Home
Title: LEEJ NIAM HNUB
Sub Title: Nco txog leej niam lub txiaj ntsim
Paj Huab
40 xyoo dhau mus lawm kuv tsis xav tias koj yuav tau los ua ib leej niam rau wb cov me nyuam. Kuv tsuas xav tias koj yuav yog kuv ib tug hluas nkauj thiab zoo nkauj mus ib txhis xwb. Kuv tseem nco tau thawj hnub uas kuv tau ntsib koj yog lub tsiab peb caug xyoo 1980, hnub ntawd yog hnub xiab 3 ntuj pos huab niab thiab no ntxiag ntsia mus rau qhov twg los pom huab khiav tswv zws. Ntawd nws yog hnub uas kuv tau ntsib ib tug hluas nkauj hnav ib ce zam hmoob loj nteev siab ntshuas, plaub muag tsaus nti thiab hais lus tsawg tsawv. Kuv saib mus rau nws lub cev yog ib tug hluas nkauj phim zam hmoob kawg thiab nws coj tau ib tug cwj pwm nyob tau ntsiag to tsis tshua nyiam tham lus. Thaum pib kuv xav tias zoo li nws tsis tshua nyiam kuv tab sis thaum wb tau pov pob ua ke thiab sib tham ntev loo lawm nws kuj yog ib tug neeg coj tau tus cwj pwm txaus kuv nyiam. Nws tsis yog hom hluas nkauj uas plees plees tab sis nws tham los twg yog lo ntawd, ib qho uas kuv nyiam nws heev yog txoj kev uas nws ua ib tug neeg muaj lub siab ncaj ncees thiab tsis zais kuv ib yam dab tsi.
Ib pliag ntshis, lub tsiab peb caug dhau mus ua rau tej huab cua pauv hloov ua rau neeg tej siab ntsws txawv tag. Ib tsoom Hmoob yuav tsum tau khiav mus nrhiav dua liaj dua teb ua noj. Txij hnub ntawd los ua rau kuv rov tau ncaim nws dua, ib hnub dhau ib hnub tsis hnov nws moo ua rau kuv lub siab nyob tsis tus ntshai ruj rwg tias nws khiav mus thaib teb lawm. Ib xyoos puag ncig lub sij hawm kuj tig rov los txog rau lub tsiab peb caug xyoo 1981 thiaj ua rau kuv tau rov ntsib nws, hnub ntawd zoo tam li saum ntuj tseem muaj hnub thiab ntiaj teb rov tau txais txoj kev hlub. Txoj kev sib ntsib zaum no thiaj ua rau wb ob lub siab suav hnub suav los sib ze zuj zus zoo tam li niam nkauj thiab txiv nraug hli tig los yuav sib ntsib.
Ib sij huam lub tsiab peb caug dhau mus kuv rov mus nrhiav dua teb luaj. Niaj hnub noj tshais tas ntim su rau hauv kawm ces npaj txuas npaj taus mus luaj ib leeg, yeej tsis xav tias yuav muaj ib hnub yuav tau nws los nrog kuv nyob kom muaj khub rau txoj kev mus ua liaj ua teb vim tias kuv tsuas yog ib tug tub ntsuag ua lub neej nyob ib leeg xwb. Ncua sij hawm dhau mus ntuj nag kuj pib nqis tej nplej thiab pob kws loj kaim zaj zees, ntsias mus rau qhov twg los ib hnub tej liaj teb peb ntsuab thiab fab zuj zus cas tsuas pom kuv ib leeg niaj hnub mus dob nplej. Lub neej no lam ua ib yim neej zoo tam li tej laus piv txoj lus tias " TAWS TSAU TSIS POM TOM NTEJ UA NEEJ TSIS POM TXOJ HMOO" lam pheej txoj hmoo ua neej ib hnub xam ib hnub. Lub caij nyoog dhau lawm zuj zus tej nplej twb pib daj qab hnab zog zaws yuav zoo hlais, tej neeg zej zog luag muaj txij muaj nkawm ces twb npaj dej npaj taws yuav rov npaj los tos dua cim tsiab peb caug xyoo tshiab 1982 lawm. Muaj ib hnub kuv thiaj tau txiav txim siab tias lam mus saib seb puas muaj ib tug hluas nkauj twg lam kam los ua kuv tus niam tsev. Hnub ntawd kuv tau coj kwv coj tij peb thiaj tau tuaj mus rau ntawm nej lub zos, nyob hauv kuv txoj kev ntshaw yeej ib txwm xav thiab ntshaw tus neeg zoo li koj coj los tab kuv lub cuab lub yig, tab sis vim koj yog koj niam koj txiv ib leeg ntxhais uas kuv ntseeg tias yog koj niam thiab koj txiv paub tias wb sib tham ntshe lawv yeej yuav txwv tsis pub koj rau kuv. Txawm li cas los xij, ntshe yog wb txoj hmoov txog hmo ntawd txawm yog ntuj yuav los nag xuj xuav ib hmos tsis tu los tseem hnov kuv lub suab hu thiab koj lub suab ncas kho siab zim nrog tej paj hnub nrog nag tshauv kom sis.
Thaum qaib qua thawj tsig kuv thiaj tuav kiag koj npab coj koj los mus ciaj kuv ib leeg nyab. Lub sij hawm wb tawm plaws ntawm koj niam koj txiv lub taw rooj muab ke sis nce ib lub laj roob hav zoo nuj txeeg los mus. Hnov koj niam lub suab hu ua rau dev tom thoob zos plaws, ntawd yog ib tsab xov xa qhia rau ib tug neeg paub tias wb tau los mus ua ib yim neej zoo tam li txoj kev txij nkawm lawm tiag. Txawm yog tias yuav tsis muaj tus khuv xim kuv thiab tsis muaj tus tshua txog koj los yeej muaj qee leej lub kua muag si zoo tam li dej nag ntws nto mus puv toj. Zaum no txawm yuav tsis mob leej twg lub siab tsis deeg txog leej twg lub ntsws los yeej zoo tam li kob nag tshau nag ntxiaj ntxaum los ib vuag ua rau ib tsoom zoo phooj zoo ywg lub siab txias zias los ib nthw.
Lub sij hawm wb tab tom taug txoj kev hav zoov nuj txeeg ntawm nej zos los mus rau tim peb zos uas yog yuav tsum tau siv sij hawm los mus ib tav su. Kuv tau coj koj los hla dhau hmoob tej liaj teb thiab tej zej zog ua rau muaj coob leej ntau tus tsis paub kuv los lawv ho nco koj. Lub neej no tsuas muaj ib zaug nkaus xwb kheev lam lub sij hawm tig tau rov qab cia hnub no wb muab tig rov mus ua hnub ntawd dua, cia kuv mam tuav koj tes koj qaim kuv npab kuv ua koj ib zaug ntej los cia koj rov lawv dua kuv ib zaug qab zoo tam li txoj kev koj los ciaj kuv thawj zaug nyab. Lub caij los tej tog kev koj txawm tsis hais los kuv yeej xav tau tias xyov koj puas yuav muaj lub siab hlub thiab los nrog kuv nyob ua ib cuab yim neej kom txog hnub no.
Hnub ntawd tav su dua kuv tau coj koj los txog peb lus zos, cas kuv cia li coj koj los nkag rau ib lub me nyuam tsev me me luaj lub cooj qaib xwb. Koj txawm tsis hais los kuv yeej hlub koj heev thiab xav tsis tag tias cas kuv ho cia li muab koj coj los lawm tsis cia koj nrog koj niam koj txiv nyob ntshe koj yuav tsis muaj kev nyuaj siab li hnub no. Koj tau los nrog kuv ua ib lub neej nyob muaj ib lub kos lov ceg xwb twb tsis muaj qhov txos li thiab, kuv ntsia ib hnub dhau ib hnub seb koj yuav nyob tiag los koj yuav rov qab. Muaj ib hnub uas kuv tau nrog cov kwv tij mus ua tshoob tau 2 hnub rov los txog cas kuv ho pom koj twb tuav yuav tau wb lub qhov txos, kuv mus xyuas teb cas koj twb mus muab teb luaj nto luag tas lawm thiab.
Txij ntawd los kuv thiaj xav tias nyaj koj yuav los nrog kuv ua neej tiag, kuv zoo siab heev uas tau ib tug niam tsev muaj lub siab hlub thiab nquag heev. Kuv tseem nco tau txhua yam uas koj tau los pib ntawm wb lub neej xws li: (1). Koj los tuav wb lub qhov txos, (2). Qhia kuv pawv nplej, thiab (3). Koj tseem yog tus los cub cawv mus ua wb rooj tshoob.
40 xyoo dhau mus lawm wb tau taug ib ncua kev los mus deb kawg nkaus uas yog pib ntawm ib lub zoov nuj txeeg nyob rau hauv lub teb chaws Los tsuas tuaj mus txog rau ntiaj teb lub ceeb tsheej uas vam meej theev nyob USA. Hnub no wb tau taug ib txoj kev uas tuaj tau los rov tsis tau lawm los koj tus ua niam txhob tu siab mog, yog tias saum ntuj tseem muaj hli ntiaj teb tseem tau txais tus duab tshav ci ces kuv tseem yuav nyob rawv ntawm koj ib sab mus tas li.
Kawg no, kuv thiaj muab hnub no nrog rau wb cov me nyuam ua tsaug rau koj tus ua niam txhua yam uas koj tau tsim muaj thiab txhawb nqa wb lub neej ua ntuv zus los txog niaj hnub no. Thov kom koj tsuas ntsib txoj kev noj qab nyob zoo thiab muaj txoj siav ntev dhawv nrog wb cov me nyuam nyob mus ib txhis.
Ua tsaug ntau.
Sau npe,
Yim Laj
May 10, 20202
Sub Title: Nco txog leej niam lub txiaj ntsim
Paj Huab
40 xyoo dhau mus lawm kuv tsis xav tias koj yuav tau los ua ib leej niam rau wb cov me nyuam. Kuv tsuas xav tias koj yuav yog kuv ib tug hluas nkauj thiab zoo nkauj mus ib txhis xwb. Kuv tseem nco tau thawj hnub uas kuv tau ntsib koj yog lub tsiab peb caug xyoo 1980, hnub ntawd yog hnub xiab 3 ntuj pos huab niab thiab no ntxiag ntsia mus rau qhov twg los pom huab khiav tswv zws. Ntawd nws yog hnub uas kuv tau ntsib ib tug hluas nkauj hnav ib ce zam hmoob loj nteev siab ntshuas, plaub muag tsaus nti thiab hais lus tsawg tsawv. Kuv saib mus rau nws lub cev yog ib tug hluas nkauj phim zam hmoob kawg thiab nws coj tau ib tug cwj pwm nyob tau ntsiag to tsis tshua nyiam tham lus. Thaum pib kuv xav tias zoo li nws tsis tshua nyiam kuv tab sis thaum wb tau pov pob ua ke thiab sib tham ntev loo lawm nws kuj yog ib tug neeg coj tau tus cwj pwm txaus kuv nyiam. Nws tsis yog hom hluas nkauj uas plees plees tab sis nws tham los twg yog lo ntawd, ib qho uas kuv nyiam nws heev yog txoj kev uas nws ua ib tug neeg muaj lub siab ncaj ncees thiab tsis zais kuv ib yam dab tsi.
Ib pliag ntshis, lub tsiab peb caug dhau mus ua rau tej huab cua pauv hloov ua rau neeg tej siab ntsws txawv tag. Ib tsoom Hmoob yuav tsum tau khiav mus nrhiav dua liaj dua teb ua noj. Txij hnub ntawd los ua rau kuv rov tau ncaim nws dua, ib hnub dhau ib hnub tsis hnov nws moo ua rau kuv lub siab nyob tsis tus ntshai ruj rwg tias nws khiav mus thaib teb lawm. Ib xyoos puag ncig lub sij hawm kuj tig rov los txog rau lub tsiab peb caug xyoo 1981 thiaj ua rau kuv tau rov ntsib nws, hnub ntawd zoo tam li saum ntuj tseem muaj hnub thiab ntiaj teb rov tau txais txoj kev hlub. Txoj kev sib ntsib zaum no thiaj ua rau wb ob lub siab suav hnub suav los sib ze zuj zus zoo tam li niam nkauj thiab txiv nraug hli tig los yuav sib ntsib.
Ib sij huam lub tsiab peb caug dhau mus kuv rov mus nrhiav dua teb luaj. Niaj hnub noj tshais tas ntim su rau hauv kawm ces npaj txuas npaj taus mus luaj ib leeg, yeej tsis xav tias yuav muaj ib hnub yuav tau nws los nrog kuv nyob kom muaj khub rau txoj kev mus ua liaj ua teb vim tias kuv tsuas yog ib tug tub ntsuag ua lub neej nyob ib leeg xwb. Ncua sij hawm dhau mus ntuj nag kuj pib nqis tej nplej thiab pob kws loj kaim zaj zees, ntsias mus rau qhov twg los ib hnub tej liaj teb peb ntsuab thiab fab zuj zus cas tsuas pom kuv ib leeg niaj hnub mus dob nplej. Lub neej no lam ua ib yim neej zoo tam li tej laus piv txoj lus tias " TAWS TSAU TSIS POM TOM NTEJ UA NEEJ TSIS POM TXOJ HMOO" lam pheej txoj hmoo ua neej ib hnub xam ib hnub. Lub caij nyoog dhau lawm zuj zus tej nplej twb pib daj qab hnab zog zaws yuav zoo hlais, tej neeg zej zog luag muaj txij muaj nkawm ces twb npaj dej npaj taws yuav rov npaj los tos dua cim tsiab peb caug xyoo tshiab 1982 lawm. Muaj ib hnub kuv thiaj tau txiav txim siab tias lam mus saib seb puas muaj ib tug hluas nkauj twg lam kam los ua kuv tus niam tsev. Hnub ntawd kuv tau coj kwv coj tij peb thiaj tau tuaj mus rau ntawm nej lub zos, nyob hauv kuv txoj kev ntshaw yeej ib txwm xav thiab ntshaw tus neeg zoo li koj coj los tab kuv lub cuab lub yig, tab sis vim koj yog koj niam koj txiv ib leeg ntxhais uas kuv ntseeg tias yog koj niam thiab koj txiv paub tias wb sib tham ntshe lawv yeej yuav txwv tsis pub koj rau kuv. Txawm li cas los xij, ntshe yog wb txoj hmoov txog hmo ntawd txawm yog ntuj yuav los nag xuj xuav ib hmos tsis tu los tseem hnov kuv lub suab hu thiab koj lub suab ncas kho siab zim nrog tej paj hnub nrog nag tshauv kom sis.
Thaum qaib qua thawj tsig kuv thiaj tuav kiag koj npab coj koj los mus ciaj kuv ib leeg nyab. Lub sij hawm wb tawm plaws ntawm koj niam koj txiv lub taw rooj muab ke sis nce ib lub laj roob hav zoo nuj txeeg los mus. Hnov koj niam lub suab hu ua rau dev tom thoob zos plaws, ntawd yog ib tsab xov xa qhia rau ib tug neeg paub tias wb tau los mus ua ib yim neej zoo tam li txoj kev txij nkawm lawm tiag. Txawm yog tias yuav tsis muaj tus khuv xim kuv thiab tsis muaj tus tshua txog koj los yeej muaj qee leej lub kua muag si zoo tam li dej nag ntws nto mus puv toj. Zaum no txawm yuav tsis mob leej twg lub siab tsis deeg txog leej twg lub ntsws los yeej zoo tam li kob nag tshau nag ntxiaj ntxaum los ib vuag ua rau ib tsoom zoo phooj zoo ywg lub siab txias zias los ib nthw.
Lub sij hawm wb tab tom taug txoj kev hav zoov nuj txeeg ntawm nej zos los mus rau tim peb zos uas yog yuav tsum tau siv sij hawm los mus ib tav su. Kuv tau coj koj los hla dhau hmoob tej liaj teb thiab tej zej zog ua rau muaj coob leej ntau tus tsis paub kuv los lawv ho nco koj. Lub neej no tsuas muaj ib zaug nkaus xwb kheev lam lub sij hawm tig tau rov qab cia hnub no wb muab tig rov mus ua hnub ntawd dua, cia kuv mam tuav koj tes koj qaim kuv npab kuv ua koj ib zaug ntej los cia koj rov lawv dua kuv ib zaug qab zoo tam li txoj kev koj los ciaj kuv thawj zaug nyab. Lub caij los tej tog kev koj txawm tsis hais los kuv yeej xav tau tias xyov koj puas yuav muaj lub siab hlub thiab los nrog kuv nyob ua ib cuab yim neej kom txog hnub no.
Hnub ntawd tav su dua kuv tau coj koj los txog peb lus zos, cas kuv cia li coj koj los nkag rau ib lub me nyuam tsev me me luaj lub cooj qaib xwb. Koj txawm tsis hais los kuv yeej hlub koj heev thiab xav tsis tag tias cas kuv ho cia li muab koj coj los lawm tsis cia koj nrog koj niam koj txiv nyob ntshe koj yuav tsis muaj kev nyuaj siab li hnub no. Koj tau los nrog kuv ua ib lub neej nyob muaj ib lub kos lov ceg xwb twb tsis muaj qhov txos li thiab, kuv ntsia ib hnub dhau ib hnub seb koj yuav nyob tiag los koj yuav rov qab. Muaj ib hnub uas kuv tau nrog cov kwv tij mus ua tshoob tau 2 hnub rov los txog cas kuv ho pom koj twb tuav yuav tau wb lub qhov txos, kuv mus xyuas teb cas koj twb mus muab teb luaj nto luag tas lawm thiab.
Txij ntawd los kuv thiaj xav tias nyaj koj yuav los nrog kuv ua neej tiag, kuv zoo siab heev uas tau ib tug niam tsev muaj lub siab hlub thiab nquag heev. Kuv tseem nco tau txhua yam uas koj tau los pib ntawm wb lub neej xws li: (1). Koj los tuav wb lub qhov txos, (2). Qhia kuv pawv nplej, thiab (3). Koj tseem yog tus los cub cawv mus ua wb rooj tshoob.
40 xyoo dhau mus lawm wb tau taug ib ncua kev los mus deb kawg nkaus uas yog pib ntawm ib lub zoov nuj txeeg nyob rau hauv lub teb chaws Los tsuas tuaj mus txog rau ntiaj teb lub ceeb tsheej uas vam meej theev nyob USA. Hnub no wb tau taug ib txoj kev uas tuaj tau los rov tsis tau lawm los koj tus ua niam txhob tu siab mog, yog tias saum ntuj tseem muaj hli ntiaj teb tseem tau txais tus duab tshav ci ces kuv tseem yuav nyob rawv ntawm koj ib sab mus tas li.
Kawg no, kuv thiaj muab hnub no nrog rau wb cov me nyuam ua tsaug rau koj tus ua niam txhua yam uas koj tau tsim muaj thiab txhawb nqa wb lub neej ua ntuv zus los txog niaj hnub no. Thov kom koj tsuas ntsib txoj kev noj qab nyob zoo thiab muaj txoj siav ntev dhawv nrog wb cov me nyuam nyob mus ib txhis.
Ua tsaug ntau.
Sau npe,
Yim Laj
May 10, 20202
» Nyiaj Txiag Pauv Tsis Tau Kev Hlub
» Caw Npauj Npaim rov tuaj qhia qee yam
» Nej leej twg Paub LorMong Lo
» Nyob zoo phooj ywg
» GVP thiab Hmoob txoj kev ua rog nyob nplog teb
» Xa Xov Rau Qub Phooj Ywg
» Nco Hauv Lub Tsev Pheeb Suab
» Nkauj Ntxoo Mus Tsheej Dab