Txoj Kev Hlub

Hnub Wb Sibntsib

Zaj no yuav hais txog hnub wb sibntsib,
Hnub wb sibntsib rau yav ntuj thaum ub,
Txojkev hlub pib thaum lub xyoo tshiab,
Peb mus noj tsiab pebcaug nyob rau Fresno,
Lub ntuj tsaus pos huab zimzuag,
Kuv rua muag pom koj ib pliag,
Koj cev yiag zoo tau ntxim kuv lub siab,
Kuv tig ntsia koj nyob luagntxhi,
Los sawv ti ti ntawm kuv xubntiag,
Nug kuv tias leej muam koj npe hu licas,
Kuv luag nyhav teb koj haistias,
Kuv............................................,



Koj lub siab thiab kuv lub plawv,
Tuaj sib sawv nyob tim ntsej tim muag,
Kev sibhlub sibtshua pib hnub ntawd los,
Koj tuaj tos kuv ib hnub tsis hnov no,
Kuv los nrog koj tham wb pov khaub hnab,
Koj tuav kuv npab wb taug kev mus ncig,
Mov tsis nqhis tsuav tau nrog koj uake,
Tsis hnov ntev ib pliag twb tsaus ntuj,
Koj tsis xav nrug ntawm kuv mus li,
Xav txav ti nrog kuv tuav tes,
Xav nyob ze ntawm kuv ib sab,
Xav tuav kuv npab nrog kuv zaum uake,
Hauv kuv lub tsheb muaj koj thiab kuv,
Wb kev sibhlub pib txij hnub ntawd los,
Koj puas nco tau lawm os, tus kuv hlub...,

Me nploojsiab tus neeg kuv hlub thiab tshua,
Sim neej no thov qhia koj tias kuv yeej hlub koj dua,
Me nploojsiab tus neeg kuv hlub thiab nco,
Sim neej no yuav thov hlub koj ibleeg xwb mog,

Koj puas paub tias yog hnub twg tsis pom koj,
Kuv lub siab yeej mob tsis xav mus ua noj,
Koj puas paub tias yog hnub twg tsis ntsib koj ib pliag,
Kuv lub siab yeej mob tsis xav mus qhovtwg kiag,

Kuv hlub thiab txhawj txog koj txhua lub sijhawm,
Vim koj yog tus kuv hlub thiab kuv ntshaw,
Kuv hlub thiab txhawj koj tsis hais nruab hnub los hmo ntuj,
Vim koj yog kuv tus me txiv lawm nas, tus hlub,

Kuv tseem nco tau hnub wb sib yuav,
Kuv thiab koj, wb nyob uake tsis hnov dhuav,
Kuv tseem nco tau hnub wb sib yuav los nyob uake,
Kuv thiab koj, wb ob lub siab xav nyob kom sib sib ze,

Kuv tseem nco tau hnub wb sib yuav yog hnub no,
Yog lub rau hli ntuj hnub tim neesnkaumyim no ntag,
Nws yog ib hnub tseem ceeb tshaj plaws li rau wb lub neej na,
Kuv thiab koj, wb sib sau los pib ua wb lub neej nrog lub ntuj kaj,

Kuv tseem nco tau hnub wb sib yuav yog hnub no tiag,
Yog lub rau hli ntuj hnub tim neesnkaumyim no lawm tiag na,
Nws yog hnub uas wb los nyob uake pib wb lub neej lawm pem suab,
Kuv thiab koj, wb sib sau los pib ua wb lub neej sib sib hlub kom tsheej cuab,

Txoj kev hlub kuv muab rau koj,
Thov khaws zoo cia tsis txhob pub ploj,
Txoj kev hlub kuv muab rau koj lawm,
Thov khaws zoo cia tsis txhob pub pawv,

Yog hnub twg tsis muaj kuv lawm no,
Thov koj nco txog kuv thiab mog,
Yog hnub twg tsis muaj kuv lawm tiag,
Thov koj nco txog kuv thaum wb sib hnia,

Kuv xav nyob li no nrog koj ntev ntev,
Xav ua koj tus me hlub koom ib lub cev,
Kuv xav nyob li no nrog koj mus li,
Xav nyob rau koj puag mus ib txhis,

Ua ib sim neej nyob rau hauv lub ntiajteb no tsuas hlub koj ib leeg xwb,
Yuav thov hlub koj thiab nrog koj nyob xwb yeej tsis ntshaw leejtwg,
Ua ib sim neej nyob rau hauv lub ntiajteb no tsuas hlub koj ib leeg nkaus,
Yuav thov hlub koj thiab nrog koj nyob kom txog hnub wb laus plaubhau dawgpaug,

Ua ib sim neej nyob rau hauv lub ntiajteb no tsuas thov kom wb lub neej zoo,
Yuav thov hlub koj ib leeg thiab yuav ib tug ua lub neej sibhlub kom nto moo,
Ua ib sim neej nyob rau hauv lub ntiajteb no tsuas thov kom txawj sibhlub,
Yuav thov yuav koj ib leeg thiab hlub koj ib tug vim koj yog tus ntuj tso los rau kuv,

Wb txoj kev hlub nws nyob rau hauv lub siab tsis ploj ib pliag,
Wb txoj kev hlub nws yuav nrog kuv nyob li no mus ib txhiab,
Wb txoj kev hlub nws nyob rau hauv kuv lub siab mus li,
Wb txoj kev hlub nws yuav nrog kuv nyob mus ib txhis,

Txhua yam wb tsim cia kuv yuav khaws tsis pub qub,,
Txhua yam wb tsim cia yog wb txoj kev sibhlub,
Txhua yam wb tsim cia kuv yuav khaws tseg mog,
Txhua yam wb tsim cia yog wb txoj kev nco,

Koj puas nco kuv me me thiab
Hnub no kuv nco koj kho kuv siab
Koj puas nco wb tej qub chaw yav tag
Kuv nco nco koj ua rau kuv lub siab tsis kaj

Sim neej nco koj tshaj plaws hais tsis tau ib los
Nim nyob hnub dhau hnub hmo dhau hmo nov tos
Los koj yeej tsis tuaj nrhiav kuv li lawm
Kuv nyob tos ntev luaj no koj tsis tawm

Ua rau kuv rov nco nco koj tu siab nrho
Vim koj yog tus kuv hlub thiab kuv tseem nco
Tabsis koj twb tsis nco kuv ib nyuag qhov li lawm
Koj thiaj mus lawm ntsiag to cia kuv nyob tsis muaj nkawm

Sim neej no tu siab kom tshaj plaws li os me neeg zoo
Koj txawm yuav mus tu qab nrho tsis nug kuv moo
Koj cia kuv nyob ib leeg txias to kho siab
Kuv nco koj lub siab yeej nyob tsis kia

Muaj ntau zaus kuv xav hais qhia rau koj
Tias vim licas kuv lub siab thiaj li mob
Kuv xav tau hais tsis tau tawm
Hnov mob mob kuv lub plawv

Muaj ntau zaus kuv pheej xav txog koj
Thaum xav txog ua rau kuv lub siab mob
Kuv xav tau hais tsis tau qhia rau koj paub
Yim xav ntau ces yim ua rau kuv lub siab saub

Kuv muab xav los tau ntau lub xyoo
Vim licas pheej tseem ua rau kuv nroo
Ua li puas tim kuv los tim koj kuv thiaj zoo li no
Ua li puas yog tim wb kev hlub kuv thiaj tseem niaj hnub nco

Vim kuv hlub koj thiaj ua rau kuv quaj
Yog kuv tsis hlub koj kuv yuav tsis tuaj
Vim kuv nco koj kuv thiaj seev li
Yog kuv tsis nco koj kuv kuamuag yuav tsis si

Vim kuv hlub koj kuv thiaj tseem nco
Yog kuv tsis hlub koj kuv yuav tsis nyob tos
Vim kuv hlub koj kuv thiaj tseem hais qhia
Yog kuv tsis hlub koj ntshe kuv tso taus cia

Vim koj ua rau kuv nco mob txog kuv lub plawv
Hnub no kuv thiaj rov tuaj ncig saib wb tej qub chaw
Vim koj ua rau kuv nco mob kuv lub siab cuag riam ntsia
Hnub no kuv thiaj rov qab tuaj ncig saib wb tej chaw kom kaj siab

Thaj chaw no ua rau kuv nco txog koj
Thaum wb tseem yau nyob teb chaws plog
Koj tuaj wb nyob tej chaw zoo li no
Ua li yog kuv xwb los koj tseem nco

Thaj chaw no ua rau kuv nco txog koj na
Thaum wb tseem yau nyob yav ntuj qub qab
Koj tuaj wb mus ncig ua si tim ntug dej
Muaj koj tham seev yees ua kuv ntej

Tus hlub ...e.., koj nyob es...,

Npauj Npaim yuav mus ob peb hnub Npauj Npaim mam rov qab tuaj
Koj nyob no ces txhob nco Npauj Npaim thiab tsis txhob quaj
Npauj Npaim yuav mus ncig ntuj ncig teb ib ntus mam rov los
Koj nyob hauv tsev ces txhob seev koj lub kua muag thiaj tsis nrog

Npauj Npaim yuav mus ncig kiab ncig khwv lawm ntuj sua kev deb
Koj nyob yog nco Npauj Npaim ces ho tuaj saib Npauj Npaim lub tsev
Npauj Npaim yuav mus ncig ntuj sua teb tom taug lawm mog
Koj nyob yog nco Npauj Npaim ces thov ua siab ntev tos.

Hello Npauj Npaim

Hnub no kuv nco nco ib tug neeg li na
Ua li koj puas pab qhia nws rau kuv ma
Hnub no kuv nco nco ib tug neeg thaum ub
Ua li koj puas pab qhia nws rau kuv

Nws ces yog tus nyob hauv kuv lub siab
Yog tau hnov nws moo lub siab yuav kiab
Nws ces yog tus nyob saum lub hli
Yog tau hnov nws ib lolus kuv yuav luagntxhi

NkaujHli,

Koj pheej nco nco leejtwg
Puas yog nco nws tus phoojywg
Koj pheej nco nco leejtwg tiag
Puas yog nco nco tus hauv lub siab

Koj pheej nco nco ua li nws puas paub
Koj yuav tau qhia kiag nws thiaj to taub
Koj pheej nco nco ua li nws puas hnov
Koj yuav tau qhia kiag nws thiaj li pom os nawd.

Nco koj thiab os.

Hnub no kuv nco nco ib tus viv ncaus xwb
Kuv tuaj lam hlwb ua si txog ntawm no
Tsis muaj neeg hlo li es nej mus dab tsi
Kuv xav ua si nrog nej ua ke kawg li os
Kuv tuaj zaum tos cas tsis hnov nej ua sub sab
Nej puas nco qab txog maivntximhlub lawm
Cas ho tsis muaj neeg tawm li ne cov me phooj ywg e...