Last edited by Npauj Npaim on Mon Feb 14, 2011 11:03 pm; edited 1 time in total
Top posters
Npauj Npaim (1363) | ||||
Ntsuj_Plig (560) | ||||
Lubpajzoo (449) | ||||
Tubzoonraug (409) | ||||
Dok_Champa (367) | ||||
maivntximhlub (351) | ||||
NkaujNyiag (101) | ||||
Tojxeem (93) | ||||
PajHmabPajNtoos (90) | ||||
Nkauj_Hli (88) |
Latest topics
Who is online?
In total there is 1 user online :: 0 Registered, 0 Hidden and 1 Guest
None
Most users ever online was 203 on Sun Jul 04, 2021 2:20 pm
Statistics
Our users have posted a total of 4024 messages in 216 subjects
We have 36 registered users
The newest registered user is cwj mem hmoob
Keywords
Search
Log in
4 posters
Txoj Kev Hlub
Npauj Npaim- Moderator
- Posts : 1363
Join date : 2011-02-11
Age : 48
- Post n°1
Txoj Kev Hlub
Last edited by Npauj Npaim on Mon Feb 14, 2011 11:03 pm; edited 1 time in total
Npauj Npaim- Moderator
- Posts : 1363
Join date : 2011-02-11
Age : 48
- Post n°2
Re: Txoj Kev Hlub
Wb txojkev hlub, wb pib thaum lub hnub tawm pem hauv ntuj tuaj,
Kuv txojkev hlub koj yuav muab cog nrog lub hnub tuaj,
Wb txojkev hlub, wb pib thaum lub hnub tawm cia ntsa iab,
Kuv txojkev hlub koj yuav muab cog nrog tus duab tshavntuj tshiab,
Hnub no lub hnub tawm tuaj ua povthawj rau wb txojkev sibhlub,
Thov kom koj nrog kuv cim hnub wb sibyuav txis ua ib khub,
Hnub no lub hnub tawm tuaj ua povthawj rau wb txojkev ntshaw,
Thov kom koj nrog kuv cim hnub wb sibyuav txis wb ua txij nkawm,
Npauj Npaim- Moderator
- Posts : 1363
Join date : 2011-02-11
Age : 48
- Post n°3
Re: Txoj Kev Hlub
Hnub Wb Sibntsib
Zaj no yuav hais txog hnub wb sibntsib,
Hnub wb sibntsib rau yav ntuj thaum ub,
Txojkev hlub pib thaum lub xyoo tshiab,
Peb mus noj tsiab pebcaug nyob rau Fresno,
Lub ntuj tsaus pos huab zimzuag,
Kuv rua muag pom koj ib pliag,
Koj cev yiag zoo tau ntxim kuv lub siab,
Kuv tig ntsia koj nyob luagntxhi,
Los sawv ti ti ntawm kuv xubntiag,
Nug kuv tias leej muam koj npe hu licas,
Kuv luag nyhav teb koj haistias,
Kuv............................................,
Koj lub siab thiab kuv lub plawv,
Tuaj sib sawv nyob tim ntsej tim muag,
Kev sibhlub sibtshua pib hnub ntawd los,
Koj tuaj tos kuv ib hnub tsis hnov no,
Kuv los nrog koj tham wb pov khaub hnab,
Koj tuav kuv npab wb taug kev mus ncig,
Mov tsis nqhis tsuav tau nrog koj uake,
Tsis hnov ntev ib pliag twb tsaus ntuj,
Koj tsis xav nrug ntawm kuv mus li,
Xav txav ti nrog kuv tuav tes,
Xav nyob ze ntawm kuv ib sab,
Xav tuav kuv npab nrog kuv zaum uake,
Hauv kuv lub tsheb muaj koj thiab kuv,
Wb kev sibhlub pib txij hnub ntawd los,
Koj puas nco tau lawm os, tus kuv hlub...,
Zaj no yuav hais txog hnub wb sibntsib,
Hnub wb sibntsib rau yav ntuj thaum ub,
Txojkev hlub pib thaum lub xyoo tshiab,
Peb mus noj tsiab pebcaug nyob rau Fresno,
Lub ntuj tsaus pos huab zimzuag,
Kuv rua muag pom koj ib pliag,
Koj cev yiag zoo tau ntxim kuv lub siab,
Kuv tig ntsia koj nyob luagntxhi,
Los sawv ti ti ntawm kuv xubntiag,
Nug kuv tias leej muam koj npe hu licas,
Kuv luag nyhav teb koj haistias,
Kuv............................................,
Koj lub siab thiab kuv lub plawv,
Tuaj sib sawv nyob tim ntsej tim muag,
Kev sibhlub sibtshua pib hnub ntawd los,
Koj tuaj tos kuv ib hnub tsis hnov no,
Kuv los nrog koj tham wb pov khaub hnab,
Koj tuav kuv npab wb taug kev mus ncig,
Mov tsis nqhis tsuav tau nrog koj uake,
Tsis hnov ntev ib pliag twb tsaus ntuj,
Koj tsis xav nrug ntawm kuv mus li,
Xav txav ti nrog kuv tuav tes,
Xav nyob ze ntawm kuv ib sab,
Xav tuav kuv npab nrog kuv zaum uake,
Hauv kuv lub tsheb muaj koj thiab kuv,
Wb kev sibhlub pib txij hnub ntawd los,
Koj puas nco tau lawm os, tus kuv hlub...,
Npauj Npaim- Moderator
- Posts : 1363
Join date : 2011-02-11
Age : 48
- Post n°4
Re: Txoj Kev Hlub
Me nploojsiab tus neeg kuv hlub thiab tshua,
Sim neej no thov qhia koj tias kuv yeej hlub koj dua,
Me nploojsiab tus neeg kuv hlub thiab nco,
Sim neej no yuav thov hlub koj ibleeg xwb mog,
Koj puas paub tias yog hnub twg tsis pom koj,
Kuv lub siab yeej mob tsis xav mus ua noj,
Koj puas paub tias yog hnub twg tsis ntsib koj ib pliag,
Kuv lub siab yeej mob tsis xav mus qhovtwg kiag,
Kuv hlub thiab txhawj txog koj txhua lub sijhawm,
Vim koj yog tus kuv hlub thiab kuv ntshaw,
Kuv hlub thiab txhawj koj tsis hais nruab hnub los hmo ntuj,
Vim koj yog kuv tus me txiv lawm nas, tus hlub,
Npauj Npaim- Moderator
- Posts : 1363
Join date : 2011-02-11
Age : 48
- Post n°5
Re: Txoj Kev Hlub
Kuv tseem nco tau hnub wb sib yuav,
Kuv thiab koj, wb nyob uake tsis hnov dhuav,
Kuv tseem nco tau hnub wb sib yuav los nyob uake,
Kuv thiab koj, wb ob lub siab xav nyob kom sib sib ze,
Kuv tseem nco tau hnub wb sib yuav yog hnub no,
Yog lub rau hli ntuj hnub tim neesnkaumyim no ntag,
Nws yog ib hnub tseem ceeb tshaj plaws li rau wb lub neej na,
Kuv thiab koj, wb sib sau los pib ua wb lub neej nrog lub ntuj kaj,
Kuv tseem nco tau hnub wb sib yuav yog hnub no tiag,
Yog lub rau hli ntuj hnub tim neesnkaumyim no lawm tiag na,
Nws yog hnub uas wb los nyob uake pib wb lub neej lawm pem suab,
Kuv thiab koj, wb sib sau los pib ua wb lub neej sib sib hlub kom tsheej cuab,
Npauj Npaim- Moderator
- Posts : 1363
Join date : 2011-02-11
Age : 48
- Post n°6
Re: Txoj Kev Hlub
Me nploojsiab tus kuv hlub thiab nco,
Hnub no kuv yuav los seev txog wb zaj mog,
Txij li hnub wb sib sau los nyob uake,
Kuv yeej txiav txim siab zoo los ua koj tus niamtsev,
Txij li hnub wb sib yuav los ua niamtxiv,
Kuv yeej txiav txim siab lawm tias yuav hlub koj mus ib txhis,
Koj puas paub tias kuv hlub koj npaum licas?
Kuv hlub koj tag nrho kuv txojsia thiab txojpa,
Txawm wb lub neej yuav zoo thiab phem los xij,
Kuv yuav hlub koj thiab nrog koj nyob mus tag ib txhis,
Kuv thov cog lus rau koj tias kuv yuav tsis ntxeev siab li,
Yuav hlub koj thiab nrog koj koom ib txojsia mus tag ib sim,
Hnub no kuv yuav los seev txog wb zaj mog,
Txij li hnub wb sib sau los nyob uake,
Kuv yeej txiav txim siab zoo los ua koj tus niamtsev,
Txij li hnub wb sib yuav los ua niamtxiv,
Kuv yeej txiav txim siab lawm tias yuav hlub koj mus ib txhis,
Koj puas paub tias kuv hlub koj npaum licas?
Kuv hlub koj tag nrho kuv txojsia thiab txojpa,
Txawm wb lub neej yuav zoo thiab phem los xij,
Kuv yuav hlub koj thiab nrog koj nyob mus tag ib txhis,
Kuv thov cog lus rau koj tias kuv yuav tsis ntxeev siab li,
Yuav hlub koj thiab nrog koj koom ib txojsia mus tag ib sim,
Npauj Npaim- Moderator
- Posts : 1363
Join date : 2011-02-11
Age : 48
- Post n°7
Re: Txoj Kev Hlub
Txawm wb yuav nyob lub tsev zoo licas los,
Los tsuav koj hlub kuv li kuv hlub koj xwb os,
Txawm wb yuav nyob lub tsev khaubhlab,
Los tsuav muaj koj pw ntawm kuv txhas npab,
Kuv yuav nrog koj nyob tsis ncaim mus li,
Tsuav muaj koj ces kuv yeej kaj siab nrig,
Kuv yuav nrog koj nyob tsis khiav tawm,
Tsuav muaj koj ces kuv yeej zoo siab lawm,
Npauj Npaim- Moderator
- Posts : 1363
Join date : 2011-02-11
Age : 48
- Post n°8
Re: Txoj Kev Hlub
Txoj kev hlub kuv muab rau koj,
Thov khaws zoo cia tsis txhob pub ploj,
Txoj kev hlub kuv muab rau koj lawm,
Thov khaws zoo cia tsis txhob pub pawv,
Yog hnub twg tsis muaj kuv lawm no,
Thov koj nco txog kuv thiab mog,
Yog hnub twg tsis muaj kuv lawm tiag,
Thov koj nco txog kuv thaum wb sib hnia,
Kuv xav nyob li no nrog koj ntev ntev,
Xav ua koj tus me hlub koom ib lub cev,
Kuv xav nyob li no nrog koj mus li,
Xav nyob rau koj puag mus ib txhis,
Npauj Npaim- Moderator
- Posts : 1363
Join date : 2011-02-11
Age : 48
- Post n°9
Re: Txoj Kev Hlub
Ua ib sim neej nyob rau hauv lub ntiajteb no tsuas hlub koj ib leeg xwb,
Yuav thov hlub koj thiab nrog koj nyob xwb yeej tsis ntshaw leejtwg,
Ua ib sim neej nyob rau hauv lub ntiajteb no tsuas hlub koj ib leeg nkaus,
Yuav thov hlub koj thiab nrog koj nyob kom txog hnub wb laus plaubhau dawgpaug,
Ua ib sim neej nyob rau hauv lub ntiajteb no tsuas thov kom wb lub neej zoo,
Yuav thov hlub koj ib leeg thiab yuav ib tug ua lub neej sibhlub kom nto moo,
Ua ib sim neej nyob rau hauv lub ntiajteb no tsuas thov kom txawj sibhlub,
Yuav thov yuav koj ib leeg thiab hlub koj ib tug vim koj yog tus ntuj tso los rau kuv,
Npauj Npaim- Moderator
- Posts : 1363
Join date : 2011-02-11
Age : 48
- Post n°13
Re: Txoj Kev Hlub
Koj puas nco kuv me me thiab
Hnub no kuv nco koj kho kuv siab
Koj puas nco wb tej qub chaw yav tag
Kuv nco nco koj ua rau kuv lub siab tsis kaj
Sim neej nco koj tshaj plaws hais tsis tau ib los
Nim nyob hnub dhau hnub hmo dhau hmo nov tos
Los koj yeej tsis tuaj nrhiav kuv li lawm
Kuv nyob tos ntev luaj no koj tsis tawm
Ua rau kuv rov nco nco koj tu siab nrho
Vim koj yog tus kuv hlub thiab kuv tseem nco
Tabsis koj twb tsis nco kuv ib nyuag qhov li lawm
Koj thiaj mus lawm ntsiag to cia kuv nyob tsis muaj nkawm
Sim neej no tu siab kom tshaj plaws li os me neeg zoo
Koj txawm yuav mus tu qab nrho tsis nug kuv moo
Koj cia kuv nyob ib leeg txias to kho siab
Kuv nco koj lub siab yeej nyob tsis kia
Hnub no kuv nco koj kho kuv siab
Koj puas nco wb tej qub chaw yav tag
Kuv nco nco koj ua rau kuv lub siab tsis kaj
Sim neej nco koj tshaj plaws hais tsis tau ib los
Nim nyob hnub dhau hnub hmo dhau hmo nov tos
Los koj yeej tsis tuaj nrhiav kuv li lawm
Kuv nyob tos ntev luaj no koj tsis tawm
Ua rau kuv rov nco nco koj tu siab nrho
Vim koj yog tus kuv hlub thiab kuv tseem nco
Tabsis koj twb tsis nco kuv ib nyuag qhov li lawm
Koj thiaj mus lawm ntsiag to cia kuv nyob tsis muaj nkawm
Sim neej no tu siab kom tshaj plaws li os me neeg zoo
Koj txawm yuav mus tu qab nrho tsis nug kuv moo
Koj cia kuv nyob ib leeg txias to kho siab
Kuv nco koj lub siab yeej nyob tsis kia
Npauj Npaim- Moderator
- Posts : 1363
Join date : 2011-02-11
Age : 48
- Post n°14
Re: Txoj Kev Hlub
Muaj ntau zaus kuv xav hais qhia rau koj
Tias vim licas kuv lub siab thiaj li mob
Kuv xav tau hais tsis tau tawm
Hnov mob mob kuv lub plawv
Muaj ntau zaus kuv pheej xav txog koj
Thaum xav txog ua rau kuv lub siab mob
Kuv xav tau hais tsis tau qhia rau koj paub
Yim xav ntau ces yim ua rau kuv lub siab saub
Kuv muab xav los tau ntau lub xyoo
Vim licas pheej tseem ua rau kuv nroo
Ua li puas tim kuv los tim koj kuv thiaj zoo li no
Ua li puas yog tim wb kev hlub kuv thiaj tseem niaj hnub nco
Tias vim licas kuv lub siab thiaj li mob
Kuv xav tau hais tsis tau tawm
Hnov mob mob kuv lub plawv
Muaj ntau zaus kuv pheej xav txog koj
Thaum xav txog ua rau kuv lub siab mob
Kuv xav tau hais tsis tau qhia rau koj paub
Yim xav ntau ces yim ua rau kuv lub siab saub
Kuv muab xav los tau ntau lub xyoo
Vim licas pheej tseem ua rau kuv nroo
Ua li puas tim kuv los tim koj kuv thiaj zoo li no
Ua li puas yog tim wb kev hlub kuv thiaj tseem niaj hnub nco
Npauj Npaim- Moderator
- Posts : 1363
Join date : 2011-02-11
Age : 48
- Post n°15
Re: Txoj Kev Hlub
Vim kuv hlub koj thiaj ua rau kuv quaj
Yog kuv tsis hlub koj kuv yuav tsis tuaj
Vim kuv nco koj kuv thiaj seev li
Yog kuv tsis nco koj kuv kuamuag yuav tsis si
Vim kuv hlub koj kuv thiaj tseem nco
Yog kuv tsis hlub koj kuv yuav tsis nyob tos
Vim kuv hlub koj kuv thiaj tseem hais qhia
Yog kuv tsis hlub koj ntshe kuv tso taus cia
Yog kuv tsis hlub koj kuv yuav tsis tuaj
Vim kuv nco koj kuv thiaj seev li
Yog kuv tsis nco koj kuv kuamuag yuav tsis si
Vim kuv hlub koj kuv thiaj tseem nco
Yog kuv tsis hlub koj kuv yuav tsis nyob tos
Vim kuv hlub koj kuv thiaj tseem hais qhia
Yog kuv tsis hlub koj ntshe kuv tso taus cia
Npauj Npaim- Moderator
- Posts : 1363
Join date : 2011-02-11
Age : 48
- Post n°16
Re: Txoj Kev Hlub
Vim koj ua rau kuv nco mob txog kuv lub plawv
Hnub no kuv thiaj rov tuaj ncig saib wb tej qub chaw
Vim koj ua rau kuv nco mob kuv lub siab cuag riam ntsia
Hnub no kuv thiaj rov qab tuaj ncig saib wb tej chaw kom kaj siab
Hnub no kuv thiaj rov tuaj ncig saib wb tej qub chaw
Vim koj ua rau kuv nco mob kuv lub siab cuag riam ntsia
Hnub no kuv thiaj rov qab tuaj ncig saib wb tej chaw kom kaj siab
Npauj Npaim- Moderator
- Posts : 1363
Join date : 2011-02-11
Age : 48
- Post n°18
Re: Txoj Kev Hlub
Tus hlub ...e.., koj nyob es...,
Npauj Npaim yuav mus ob peb hnub Npauj Npaim mam rov qab tuaj
Koj nyob no ces txhob nco Npauj Npaim thiab tsis txhob quaj
Npauj Npaim yuav mus ncig ntuj ncig teb ib ntus mam rov los
Koj nyob hauv tsev ces txhob seev koj lub kua muag thiaj tsis nrog
Npauj Npaim yuav mus ncig kiab ncig khwv lawm ntuj sua kev deb
Koj nyob yog nco Npauj Npaim ces ho tuaj saib Npauj Npaim lub tsev
Npauj Npaim yuav mus ncig ntuj sua teb tom taug lawm mog
Koj nyob yog nco Npauj Npaim ces thov ua siab ntev tos.
Npauj Npaim yuav mus ob peb hnub Npauj Npaim mam rov qab tuaj
Koj nyob no ces txhob nco Npauj Npaim thiab tsis txhob quaj
Npauj Npaim yuav mus ncig ntuj ncig teb ib ntus mam rov los
Koj nyob hauv tsev ces txhob seev koj lub kua muag thiaj tsis nrog
Npauj Npaim yuav mus ncig kiab ncig khwv lawm ntuj sua kev deb
Koj nyob yog nco Npauj Npaim ces ho tuaj saib Npauj Npaim lub tsev
Npauj Npaim yuav mus ncig ntuj sua teb tom taug lawm mog
Koj nyob yog nco Npauj Npaim ces thov ua siab ntev tos.
Nkauj_Hli- Posts : 88
Join date : 2011-02-03
- Post n°21
Re: Txoj Kev Hlub
Hello Npauj Npaim
Hnub no kuv nco nco ib tug neeg li na
Ua li koj puas pab qhia nws rau kuv ma
Hnub no kuv nco nco ib tug neeg thaum ub
Ua li koj puas pab qhia nws rau kuv
Nws ces yog tus nyob hauv kuv lub siab
Yog tau hnov nws moo lub siab yuav kiab
Nws ces yog tus nyob saum lub hli
Yog tau hnov nws ib lolus kuv yuav luagntxhi
Hnub no kuv nco nco ib tug neeg li na
Ua li koj puas pab qhia nws rau kuv ma
Hnub no kuv nco nco ib tug neeg thaum ub
Ua li koj puas pab qhia nws rau kuv
Nws ces yog tus nyob hauv kuv lub siab
Yog tau hnov nws moo lub siab yuav kiab
Nws ces yog tus nyob saum lub hli
Yog tau hnov nws ib lolus kuv yuav luagntxhi
Npauj Npaim- Moderator
- Posts : 1363
Join date : 2011-02-11
Age : 48
- Post n°22
Re: Txoj Kev Hlub
NkaujHli,
Koj pheej nco nco leejtwg
Puas yog nco nws tus phoojywg
Koj pheej nco nco leejtwg tiag
Puas yog nco nco tus hauv lub siab
Koj pheej nco nco ua li nws puas paub
Koj yuav tau qhia kiag nws thiaj to taub
Koj pheej nco nco ua li nws puas hnov
Koj yuav tau qhia kiag nws thiaj li pom os nawd.
Nco koj thiab os.
Koj pheej nco nco leejtwg
Puas yog nco nws tus phoojywg
Koj pheej nco nco leejtwg tiag
Puas yog nco nco tus hauv lub siab
Koj pheej nco nco ua li nws puas paub
Koj yuav tau qhia kiag nws thiaj to taub
Koj pheej nco nco ua li nws puas hnov
Koj yuav tau qhia kiag nws thiaj li pom os nawd.
Nco koj thiab os.
maivntximhlub- Posts : 351
Join date : 2011-02-05
- Post n°23
Re: Txoj Kev Hlub
Hnub no kuv nco nco ib tus viv ncaus xwb
Kuv tuaj lam hlwb ua si txog ntawm no
Tsis muaj neeg hlo li es nej mus dab tsi
Kuv xav ua si nrog nej ua ke kawg li os
Kuv tuaj zaum tos cas tsis hnov nej ua sub sab
Nej puas nco qab txog maivntximhlub lawm
Cas ho tsis muaj neeg tawm li ne cov me phooj ywg e...
Kuv tuaj lam hlwb ua si txog ntawm no
Tsis muaj neeg hlo li es nej mus dab tsi
Kuv xav ua si nrog nej ua ke kawg li os
Kuv tuaj zaum tos cas tsis hnov nej ua sub sab
Nej puas nco qab txog maivntximhlub lawm
Cas ho tsis muaj neeg tawm li ne cov me phooj ywg e...
Npauj Npaim- Moderator
- Posts : 1363
Join date : 2011-02-11
Age : 48
- Post n°24
Re: Txoj Kev Hlub
maivntximhlub wrote:Hnub no kuv nco nco ib tus viv ncaus xwb
Kuv tuaj lam hlwb ua si txog ntawm no
Tsis muaj neeg hlo li es nej mus dab tsi
Kuv xav ua si nrog nej ua ke kawg li os
Kuv tuaj zaum tos cas tsis hnov nej ua sub sab
Nej puas nco qab txog maivntximhlub lawm
Cas ho tsis muaj neeg tawm li ne cov me phooj ywg e...
Hehehehe, me niamhluas aw...,
Nej nyias mus ua nyias neej lawm ntsiag to tav li no ntuj es tseg nej niag niamlaus nyob zov tsev tsis muaj kev hlub ces txawm mus saib ntuj los yog ntuj xwb, rov los tsev los yog tsev xwb ces pw tsaugzog lawm tsis tawm kiag li koj tuaj thiaj tsis pom nws sawv los ncig os mog.
Txhob tu siab, mus lawm los lwm zaus ho tuaj saib nws niag niamlaus twmzeej thiab os mog.
maivntximhlub- Posts : 351
Join date : 2011-02-05
- Post n°25
Re: Txoj Kev Hlub
Niam laus koj twb tsis twm zeej na txhob hais li koj ma, koj muaj kuv thiab Dok champa wb ne, hauv no thiaj yog peb lub tsev sib ntsib li tej viv ncau xwb mas mog
Npauj Npaim wrote:
Hehehehe, me niamhluas aw...,
Nej nyias mus ua nyias neej lawm ntsiag to tav li no ntuj es tseg nej niag niamlaus nyob zov tsev tsis muaj kev hlub ces txawm mus saib ntuj los yog ntuj xwb, rov los tsev los yog tsev xwb ces pw tsaugzog lawm tsis tawm kiag li koj tuaj thiaj tsis pom nws sawv los ncig os mog.
Txhob tu siab, mus lawm los lwm zaus ho tuaj saib nws niag niamlaus twmzeej thiab os mog.
|
|
Mon Feb 01, 2021 9:48 am by maivntximhlub
» Nyiaj Txiag Pauv Tsis Tau Kev Hlub
Sat May 09, 2020 8:15 pm by Ntsuj_Plig
» Caw Npauj Npaim rov tuaj qhia qee yam
Mon Apr 20, 2020 8:43 am by Tubzoonraug
» Nej leej twg Paub LorMong Lo
Mon Apr 20, 2020 8:24 am by Tubzoonraug
» Nyob zoo phooj ywg
Tue Jun 04, 2019 6:01 am by maivntximhlub
» GVP thiab Hmoob txoj kev ua rog nyob nplog teb
Sun Mar 10, 2019 9:53 pm by Ntsuj_Plig
» Xa Xov Rau Qub Phooj Ywg
Thu Dec 28, 2017 12:11 am by Ntsuj_Plig
» Nco Hauv Lub Tsev Pheeb Suab
Thu Oct 26, 2017 9:38 pm by Ntsuj_Plig
» Nkauj Ntxoo Mus Tsheej Dab
Wed Jul 19, 2017 10:34 pm by Ntsuj_Plig