Kev Zam Txim

Ab...yom lawv aj, yog tias koj tau ua rau ibtug neeg chim rau koj lawm no koj puas yuav kam mus thov nws zamtxim lossis zamchim rau koj na?

Kuv muaj obtug vivncaus uas nkawv ibtug ua rau ibtug chim lawm ces nkawd ciali tsis sib zamchim/zamtxim li ces pheej ua neej sibntxub lawm xwb es kuv twb pab nrhiav kev los rub kom tau nkawd rov los ua vivncaus tau ib xyoos no lawm tabsis pheej rub tsis tau tus niamhluas los nrog tus niamlaus ua vivncaus li lawm es yuav ua licas nas lawv aw?

Nej leejtwg puas muaj tswvyim pab qhia kuv os?

Ntawm kuv, txawm tias kuv yog ib tug txiv neej los kuv ib txwm ua tus swb xwb
vim kuv tsis xav kom neeg chim rau kuv. Thaum twg kuv pom tias hais los lwm tus
yuav chim ces kuv xum cia nws yeej xwb, qhov no zoo dua lawm.

Koj hais li los yeej yog mas tabsis kuv tsis yog hais koj thiab kuv nas me naib aw.

Hom neeg zoo li koj thiab kuv ces txawm yus yog tus yeej los cia yus ua tus swb es kom luag zoo siab los yeej tau mas tabsis qhov kuv hais no mas tsis yog lam hais kom lomzem hos kuv yeej muam ob tug vivncaus uas nkawd muaj teebmeem tiag tiag li es tus niamhluas muab liam rau tus niamlaus ua tus txhaum xwb ces tus niamlaus txawm tau thiab tsis tau los tus niamhluas ciali tsis kam zamchim li lawm, nws hais rau kuv tias nws ntxub nws tus niamlaus heev, ntxub txog qeb uas xav muab tus niamlaus hlais ib daig zujzus lawm xwb no nas, es yuav pab licas naw? Yog koj yog kuv, koj yuav pab li cas kom nkawd muaj kev sib nkagsiab nas lod?

Yog npaum li koj lawm ces qhov koj yuav pab tau tsuas hais rau tus niam hluas tias "NEB TWB YOG VIV NCAUS YOG NEB TWB SIB ZAM TXIM TSIS TAU thiab TSIS SIB HLUB LAWM PEB YUAV UA CAS MUAJ KEV CIA SIAB RAU NEB LAWM NO." Hais li no rau nws xwb nws mam coj mus xav nws ib ntus yog nws paub txaj muag ces nws yeej tuaj mus thov txim nws tus niam laus thiab tuaj ua koj tsaug lawm mas.

Lo lus no kuv twb siv muaj 2-3 zaug rau tej cov kwv tij tsis sib hlub los lawm thaum kawg lawv kuj tuaj ua kuv tsaug thiab lawv kuj txawj sib hlub lawm mas. Qhov kuv hais ntawd nws muaj tseeb, lawv yog niam txiv ib plab yug lawv twb tsis sib hlub lawv ho hais tias lawv yuav hlub tau yus nws yuav txhais li cas no? Yog thaum nws to taub kuv lo lus no mas mob nws tuag li hos.....

Yog, koj cov lus no yeej yog cov lus zoo lawm yog nws thim xav hnubtwg ces lolus no yeej kho tau nws lub siab thiab thaum ntawd nws yuav xav tsis tag thiab yuav khuvxim qhov nws ua phem tag los rau nws tus neeg lawm tabsis yog nws yeej tsis thim xav li ne, nws yuav ntxub tus neeg ntawd mus li lod?

Hmmm..., kuv twb hais rau nws tias zoo phem los yog vivncaus koom niam koom txiv tiag tiag li ces kom nws rub siab ntev txhob muaj tej kev khib siab los xav es cia muab tej khoom ntawd tso tseg tig rov los hlub nws tus niamlaus no tabsis nws hais rau kuv tias nws khuvxim nws tej khoom ntawd tshaj lawm no nas.

NtsujPlig,

Kuv twb qhia txog nkawd cov teebmeem rau hauv no tabsis xyov koj puas tuaj nyeem ces kuv muab delete lawm os mog.

Ua tsaug rau koj lub sijhawm nawd.