : 101
    Join date : 2011-02-11

    Re: Thaj Chaw Seev

    Post by NkaujNyiag on Wed Oct 19, 2011 4:57 am

    Kuv Nco
    Maivntximhlub thiab Npaujnpaim
    Ob tug vivncaus zoo dua ntais
    Txawj sau pajhuam thuv rau peb txoj kev tawm rooj hauv cab sab
    Muaj neb nrog kuv nroo ces kuv lub siab twb tsis loog
    Muaj neb nrog kuv seev paj ntsha ces kuv twb nyob kaj
    Ntev lawm kuv tsis tau khoom rov tuaj nrog nej seev
    Neb kho siab li cas
    Neb yuav seev tu siab ua luaj
    Nco ntsoov tias yog kuv tseem muaj txoj sia
    Kuv yuav nco ntsoov neb mus kom kawg kiag lub ntiaj teb
    Txawm kuv tsis khoom tuaj fim los txhob chim thiab tu siab
    Kuv nplooj siab muab cog kiag rau neb tuav rau neb saib
    Kuv khoom mam rov tuaj nrog neb tham thiab seev dua

    Nco neb os kuv ob tug vivncaus siab zoo

    Sponsored content

    Re: Thaj Chaw Seev

    Post by Sponsored content Today at 3:18 pm


      Current date/time is Sun Dec 11, 2016 3:18 pm