Home
Kab Lia yog ib tug ntxhais yug los tau ib leej niam zoo nyob hauv nws lub neej tab sis tu siab ntau uas nws txiv tau tso nws thiab nws niam tseg thaum nws tseem muaj 5 xyoos xwb, lub sij hawm ntawd Kab Lia niam muaj hnub nyoog 23 xyoos. Kab Lia niam yog ib leej niam uas hluas kawg nkaus, Kab Lia yog nkawd thawj tug me nyuam xwb tab sis vim txoj hmoo tsis muaj Kab Lia txiv thiaj tau tso nkawd ob niam tub tseg zoo tam li lub neej tsis nto ntsis. Kab Lia niam xav tias yuav mus yuav txiv los tshuav Kab Lia ntshe yuav tsis muaj neeg hlub thiab yuav txom nyem heev. Vim li ntawd Kab Lia niam thiaj ua ib siab tsis xav txog lub neej tshiab ntxiv lawm thiab txiav txim siab los hlub Kab Lia thiab tu nws kom loj hlob.
Txhua lub caij thaum Kab Lia tseem yau nws niam ua puas tsav yam pab rau nws thiab tso nws mus kawm ntawv kom thaum nws loj hlob thiaj tsis muaj kev txom nyem rau nws lub neej. Kab Lia niam hlub nws heev txawm yog tias Kab Lia niam yuav tsis muaj txiv thiab tseem hluas heev los nws xum muab nws lub neej xaus rau Kab Lia ib leeg kom tas tiam no.
Tom qab Kab Lia txiv tau tas sim neej tau 11 xyoos hmoov tsis muaj ua rau Kab Lia niam thiaj tshwm sim muaj ib tug kab mob siab, vim txoj kev nco Kab Lia txiv thiab txoj kev txhawj txog Kab Lia lub neej uas ua hnub ua hmo cawm seb Kab Lia puas yuav los tsheej tau ib tug ntxhais zoo rau nws niam los pauv nws txiv qhov chaw nco. Lub sij hawm Kab Lia niam muaj mob li no nws thiaj xav tias yuav tsis muaj caij nyoog nrog kab Lia nyob txog thaum nws muaj cuab muaj yig lawm, muaj ib hnub Kab Lia niam thiaj txiav txim siab coj Kab Lia mus ncig ua si. Hnub ntawd thaum sawv ntxov tsees hnub tawm tshav ntuj ci ntuas Kab Lia niam thiab Kab Lia nkawd thiaj tau mus txog rau ib lub park nyob ze rau ntawm ib tug ntug dej ua muaj paj tawg daj vog. Ntsia mus rau sab hauv dej kuj muaj toj roob hauv pes kho siab zim ua rau Kab Lia niam lub kua muag los xav txog thaum Kab Lia txiv nkawd lub neej hluas mus ua si rau roob Colorado. Hnub ntawd Kab Lia niam thiab Kab Lia tau ncig ua si thiab sib tham ntau yam muaj qee yam nws niam kuj tham txog txoj kev tu siab uas yuav tsis muaj caij nyoog nyob ua ke ntev. Thaum kawg Kab Lia niam thiaj tau los tham txog txoj kev npaj lub cuab lub yig ntawm Kab Lia thaum nws loj hlob los, Kab Lia niam tau hais muaj qee yam ntsiab lus tseem ceeb tias yog muaj ib hnub tsis muaj kuv nrog koj nyob lawm koj yuav tau ua zoo xaiv koj lub neej os me ntxhais Kab Lia. Kab Lia niam thiaj hais ntxiv tias “ LAU LOB LAIG TSIS LAM TSAWS HAUV AV… PAJ QOS TSOV TSIS LAM TAWG SAUM NTOO” os me kab Lia. Kab Lia thiaj nug tias “Kuv niam koj hais dab tsi kuv twb tsis to taub li es” Kab Lia niam thiaj txhais tias me ntxhais “Lau lob laig tsis lam tsaws hauv av” txhais tau tias tus txiv neej zoo tsis lam yog tus neeg khav theeb thiab plhom moj yuav lam muab nyiaj kuv phem los quab yuam yus, tus txiv neej zoo yog tus neeg saib taus yus thiab muaj lub siab hlub yus kom kawg. “PAJ QOS TSOV TSIS LAM TAWG SAUM NTOO” txhais tau tias tus ntxhais zoo tsis yog tus yuav niaj hnub mus thab tus ub tus no thiab yuav ua ib tug neeg tsis tsim txiaj. Tus ntxhais zoo yog ib tug ntxhais uas saib nws tus kheej kom muaj nqis thiab muaj lub siab zoo.
Tom qab Kab Lia thiab nws niam tau mus ncig ua si thiab sib tham tas li no los tau tsis muaj pes tsawg lub hlis Kab Lia niam thiaj tau tas sim neej lawm. Txij ntawd los thiaj ua rau Kab Lia nco ntsoov nws niam tej lus zoo uas tau qhia rau nws tsis muaj hnub yuav ploj tau. Nyob hauv Kab Lia lub siab tsuas yog muaj nws niam ib leeg nkaus xwb tsis hais yuav nyob los yog thaum pw tsaug zog lawm los yeej xav ntsoov nws niam tej lus qhuab qhia tsis ploj hauv nruab siab li. Li ntawd, zaj kwv huam no thiaj txhais tau tias “ LEEJ NIAM TXOJ KEV HLUB” ib tsoom phooj ywg thiab tsoom muam yog nej leeg twg muaj niam tsis zoo luaj twg, tab sis yog tus tsis muaj niam mas pw npau suav toog thiab nco niam tus txiaj ntsim txoj kev hlub tsis muaj hnub kawg xwb tiag.
Yog nej leej twg ho muaj lus dab tsi los ho sau rau peb tau nyeem nawb, ua tsaug.
Txhua lub caij thaum Kab Lia tseem yau nws niam ua puas tsav yam pab rau nws thiab tso nws mus kawm ntawv kom thaum nws loj hlob thiaj tsis muaj kev txom nyem rau nws lub neej. Kab Lia niam hlub nws heev txawm yog tias Kab Lia niam yuav tsis muaj txiv thiab tseem hluas heev los nws xum muab nws lub neej xaus rau Kab Lia ib leeg kom tas tiam no.
Tom qab Kab Lia txiv tau tas sim neej tau 11 xyoos hmoov tsis muaj ua rau Kab Lia niam thiaj tshwm sim muaj ib tug kab mob siab, vim txoj kev nco Kab Lia txiv thiab txoj kev txhawj txog Kab Lia lub neej uas ua hnub ua hmo cawm seb Kab Lia puas yuav los tsheej tau ib tug ntxhais zoo rau nws niam los pauv nws txiv qhov chaw nco. Lub sij hawm Kab Lia niam muaj mob li no nws thiaj xav tias yuav tsis muaj caij nyoog nrog kab Lia nyob txog thaum nws muaj cuab muaj yig lawm, muaj ib hnub Kab Lia niam thiaj txiav txim siab coj Kab Lia mus ncig ua si. Hnub ntawd thaum sawv ntxov tsees hnub tawm tshav ntuj ci ntuas Kab Lia niam thiab Kab Lia nkawd thiaj tau mus txog rau ib lub park nyob ze rau ntawm ib tug ntug dej ua muaj paj tawg daj vog. Ntsia mus rau sab hauv dej kuj muaj toj roob hauv pes kho siab zim ua rau Kab Lia niam lub kua muag los xav txog thaum Kab Lia txiv nkawd lub neej hluas mus ua si rau roob Colorado. Hnub ntawd Kab Lia niam thiab Kab Lia tau ncig ua si thiab sib tham ntau yam muaj qee yam nws niam kuj tham txog txoj kev tu siab uas yuav tsis muaj caij nyoog nyob ua ke ntev. Thaum kawg Kab Lia niam thiaj tau los tham txog txoj kev npaj lub cuab lub yig ntawm Kab Lia thaum nws loj hlob los, Kab Lia niam tau hais muaj qee yam ntsiab lus tseem ceeb tias yog muaj ib hnub tsis muaj kuv nrog koj nyob lawm koj yuav tau ua zoo xaiv koj lub neej os me ntxhais Kab Lia. Kab Lia niam thiaj hais ntxiv tias “ LAU LOB LAIG TSIS LAM TSAWS HAUV AV… PAJ QOS TSOV TSIS LAM TAWG SAUM NTOO” os me kab Lia. Kab Lia thiaj nug tias “Kuv niam koj hais dab tsi kuv twb tsis to taub li es” Kab Lia niam thiaj txhais tias me ntxhais “Lau lob laig tsis lam tsaws hauv av” txhais tau tias tus txiv neej zoo tsis lam yog tus neeg khav theeb thiab plhom moj yuav lam muab nyiaj kuv phem los quab yuam yus, tus txiv neej zoo yog tus neeg saib taus yus thiab muaj lub siab hlub yus kom kawg. “PAJ QOS TSOV TSIS LAM TAWG SAUM NTOO” txhais tau tias tus ntxhais zoo tsis yog tus yuav niaj hnub mus thab tus ub tus no thiab yuav ua ib tug neeg tsis tsim txiaj. Tus ntxhais zoo yog ib tug ntxhais uas saib nws tus kheej kom muaj nqis thiab muaj lub siab zoo.
Tom qab Kab Lia thiab nws niam tau mus ncig ua si thiab sib tham tas li no los tau tsis muaj pes tsawg lub hlis Kab Lia niam thiaj tau tas sim neej lawm. Txij ntawd los thiaj ua rau Kab Lia nco ntsoov nws niam tej lus zoo uas tau qhia rau nws tsis muaj hnub yuav ploj tau. Nyob hauv Kab Lia lub siab tsuas yog muaj nws niam ib leeg nkaus xwb tsis hais yuav nyob los yog thaum pw tsaug zog lawm los yeej xav ntsoov nws niam tej lus qhuab qhia tsis ploj hauv nruab siab li. Li ntawd, zaj kwv huam no thiaj txhais tau tias “ LEEJ NIAM TXOJ KEV HLUB” ib tsoom phooj ywg thiab tsoom muam yog nej leeg twg muaj niam tsis zoo luaj twg, tab sis yog tus tsis muaj niam mas pw npau suav toog thiab nco niam tus txiaj ntsim txoj kev hlub tsis muaj hnub kawg xwb tiag.
Yog nej leej twg ho muaj lus dab tsi los ho sau rau peb tau nyeem nawb, ua tsaug.
Last edited by Ntsuj_Plig on Mon Feb 22, 2016 7:30 am; edited 1 time in total
» Nyiaj Txiag Pauv Tsis Tau Kev Hlub
» Caw Npauj Npaim rov tuaj qhia qee yam
» Nej leej twg Paub LorMong Lo
» Nyob zoo phooj ywg
» GVP thiab Hmoob txoj kev ua rog nyob nplog teb
» Xa Xov Rau Qub Phooj Ywg
» Nco Hauv Lub Tsev Pheeb Suab
» Nkauj Ntxoo Mus Tsheej Dab