Home
Title: NYIAJ TXIAG PAUV TSIS TAU KEV HLUB
Sub Title: Yim Laj thiab Nkauj Ntxoo txoj kev hlub ib vuag dua
40 xyoo dhau mus lawm Nkauj Ntxoo thiab Yim Laj nkawd tau tsim muaj ib zaj dab neeg tseg muaj ntsiab lus tias "NYIAJ TXIAG PAUV TSIS TAU KEV HLUB". Muaj ib hnub nyob hauv lub 2 hlis xiab uas tab tom yog lub caij noj peb caug tas thiab yuav npaj mus nrhiav liaj nrhiav teb luaj. Yim Laj thiab nws cov phooj ywg thiaj tau sib yaum tuaj mus ua si rau Roob Cuam Kau. Nyob rau Roob Cuam Kaum Yim Laj ib txwm tau paub ib tug hluas nkauj Hu ua Paj Huab no los tau ib lub xyoo lawm, ncua kev tuaj ntawm Yim Laj lawv zos Tsuas Xyuam Yaj tuaj mus rau tim Paj Huab lawv zos Roob Cuam Kau yog ib ncua kev hav zoo nuj txeeg tuaj ib hnub ob tog tsaus. Hnub ntawd Yim Laj thiab nws cov phooj ywg thiaj tau tuaj mus ua si rau tim Paj Huab lawv zos, txhawm rau qhov Yim Laj yuav rov tuaj saib Paj Huab ua ntej thaum yuav mus pib teb luaj.
Hmo ntawd thaum yav tab tom neeg ua liaj ua teb rov los tsev zom zaws Yim Laj thiab nws cov phooj ywg kuj tau tuaj txog rau ntawm Paj Huab lawv zos. Tsaus ntuj noj hmo tas nrho Yim Laj txawm cia li npaj zoj zeeg mus nrog Paj Huab tham lawm. Hmo ntawd ntsia mus rau saum ntuj lub ntuj huv si hnub qub ntsais tsias mus puv ntuj thiab ntsia mus rau ntawm tej ntug zos pom tej paj hmab paj ntoos tawg puv toj, tig saib rau ntawm tej ncauj ke pom kev qaim hli nrig ntxim li tej tus me nyuam poj ntxoog yuav taug kev ua yuj yeev los mus. Ua ke ntawd tseem hnov Paj Huab lub suab ncas nrov tau kho siab zim nrog rau Yim Laj lub suab ntxhi. Hmo ntawd Yim Laj thiab Paj Huab nkawd kuj tau rov muab txoj kev sib ntsib thaum lub tsiab peb caug dhau los sib tham rov los ua lub chaw nco. Yim Laj hais seev yees rau Paj Huab tias yuav yog thaum ntuj twg tav ntuj twg wb thiaj yuav tau los nyob ua ke, kom kuv thiaj tsis tau muab txoj niag kev hav zoov nuj txeeg no maub nuj nuag ntuj teb tag hmo. Paj Huab los kuj teb zoo tias Yim Laj yog koj muaj siab tias muaj ib hnub lub hnub qub ua ci tshaj nyob saum ntuj nws yeej yuav poob los nyob hauv koj lub xib teg xwb mas. Yim Laj los kuj teb tias Paj Huab txawm yog ntiaj teb no paj yuav tawg puv nras los los tsuas muaj ib lub thiaj tsw qab, txawm yog tias hluas nkauj yuav nyob thoob ntiaj teb los tsuas yog koj ib leeg xwb thiaj yuav phim mus ua kuv nyab. Paj Huab los kuj hais rau Yim laj tias Yim Laj txawm tias saum ntuj hnub qub yuav ntsais tsias mus puv ntuj los tsuas muaj ib lub thiaj ci tshiab, txawm yog hluas nraug yuav puv ntiaj teb los tsuas muaj koj ib leeg thiaj ntxim kuv siab.
Yim Laj thiab Paj Huab nkawd tau sib tham tsis nco nkees cas lub caij nyoog twb dhau lawm deb heev, tos nco tig saib tim qab ntug twb pib ntsa thiab Paj Huab lawv tus lau qaib cog txawm siv tsa suab qua lawm tiag. Yim Laj thiaj tsa Paj Huab sawv los ua tshai thiab pom Paj Huab ib pliag ua ntej yuav tau rov los mus tsev. Ib pliag ntshis lub ntuj pib kaj zuj zus tej me suab noog twb pib quaj mloog mus rau pem tej hav zoov tej mi dej lwg nrog tij tauj. Saib mus rau tim tej ciav dej neeg twb pib tuaj ev dej zom zaws mus ua tshai lawm tiag. Yim Laj thiaj maj mam txav tawm zuj zus ntawm Paj Huab lub phab ntsa rov qab los rau tim nws qhov chaw so lawm.
Lub sij hawm noj tshais tas nrho, Yim Laj thiab nws cov phooj ywg txawm pib npaj rov qab los mus tsev. Lub caij lawv tau sawv kev ntawm Paj Huab lawv zos los mus tsev lawv txawm taug ib lub laj roob hav zoov nuj txeeg los mus rau tom zos Roob Cuam Kau thiab mam los txais tau txoj ncauj ke los mus rau Tsua Xyuam Yaj ces lawv mam los mus tsev lawm. Lub sij hawm tab tom nce raws lub laj roob no los mus, ntsias mus rau ob sab ntug kev yog hav zoov nuj txeeg lam cum nrig pom nraj yij hos huam rheeb nplooj zeeg tshaws. Suab cuam kau laws pem tej laj roob ua hav zoov nqha nrig kho siab zim, tig mus mloog rau saum tej ntsis ntoo hnov suab puj daum thiab dab laug quaj ntshoo nrooj, pom tej npauj npaj ya sib tuav tw zawv los mus zoo tam li tej nkawm nkauj nraug sam sim muaj txoj kev sib hlub zoo heev.
Ib pliag ntshi Yim Laj thiab nws cov phooj ywg twb los txog rau ntawm zos Roob Cuam Kau lawm. Lub sij hawm Yim Laj thiab nws cov phooj ywg tab tom los tshwm plaws rau ntawm ib lub luag teb ntsia mus rau ib ncig ntawd pom tej quav nplej daj rhuv thiab tig saib mus rau tim zos Roob Cuam Kau pom qaib khiav zom zaws tej poj qaib tsauj qe ntsuag qees. Tsa qhov muag saib mus rau ntawm lawv hauv ntej tsis deb txawm pom ob niam tub tab tom taug kev duj duam ua lawv ntej yuav mus rau tim zos Roob Cuam Kau, Yim Laj thiaj tau hais rau nws cov phooj ywg tias mus ceev me ntsis peb mus caum seb tus nrad puas yog hluas nkauj. Lub sij hawm lawv sawv daws rau siab ntso los caum tau kiag ob niam tub ntawd Yim Laj thiaj mam tsa suab hu tias neb yuav mus qhov twg na tus niam tais? Nkauj Ntxoo niam thiaj teb tias wb yuav rov qab mus ris nra tom qub zog xwb os, ua nej mus dab tsi los cov tub? Yim Laj los kuj teb tias peb tuaj mus ua si nrau Paj Huab lawv zos los xwb. Sij hawm ntawd Yim Laj thiaj tau nug tias niam tais tus ntawm koj yog koj tus nyab los yog koj tus ntxhais? Nkauj Ntxoo niam thiaj teb teb tias yog kuv tus ntxhais os. Yim laj txawm nug ntxiv tias nws puas tau muaj txiv? Nkauj Ntxoo niam twb tsis tau teb tab sis Nkauj Ntxoo txawm teb ntua tias kuv twb muaj txiv lawm ov thiab nws niam mam teb tias kuv tus ntxhais no tseem tsis tau muaj txiv os. Yim laj zoo siab heev thaum pom Nkauj Ntxoo hais lus luag ntxhi, nws thiaj nug ntxiv tias ua koj tus ntxhais hu li cas? Nkauj Ntxoo niam thiaj qhia tias nws hu ua Nkauj Ntxoo.
Ua ke ntawd Yim Laj thiaj hu tias nyob zoo os Nkauj Ntxoo thiab Nkauj Ntxoo los kuj teb luag ntxhi tias "Aws" nyob zoo rau nej thiab os. Nkauj Ntxoo nug ntxiv tias koj lub npe hu li cas? Yim Laj thiaj teb tias kuv hu ua Yim laj no. Txij ntawd los Yim Laj thiab Nkauj Ntxoo nkawd txawm tau pib sib tham, txawm yog tias kev sib ntsib hnub no yuav yog ib qho sij hawm luv luv xwb los ua rau Yim Laj lub ntsiab muag cia li muab Nkauj Ntxoo tus duab kaw tau tseg rau nruab siab hos Nkauj Ntxoo los cia li muab Yim Laj lub suab luag kaw cia tau rau nruab plawv lawm. Yim Laj thiaj tau nusg Nkauj Ntxoo tias cas peb twb ib txwm tuaj ua si ntawm no ntau zaus lawm ho tsis tau pom dua koj li koj ho nyob qhov twg? Nkauj Ntxoo thiaj teb tias peb nyuam qhuav los nyob nrau Paj Huab lawv zos tau ib lub hlis no xwb. Yim Laj thiab Nkauj Ntxoo tau sib tham tsis muaj pes tsawg lo lub sij hawm twb dhau lawm zuj zus tseem tshuav ncua kev deb uas Nkauj Ntxoo thiab nws niam yuav tau mus. Yim Laj thiaj hais rau Nkauj Ntxoo tias Nkauj Ntxoo ua ntej thaum wb yuav sib ncaim hnub no koj puas kam kuv tuav koj txhais tes ib zaug? Nkauj Ntxoo los kuj teb luag ntxhi tias tau kawg mas thiab txawm maj mam cev nws sab tes los rau Yim Laj. Lub sij hawm Yim Laj tuav nkaus tau Nkauj Ntxoo txhais tes mos nyoos thiab tog mus saib pom Nkauj Ntxoo ua lub ntsej muag luag ntxhi ua rau Yim laj lub plawv dhai pig poog. Hos Nkauj Ntxoo los kuj muab Yim Laj ntsia qhov muag tsis ntsais pom Yim Laj lub ntsej muag luag nyav rau nws nruab siab tsis ploj. Yim Laj saib Nkauj Ntxoo yog ib tug ntxhais tsis loj tsis siab hais lus tau luag ntxhi thiab cev teeb tim zoo tau ntxim hlub heev. Txij ntawd los thiaj ua rau Yim Laj cia li nyiag Nkauj Ntxoo tus duab kaw tseg rau nruab siab tsis ploj, hos Nkauj Ntxoo los ntsia Yim Laj yog ib tug tub hluas cev yiag txias hais lus tau luag nyav ua rau Nkauj Ntxoo cia li muab Yim Laj tus duab kaw tseg rau nruab plawv lawm.
Lub sij hawm dhau lawm zuj zus Yim Laj maj mam tso nkauj Ntxoo txhais tes thiab Nkauj Ntxoo los kuj cia maj mam tig raws nws niam qab mus lawm. Sij hawm ntawd ua rau Yim Laj lub siab mob zoo tam li nthwv cua tuaj txias zias thawm nruab siab. Hos Nkauj Ntxoo ncaim mus lawm los ua rau nws muab Yim Laj nco ras dhuj dheev tuaj rau nruab plawv. Yim Laj thiab nws cov phooj ywg txawm cia li ncaim kev los mus tsev lawm hos Nkauj Ntxoo thiab nws niam los kuj ua siab ncaim mus rau tom qub zog lawm thiab. Ncua sij hawm ib lub hlis tom qab uas Yim Laj thiab nws cov phooj ywg los muab tej liaj teb luaj tso tseg tas lawv thiaj tau rov sib yaum mus ua si dua rau Roob Cuam Kau. Sawv ntxov tsees hnov suab kab noog quaj kho siab zim tig ntsia mus rau sab hnub tuaj nram hav pom ib lub roob hav zoov nuj txeeg tsaus nti, ntawd yog zos Roob Cuam Kau thaj chaw uas Yim Laj tau ntsib Nkauj Ntxoo ib vuag dhau los. Ua rau Yim Laj lub siab kub lug tias zaum no yuav tau rov mus ntsib Nkauj Ntxoo tus neeg uas ntxim hlub thiab tsim dhuj dheev rau nruab dab ntub. Yim Laj thiab nws cov phooj ywg txawm npaj ntim su thiab lawv thiaj tau sawv kev taug ib txoj kev phua plhawv hauv ib lub plawv zoov nuj txeeg tuaj mus hla ib tug niam dej loj thiab mam tuaj mus rau tim Paj Huab lawv zos lawm. Paj Huab thiab Nkauj Ntxoo lawv lub zos yog ib lub me nyuam zos nyob ze rau ntawm zos Roob Cuam Kau mus li ntawm 30 nas this kev. Hnub ntawd tav lub caij neeg ua teb los tsev zom zaws Yim Laj thiab nws cov phooj ywg kuj tau rov tuaj txog rau ntawm Paj Huab lawv zos lawm. Tab tom tej hluas nkauj sam sim tuaj mus ev dej thiab da dej zom zaws, Yim Laj thiaj tuaj nug tias ua Nkauj Ntxoo tus ntxhais uas nyuam qhuav los tshiab nyob rau qhov twg? Thaum ntawd lawv mam qhia tias Nkauj Ntxoo lawv los nrog nws tus nyab thiab tus nus nyob puag tim ntug zos tid. Thaum paub li no lawm Yim Laj thiab nws cov phooj ywg txawm rov los noj hmo thiab npaj teeb thiaj mus nrog Nkauj Ntxoo tham. Hmo ntawd Yim Laj txawm cia li tsis mus ntsib Paj Huab lawm thiab cai li mus nrog Nkauj Ntxoo tham ib hmos. Yim Laj thiab Nkauj Ntxoo nkawd kuj tau muaj txoj kev phooj ywg uas nkawd tau sib ntsib ib pliag zaum tas los sib tham ua lub chaw pib ntawm nkawd txoj kev nkauj kev nraug. Yim Laj hais rau Nkauj Ntxoo tias txij hnub kuv tau ntsib koj tom Roob Cuam Kau ib pliag los ua rau kuv cia li nyiag tau koj tus duab luag ntxhi tso rau kuv nruab siab tsis ploj li lawm. Nkauj Ntxoo los kuj hais rau Yim Laj tias txij thaum kuv tau pom koj dhau mus ua rau kuv cia li muab koj nco ras dhuj dheev rau nruab siab, hnub ntawd kuv niam wb mus muaj qee chim ua rau kuv pheej xav txog koj tus duab luag nyav rau kuv nruab plawv ua rau tej thaum kuv twb tsis nco qab tshai ruam tas nrho. Hno no Yim Laj thiab Nkauj Ntxoo thiaj tau tsim muaj txoj kev phooj ywg zoo tam li lub pas dej pib tauv kom ntses tau chaw nyob. Yim Laj cia siab tias ib hnub tom ntej Nkauj Ntxoo yuav yog Yim Laj tus niam tsev tab cuab, hos Nkauj Ntxoo los kuv xav ntsoov tias muaj ib hmos Yim Laj yuav yog nws ib leej txiv tsev los tab yig. Hmo ntawd txawm tias lub ntuj yuav dub nciab zoo tam li yuav los nag los nyob hauv Yim Laj thiab Nkauj Ntxoo nruab siab tseem nyob rau tshav ntuj nrig zoo tam li ib ntuj hnub qub qaim hli tshav.
Txij thaum Yim Laj tau paub Nkauj Ntxoo los ua rau Yim Laj txawm cia li nyiag siab khiav tawm ntawm Paj Huab mus ntsib Nkauj Ntxoo ntau zuj zus. Muaj qee zaus Yim Laj twb mus nrog Nkauj Ntxoo tham txaus ib tag hmo Nkauj Ntxoo twb tsaug zog lawm Yim Laj mam los tsa Paj Huab. Paj Huab nug tias Yim Laj koj tuaj mus qhov twg los cas twb lig ua luaj no koj mam tuaj txog ntawm no, Yim Laj teb tias Paj Huab twb yog kuv tseem tuaj me ntsis hauj lwm rau tom Roob Cuam Kau lawm peb thiaj maub los txog lig xwb. Txawm li ntawd los Paj Huab yeej tsis xav dab tsi, muaj qee zaus Yim Laj cia li tuaj mus nrog Nkauj Ntxoo tham txaus thiab cia li rov mus tsev lawm xwb. Thaum Paj Huab paub ces Yim Laj twb rov mus dhau lawm xwb los Paj Huab yeej tsis hais li cas.
Muaj ib hnub tshav ntuj nrig tig saib mus rau tej liaj teb cua tuaj txias zias pom tej nplej ntxhee yees mus puv toj, txawm hnov muaj neeg dhau tim zos Roob Cuam Kau tuaj thiab tham tias hmoob tab tom tuaj nqis tsev hais Nkauj Ntxoo. Ua rau Yim Laj siab poob nthav xav zoj tias ntshe zaum no yuav tsis tau ntsib Nkauj Ntxoo ib zaug ntxiv lawm. Yim Laj thiaj tau mus nug qhov tseeb tias yog li lawv tuaj nqis tsev hais Nkauj Ntxoo no ua nws puas kam yuav hmoob, tus niam tais ntawd thiaj teb tias lawv tuaj hais tab sis Nkauj Ntxoo niam tsis nyob lawm ces lawv tseem muab ncua tos kom Nkauj Ntxoo niam los tso mam rov tuaj sib tham dua. Thaum Yim Laj hnov tias Nkauj Ntxoo tseem tsis tau mus yuav txiv, nws thiaj tau mus yaum nws cov phooj ywg thiab lawv txawm cia li rov qab mus saib Nkauj Ntxoo rau Roob Cuam Kau. Lub sij hawm mus tej tog kev hauv tej xub zoo hnov cua tuaj txias zias hnov me suab puj duam thiab dab laug quaj kho siab zim ua rau Yim Laj rov nco txog lub caij Yim Laj tuav rawv Nkauj Ntxoo txhais tes thiab Nkauj Ntxoo ua lub ntsej muag luag ntxhi rau Yim Laj. Ua rau Yim Laj kub siab lug thiab rau siab ntso mus yam tsis nco qab nkees, hnub ntawd tav su dua xwb Yim Laj thiab nws cov phooj ywg twb tau rov mus txog rau tim Paj Huab lawv zos dua lawm.
Lub caij ntuj tsaus zuag Yim Laj txawm npaj teeb zoj zeeg thiab maj nroos mus saib Nkauj Ntxoo dua, hmo ntawd Yim Laj thiab Nkauj Ntxoo tau muaj txoj kev nkauj tham txhij kev nraug tham txhua. Yim Laj hais rau Nkauj Ntxoo tias ua koj puas mus yuav tus hmoob ntawd? Nkauj Ntxoo los kuj teb rau Yim Laj tias kuv yeej tsis yuav vim lawv yog hmoob nyab laj xwb thiab kuv twb tsis nyiam li. Yim Laj hais ntxiv rau Nkauj Ntxoo tias txawm koj tsis nyiam los yog koj niam koj txiv muab koj rau lawv lawm ces kawg koj yeej yuav tau yuav xwb. Nkauj Ntxoo thiaj hais rau Yim Laj tias koj tso siab kuv yeej yuav tsis pub kuv niam thiab kuv txiv yuam tau kuv li, yog tias thaum kawg kuv niam thiab kuv txiv lawv tsis tseem cia li muab kuv yuam mus yuav niag hmoob ntawd thiab ces kuv kawg tuag xwb. Nkauj Ntxoo hais rau Yim Laj ntxiv tias, koj mus koj nug kuv moo yog hnub twg koj hnov tias kuv tuag lawm no ces koj cia li kwv ib ntshuas ntawv tuaj rau kuv xwb ces kuv zoo siab qi kuv lub qhov muag mus lawm, thaum Yim Laj hnov Nkauj Ntxoo tej lus hais ruaj khov li no Yim Laj thiaj zoo siab. Ib tag hmo dua lub ntiaj teb pw ntsiag tas mloog mus rau nram tej kwj has uas muaj dej hnov suab qav quaj zom zaws thiab tej suab kooj saub ntsuag qees tom tej ntug fab tuaj tseem hnov Yim Laj thiab Nkauj Ntxoo lub suab ntxhi ploj loog. Yim Laj thiaj hais rau Nkauj Ntxoo tias lig lawm ces kuv rov mus pw lawm, yog tag kis koj tsis mus dab tsi no seb puas kam nrog peb mus ncig ua si yees 2 -3 daim daim duab cia saib. Nkauj Ntxoo los kuj teb tias tau kawg ces Yim Laj txawm cia li sawv los mus pw lawm ho Nkauj Ntxoo los kuj cia li tsaug zog lawm thiab.
Hnub tom qab noj tshais tas nrho Yim Laj thiab nws cov phooj ywg thiaj los hais Nkauj Ntxoo thiab nws ib tug viv ncaus ces nlawv txawm cia li mus ua si yees duab lawm. Lub caij Yim Laj thiaj Nkauj Ntxoo lawv tab tom taug ib ncua kev raws ib lub laj roob hav zoov nuj txeeg ntawm Paj Huab lawv zos mus rau tom zos Roob Cuam Kau. Yim Laj cov phooj ywg thiab Nkauj Ntxoo tus viv ncaus lawv txawm ua ntej li 2 - 3 lub qua tsev hos Nkauj Ntxoo thiab Yim Laj nkawd txawm lawv qab. Lub caij lawv mus txog rau ntawm ib tsob qab ntoo faj khaum Yim Laj thiab Nkauj Ntxoo nkawd thiaj tau mus zaum lam cua thiab sib tham txog txoj kev sib hlub ntshai ruj rwg tsam Nkauj Ntxoo yuav tau ncaim Yim Laj mus. Ua ke ntawd Nkauj Ntxoo txawm hais rau Yim Laj tias Yim Laj cas yuav kho siab ua luaj no koj hais ib zaj kwv txhiaj rau wb mloog seb. Yim Laj thiab Nkauj Ntxoo nkawd thiaj ib leeg hais tas ib zaj kwv txhiaj, cas txawm hnov txiv faj khaum poob poob Yim laj thiab Nkauj Ntxoo nkawd thiaj tig mus saib rau saum ntsis faj khaum cas pom nas txheeb khiav zom zaws thiab noog puj daum quaj ploj loog saum ntsis faj khaum tuaj. Ua ke ntawd Yim Laj txawm cia li pom 2 tug npauj npaim ya sib tuav tw zawv los mus cas muaj ib tug noog dub cia li ya plho mus txais nkaus ib tug thiab tshuav ib tug cia li yam qis nee dua nram kwj ha lawm xwb. Yim Laj thiaj ahis rau Nkauj Ntxoo tias " Ab....Nkauj Ntxoo cas lub ntiaj teb no yuav tsis muaj kev ncaj ncees li leej twg zog loj ces leej twg yog tus yeej xwb puas yog?" Yim Laj hais ntxiv tias hnub no kuv txawm yuav hlub thiab nco koj npaum twg los ntshe tag kis koj twb yuav mus ciaj lug pw luag lub xub ntiag. Nkauj Ntxoo teb rau Yim Laj tias txhob xav ntau os Yim Laj tej ntawd lawv yog kab yog noog xwb thiaj ua tau li ntawd, ntawm kuv thiab koj wb twb muaj siab muaj ntsws kuv yeej yuav tsis ncaim koj mus rau leej twg li os. Yim Laj thiab Nkauj Ntxoo nkawd tseem tham tsis tau txaus los lub sij hawm dhau lawm zum zus, Nkauj Ntxoo tus viv ncaus txawm hu tias Nkauj Ntxoo seb neb so txaus lawm no tuaj peb mus os. Yim laj thiaj sawv tsees thiab rub kiag Nkauj Ntxoo tes lawv txawm cia li taug lub laj roob zoo ntawd mus rau pem zos Roob Cuam Kua lawm.
Thaum mus txog rau Roob Cuam Kaum Yim Laj xav tias tsam coj Nkauj Ntxoo mus yees duab tas ho muaj teeb meem, nws thiaj hais rau Nkauj Ntxoo thiab nws cov phooj ywg tias nej ua ntej mus nyob tom ncauj ke tos kuv. Yim Laj txawm nkag mus rau hauv toj xeem tsev thiab mus hais rau toj xeem tias peb xav coj nej tus ntxhais Nkauj Ntxoo tuaj mus yees duab no tab sis hmoob ho tuaj rhais kaus cia lawm thiab no ua puas yuav muaj teeb meem. Toj xeem thiaj teb rau Yim Laj tias tub qaib tsis tau loos ntshav ntsej npua tsis tau los ntshav ntswg, leej twg tes ncab ces yog twg nyab leej twg tes ntev yog leej twg sev xwb. Toj xeem hais ntxiv tias yog nej cov hluas ntshai no los cia kuv mam nrog nej mus thiab, ces toj xeem txawm cia li npaj thiab nrog Yim Laj tuaj mus.
Yim Laj thiab Nkauj Ntxoo lawv txawm mus rau ntawm toj xeem lawv ntug zos uas yog ib lub roob teb npleg tej cav vau dub vog hos nplej ntau cua ntxiag txij khwb teeb thiab tej me qos ntoo uas cog xyaw nplej tab tom txij neej. Thaum cua tuaj ib vuag pom tej nplej ntxhee yees lawm tej phab roob hos tej nplooj qos ntoo co thoob teb hnov tuaj laj ntxiag thawj plaws nruab siab. Yim laj thiab Nkauj Ntxoo nkawd tseem tab tom tuav tes rawv nce cav ua si thiab yees duab yam lom zem xauv npos, tej thaum tshav kub heev nkawd ho dam tej nplooj qos ntoo coj los pua zaum rau hauv tej hauv paus qos ntoo haus dej thiab nkauj ntxoov ntxoo sib tham luag ntxhwb ntxhi. Ua ke ntawd txawm pom 2 tug tub hluas taug kev tuaj tshwm plaws, ntawd yog Nkauj Ntxoo tus txiv qhaib thiab nws tus phooj ywg. Nkauj Ntxoo tus txiv kwv ib rab phom askas hos nws tus phooj ywg kwv ib rab phom log thoob. Nkawd tuav rawv phom cuag li yuav mus nce khaib tab sis Nkauj Ntxoo los kuj tsis quav ntsej hu ib suab li, thaum ntawd Nkauj Ntxoo tus viv ncaus thiaj hu tias neb tuaj los, los peb yees dua ua si os. Nkawd teb ob tug npau taw vog thiab hais rau Nkauj Ntxoo tias koj cia li nrog wb rov mus tsev tam sim no. Nkauj Ntxoo teb tias peb tseem yuav yees duab neb kav tsij mus neb ib tsam tsaus ntuj peb mam los, ua rau nkawd nyob ntev loo tsis muaj qab hau nkawd txawm cia li tig hlo rov mus dub txig lawm. Yim Laj thiab Nkauj Ntxoo lawv rau siab ntso yees dua yuav luag tsaus ntuj hnub twb yuav poob qho lawv mam ua siab rov qab los mus rau tom Paj Huab lawv zos. Hmo ntawd Yim laj thiab Nkauj Ntxoo nkawd kuj tau rov qab los sib tham dua ib hmos tab sis cas ho tsis pom Nkauj Ntxoo tus txiv qhaib tuaj lawm thiab. Qhov tseeb tiag thaum Nkauj Ntxoo tus txiv nkawd tuaj pom Yim Laj thiab Nkauj Ntxoo lawv mus ua si li no ua rau mob nws lub siab npaum li ib lub npoos tawg, nkawd tseem rov qab mus raws nkawd tus mej koob nyob ze rau tim Yim Laj lawv zos lawm.
Hnub tom qab noj tshais tas nrho Yim laj thiab nws cov phooj ywg txawm cia li npaj thiab rov los mus tsev. Lub sij hawm los txog ib nrab ke tab tom los ncaj rau ntawm hmoob ib tag qub teb npleg ncua kev nqi hav lias yuav los mus rau nram ib tug dej loj Yim Laj txawm pom 3 tug txiv neej tab tom tuaj yuav luag txog lawv. Yim Laj thiab nws cov phooj ywg txawm cia li nres thiab zam kiag rau pem qaum kev, thaum 3 tug txiv neej ntawd tuaj ze Yim laj saib cas 2 tug ua ntej txawm yog Nkauj Ntxoo tus txiv thiab nws tus phooj ywg uas lawv tau ntsib thawj hnub dhau los hos tus lawv qab yog ib tug txiv neej laus taws li 45 xyoos uas nyob ze rau tim Yim Laj lawv zos nws txawm yog Nkauj Ntxoo tus txiv qhaib tus mej koob ntag thiab nws los kuj paub Yim Laj zoo. Lub sij hawm lawv tuaj ncaj zog rau ntawm Yim Laj nkawd tus me koob no thiaj tau hais lus khuj Yim Laj tias Yim Laj peb mus yuav koj tus hluas nkauj lawm nawb, Yim Laj los kuj ua siab txias thiab teb tias kuv twb tsis muaj hluas nkauj es. Tus mej koob no txawm hais ntxiv tias Nkauj Ntxoo na, peb mus yuav koj tus Nkauj Ntxoo lawm nawb, ua rau Yim Laj npau taws vog thiaj teb tias aws yog nej muaj peev xwm los kav tsij mus yuav los mas ces lawv txawm cia li dhau los lawm. Lub sij hawm dhau los ua rau Yim Laj tsis kaj siab thiab mloog ntsoov tias seb lawv mus hais puas tau Nkauj Ntxoo xwb. Tau ib as thiv tom qab thiaj mam hnov moo tias lawv mus hais tab sis Nkauj Ntxoo tsis kam yuav nws cov nus cia li muab lawv tu moo thiab lawv cia li rov los lawm tib co me txaj muag ntsuav, Yim laj thiaj mam zoo siab. Lub sij hawm lawv raug tu moo li no ua rau lawv tsis tau Nkauj Ntxoo nkawd tus mej koob thiaj chim thiab txawm yws hais tias tim Yim Laj tuaj xus xis rau lawm xwb ntag, yog txhob muaj Yim Laj ces lawv yeej hais tau lawm. Ua ke ntawd Yim Laj muaj ib txug txiv ntxawm uas nrog Nkauj Ntxoo lawv nyob thiab raug hu tuaj koom sab laj rau hmo ntawd thiaj tau teb tias nej tau zoo nyob ces nyob twj ywm nawb txhob hais ub hais no rau Yim Laj tsam Yim Laj tsis txaus siab tuaj ces nej ho tau ib ceg nrog tw thiab nawb. Thaum hnov li no lawm ua rau lawv 3 tug nraug vauv, phij laj, thiab mej koob cia li rov los lawm tib co mluas mlob.
Yim Laj hnov tias Nkauj Ntxoo tsis kam yuav nws tus txiv lawm tiag ua rau Yim laj zoo siab heev thiab ntseeg tias tej zaum Nkauj Ntxoo yeej hlub Yim laj lawm tiag. Lub sij hawm dhau mus tsis ntev uas ncaj rau lub caij las nplej Yim Laj thiab nws cov phooj ywg thiaj tau rov qab mus saib Paj Huab thiab Nkauj Ntxoo nkawd dua. Hnub ntawd Yim Laj thiab nws ib tug phooj ywg thiaj tau mus nrog Nkauj Ntxoo thiab nws ib tug viv ncaus dob nplej ib hnub, lub sij hawm lawv dob nplej nto ib kab teb tshav los kub cua los tsis tuaj lawv thiaj mus zaum so rau pem luag teb. Yim Laj thiab Nkauj Ntxoo nkawd thiaj tau los sib tham txog nkawd txoj kev yuav los nyob ua ke yav tom ntej, Yim Laj hais rau Nkauj Ntxoo tias yuav thaum twg koj thiaj kam mus nrog kuv nyob ? Nkauj Ntxoo los kuj teb tias kuv nyuam qhuav los nrog nej nyob xwb kuv hnov tias koj yog ib tug tub hluas txawj kwv txhiaj heev kuv xav cia kom noj peb caug kuv tau nrog koj pov pov yam tsawg kawg los li 3 hnub xwb ces kuv txaus siab sau siab zog mus nrog koj ua ib lub neej kom laus lawm.
Sub Title: Yim Laj thiab Nkauj Ntxoo txoj kev hlub ib vuag dua
40 xyoo dhau mus lawm Nkauj Ntxoo thiab Yim Laj nkawd tau tsim muaj ib zaj dab neeg tseg muaj ntsiab lus tias "NYIAJ TXIAG PAUV TSIS TAU KEV HLUB". Muaj ib hnub nyob hauv lub 2 hlis xiab uas tab tom yog lub caij noj peb caug tas thiab yuav npaj mus nrhiav liaj nrhiav teb luaj. Yim Laj thiab nws cov phooj ywg thiaj tau sib yaum tuaj mus ua si rau Roob Cuam Kau. Nyob rau Roob Cuam Kaum Yim Laj ib txwm tau paub ib tug hluas nkauj Hu ua Paj Huab no los tau ib lub xyoo lawm, ncua kev tuaj ntawm Yim Laj lawv zos Tsuas Xyuam Yaj tuaj mus rau tim Paj Huab lawv zos Roob Cuam Kau yog ib ncua kev hav zoo nuj txeeg tuaj ib hnub ob tog tsaus. Hnub ntawd Yim Laj thiab nws cov phooj ywg thiaj tau tuaj mus ua si rau tim Paj Huab lawv zos, txhawm rau qhov Yim Laj yuav rov tuaj saib Paj Huab ua ntej thaum yuav mus pib teb luaj.
Hmo ntawd thaum yav tab tom neeg ua liaj ua teb rov los tsev zom zaws Yim Laj thiab nws cov phooj ywg kuj tau tuaj txog rau ntawm Paj Huab lawv zos. Tsaus ntuj noj hmo tas nrho Yim Laj txawm cia li npaj zoj zeeg mus nrog Paj Huab tham lawm. Hmo ntawd ntsia mus rau saum ntuj lub ntuj huv si hnub qub ntsais tsias mus puv ntuj thiab ntsia mus rau ntawm tej ntug zos pom tej paj hmab paj ntoos tawg puv toj, tig saib rau ntawm tej ncauj ke pom kev qaim hli nrig ntxim li tej tus me nyuam poj ntxoog yuav taug kev ua yuj yeev los mus. Ua ke ntawd tseem hnov Paj Huab lub suab ncas nrov tau kho siab zim nrog rau Yim Laj lub suab ntxhi. Hmo ntawd Yim Laj thiab Paj Huab nkawd kuj tau rov muab txoj kev sib ntsib thaum lub tsiab peb caug dhau los sib tham rov los ua lub chaw nco. Yim Laj hais seev yees rau Paj Huab tias yuav yog thaum ntuj twg tav ntuj twg wb thiaj yuav tau los nyob ua ke, kom kuv thiaj tsis tau muab txoj niag kev hav zoov nuj txeeg no maub nuj nuag ntuj teb tag hmo. Paj Huab los kuj teb zoo tias Yim Laj yog koj muaj siab tias muaj ib hnub lub hnub qub ua ci tshaj nyob saum ntuj nws yeej yuav poob los nyob hauv koj lub xib teg xwb mas. Yim Laj los kuj teb tias Paj Huab txawm yog ntiaj teb no paj yuav tawg puv nras los los tsuas muaj ib lub thiaj tsw qab, txawm yog tias hluas nkauj yuav nyob thoob ntiaj teb los tsuas yog koj ib leeg xwb thiaj yuav phim mus ua kuv nyab. Paj Huab los kuj hais rau Yim laj tias Yim Laj txawm tias saum ntuj hnub qub yuav ntsais tsias mus puv ntuj los tsuas muaj ib lub thiaj ci tshiab, txawm yog hluas nraug yuav puv ntiaj teb los tsuas muaj koj ib leeg thiaj ntxim kuv siab.
Yim Laj thiab Paj Huab nkawd tau sib tham tsis nco nkees cas lub caij nyoog twb dhau lawm deb heev, tos nco tig saib tim qab ntug twb pib ntsa thiab Paj Huab lawv tus lau qaib cog txawm siv tsa suab qua lawm tiag. Yim Laj thiaj tsa Paj Huab sawv los ua tshai thiab pom Paj Huab ib pliag ua ntej yuav tau rov los mus tsev. Ib pliag ntshis lub ntuj pib kaj zuj zus tej me suab noog twb pib quaj mloog mus rau pem tej hav zoov tej mi dej lwg nrog tij tauj. Saib mus rau tim tej ciav dej neeg twb pib tuaj ev dej zom zaws mus ua tshai lawm tiag. Yim Laj thiaj maj mam txav tawm zuj zus ntawm Paj Huab lub phab ntsa rov qab los rau tim nws qhov chaw so lawm.
Lub sij hawm noj tshais tas nrho, Yim Laj thiab nws cov phooj ywg txawm pib npaj rov qab los mus tsev. Lub caij lawv tau sawv kev ntawm Paj Huab lawv zos los mus tsev lawv txawm taug ib lub laj roob hav zoov nuj txeeg los mus rau tom zos Roob Cuam Kau thiab mam los txais tau txoj ncauj ke los mus rau Tsua Xyuam Yaj ces lawv mam los mus tsev lawm. Lub sij hawm tab tom nce raws lub laj roob no los mus, ntsias mus rau ob sab ntug kev yog hav zoov nuj txeeg lam cum nrig pom nraj yij hos huam rheeb nplooj zeeg tshaws. Suab cuam kau laws pem tej laj roob ua hav zoov nqha nrig kho siab zim, tig mus mloog rau saum tej ntsis ntoo hnov suab puj daum thiab dab laug quaj ntshoo nrooj, pom tej npauj npaj ya sib tuav tw zawv los mus zoo tam li tej nkawm nkauj nraug sam sim muaj txoj kev sib hlub zoo heev.
Ib pliag ntshi Yim Laj thiab nws cov phooj ywg twb los txog rau ntawm zos Roob Cuam Kau lawm. Lub sij hawm Yim Laj thiab nws cov phooj ywg tab tom los tshwm plaws rau ntawm ib lub luag teb ntsia mus rau ib ncig ntawd pom tej quav nplej daj rhuv thiab tig saib mus rau tim zos Roob Cuam Kau pom qaib khiav zom zaws tej poj qaib tsauj qe ntsuag qees. Tsa qhov muag saib mus rau ntawm lawv hauv ntej tsis deb txawm pom ob niam tub tab tom taug kev duj duam ua lawv ntej yuav mus rau tim zos Roob Cuam Kau, Yim Laj thiaj tau hais rau nws cov phooj ywg tias mus ceev me ntsis peb mus caum seb tus nrad puas yog hluas nkauj. Lub sij hawm lawv sawv daws rau siab ntso los caum tau kiag ob niam tub ntawd Yim Laj thiaj mam tsa suab hu tias neb yuav mus qhov twg na tus niam tais? Nkauj Ntxoo niam thiaj teb tias wb yuav rov qab mus ris nra tom qub zog xwb os, ua nej mus dab tsi los cov tub? Yim Laj los kuj teb tias peb tuaj mus ua si nrau Paj Huab lawv zos los xwb. Sij hawm ntawd Yim Laj thiaj tau nug tias niam tais tus ntawm koj yog koj tus nyab los yog koj tus ntxhais? Nkauj Ntxoo niam thiaj teb teb tias yog kuv tus ntxhais os. Yim laj txawm nug ntxiv tias nws puas tau muaj txiv? Nkauj Ntxoo niam twb tsis tau teb tab sis Nkauj Ntxoo txawm teb ntua tias kuv twb muaj txiv lawm ov thiab nws niam mam teb tias kuv tus ntxhais no tseem tsis tau muaj txiv os. Yim laj zoo siab heev thaum pom Nkauj Ntxoo hais lus luag ntxhi, nws thiaj nug ntxiv tias ua koj tus ntxhais hu li cas? Nkauj Ntxoo niam thiaj qhia tias nws hu ua Nkauj Ntxoo.
Ua ke ntawd Yim Laj thiaj hu tias nyob zoo os Nkauj Ntxoo thiab Nkauj Ntxoo los kuj teb luag ntxhi tias "Aws" nyob zoo rau nej thiab os. Nkauj Ntxoo nug ntxiv tias koj lub npe hu li cas? Yim Laj thiaj teb tias kuv hu ua Yim laj no. Txij ntawd los Yim Laj thiab Nkauj Ntxoo nkawd txawm tau pib sib tham, txawm yog tias kev sib ntsib hnub no yuav yog ib qho sij hawm luv luv xwb los ua rau Yim Laj lub ntsiab muag cia li muab Nkauj Ntxoo tus duab kaw tau tseg rau nruab siab hos Nkauj Ntxoo los cia li muab Yim Laj lub suab luag kaw cia tau rau nruab plawv lawm. Yim Laj thiaj tau nusg Nkauj Ntxoo tias cas peb twb ib txwm tuaj ua si ntawm no ntau zaus lawm ho tsis tau pom dua koj li koj ho nyob qhov twg? Nkauj Ntxoo thiaj teb tias peb nyuam qhuav los nyob nrau Paj Huab lawv zos tau ib lub hlis no xwb. Yim Laj thiab Nkauj Ntxoo tau sib tham tsis muaj pes tsawg lo lub sij hawm twb dhau lawm zuj zus tseem tshuav ncua kev deb uas Nkauj Ntxoo thiab nws niam yuav tau mus. Yim Laj thiaj hais rau Nkauj Ntxoo tias Nkauj Ntxoo ua ntej thaum wb yuav sib ncaim hnub no koj puas kam kuv tuav koj txhais tes ib zaug? Nkauj Ntxoo los kuj teb luag ntxhi tias tau kawg mas thiab txawm maj mam cev nws sab tes los rau Yim Laj. Lub sij hawm Yim Laj tuav nkaus tau Nkauj Ntxoo txhais tes mos nyoos thiab tog mus saib pom Nkauj Ntxoo ua lub ntsej muag luag ntxhi ua rau Yim laj lub plawv dhai pig poog. Hos Nkauj Ntxoo los kuj muab Yim Laj ntsia qhov muag tsis ntsais pom Yim Laj lub ntsej muag luag nyav rau nws nruab siab tsis ploj. Yim Laj saib Nkauj Ntxoo yog ib tug ntxhais tsis loj tsis siab hais lus tau luag ntxhi thiab cev teeb tim zoo tau ntxim hlub heev. Txij ntawd los thiaj ua rau Yim Laj cia li nyiag Nkauj Ntxoo tus duab kaw tseg rau nruab siab tsis ploj, hos Nkauj Ntxoo los ntsia Yim Laj yog ib tug tub hluas cev yiag txias hais lus tau luag nyav ua rau Nkauj Ntxoo cia li muab Yim Laj tus duab kaw tseg rau nruab plawv lawm.
Lub sij hawm dhau lawm zuj zus Yim Laj maj mam tso nkauj Ntxoo txhais tes thiab Nkauj Ntxoo los kuj cia maj mam tig raws nws niam qab mus lawm. Sij hawm ntawd ua rau Yim Laj lub siab mob zoo tam li nthwv cua tuaj txias zias thawm nruab siab. Hos Nkauj Ntxoo ncaim mus lawm los ua rau nws muab Yim Laj nco ras dhuj dheev tuaj rau nruab plawv. Yim Laj thiab nws cov phooj ywg txawm cia li ncaim kev los mus tsev lawm hos Nkauj Ntxoo thiab nws niam los kuj ua siab ncaim mus rau tom qub zog lawm thiab. Ncua sij hawm ib lub hlis tom qab uas Yim Laj thiab nws cov phooj ywg los muab tej liaj teb luaj tso tseg tas lawv thiaj tau rov sib yaum mus ua si dua rau Roob Cuam Kau. Sawv ntxov tsees hnov suab kab noog quaj kho siab zim tig ntsia mus rau sab hnub tuaj nram hav pom ib lub roob hav zoov nuj txeeg tsaus nti, ntawd yog zos Roob Cuam Kau thaj chaw uas Yim Laj tau ntsib Nkauj Ntxoo ib vuag dhau los. Ua rau Yim Laj lub siab kub lug tias zaum no yuav tau rov mus ntsib Nkauj Ntxoo tus neeg uas ntxim hlub thiab tsim dhuj dheev rau nruab dab ntub. Yim Laj thiab nws cov phooj ywg txawm npaj ntim su thiab lawv thiaj tau sawv kev taug ib txoj kev phua plhawv hauv ib lub plawv zoov nuj txeeg tuaj mus hla ib tug niam dej loj thiab mam tuaj mus rau tim Paj Huab lawv zos lawm. Paj Huab thiab Nkauj Ntxoo lawv lub zos yog ib lub me nyuam zos nyob ze rau ntawm zos Roob Cuam Kau mus li ntawm 30 nas this kev. Hnub ntawd tav lub caij neeg ua teb los tsev zom zaws Yim Laj thiab nws cov phooj ywg kuj tau rov tuaj txog rau ntawm Paj Huab lawv zos lawm. Tab tom tej hluas nkauj sam sim tuaj mus ev dej thiab da dej zom zaws, Yim Laj thiaj tuaj nug tias ua Nkauj Ntxoo tus ntxhais uas nyuam qhuav los tshiab nyob rau qhov twg? Thaum ntawd lawv mam qhia tias Nkauj Ntxoo lawv los nrog nws tus nyab thiab tus nus nyob puag tim ntug zos tid. Thaum paub li no lawm Yim Laj thiab nws cov phooj ywg txawm rov los noj hmo thiab npaj teeb thiaj mus nrog Nkauj Ntxoo tham. Hmo ntawd Yim Laj txawm cia li tsis mus ntsib Paj Huab lawm thiab cai li mus nrog Nkauj Ntxoo tham ib hmos. Yim Laj thiab Nkauj Ntxoo nkawd kuj tau muaj txoj kev phooj ywg uas nkawd tau sib ntsib ib pliag zaum tas los sib tham ua lub chaw pib ntawm nkawd txoj kev nkauj kev nraug. Yim Laj hais rau Nkauj Ntxoo tias txij hnub kuv tau ntsib koj tom Roob Cuam Kau ib pliag los ua rau kuv cia li nyiag tau koj tus duab luag ntxhi tso rau kuv nruab siab tsis ploj li lawm. Nkauj Ntxoo los kuj hais rau Yim Laj tias txij thaum kuv tau pom koj dhau mus ua rau kuv cia li muab koj nco ras dhuj dheev rau nruab siab, hnub ntawd kuv niam wb mus muaj qee chim ua rau kuv pheej xav txog koj tus duab luag nyav rau kuv nruab plawv ua rau tej thaum kuv twb tsis nco qab tshai ruam tas nrho. Hno no Yim Laj thiab Nkauj Ntxoo thiaj tau tsim muaj txoj kev phooj ywg zoo tam li lub pas dej pib tauv kom ntses tau chaw nyob. Yim Laj cia siab tias ib hnub tom ntej Nkauj Ntxoo yuav yog Yim Laj tus niam tsev tab cuab, hos Nkauj Ntxoo los kuv xav ntsoov tias muaj ib hmos Yim Laj yuav yog nws ib leej txiv tsev los tab yig. Hmo ntawd txawm tias lub ntuj yuav dub nciab zoo tam li yuav los nag los nyob hauv Yim Laj thiab Nkauj Ntxoo nruab siab tseem nyob rau tshav ntuj nrig zoo tam li ib ntuj hnub qub qaim hli tshav.
Txij thaum Yim Laj tau paub Nkauj Ntxoo los ua rau Yim Laj txawm cia li nyiag siab khiav tawm ntawm Paj Huab mus ntsib Nkauj Ntxoo ntau zuj zus. Muaj qee zaus Yim Laj twb mus nrog Nkauj Ntxoo tham txaus ib tag hmo Nkauj Ntxoo twb tsaug zog lawm Yim Laj mam los tsa Paj Huab. Paj Huab nug tias Yim Laj koj tuaj mus qhov twg los cas twb lig ua luaj no koj mam tuaj txog ntawm no, Yim Laj teb tias Paj Huab twb yog kuv tseem tuaj me ntsis hauj lwm rau tom Roob Cuam Kau lawm peb thiaj maub los txog lig xwb. Txawm li ntawd los Paj Huab yeej tsis xav dab tsi, muaj qee zaus Yim Laj cia li tuaj mus nrog Nkauj Ntxoo tham txaus thiab cia li rov mus tsev lawm xwb. Thaum Paj Huab paub ces Yim Laj twb rov mus dhau lawm xwb los Paj Huab yeej tsis hais li cas.
Muaj ib hnub tshav ntuj nrig tig saib mus rau tej liaj teb cua tuaj txias zias pom tej nplej ntxhee yees mus puv toj, txawm hnov muaj neeg dhau tim zos Roob Cuam Kau tuaj thiab tham tias hmoob tab tom tuaj nqis tsev hais Nkauj Ntxoo. Ua rau Yim Laj siab poob nthav xav zoj tias ntshe zaum no yuav tsis tau ntsib Nkauj Ntxoo ib zaug ntxiv lawm. Yim Laj thiaj tau mus nug qhov tseeb tias yog li lawv tuaj nqis tsev hais Nkauj Ntxoo no ua nws puas kam yuav hmoob, tus niam tais ntawd thiaj teb tias lawv tuaj hais tab sis Nkauj Ntxoo niam tsis nyob lawm ces lawv tseem muab ncua tos kom Nkauj Ntxoo niam los tso mam rov tuaj sib tham dua. Thaum Yim Laj hnov tias Nkauj Ntxoo tseem tsis tau mus yuav txiv, nws thiaj tau mus yaum nws cov phooj ywg thiab lawv txawm cia li rov qab mus saib Nkauj Ntxoo rau Roob Cuam Kau. Lub sij hawm mus tej tog kev hauv tej xub zoo hnov cua tuaj txias zias hnov me suab puj duam thiab dab laug quaj kho siab zim ua rau Yim Laj rov nco txog lub caij Yim Laj tuav rawv Nkauj Ntxoo txhais tes thiab Nkauj Ntxoo ua lub ntsej muag luag ntxhi rau Yim Laj. Ua rau Yim Laj kub siab lug thiab rau siab ntso mus yam tsis nco qab nkees, hnub ntawd tav su dua xwb Yim Laj thiab nws cov phooj ywg twb tau rov mus txog rau tim Paj Huab lawv zos dua lawm.
Lub caij ntuj tsaus zuag Yim Laj txawm npaj teeb zoj zeeg thiab maj nroos mus saib Nkauj Ntxoo dua, hmo ntawd Yim Laj thiab Nkauj Ntxoo tau muaj txoj kev nkauj tham txhij kev nraug tham txhua. Yim Laj hais rau Nkauj Ntxoo tias ua koj puas mus yuav tus hmoob ntawd? Nkauj Ntxoo los kuj teb rau Yim Laj tias kuv yeej tsis yuav vim lawv yog hmoob nyab laj xwb thiab kuv twb tsis nyiam li. Yim Laj hais ntxiv rau Nkauj Ntxoo tias txawm koj tsis nyiam los yog koj niam koj txiv muab koj rau lawv lawm ces kawg koj yeej yuav tau yuav xwb. Nkauj Ntxoo thiaj hais rau Yim Laj tias koj tso siab kuv yeej yuav tsis pub kuv niam thiab kuv txiv yuam tau kuv li, yog tias thaum kawg kuv niam thiab kuv txiv lawv tsis tseem cia li muab kuv yuam mus yuav niag hmoob ntawd thiab ces kuv kawg tuag xwb. Nkauj Ntxoo hais rau Yim Laj ntxiv tias, koj mus koj nug kuv moo yog hnub twg koj hnov tias kuv tuag lawm no ces koj cia li kwv ib ntshuas ntawv tuaj rau kuv xwb ces kuv zoo siab qi kuv lub qhov muag mus lawm, thaum Yim Laj hnov Nkauj Ntxoo tej lus hais ruaj khov li no Yim Laj thiaj zoo siab. Ib tag hmo dua lub ntiaj teb pw ntsiag tas mloog mus rau nram tej kwj has uas muaj dej hnov suab qav quaj zom zaws thiab tej suab kooj saub ntsuag qees tom tej ntug fab tuaj tseem hnov Yim Laj thiab Nkauj Ntxoo lub suab ntxhi ploj loog. Yim Laj thiaj hais rau Nkauj Ntxoo tias lig lawm ces kuv rov mus pw lawm, yog tag kis koj tsis mus dab tsi no seb puas kam nrog peb mus ncig ua si yees 2 -3 daim daim duab cia saib. Nkauj Ntxoo los kuj teb tias tau kawg ces Yim Laj txawm cia li sawv los mus pw lawm ho Nkauj Ntxoo los kuj cia li tsaug zog lawm thiab.
Hnub tom qab noj tshais tas nrho Yim Laj thiab nws cov phooj ywg thiaj los hais Nkauj Ntxoo thiab nws ib tug viv ncaus ces nlawv txawm cia li mus ua si yees duab lawm. Lub caij Yim Laj thiaj Nkauj Ntxoo lawv tab tom taug ib ncua kev raws ib lub laj roob hav zoov nuj txeeg ntawm Paj Huab lawv zos mus rau tom zos Roob Cuam Kau. Yim Laj cov phooj ywg thiab Nkauj Ntxoo tus viv ncaus lawv txawm ua ntej li 2 - 3 lub qua tsev hos Nkauj Ntxoo thiab Yim Laj nkawd txawm lawv qab. Lub caij lawv mus txog rau ntawm ib tsob qab ntoo faj khaum Yim Laj thiab Nkauj Ntxoo nkawd thiaj tau mus zaum lam cua thiab sib tham txog txoj kev sib hlub ntshai ruj rwg tsam Nkauj Ntxoo yuav tau ncaim Yim Laj mus. Ua ke ntawd Nkauj Ntxoo txawm hais rau Yim Laj tias Yim Laj cas yuav kho siab ua luaj no koj hais ib zaj kwv txhiaj rau wb mloog seb. Yim Laj thiab Nkauj Ntxoo nkawd thiaj ib leeg hais tas ib zaj kwv txhiaj, cas txawm hnov txiv faj khaum poob poob Yim laj thiab Nkauj Ntxoo nkawd thiaj tig mus saib rau saum ntsis faj khaum cas pom nas txheeb khiav zom zaws thiab noog puj daum quaj ploj loog saum ntsis faj khaum tuaj. Ua ke ntawd Yim Laj txawm cia li pom 2 tug npauj npaim ya sib tuav tw zawv los mus cas muaj ib tug noog dub cia li ya plho mus txais nkaus ib tug thiab tshuav ib tug cia li yam qis nee dua nram kwj ha lawm xwb. Yim Laj thiaj ahis rau Nkauj Ntxoo tias " Ab....Nkauj Ntxoo cas lub ntiaj teb no yuav tsis muaj kev ncaj ncees li leej twg zog loj ces leej twg yog tus yeej xwb puas yog?" Yim Laj hais ntxiv tias hnub no kuv txawm yuav hlub thiab nco koj npaum twg los ntshe tag kis koj twb yuav mus ciaj lug pw luag lub xub ntiag. Nkauj Ntxoo teb rau Yim Laj tias txhob xav ntau os Yim Laj tej ntawd lawv yog kab yog noog xwb thiaj ua tau li ntawd, ntawm kuv thiab koj wb twb muaj siab muaj ntsws kuv yeej yuav tsis ncaim koj mus rau leej twg li os. Yim Laj thiab Nkauj Ntxoo nkawd tseem tham tsis tau txaus los lub sij hawm dhau lawm zum zus, Nkauj Ntxoo tus viv ncaus txawm hu tias Nkauj Ntxoo seb neb so txaus lawm no tuaj peb mus os. Yim laj thiaj sawv tsees thiab rub kiag Nkauj Ntxoo tes lawv txawm cia li taug lub laj roob zoo ntawd mus rau pem zos Roob Cuam Kua lawm.
Thaum mus txog rau Roob Cuam Kaum Yim Laj xav tias tsam coj Nkauj Ntxoo mus yees duab tas ho muaj teeb meem, nws thiaj hais rau Nkauj Ntxoo thiab nws cov phooj ywg tias nej ua ntej mus nyob tom ncauj ke tos kuv. Yim Laj txawm nkag mus rau hauv toj xeem tsev thiab mus hais rau toj xeem tias peb xav coj nej tus ntxhais Nkauj Ntxoo tuaj mus yees duab no tab sis hmoob ho tuaj rhais kaus cia lawm thiab no ua puas yuav muaj teeb meem. Toj xeem thiaj teb rau Yim Laj tias tub qaib tsis tau loos ntshav ntsej npua tsis tau los ntshav ntswg, leej twg tes ncab ces yog twg nyab leej twg tes ntev yog leej twg sev xwb. Toj xeem hais ntxiv tias yog nej cov hluas ntshai no los cia kuv mam nrog nej mus thiab, ces toj xeem txawm cia li npaj thiab nrog Yim Laj tuaj mus.
Yim Laj thiab Nkauj Ntxoo lawv txawm mus rau ntawm toj xeem lawv ntug zos uas yog ib lub roob teb npleg tej cav vau dub vog hos nplej ntau cua ntxiag txij khwb teeb thiab tej me qos ntoo uas cog xyaw nplej tab tom txij neej. Thaum cua tuaj ib vuag pom tej nplej ntxhee yees lawm tej phab roob hos tej nplooj qos ntoo co thoob teb hnov tuaj laj ntxiag thawj plaws nruab siab. Yim laj thiab Nkauj Ntxoo nkawd tseem tab tom tuav tes rawv nce cav ua si thiab yees duab yam lom zem xauv npos, tej thaum tshav kub heev nkawd ho dam tej nplooj qos ntoo coj los pua zaum rau hauv tej hauv paus qos ntoo haus dej thiab nkauj ntxoov ntxoo sib tham luag ntxhwb ntxhi. Ua ke ntawd txawm pom 2 tug tub hluas taug kev tuaj tshwm plaws, ntawd yog Nkauj Ntxoo tus txiv qhaib thiab nws tus phooj ywg. Nkauj Ntxoo tus txiv kwv ib rab phom askas hos nws tus phooj ywg kwv ib rab phom log thoob. Nkawd tuav rawv phom cuag li yuav mus nce khaib tab sis Nkauj Ntxoo los kuj tsis quav ntsej hu ib suab li, thaum ntawd Nkauj Ntxoo tus viv ncaus thiaj hu tias neb tuaj los, los peb yees dua ua si os. Nkawd teb ob tug npau taw vog thiab hais rau Nkauj Ntxoo tias koj cia li nrog wb rov mus tsev tam sim no. Nkauj Ntxoo teb tias peb tseem yuav yees duab neb kav tsij mus neb ib tsam tsaus ntuj peb mam los, ua rau nkawd nyob ntev loo tsis muaj qab hau nkawd txawm cia li tig hlo rov mus dub txig lawm. Yim Laj thiab Nkauj Ntxoo lawv rau siab ntso yees dua yuav luag tsaus ntuj hnub twb yuav poob qho lawv mam ua siab rov qab los mus rau tom Paj Huab lawv zos. Hmo ntawd Yim laj thiab Nkauj Ntxoo nkawd kuj tau rov qab los sib tham dua ib hmos tab sis cas ho tsis pom Nkauj Ntxoo tus txiv qhaib tuaj lawm thiab. Qhov tseeb tiag thaum Nkauj Ntxoo tus txiv nkawd tuaj pom Yim Laj thiab Nkauj Ntxoo lawv mus ua si li no ua rau mob nws lub siab npaum li ib lub npoos tawg, nkawd tseem rov qab mus raws nkawd tus mej koob nyob ze rau tim Yim Laj lawv zos lawm.
Hnub tom qab noj tshais tas nrho Yim laj thiab nws cov phooj ywg txawm cia li npaj thiab rov los mus tsev. Lub sij hawm los txog ib nrab ke tab tom los ncaj rau ntawm hmoob ib tag qub teb npleg ncua kev nqi hav lias yuav los mus rau nram ib tug dej loj Yim Laj txawm pom 3 tug txiv neej tab tom tuaj yuav luag txog lawv. Yim Laj thiab nws cov phooj ywg txawm cia li nres thiab zam kiag rau pem qaum kev, thaum 3 tug txiv neej ntawd tuaj ze Yim laj saib cas 2 tug ua ntej txawm yog Nkauj Ntxoo tus txiv thiab nws tus phooj ywg uas lawv tau ntsib thawj hnub dhau los hos tus lawv qab yog ib tug txiv neej laus taws li 45 xyoos uas nyob ze rau tim Yim Laj lawv zos nws txawm yog Nkauj Ntxoo tus txiv qhaib tus mej koob ntag thiab nws los kuj paub Yim Laj zoo. Lub sij hawm lawv tuaj ncaj zog rau ntawm Yim Laj nkawd tus me koob no thiaj tau hais lus khuj Yim Laj tias Yim Laj peb mus yuav koj tus hluas nkauj lawm nawb, Yim Laj los kuj ua siab txias thiab teb tias kuv twb tsis muaj hluas nkauj es. Tus mej koob no txawm hais ntxiv tias Nkauj Ntxoo na, peb mus yuav koj tus Nkauj Ntxoo lawm nawb, ua rau Yim Laj npau taws vog thiaj teb tias aws yog nej muaj peev xwm los kav tsij mus yuav los mas ces lawv txawm cia li dhau los lawm. Lub sij hawm dhau los ua rau Yim Laj tsis kaj siab thiab mloog ntsoov tias seb lawv mus hais puas tau Nkauj Ntxoo xwb. Tau ib as thiv tom qab thiaj mam hnov moo tias lawv mus hais tab sis Nkauj Ntxoo tsis kam yuav nws cov nus cia li muab lawv tu moo thiab lawv cia li rov los lawm tib co me txaj muag ntsuav, Yim laj thiaj mam zoo siab. Lub sij hawm lawv raug tu moo li no ua rau lawv tsis tau Nkauj Ntxoo nkawd tus mej koob thiaj chim thiab txawm yws hais tias tim Yim Laj tuaj xus xis rau lawm xwb ntag, yog txhob muaj Yim Laj ces lawv yeej hais tau lawm. Ua ke ntawd Yim Laj muaj ib txug txiv ntxawm uas nrog Nkauj Ntxoo lawv nyob thiab raug hu tuaj koom sab laj rau hmo ntawd thiaj tau teb tias nej tau zoo nyob ces nyob twj ywm nawb txhob hais ub hais no rau Yim Laj tsam Yim Laj tsis txaus siab tuaj ces nej ho tau ib ceg nrog tw thiab nawb. Thaum hnov li no lawm ua rau lawv 3 tug nraug vauv, phij laj, thiab mej koob cia li rov los lawm tib co mluas mlob.
Yim Laj hnov tias Nkauj Ntxoo tsis kam yuav nws tus txiv lawm tiag ua rau Yim laj zoo siab heev thiab ntseeg tias tej zaum Nkauj Ntxoo yeej hlub Yim laj lawm tiag. Lub sij hawm dhau mus tsis ntev uas ncaj rau lub caij las nplej Yim Laj thiab nws cov phooj ywg thiaj tau rov qab mus saib Paj Huab thiab Nkauj Ntxoo nkawd dua. Hnub ntawd Yim Laj thiab nws ib tug phooj ywg thiaj tau mus nrog Nkauj Ntxoo thiab nws ib tug viv ncaus dob nplej ib hnub, lub sij hawm lawv dob nplej nto ib kab teb tshav los kub cua los tsis tuaj lawv thiaj mus zaum so rau pem luag teb. Yim Laj thiab Nkauj Ntxoo nkawd thiaj tau los sib tham txog nkawd txoj kev yuav los nyob ua ke yav tom ntej, Yim Laj hais rau Nkauj Ntxoo tias yuav thaum twg koj thiaj kam mus nrog kuv nyob ? Nkauj Ntxoo los kuj teb tias kuv nyuam qhuav los nrog nej nyob xwb kuv hnov tias koj yog ib tug tub hluas txawj kwv txhiaj heev kuv xav cia kom noj peb caug kuv tau nrog koj pov pov yam tsawg kawg los li 3 hnub xwb ces kuv txaus siab sau siab zog mus nrog koj ua ib lub neej kom laus lawm.
» Nyiaj Txiag Pauv Tsis Tau Kev Hlub
» Caw Npauj Npaim rov tuaj qhia qee yam
» Nej leej twg Paub LorMong Lo
» Nyob zoo phooj ywg
» GVP thiab Hmoob txoj kev ua rog nyob nplog teb
» Xa Xov Rau Qub Phooj Ywg
» Nco Hauv Lub Tsev Pheeb Suab
» Nkauj Ntxoo Mus Tsheej Dab