| Kuv nco ntsoov tias kuv muaj niam Luag tsis nyiam los kuv niam hlub Kuv ntxim ntxub los kuv niam tsis cem Nws tsis hem kom kuv ua mob Nws tsis cob kom kuv ua neeg phem Nws qhia kem kom kuv paub cai Vim nws ntshai tsam raug kuv mob Tsam pos chob nws nplooj siab Yog mob nws tub thiab nws ntxhais Ntshe yuav hlais nws nplooj plawv Mob ruj rawv tsis txawj zoo li Kuv niam luag ntxhi ua txhua yam Tsis muaj xam thiab khib nws kiag Nws xub ntiag thiaj tu kuv hlob Thaum kuv mob los nws zov rawv Txij kuv sawv thiab zoo lawm Nws mam tawm rov mus khwv Kuv tus tswv kuv lub chaw Qhov kuv ntshaw yog kuv niam lub xub ntiag Li no xwb tiag cov me phooj ywg e... Tsis muaj dab tsi sau li vim tsuas muaj lo lus nco thiab hlub kuv niam xwb |
Similar topics
Top posters
Npauj Npaim (1363) | ||||
Ntsuj_Plig (560) | ||||
Lubpajzoo (449) | ||||
Tubzoonraug (409) | ||||
Dok_Champa (367) | ||||
maivntximhlub (351) | ||||
NkaujNyiag (101) | ||||
Tojxeem (93) | ||||
PajHmabPajNtoos (90) | ||||
Nkauj_Hli (88) |
Latest topics
Who is online?
In total there is 1 user online :: 0 Registered, 0 Hidden and 1 Guest
None
Most users ever online was 203 on Sun Jul 04, 2021 2:20 pm
Statistics
Our users have posted a total of 4024 messages in 216 subjects
We have 36 registered users
The newest registered user is cwj mem hmoob
Keywords
Search
Log in
3 posters
Happy mother's day
maivntximhlub- Posts : 351
Join date : 2011-02-05
- Post n°1
Happy mother's day
Npauj Npaim- Moderator
- Posts : 1363
Join date : 2011-02-11
Age : 48
- Post n°2
Re: Happy mother's day
Nyobzoo me niamhluas, maivntximhlub
Ua cas hnub no nws nim tuaj ntxov ntxov tuaj seev txog niam hnub
Hos kuv ces..., tu siab nrho tsis xav seev li lawm
Vim seev thaum twg ces yuav mob mob lub plawv,
Thaum twg tham txog niam hnub ces kuv kua muag los los
Vim kuv niam twb ncaim kuv puag thaum ub lawm os
Tham txog kuv niam thaum twg ces ua rau kuv quaj
Vim kuv niam twb ncaim kuv mus lawm tsis rov tuaj
Nim no ces txhob seev thiaj tsis kho lub siab
Yog seev thaum twb ces los kua muag iab
Vim li xyoo no kuv thiaj tsis tuaj seev txog niam hnub
Txawm kuv tsis seev los niam txojkev hlub yeej nyob nrog kuv
Tsuas yog tias seev kiag ces lub kua muag yuav nrog tawm
Tham ntau ces yuav mob qeeg nkaws kuv nplooj plawv
Thiaj ua ib siab tsis tham vim txawm hu npaum cas los niam tsis los
Yog seev ntau ces kawg lub kua muag yuav rov qab nrog vim kev nco
Ua cas hnub no nws nim tuaj ntxov ntxov tuaj seev txog niam hnub
Hos kuv ces..., tu siab nrho tsis xav seev li lawm
Vim seev thaum twg ces yuav mob mob lub plawv,
Thaum twg tham txog niam hnub ces kuv kua muag los los
Vim kuv niam twb ncaim kuv puag thaum ub lawm os
Tham txog kuv niam thaum twg ces ua rau kuv quaj
Vim kuv niam twb ncaim kuv mus lawm tsis rov tuaj
Nim no ces txhob seev thiaj tsis kho lub siab
Yog seev thaum twb ces los kua muag iab
Vim li xyoo no kuv thiaj tsis tuaj seev txog niam hnub
Txawm kuv tsis seev los niam txojkev hlub yeej nyob nrog kuv
Tsuas yog tias seev kiag ces lub kua muag yuav nrog tawm
Tham ntau ces yuav mob qeeg nkaws kuv nplooj plawv
Thiaj ua ib siab tsis tham vim txawm hu npaum cas los niam tsis los
Yog seev ntau ces kawg lub kua muag yuav rov qab nrog vim kev nco
Ntsuj_Plig- Moderator
- Posts : 560
Join date : 2011-02-15
- Post n°3
Re: Happy mother's day
Kuv leej niam nws yeej zoo lus
nws yog tus yug kuv loj hlob
thaum kuv mob nws nrhiav tshuaj rau
thaum kuv yau nws ua kuv noj
thaum kuv loj ua taus txiv lawm
kuv niam txawm kom mus yuav nyab
kuv niam pab txhua tsav txhua yam
nyab tsis kam niam rho nyiaj muas
kuv tseem hluas tsis paub dab tsi
tej nuj nqi niam them tag nrho
raws kuv nco nyab wb rooj tshoob
nws kam poob kaum phav dollars
niam them tas tsis yuav rov qab
niam yeej pab tam siab dawb paug
muaj ntau zaug nyab tsis muaj tub
rho nyiaj kub mus fiv tshuaj rau
thaum nyab tau ab tub los puag
ces niam luag thiab zoo siab hlo
kuv tseem nco lub caij niam tuag
kuv kua muag poob ntws tsis tu
ntawm sab plhu los kua muag ntshav
tsis nco xav tias yuav ua neej
yog tuag tsheej ntshe lawv niam qab
mus ciaj dab nrog niam lawm tiag!!!!
nws yog tus yug kuv loj hlob
thaum kuv mob nws nrhiav tshuaj rau
thaum kuv yau nws ua kuv noj
thaum kuv loj ua taus txiv lawm
kuv niam txawm kom mus yuav nyab
kuv niam pab txhua tsav txhua yam
nyab tsis kam niam rho nyiaj muas
kuv tseem hluas tsis paub dab tsi
tej nuj nqi niam them tag nrho
raws kuv nco nyab wb rooj tshoob
nws kam poob kaum phav dollars
niam them tas tsis yuav rov qab
niam yeej pab tam siab dawb paug
muaj ntau zaug nyab tsis muaj tub
rho nyiaj kub mus fiv tshuaj rau
thaum nyab tau ab tub los puag
ces niam luag thiab zoo siab hlo
kuv tseem nco lub caij niam tuag
kuv kua muag poob ntws tsis tu
ntawm sab plhu los kua muag ntshav
tsis nco xav tias yuav ua neej
yog tuag tsheej ntshe lawv niam qab
mus ciaj dab nrog niam lawm tiag!!!!
Npauj Npaim- Moderator
- Posts : 1363
Join date : 2011-02-11
Age : 48
- Post n°4
Re: Happy mother's day
Wow!
Koj txoj pajhuam rau niam cas yuav zoo ua luaj. Thov kom cua tshuab koj cov lus no mus kom txog rau koj niam os mog.
Koj txoj pajhuam rau niam cas yuav zoo ua luaj. Thov kom cua tshuab koj cov lus no mus kom txog rau koj niam os mog.
Ntsuj_Plig- Moderator
- Posts : 560
Join date : 2011-02-15
- Post n°5
Re: Happy mother's day
Npauj Npaim
Ua tsaug os, kuv ntseeg tias kuv niam yuav hnov tej lus kuv xa xov rau nws thiab nws
yuav zoo siab tias tseem tshuav ib leej tub nyob rau lub ntiaj teb thiab no mas.
Ua tsaug os, kuv ntseeg tias kuv niam yuav hnov tej lus kuv xa xov rau nws thiab nws
yuav zoo siab tias tseem tshuav ib leej tub nyob rau lub ntiaj teb thiab no mas.
Npauj Npaim- Moderator
- Posts : 1363
Join date : 2011-02-11
Age : 48
- Post n°6
Re: Happy mother's day
NtsujPlig, kuv los xav li koj hais thiab mog.
NtsujPlig, kuv muaj ib lolus xav nug koj. Koj puas paub tias vim licas txhua zaus kuv ua npausuav pom kuv niam mas ua rau kuv ntshai tag li xwb es yog vim licas no?
Kuv niam yeej hlub kuv heev li, thiab kuv nco kuv niam heev tabsis thaum twg kuv seev thiab nco kuv niam ces kuv ua npausuav pom kuv niam mas kuv niam pheej hem ua kuv ntshai ntshai tsim dheev los xwb na, es kuv tsis nkagsiab li os.
NtsujPlig, kuv muaj ib lolus xav nug koj. Koj puas paub tias vim licas txhua zaus kuv ua npausuav pom kuv niam mas ua rau kuv ntshai tag li xwb es yog vim licas no?
Kuv niam yeej hlub kuv heev li, thiab kuv nco kuv niam heev tabsis thaum twg kuv seev thiab nco kuv niam ces kuv ua npausuav pom kuv niam mas kuv niam pheej hem ua kuv ntshai ntshai tsim dheev los xwb na, es kuv tsis nkagsiab li os.
Ntsuj_Plig- Moderator
- Posts : 560
Join date : 2011-02-15
- Post n°7
Re: Happy mother's day
Npauj Npaim
Cia kuv mam qhia koj los tau. Koj nco qab ntsoov tias txoj kev ua neej uas muaj lub cev thiab tus ntsuj plig uas tsis muaj lub cev nws sib txawv deb tsis zoo li thaum yus niam tseem muaj lub cev nrog yus nyob lawm. Ib qho ntxiv, vim tias Vaj Tswv (Yawm Saub) txoj caij thiab neeg ntiaj teb txoj cai los nws sib txawv deb heev li. Thaum ib leeg nyob ib lub ntuj lawm luag tsis pub kom tus ntsuj plig rov paub txog nws tiam tas vim li ntawd thaum ib tug neeg uas tseem muaj lub cev nco tus uas tau ncaim mus ua tus ntsuj plig lawm txawm yuav yog koj nco nws thiab seev txog nws xwb los nws hais tias yog koj pheej cem nws. Thaum nws los ua rau koj pom thiaj tsis yog los tam li txoj kev sib hlub tab sis nws thiaj ua rau koj ceeb thiab ntshai nyob hauv dab ntub npau suav los mas...Npauj Npaim.
Koj puas xav li kuv hais thiab ma???
Cia kuv mam qhia koj los tau. Koj nco qab ntsoov tias txoj kev ua neej uas muaj lub cev thiab tus ntsuj plig uas tsis muaj lub cev nws sib txawv deb tsis zoo li thaum yus niam tseem muaj lub cev nrog yus nyob lawm. Ib qho ntxiv, vim tias Vaj Tswv (Yawm Saub) txoj caij thiab neeg ntiaj teb txoj cai los nws sib txawv deb heev li. Thaum ib leeg nyob ib lub ntuj lawm luag tsis pub kom tus ntsuj plig rov paub txog nws tiam tas vim li ntawd thaum ib tug neeg uas tseem muaj lub cev nco tus uas tau ncaim mus ua tus ntsuj plig lawm txawm yuav yog koj nco nws thiab seev txog nws xwb los nws hais tias yog koj pheej cem nws. Thaum nws los ua rau koj pom thiaj tsis yog los tam li txoj kev sib hlub tab sis nws thiaj ua rau koj ceeb thiab ntshai nyob hauv dab ntub npau suav los mas...Npauj Npaim.
Koj puas xav li kuv hais thiab ma???
Npauj Npaim- Moderator
- Posts : 1363
Join date : 2011-02-11
Age : 48
- Post n°8
Re: Happy mother's day
Nyobzoo Ntsuj Plig,
Ua tsaug koj teb kuv. Tabsis kuv tsis tau xav txog li qhov koj hais no li os. Kuv tsuas xav tias yog yus nco nco tus neeg ncaim yus lawm ces ntshe yuav deeg txog nws lub siab es nws yuav nco nco yus ib yam no thiab xwb nas. Raws li koj hais mas yog yus nco nws ces nws tseem cem yus thiab no, hmmm..., tsis tau hnov dua li thiab tiag.
Ua tsaug koj teb kuv. Tabsis kuv tsis tau xav txog li qhov koj hais no li os. Kuv tsuas xav tias yog yus nco nco tus neeg ncaim yus lawm ces ntshe yuav deeg txog nws lub siab es nws yuav nco nco yus ib yam no thiab xwb nas. Raws li koj hais mas yog yus nco nws ces nws tseem cem yus thiab no, hmmm..., tsis tau hnov dua li thiab tiag.
Ntsuj_Plig- Moderator
- Posts : 560
Join date : 2011-02-15
- Post n°9
Re: Happy mother's day
Npauj Npaim
Qhov kuv hais nws muaj tiag, kuv tau studied txog sab ntsuj plig los ntev lawm thiaj ua rau kuv paub thiab ntseeg tias "LUB CEV thiab TUS NTSUJ PLIG" tsis zoo ib yam tsis xav ib yam thiab tej lus uas lub cev hais los ntsuj plig muab txhais rov qab tag tej lus uas ntsuj plig hais los lub cev ntes tsis tau qhov tseeb lawm. Thiaj ua rau nyias muaj nyias txoj kev xav tsis zoo ib yam lawm os.
Qhov kuv hais nws muaj tiag, kuv tau studied txog sab ntsuj plig los ntev lawm thiaj ua rau kuv paub thiab ntseeg tias "LUB CEV thiab TUS NTSUJ PLIG" tsis zoo ib yam tsis xav ib yam thiab tej lus uas lub cev hais los ntsuj plig muab txhais rov qab tag tej lus uas ntsuj plig hais los lub cev ntes tsis tau qhov tseeb lawm. Thiaj ua rau nyias muaj nyias txoj kev xav tsis zoo ib yam lawm os.
Npauj Npaim- Moderator
- Posts : 1363
Join date : 2011-02-11
Age : 48
- Post n°10
Re: Happy mother's day
Nyobzoo Ntsujplig,
Wow! Tos koj paub los vim koj twb kawm tag los lawm ne. Tos luag tej hais siv lus pivtxwv tias, tus neeg noj ntau diav mov yeej paub ntau dua tus noj tsawg no uas vim koj noj ntau zog lawm koj thiaj paub ntau zog peb cov uas tsis tau muaj kev kawm ntau no ne.
Zoosiab uas koj tseem tuaj teb qhia kuv paub thiab mog. Yog li ces tej lus yus hais mus ces dab muab hais rovqab lawm no lod? Hmmm..., ces yog yus ho hais lus rovqab ne, uali dab uas muab txhais mus mas lod?
Ej, koj puas yog ibtug saub thiab mas lod?
Wow! Tos koj paub los vim koj twb kawm tag los lawm ne. Tos luag tej hais siv lus pivtxwv tias, tus neeg noj ntau diav mov yeej paub ntau dua tus noj tsawg no uas vim koj noj ntau zog lawm koj thiaj paub ntau zog peb cov uas tsis tau muaj kev kawm ntau no ne.
Zoosiab uas koj tseem tuaj teb qhia kuv paub thiab mog. Yog li ces tej lus yus hais mus ces dab muab hais rovqab lawm no lod? Hmmm..., ces yog yus ho hais lus rovqab ne, uali dab uas muab txhais mus mas lod?
Ej, koj puas yog ibtug saub thiab mas lod?
Ntsuj_Plig- Moderator
- Posts : 560
Join date : 2011-02-15
- Post n°11
Re: Happy mother's day
Hahaha....Npauj Npaim...!!!
Kuv tsis yog saub tab sis kuv twb kawm tiav sab ntsuj plig lawm vim li ntawd kuv thiaj nyiam ua ntsuj plig dua muaj lub cev na. Cia kuv qhia ib zaj kwv huam txog ib tug uas muaj lub cev thiab ib tug uas yog ntsuj plig rau koj.
Khwv yees li xyoo 2005 muaj ib khub niam txiv nyob St. Paul, tus niam yog ntxhais Hmoob Vaj hos tus txiv yog Hmoob Lis. Thaum tus niam tuag muab faus tas tau li ib lub hlis tom qab tus txiv txawm tua tau ib tug qaib thiab ntim tau ib pob mov xa mus rau tus niam, tus txiv txawm mus hu tias:
" Koj niam thaum ua neej nyob wb twb sib hlub thiab ua cas thaum koj ncaim kuv mus lawm tus yuav hais li cas los muaj, hnub no kuv xa su tuaj koj noj es sawv los wb noj mov ua ke os."
Tus txiv txawm dua kiag ib tug ncej puab qaib tso rau ntawm tus niam daim txiag pob zeb thiab tus txiv dua kiag ib tug ncej puab qaib los noj kiag ib kaug. Tus niam thiaj xuas ib tawg ncuav rau tus txiv sab plhu ua hneev tes nyob zoj, tus txiv vau hlo rau ntawd thiab tsis hnov lawm thaum nws hnov rov los tsis paub tias ntev los luv tshav ntuj twb ziab cov mov uas nws noj thiab tus ncej puab qaib qhuav tag lawm. Nws thiaj mam sawv los tsev lawm xwb.
Qhov no qhia tau tseeb tias neeg yeej muaj ntsuj plig tiag tab sis thaum ib leeg nyob ib sab ntuj lawm koj hais zoo los nws txhais mus ua phem lawm. Nws ho tias nws hlub koj nws los plhws koj taub hau me ntsis no los ua rau koj tuag ib tsig thiab.
Coj mus xav seb koj ho xav li cas nawb.
Kuv tsis yog saub tab sis kuv twb kawm tiav sab ntsuj plig lawm vim li ntawd kuv thiaj nyiam ua ntsuj plig dua muaj lub cev na. Cia kuv qhia ib zaj kwv huam txog ib tug uas muaj lub cev thiab ib tug uas yog ntsuj plig rau koj.
Khwv yees li xyoo 2005 muaj ib khub niam txiv nyob St. Paul, tus niam yog ntxhais Hmoob Vaj hos tus txiv yog Hmoob Lis. Thaum tus niam tuag muab faus tas tau li ib lub hlis tom qab tus txiv txawm tua tau ib tug qaib thiab ntim tau ib pob mov xa mus rau tus niam, tus txiv txawm mus hu tias:
" Koj niam thaum ua neej nyob wb twb sib hlub thiab ua cas thaum koj ncaim kuv mus lawm tus yuav hais li cas los muaj, hnub no kuv xa su tuaj koj noj es sawv los wb noj mov ua ke os."
Tus txiv txawm dua kiag ib tug ncej puab qaib tso rau ntawm tus niam daim txiag pob zeb thiab tus txiv dua kiag ib tug ncej puab qaib los noj kiag ib kaug. Tus niam thiaj xuas ib tawg ncuav rau tus txiv sab plhu ua hneev tes nyob zoj, tus txiv vau hlo rau ntawd thiab tsis hnov lawm thaum nws hnov rov los tsis paub tias ntev los luv tshav ntuj twb ziab cov mov uas nws noj thiab tus ncej puab qaib qhuav tag lawm. Nws thiaj mam sawv los tsev lawm xwb.
Qhov no qhia tau tseeb tias neeg yeej muaj ntsuj plig tiag tab sis thaum ib leeg nyob ib sab ntuj lawm koj hais zoo los nws txhais mus ua phem lawm. Nws ho tias nws hlub koj nws los plhws koj taub hau me ntsis no los ua rau koj tuag ib tsig thiab.
Coj mus xav seb koj ho xav li cas nawb.
Npauj Npaim- Moderator
- Posts : 1363
Join date : 2011-02-11
Age : 48
- Post n°12
Re: Happy mother's day
Vuag! Puas muaj tseeb npaum li ntawd tiag mas lod?
Koj kawm tag lawm ces koj paub zoo tabsis kuv ces tsis tau kawm ib yam abtsi li ces kawg mam mloog koj tham xwb laud, hehehehe,
Ua tsaug koj share qhia kuv nawd. Thiab nrog koj zoo siab uas koj muaj kev kawm tob heev txog sab ntsujplig mog. Yog tsis xav licas no kuj qhia qee yam zoo rau peb tau hnov thiab es ua tsaug os.
Koj kawm tag lawm ces koj paub zoo tabsis kuv ces tsis tau kawm ib yam abtsi li ces kawg mam mloog koj tham xwb laud, hehehehe,
Ua tsaug koj share qhia kuv nawd. Thiab nrog koj zoo siab uas koj muaj kev kawm tob heev txog sab ntsujplig mog. Yog tsis xav licas no kuj qhia qee yam zoo rau peb tau hnov thiab es ua tsaug os.
Ntsuj_Plig wrote:Hahaha....Npauj Npaim...!!!
Kuv tsis yog saub tab sis kuv twb kawm tiav sab ntsuj plig lawm vim li ntawd kuv thiaj nyiam ua ntsuj plig dua muaj lub cev na. Cia kuv qhia ib zaj kwv huam txog ib tug uas muaj lub cev thiab ib tug uas yog ntsuj plig rau koj.
Khwv yees li xyoo 2005 muaj ib khub niam txiv nyob St. Paul, tus niam yog ntxhais Hmoob Vaj hos tus txiv yog Hmoob Lis. Thaum tus niam tuag muab faus tas tau li ib lub hlis tom qab tus txiv txawm tua tau ib tug qaib thiab ntim tau ib pob mov xa mus rau tus niam, tus txiv txawm mus hu tias:
" Koj niam thaum ua neej nyob wb twb sib hlub thiab ua cas thaum koj ncaim kuv mus lawm tus yuav hais li cas los muaj, hnub no kuv xa su tuaj koj noj es sawv los wb noj mov ua ke os."
Tus txiv txawm dua kiag ib tug ncej puab qaib tso rau ntawm tus niam daim txiag pob zeb thiab tus txiv dua kiag ib tug ncej puab qaib los noj kiag ib kaug. Tus niam thiaj xuas ib tawg ncuav rau tus txiv sab plhu ua hneev tes nyob zoj, tus txiv vau hlo rau ntawd thiab tsis hnov lawm thaum nws hnov rov los tsis paub tias ntev los luv tshav ntuj twb ziab cov mov uas nws noj thiab tus ncej puab qaib qhuav tag lawm. Nws thiaj mam sawv los tsev lawm xwb.
Qhov no qhia tau tseeb tias neeg yeej muaj ntsuj plig tiag tab sis thaum ib leeg nyob ib sab ntuj lawm koj hais zoo los nws txhais mus ua phem lawm. Nws ho tias nws hlub koj nws los plhws koj taub hau me ntsis no los ua rau koj tuag ib tsig thiab.
Coj mus xav seb koj ho xav li cas nawb.
Ntsuj_Plig- Moderator
- Posts : 560
Join date : 2011-02-15
- Post n°13
Re: Happy mother's day
Npauj Npaim
Txhua yam kuv hais los no nws muaj tseeb tiag los mas thiaj xav qhia koj tias
txoj kev hlub kev nco ces cia nyob hauv yus nruab siab tab sis tsis txhob muab
coj mus seev rau ub rau no yuav ua rau yus muaj txiab os....Me muam aw...!!!
Txhua yam kuv hais los no nws muaj tseeb tiag los mas thiaj xav qhia koj tias
txoj kev hlub kev nco ces cia nyob hauv yus nruab siab tab sis tsis txhob muab
coj mus seev rau ub rau no yuav ua rau yus muaj txiab os....Me muam aw...!!!
Npauj Npaim- Moderator
- Posts : 1363
Join date : 2011-02-11
Age : 48
- Post n°14
Re: Happy mother's day
Aw!!!Ntsuj_Plig wrote:Npauj Npaim
Txhua yam kuv hais los no nws muaj tseeb tiag los mas thiaj xav qhia koj tias
txoj kev hlub kev nco ces cia nyob hauv yus nruab siab tab sis tsis txhob muab
coj mus seev rau ub rau no yuav ua rau yus muaj txiab os....Me muam aw...!!!
Yog li ces zoo xwb tiag, yog koj xav li lawm sais txhob mus seev seev koj tej niag lus hlub rau qhov txhia chaw tsam ces ntsujplig sais kuv nyab ho tsis nrhiav neeb kho nawd,
Ntsuj_Plig- Moderator
- Posts : 560
Join date : 2011-02-15
- Post n°15
Re: Happy mother's day
Npauj Npaim.........
Yog los mas, txawm yog li koj hais es kuv pheej tseg tsis taus txoj kev seev nyab thiaj tau muab kiag ib niag
NYUJ KUB NTO NTUJ TW SUAB TEB los hu kuv plig lawm ntag. Yog koj nyob zes mas kuv yuav hu
koj tuaj noj thiab tseem yuav ntim ib tug ncej puab nyuj rau koj ua su thiab hos.....hahaa
Yog los mas, txawm yog li koj hais es kuv pheej tseg tsis taus txoj kev seev nyab thiaj tau muab kiag ib niag
NYUJ KUB NTO NTUJ TW SUAB TEB los hu kuv plig lawm ntag. Yog koj nyob zes mas kuv yuav hu
koj tuaj noj thiab tseem yuav ntim ib tug ncej puab nyuj rau koj ua su thiab hos.....hahaa
Npauj Npaim wrote:
Aw!!!
Yog li ces zoo xwb tiag, yog koj xav li lawm sais txhob mus seev seev koj tej niag lus hlub rau qhov txhia chaw tsam ces ntsujplig sais kuv nyab ho tsis nrhiav neeb kho nawd,
Npauj Npaim- Moderator
- Posts : 1363
Join date : 2011-02-11
Age : 48
- Post n°16
Re: Happy mother's day
Ntsujplig, vim nyob deb lawm, yog nyobze ces kuv mam tuaj pab nyab ua zaubmov tos txais qhua es cia nyab puag rawv koj xwb os.
Ntsuj_Plig- Moderator
- Posts : 560
Join date : 2011-02-15
- Post n°17
Re: Happy mother's day
Yog ........., Cas Npauj Npaim yuav siab zoo ua luaj li na.
Ua tsaug koj cov lus zoo os, yog tau nyob ua kev yeej yuav muaj kev sib pab
xwb tiag.
Ua tsaug koj cov lus zoo os, yog tau nyob ua kev yeej yuav muaj kev sib pab
xwb tiag.
Npauj Npaim wrote:Ntsujplig, vim nyob deb lawm, yog nyobze ces kuv mam tuaj pab nyab ua zaubmov tos txais qhua es cia nyab puag rawv koj xwb os.
Npauj Npaim- Moderator
- Posts : 1363
Join date : 2011-02-11
Age : 48
- Post n°18
Re: Happy mother's day
Ntsujplig,
Nyob deb nyob ze los yog sib paub lawm yuavtsum sib pab os mog.
Kuv ua koj tsaug ntau uas koj siv koj lub sijhawm tuaj peb kawm kev siv internet uake li no yog cov tsis paub peb ces yuav hais tias peb tuaj sibtham kev lomzem, tabsis cov paub ces yuav tsis xav licas rau peb vim peb txhua tug tuaj tham nyob internet li no los vim tuaj sib qhia kev siv internet thiab tuaj siv pauv tswvyim kawm uake xwb es thov kom yog tias hnub twg kuv tus me nyab tuaj ncig txog tej no los thov kom nws paub tias peb tsis tham abtsi phem txog nws no os mog.
Tej ncauj lus tso daj tso luag ces yog tus khuas tham thiaj nkagsiab, yog tus tsis khuas tham ces yuav mob lub siab, yog li thov nej cov tuaj nyeem peb cov lus tham uasi no txhob xav phem vim peb tsuas tham tso dag uasi kom sijhawm luv xwb mog.
Nyob deb nyob ze los yog sib paub lawm yuavtsum sib pab os mog.
Kuv ua koj tsaug ntau uas koj siv koj lub sijhawm tuaj peb kawm kev siv internet uake li no yog cov tsis paub peb ces yuav hais tias peb tuaj sibtham kev lomzem, tabsis cov paub ces yuav tsis xav licas rau peb vim peb txhua tug tuaj tham nyob internet li no los vim tuaj sib qhia kev siv internet thiab tuaj siv pauv tswvyim kawm uake xwb es thov kom yog tias hnub twg kuv tus me nyab tuaj ncig txog tej no los thov kom nws paub tias peb tsis tham abtsi phem txog nws no os mog.
Tej ncauj lus tso daj tso luag ces yog tus khuas tham thiaj nkagsiab, yog tus tsis khuas tham ces yuav mob lub siab, yog li thov nej cov tuaj nyeem peb cov lus tham uasi no txhob xav phem vim peb tsuas tham tso dag uasi kom sijhawm luv xwb mog.
Npauj Npaim- Moderator
- Posts : 1363
Join date : 2011-02-11
Age : 48
- Post n°19
Re: Happy mother's day
Nyobzoo rau Maivntximhlub,
Me niamhluas aw, ua cas nws tuaj tsim tau lub topic rau leej niam no zoo ua luaj tabsis nws tsis tuaj nrog kuv tham li lawm ne, es nws puas ntsib kev noj qab nyob zoo os?
Kuv ces nyob taus taus hauv tsev li lawm, tsis cuav zos lawm ces ntshe yuav tsis ntsib nws yog nws tsis tuaj saib kuv lawm na, hehehehe,
Me niamhluas aw, ua cas nws tuaj tsim tau lub topic rau leej niam no zoo ua luaj tabsis nws tsis tuaj nrog kuv tham li lawm ne, es nws puas ntsib kev noj qab nyob zoo os?
Kuv ces nyob taus taus hauv tsev li lawm, tsis cuav zos lawm ces ntshe yuav tsis ntsib nws yog nws tsis tuaj saib kuv lawm na, hehehehe,
Ntsuj_Plig- Moderator
- Posts : 560
Join date : 2011-02-15
- Post n°20
Re: Happy mother's day
Npauj Npaim..........Npauj Npaim wrote:Ntsujplig,
Nyob deb nyob ze los yog sib paub lawm yuavtsum sib pab os mog.
Kuv ua koj tsaug ntau uas koj siv koj lub sijhawm tuaj peb kawm kev siv internet uake li no yog cov tsis paub peb ces yuav hais tias peb tuaj sibtham kev lomzem, tabsis cov paub ces yuav tsis xav licas rau peb vim peb txhua tug tuaj tham nyob internet li no los vim tuaj sib qhia kev siv internet thiab tuaj siv pauv tswvyim kawm uake xwb es thov kom yog tias hnub twg kuv tus me nyab tuaj ncig txog tej no los thov kom nws paub tias peb tsis tham abtsi phem txog nws no os mog.
Tej ncauj lus tso daj tso luag ces yog tus khuas tham thiaj nkagsiab, yog tus tsis khuas tham ces yuav mob lub siab, yog li thov nej cov tuaj nyeem peb cov lus tham uasi no txhob xav phem vim peb tsuas tham tso dag uasi kom sijhawm luv xwb mog.
Yog los mas, txoj kev tuaj ua si online li no tsuas yog kev sib kawm thiab sib qhia kev siv Internet xwb os. Ntawm tij laug yuav tsis muaj dab tsi poob siab mog tab sis ntawm me muam yuav tau ceev faj tsam muaj tej hmo lam pw txia to nraum sofa xwb mas.....hahaa
Qhov tseeb tiag, txoj kev kuv tuaj li no tseem ua rau kuv nug tau kuv tej neeg txheeb ze uas ncaim los yuav luag tau ib tiam neeg thiab niaj hnub no ib leeg nyob ib sab ntuj thiab hos....
Npauj Npaim- Moderator
- Posts : 1363
Join date : 2011-02-11
Age : 48
- Post n°21
Re: Happy mother's day
Nyobzoo Ntsuj Plig,
Ua tsaug rau koj lolus kom kuv ceevfaj tabsis qhia tseeb rau koj tias kuv yuav tsis tau pw ntsiagto li ntawd ib sim li vim twb muaj koj uas yog ib leej nus zoo pab txhawb kuv lub siab lawm ces tsuas muaj zoo xwb os mog.
Ua tsaug rau koj lolus kom kuv ceevfaj tabsis qhia tseeb rau koj tias kuv yuav tsis tau pw ntsiagto li ntawd ib sim li vim twb muaj koj uas yog ib leej nus zoo pab txhawb kuv lub siab lawm ces tsuas muaj zoo xwb os mog.
|
|
Mon Feb 01, 2021 9:48 am by maivntximhlub
» Nyiaj Txiag Pauv Tsis Tau Kev Hlub
Sat May 09, 2020 8:15 pm by Ntsuj_Plig
» Caw Npauj Npaim rov tuaj qhia qee yam
Mon Apr 20, 2020 8:43 am by Tubzoonraug
» Nej leej twg Paub LorMong Lo
Mon Apr 20, 2020 8:24 am by Tubzoonraug
» Nyob zoo phooj ywg
Tue Jun 04, 2019 6:01 am by maivntximhlub
» GVP thiab Hmoob txoj kev ua rog nyob nplog teb
Sun Mar 10, 2019 9:53 pm by Ntsuj_Plig
» Xa Xov Rau Qub Phooj Ywg
Thu Dec 28, 2017 12:11 am by Ntsuj_Plig
» Nco Hauv Lub Tsev Pheeb Suab
Thu Oct 26, 2017 9:38 pm by Ntsuj_Plig
» Nkauj Ntxoo Mus Tsheej Dab
Wed Jul 19, 2017 10:34 pm by Ntsuj_Plig