HMOOB NTUJ TSHIAB

TXOJ KEV HLUB FORUM

October 2014

SunMonTueWedThuFriSat
   1234
567891011
12131415161718
19202122232425
262728293031 

Calendar Calendar

Top posters

Npauj Npaim (1382)
 
Ntsuj_Plig (549)
 
Lubpajzoo (454)
 
Tubzoonraug (415)
 
Dok_Champa (368)
 
maivntximhlub (351)
 
NkaujNyiag (105)
 
PajHmabPajNtoos (96)
 
Tojxeem (90)
 
Nkauj_Hli (88)
 

Latest topics

» nej tsis tuaj los cas.
Mon Oct 20, 2014 8:18 am by Tojxeem

» Ncaim Cev Tsis Ncaim Siab
Sat Oct 18, 2014 10:24 am by Ntsuj_Plig

» KEEB KWM NTAWM TXIV NAI PHOO
Sun Sep 28, 2014 10:07 pm by Tojxeem

» SIB THAM TAWM TSWV YIM KHO HMOOB
Sun Sep 28, 2014 9:34 am by Admin

» SO KOJ LUB KUA MUAG
Tue Sep 16, 2014 10:43 pm by Ntsuj_Plig

» NCO KOJ TSIS PLOJ
Tue Sep 16, 2014 10:38 pm by Ntsuj_Plig

» Hmoob Lub Neej Tojsiab
Tue Aug 12, 2014 10:55 pm by Ntsuj_Plig

» POJ NTXOOG
Thu Jul 31, 2014 1:12 am by Ntsuj_Plig

» Paj Huam Sib Hlub
Mon Jun 23, 2014 7:58 pm by Ntsuj_Plig

Who is online?

In total there is 0 user online :: 0 Registered, 0 Hidden and 0 Guests :: 1 Bot

None


Most users ever online was 80 on Sun Jul 01, 2012 1:11 am

Statistics

Our users have posted a total of 4062 messages in 200 subjects

We have 33 registered users

The newest registered user is toulee

Keywords

niam  tshiab  txog  ntuj  huam  Hmoob  

Gallery


Log in

I forgot my password

    Roob Cuam Kau Lub Neej Ib Vuag Dua

    Share

    Ntsuj_Plig
    Moderator

    Posts: 549
    Join date: 2011-02-15

    Roob Cuam Kau Lub Neej Ib Vuag Dua

    Post by Ntsuj_Plig on Mon Aug 08, 2011 5:37 am

    Roob Cuam Kau Lub Neej Ib Vuag Dua

    Xyoo 1981 muaj ib hnub tom qab noj peb caug tag Ntsuj Plig thiab nws cov phooj ywg txawm tuaj mus tham hluas nkauj ua si nyob rau zos Roob Cuam Kau. Lub sij hawm noj tshai tag Ntsuj Plig thiab nws cov phooj ywg tab tom tig rov los mus tsev rau zos Tsua Xyuam Yaj. Thaum Ntsuj Plig thiab nws cov phooj ywg tab tom los txog ntawm ib thaj qub teb npleg hav quav nplej daj rhuv ntsia mus rau tim roob muaj 2-3 lub tsev, ntawd yog zos Roob Cuam Kau. Ntsuj Plig txawm tig ntsia mus rau nram hauv ntej qhov kev yuav ncaim rov los mus rau Tsua Xyuam Yaj cas txawm pom 2 tug niam tub tab tom taug kev ua Ntsuj Plig lawv ntej txog nrad.

    Ntsuj Plig thiaj hais rau nws cov phooj ywg tias "Nej saib nrad seb ntshe yog hluas nkauj pob?" lawv tus twg los ntsia ua qhov muag hlaws hlo rau nram tiam tas thiab txawm hais rau Ntsuj Plig tias "Koj na cia li khiav mus caum seb puas yog hluas nkauj ma?". Thaum ntawd Ntsuj Plig thiab nws cov phooj ywg txawm cia li sib tw khiav nqis hav mus caum tau ob niam tub ntawd rau nram ntu kev yuav hla mus rau tim Roob Cuam Kau. Lub sij hawm mus txog ze lawm Ntsuj Plig thiaj tsa ncauj hu tias "Niam tais neb yuav mus da tsi na?" tus niag pog laus txawm teb tias wb yuav rov mus tom qub zog Paj Dawb xwb os, Cov tub nej mus qhov twg na? " Ntsuj Plig txawm teb tias "Niam tais peb tuaj ua si yuav rov los mus tsev xwb". Ntsuj Plig txawm nug ntxiv tias "Niam tais tus ntawd yog koj tus nyab los yog koj tus ntxhais na?" Npauj Npaim niam tsis tau teb, Npauj Npaim txawm teb ntua tias "Kuv muaj txiv lawv ov". Npauj Npaim niam thiaj teb ntua tias dag xwb mas nws yog kuv tus ntxhais tseem tsis tau muaj txiv os"

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Sat Aug 13, 2011 6:06 am

    Thaum Ntsuj Plig hnov Npauj Npaim niam hais li no nws thiaj hu tias "Nyob zoo os Npauj Npaim" Npauj Npaim txawm fee rau tom ib sab thiab ntsia ib plia tuaj rau Ntsuj Plig thiab teb tias "Nyob zoo mas, koj npe hu li cas" Npauj Npaim nug. Ntsuj Plig teb tias "Kuv npe hu ua Ntsuj Plig nos Npaum Npaim" Ntsuj Plig hais ntxiv tias "Npauj Npaim koj niam neb yuav mus qhov twg?" Npauj Npaim teb tias "Oh......Cas koj lub npe zoo ua luaj na" thiab hais ntxiv tias "Kuv niam wb yuav rov qab mus tom qub zog xwb os".

    Ntsuj Plig txawm nug ntxiv tias "Npauj Npaim qub zog nyob qhov twg na" Npauj Npaim thiaj teb tias "Qub zog Paj Dawb na koj puas tau paub dua?" Ntsuj Plig teb tias "Oh.....Qub zog Paj Dawb lod..!! Kuv paub mas tab sis deb ua luaj neb 2 leeg xwb puas tau luag ma?" Npauj Npaim teb tias "Tsis tau luag los twb tsis muaj neeg ua luag ces kawg mam ua ib siab mus xwb tiag." Ntsuj Plig txawm hais ntxiv tias "Npauj Npaim puas kam nres wb tham ib pliag vim twb txog kev ncaim yuav mus tim peb zos lawm thiab" Npauj Npaim teb tias "Tau kawg mas" thiab nws nug ntxiv tias "Ntsuj Plig nej nyob qhov twg na?" thaum ntawd Npauj Npaim thiab Ntsuj Plig nkawd txawm cia li nres lawm, Npauj Npaim niam mus 2-3 ruam nws kuj cia li nres tos Npauj Npaim thiab. Ntsuj Plig taw tias thiab teb Npauj Npaim tias "Puag tim lub qab roob tsuas dawb paug tid los hauv na Npauj Npaim" Npauj Npaim nug ntxiv tias "Ntsuj Plig nej lub zos hu li cas ma?" Ntsuj Plig teb tias "Tsua Xyuam Yaj os Npauj Npaim, koj puas tau hnov dua na?." Npauj Npaim teb tias "Oh.........Tsuas Xyuam Yaj lod....!!, kuv nyuam qhuav los tau muaj ib hlis no xwb kuv hnov tej viv ncaus tham thiab tab sis tsis paub tias nyob qhov twg. Thaum ntawd Npauj Npaim thiab Ntsuj Plig nkawd txawm pib sib tham. Ntsuj Plig saib Npauj Npaim zoo nkauj tam li lub paj uas nyuam qhuav tawg tsis tau muaj ib tug kab yuav los ntsauv li, Ntsuj Plig xav tias kheev lam Npaum Npaim yog lub paj yuav muab de kiag nqa coj mus hnia seb yuav tsw qab npaum li cas. Hos Npauj Npaim los saib Ntsuj Plig zoo nraug npaum li lub txiv uas nyuam qhuav txi tsis tau muaj ib tug kooj yuav los tsaws li, nyob hauv Npauj Npaim lub siab xav tias kheev lam Ntsuj Plig zoo li lub txiv ntshe Npauj Npaim yuav muab de kiag coj mus noj seb yuav qab zib npaum li cas.

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Sat Aug 13, 2011 10:03 pm

    Npauj Npaim thiab Ntsuj Plig nkawd tham tsis tau ntev pes tsawg tab sis lub sij hawm twb dhau mus lawm deb, Npauj Npaim niam thiaj hu tias "Npauj Npaim los wb mus tsam tsaus ntuj wb mus tsis txog tom qub zog Paj Dawb os." Thaum ntawd Npauj Npaim muab ntsuj Plig ntsia ib plia thiab tig los teb nws niam tias " Kuv niam ua li mas," Npauj Npaim txawm tig rov mus hais rau Ntsuj Plig tias "Leej nus zoo siab ntsib koj li no kuv niam wb yuav tau mus lawm os" Ntsuj Plig ntsia Npauj Npaim hais lus luag ntxhi thia lub ntsej muag dawb mos nyoos Ntsuj Plig lub ncauj hais tsis tau los lub siab xav tias "Tsis xav cia koj mus li os Npaum Npaim" thaum ntawd Ntsuj Plig thiaj tau los teb Npauj Npaim tias "Npauj Npaim cas lub sij hawm yuav khiav ceev ua luaj tsis xav cia koj mus los tsam koj niam neb tsaus ntuj thiab ces kuv mam cia koj mus mas." Ntsuj Nplig hais ntxiv tias "Npauj Npaim.... ua ntej wb yuav sib ncaim koj puas kam cia kuv tuav koj txhais tes ib zaug?" Npauj Npaim teb tias " Tau kawg mas Ntsuj Plig" thiab nws txawm cia li cev tes los rau Ntsuj Plig. Ntsuj Plig thiaj cev tes mus tuav Npauj Npaim txhais tes thiab hais rau Npauj Npaim tias "Neb yuav mus tsawg hnub mam los" Npauj Npaim teb tias " Wb mus li 5 hnub xwb wb rov los lawm" Ntsuj Plig teb tias Npauj Npaim yog li mus zoo neb mog thiab koj rov los kuv mam tuaj saib koj os" thaum ntawd Ntsuj Plig maj mam tso Npauj Npaim txhais tes zuj zus. Npauj Npaim los kuj teb tias " Ua tsaug os Ntsuj Plig thiab mam mus nej thiab mog" Npauj Npaim maj mam tshem tes tawm ntawm Ntsuj Plig mus.

    Lub sij hawm ntawd Npauj Npaim los tsis xav ncaim Ntsuj Plig mus hos Ntsuj Plig los lub siab quaj dhi rau Npauj Npaim tab sis vim lub caij nyoog dhau lawm zuj zus Npauj Npaim los yuav tau ncaim mus hos Ntsuj Plig los kuj yuav tau rov los mus tsev. Tom qab nkawd maj mam tso nkawd 2 sab tes plam mus Npauj Npaim kuj maj mam tshais ruam mus rau tom nws niam thiab nkawd nce mus rau tim zos Roob Cuam Kau lawm hos Ntsuj Plig thiab nws cov phooj ywg los kuj cia li ncaim kev rov mus rau tom ntug teb thiab los mus tsev lawm.




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Mon Aug 15, 2011 4:36 am

    Lub sij hawm Ntsuj Plig tau ncaim Npauj Npaim zaum no ua rau nws nco ntsoov thaum nws tuav Npauj Npaim txhais tes tsis xav tso, Npauj Npaim tus duab nyob hauv Ntsuj Plig lub siab tsis ploj. Hos Npauj Npaim tau ncaim Ntsuj Plig mus los ua rau nws lub siab nco ntsoov Ntsuj Plig lub suab luag tsis paub yaj, Npauj Npaim ke mus los ke xav txog Ntsuj Plig ua rau muaj qee chim nws tsis nco qab mus kev thiab cia li nres lawm. Npauj Npaim niam thiaj hais rau Npauj Npaim tias "Me ntxhais ua cas zoo li koj pheej yuav tsaug zog es tsis mus tsuag tsuag na" ua rau Npauj Npaim ceeb nkaus thiab teb tias "Kuv niam tsis tsaug os twb yog xyov kuv pheej cia li xav dab tsi lawm tsis nco qab mus kev xwb" Nws niam teb tias "Rau siab ntso tsam hmo no wb mus tsis txog pem qub zog os" Npauj Npaim teb tias "Ua li mas kuv niam" thiab nkawd txawm cia li rau siab ntso mus lawm.

    Hos ntawm Ntsuj Plig los thaum lawv los dhau rau tom ntug teb lawm ua rau Ntsuj Plig xav txog Npauj Npaim nws lub siab yuj plaws tsis xav rov los mus tsev. Ntsuj Plig thiaj li pib hais kwv txhiaj ua hav zoov ntxhe ntws, nws cov phooj ywg thiaj hais rau nws tias "Ntsuj Plig tsis yog koj nyiaj hlub Npauj Npaim lawm los?" Ntsuj Plig teb tias "Nej saib nws puas ntxim hlub ma, cas zoo li nws cia li nyob hauv kuv lub siab tsis ploj lawm" Nws cov phooj ywg los kuj teb tias "Ntsuj Plig nws zoo tau ntxim hlub heev tab sis peb tsis muaj peev xwm nrog nws tham xwb os."




    bird love Pictures, Images and Photos

    "Koj xwb thiaj yog tus kuv hlub"

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Tue Aug 23, 2011 6:45 am


    Npauj Npaim
    Moderator

    Posts: 1382
    Join date: 2011-02-12
    Age: 39

    Re: Roob Cuam Kau Lub Neej Ib Vuag Dua

    Post by Npauj Npaim on Mon Aug 29, 2011 9:53 pm

    Vuag!

    Es Ntuj Plig thiab Npauj Npaim nkawd tseem tshuav ib lub neej nyob Roob Cuam Kau thiab lod? Hais tau ntxim siab ua luaj li, kajtsij sau mus ntxiv Npauj Npaim mam nrhiav sijhawm tuaj nyeem nawd.


    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Tue Aug 30, 2011 8:03 am

    Yog mas....Npauj Npaim

    Koj tsis nco tias "Roob Cuam Kau yog Ntsuj Plig thiab Npauj Npaim Lub Neej Ib Vuag Dua" lawm no los. Cia muaj caij kuv mam tuaj sau ntxiv nawb.




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts: 1382
    Join date: 2011-02-12
    Age: 39

    Re: Roob Cuam Kau Lub Neej Ib Vuag Dua

    Post by Npauj Npaim on Tue Aug 30, 2011 9:50 pm

    Hmmm..., nco tsis tau lawm tabsis tsuav koj tseem nco ces coj tuaj sau tseg rau kuv ho tau tuaj nyeem seb puas yuav rov nco txog lub neej thaum ub os nawd.

    Zoo kawg li os, tsuav koj nco tau ces kavtsij tuaj sau kuv mam tuaj zaum tsawg mloog mog.


    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Thu Sep 22, 2011 3:00 am

    Npauj Npaim wrote:
    Hmmm..., nco tsis tau lawm tabsis tsuav koj tseem nco ces coj tuaj sau tseg rau kuv ho tau tuaj nyeem seb puas yuav rov nco txog lub neej thaum ub os nawd.

    Zoo kawg li os, tsuav koj nco tau ces kavtsij tuaj sau kuv mam tuaj zaum tsawg mloog mog.


    Npauj Npaim.....

    Ua li mas, cia kuv mam nrhiav sij hawm tuaj sau rau koj tuaj nyeem mog
    hnub no kuv rov tuaj saib koj lawm os. Nqa ib khob dej los pub kuv haus nawb??

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Thu Sep 22, 2011 3:12 am

    Lub sij hawm Ntsuj Plig thiab nws cov phooj ywg rov qab los mus tsev, ua rau Ntsuj Plig nco Npauj Npaim heev nyob hauv nws lub siab yeej xav ntsoov Npauj Npaim tsis ploj. Ntsuj Plig thiaj li seev suab hais ib zaj kwv txhiaj tias:

    Niam yes............., Cas niaj coob tsa suab nqhoob coob caus yaum tuaj tsa suab nqho cas ntau tau cim plees nkauj nraum nyob ntuj txoog lias txoj kev deb ntshe yuav ceeb laj ua cas nco. Niaj coob tsa suab nqhoob coob caus yaum tuaj tsa suab nqua cas ntau tau cim plees nkauj nraum nyob ntuj txoog txoj kev deb ua luaj no ntshe ceeb laj yuav ua cas tshua....

    Thaum Ntsuj Plig nyuam qhuav hais tag ib txwm kwv txhiaj xwb nws ib tug phooj ywg txawm hu tias Ntsuj Plig..., tsis yog koj vwm rau Npauj Npaim lawm tiag los ces Ntsuj Plig txawm cia li tsis hais kwv txhiaj ntxiv lawm. Nws thiaj teb tus phooj ywg tias " Kuv tsis xav tias vwm no tab sis mas ua cas Npauj Npaim tus duab pheej nyob hauv kuv lub siab tsis ploj lawm na." Ua rau Ntsuj Plig cov phooj ywg luag ib tsaug ces lawv txawm sib tham thaum txoj kev raws ib lub laj roob hav zoov nuj txeeg rov los mus tsev lawm.

    Hos Npauj Npaim los lub sij hawm tau ncaim Ntsuj Plig mus zaum no ua rau Npauj Npaim lub siab ua nyuj nyes xav ntsoov rau Ntsuj Plig tsis ploj hauv nws nruab siab. Muaj tej chim Npauj Npaim xav xav cia li nres tsis nco qab mus kev lawm, Npauj Npaim niam thiaj hais rau Npauj Npaim tias " Npauj Npaim...., ua cas tsis mus es ho nres lawm na?" Npauj Npaim ceeb nkaus thiab teb nws niam tias "Ab........xyov cas zoo li kuv cia li yuav tsaug zog es tsis nco qab mus kev lawm xwb os..niam". Npaun Npaim niam los kuj hais rau Npauj Npaim tias "Rau siab tsam hmo no wb mus tsaus ntuj tsis txog tom qub zog ces wb tsis tau luag os me ntxhais." Npauj Npaim teb tias " Ua li mas kuv niam" ces nkawd txawm rau siab ntso mus lawm.

    Nyob hauv Npauj Npaim lub siab xav ntsoov thaum Ntsuj Plig tuav Npauj Npaim txhais tes, Npauj Npaim tseem nco tau Ntsuj plig tus duab luag tsis ploj . Hnub ntawd ua rau Npauj Npaim qaug zog heev tsis xav mus vim yuav tau ncaim Ntsuj Plig mus deb zuj zus lawm tiag, tab sis Npauj Npaum kuj xav tias nyaj tsis ntev nws thiab nws niam nkawd yuav tau rov qab los tsev lawm.

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Thu Sep 27, 2012 6:00 am

    Hnub ntawd thaum tsaus ntuj zuag Npauj Npaim thiab nws niam tau rov qab mus txog tom lawv lub qub zog Paj Dawb, Npauj Npaim tau rov mus ntsib nws tej viv ncaus uas tau tso tseg rau tom qab los tau ntau lub hlis lawm. Lub sij hawm Npauj Npaim rov mus ntsib nws tej viv ncaus lawv kuj tuaj saib Npauj Npaim thiab tham txog txoj kev sib nco tam li txoj kev sib nug moo. Paj uas yog Npauj Npaim ib tug viv ncaus zoo ntawm nws thiaj tau nug tias "Npauj Npaim ua cas zaum no koj niam neb ho tuaj txog tsaus ntuj ua luaj ma?." Npauj Npaim teb tias "Paj...... Twb yog wb deb heev li wb thiaj tuaj txog lig xwb mas." Paj nug ntxiv tias "Npauj Npaim puas yog tias nco nco leej twg pheej tsis xav rau siab es thiaj tuaj txog lig ma?" Npauj Npaim luag ib suab thiab teb tias "Ab......... Paj, twb tsis muaj leej twg nco li os nco nej xwb los mas, Npauj Npaim hais ntxiv tias Paj kuv tuaj ntsib ib tug tub hluas hmoob tim kev nws mas hais lus zoo kawg tiag." Paj txawm teb tias "Oh.......tos hnub no neb tuaj txog lig yog li ntawd lod?" Npauj Npaim teb tias "Yog mas Paj....".

    Paj thiab Npauj Npaim nkawd tau sib tham txog txoj kev sib ncaim thiab sib nco zaum no yam tsis nco qab nkees, hmo ntawd Npauj Npaim txawm hais rau Paj tias "Paj....., kuv twb ncaim koj mus ntev heev thiab nco koj heev koj puas kam nrog kuv pw os?" Paj los kuj teb tias "Pw tau kawg mas Npauj Npaim." Nkawd txawm noj hmo tag thiab cia li mus pw lawm, tsis paub tias hmo ntawd nkawd yuav tham txog leej twg thiab yuav nyob ntev npaum cas nkawd thiaj tsaug zog.



    Npauj Npaim
    Moderator

    Posts: 1382
    Join date: 2011-02-12
    Age: 39

    Re: Roob Cuam Kau Lub Neej Ib Vuag Dua

    Post by Npauj Npaim on Thu Sep 27, 2012 10:33 pm

    Nyobzoo Ntsujplig,

    Hnub no Npauj Npaim rovqab tuaj pom koj muab Npauj Npaim lub neej thiab tus vivncaus, "PAJ" los tham, ua rau Npauj Npaim kho kho siab li os..., hehehehee,


    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Thu Nov 15, 2012 6:49 am

    Npauj Npaim..........

    Zoo siab koj tuaj pab nyeem mog, cia muaj caij kuv mam tuaj sau ntxiv nawb...




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts: 1382
    Join date: 2011-02-12
    Age: 39

    Re: Roob Cuam Kau Lub Neej Ib Vuag Dua

    Post by Npauj Npaim on Fri Nov 16, 2012 12:17 am

    Ntsujplig, tsuag tsuag xwb los yeej qab qab lawm ma txhob rau ntsev ntev ntev tsam kuv ceeb laj tos lawm na, hehehehee,

    Zoo siab ntsib koj os. Smile

    Ntsuj_Plig
    Moderator

    Posts: 549
    Join date: 2011-02-15

    Re: Roob Cuam Kau Lub Neej Ib Vuag Dua

    Post by Ntsuj_Plig on Sat Nov 16, 2013 8:11 am

    Npauj Npaim..........

    Cas koj ploj dua twg lawm ntev ua luaj, Ntsuj Plig yuav ua cas tos tau pom koj dua lawm os??




    bird love Pictures, Images and Photos

    "Koj xwb thiaj yog tus kuv hlub"

      Current date/time is Sun Oct 26, 2014 11:22 am