HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there are 3 users online :: 0 Registered, 0 Hidden and 3 Guests

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

niam  Hmoob  huam  tshiab  ntuj  txog  

Gallery


Log in

I forgot my password


    Seev suab sib dho

    Share

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Seev suab sib dho

    Post by Dok_Champa on Fri Apr 15, 2011 3:27 am


    ~*~ Paj tawg zoo nkauj tsw qab ib vuag dua
    tus neeg loj hlob txaus ces kev laus caum cuag
    Paj tawg zoo nkauj tshiab tshaj txhua yam
    Thaum tib neeg loj tiav txiv/niam ces rov laus lawm xwb mas
    Paj tawg tshiab ces muaj kab muaj muv los ntsauv
    Leej tib neeg loj tiav niam/txiv ces mus ua luag nyab thiab luag vauv
    Cas tsob me paj nim txawj tawg tas rov tawg dua
    Tib neeg ces tsua txawj loj laus ces tuag
    muab xav los tu siab ua luaj ~*~




    Lubpajzoo
    Moderator

    Posts : 455
    Join date : 2011-02-04

    Re: Seev suab sib dho

    Post by Lubpajzoo on Fri Apr 15, 2011 8:36 pm

    Wow!!!

    Dok_Champa,

    Koj zaj pajhuam no seev tau zoo ua luaj li os...,


    Tej paj ces ib xyoos tawg lawm ib phaum
    Tej neeg ces ib xyoos laus lawm ntau
    Tej paj ces ib xyoos tawg dua cov tshiab
    Tej neeg ces ib xyoos laus zujzus lawm tiag

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Fri Apr 15, 2011 9:55 pm

    LubPajZoo koj los kuj txawj seev thiab nes...
    koj twb seev tau zoo heev thiab..

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Fri Apr 15, 2011 10:42 pm

    Hahahahaa,

    Koj yuav kom peb seev suab sib dhos licas
    Kuv twb tsis pom koj seev txog li nas
    Koj yuav kom peb seev suab sib dhos no lod
    Kuv twb tsis txawj nrog nej seev li os

    Yuav seev suab sib dhos seev licas na
    Kuv twb tsis tau paub seev li thiab ma
    Yuav seev suab sib dhos seev licas thiaj yog
    Kuv twb tsis tau paub seev kiag li os

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Sat Apr 16, 2011 1:53 am

    Npauj npaim muaj ti ntxuaj
    npaum npaum thiaj txawj ya tuaj
    npauj npaim muaj ti ya
    npauj npaim thiaj ya hom khaj
    npauj npaim txawj ya txawj tsaw
    thiaj ya yuj yees nrhiav paj tawg

    hehehe seev sib dho li npauj npaim ya xwb mos.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Sat Apr 16, 2011 2:07 am


    Hahahahahaha,

    Npauj Npaim ces yeej muaj tis ya
    Tabsis tsis txawj hais lus sib dhos na
    Npauj Npaim lam seev xwb twb hais tsis dhos
    Vim li Npauj Npaim thiaj tsis paub hais los mos

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Sat Apr 16, 2011 5:07 am

    twb dho tau ntawm kos lawm mas me ntxhais npauj npaim aws.

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Thu Jul 14, 2011 9:58 pm

    Lub ncauj tsis muaj peev xwm hais, hauv kuv lub siab yeej hlub koj dua ntai. loluv zoo kuv hais tsis tawm, los koj yeej yog tus kuv hlub tshaj plaws. Kuv txawm hais tsis tau ib lo kom zoo koj siab, los kuv yeej hlub koj tiag tiag tsis muaj hnub tso cia. Vim kuv lub hlwb xav tau ntau2 los lub ncaum hais tsis tawm, thov koj txhob xav yuam kev ces wb txoj kev hlub yeej nyob mus ntev2 txog hnub wb ncaim ntiaj teb.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Thu Jul 14, 2011 10:33 pm

    Dok_Champa wrote:

    Lub ncauj tsis muaj peev xwm hais,
    hauv kuv lub siab yeej hlub koj dua ntais.

    lolus zoo kuv hais tsis tawm,
    los koj yeej yog tus kuv hlub tshaj plaws.

    Kuv txawm hais tsis tau ib lo kom zoo koj siab,
    los kuv yeej hlub koj tiag tiag tsis muaj hnub tso cia.

    Vim kuv lub hlwb xav tau ntau2 los lub ncaum hais tsis tawm,
    thov koj txhob xav yuam kev ces wb txoj kev hlub yeej nyob mus ntev2 txog hnub wb ncaim ntiaj teb kawg.

    Kuv nyiam koj txoj pajhuam no ua luaj li os.
    Kuv khaws mus cia kawm lawm nawd, heheheehee,

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Thu Jul 14, 2011 11:33 pm

    Npauj Npaim wrote:
    Dok_Champa wrote:

    Lub ncauj tsis muaj peev xwm hais,
    hauv kuv lub siab yeej hlub koj dua ntais.

    lolus zoo kuv hais tsis tawm,
    los koj yeej yog tus kuv hlub tshaj plaws.

    Kuv txawm hais tsis tau ib lo kom zoo koj siab,
    los kuv yeej hlub koj tiag tiag tsis muaj hnub tso cia.

    Vim kuv lub hlwb xav tau ntau2 los lub ncaum hais tsis tawm,
    thov koj txhob xav yuam kev ces wb txoj kev hlub yeej nyob mus ntev2 txog hnub wb ncaim ntiaj teb kawg.

    Kuv nyiam koj txoj pajhuam no ua luaj li os.
    Kuv khaws mus cia kawm lawm nawd, heheheehee,

    Nyob zoo me npaujnpaim, nyiam ces kawg xwb mas, vim yus yeej hais tsis tawm ces kawg yuav tau sau cias li no hehe

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Sat Jul 16, 2011 12:58 am

    Kuv ntseeg tias yog tus mloog ua zoo mloog ces tus hais yeej ua zoo hais thiab, tab sis yog tus mloog tsis ua zoo mloog ces tus hais los tsis xav hais ces thaum kawg yuav tau coj lus hais khaws tseg rau tej chaw zoo li no os.


    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Sat Jul 16, 2011 3:24 am

    Npauj Npaim wrote:Kuv ntseeg tias yog tus mloog ua zoo mloog ces tus hais yeej ua zoo hais thiab, tab sis yog tus mloog tsis ua zoo mloog ces tus hais los tsis xav hais ces thaum kawg yuav tau coj lus hais khaws tseg rau tej chaw zoo li no os.


    Kuj yog thiab, tiam si feem ntau zoo lis yus pheej muaj qhov ntshais lo sis txajmuag/tsis muaj cuabkav hais tawm thiab mas.

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Wed Apr 11, 2012 11:56 pm

    Tshav ntuj tuaj ci li iab

    ziag tag lawm tej me paj tawg tshiab

    ua rau kuv lub me siab yuj dua txhias niaj

    tshav ntuj tuaj ci ntsa li awv

    ziab tag lawm tej me paj tawg tshiab tawv

    yuav ua rau kuv lub me siab yuj li plaws

    lub hnub tawm plaws ces tshaj ntuj ci zoo

    yog tsis tau hnov koj lolus zoo ces kuv thiaj li nroo

    lub hnub tawm plaws ces tshav ci kaj lug

    txawm yuav zoo li cas los koj ib leeg thiaj yog kuv tus

    ces kuv yeej yuav nrog koj nyob li no mus.

    maivntximhlub

    Posts : 349
    Join date : 2011-02-05

    Re: Seev suab sib dho

    Post by maivntximhlub on Fri Apr 13, 2012 8:24 pm

    twb txog lub caij paj tawg tshiab
    niam kab menoog seev ua ntshua niab
    cas nplooj hmab thiab nplooj ntoo
    yuav txawj hlav tau mos nyuj nyoo
    ib xyoo dhau zuj zus lawm tiag
    cas zoo li yus ncaim deb zuj zus yus niam lub xub ntiag
    yus tawv muag txoom zom zaws
    yus tsom iav saib mas tu siab tshaj plaws
    yus twb laus caum tau yus niam
    yus rov saib yus mas ntxim ntxub twb tsis ntxim nyiam
    xav txog yav hluas thaum ub
    yus tig rov mus ntsia yus tus hlub
    cas yus thiab nws tseem hluas hluas kawg
    tseem txawj sib nco heev thiab sib ncawg
    niaj hnub mus ua si sib tuav tes ncig pas dej ntshiab
    yam nkaus ob tus me npauj npaim ya loj ya li sib tuav tw sib niab
    ua neej lub cev laus lawm tiag li
    los hauv kuv lub me siab tseem me me li thaum i....

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Sat Apr 14, 2012 1:16 am

    me maiv ntximhlub cas nws nim yuav tuaj seev tau kho siab khuav

    yog hnub twg tsis muaj nws tuaj nrog niam seev ces ntshai niam yuav zaum tsaws quaj

    ntshai yuav tsis xav tuaj zov tej chaw ntawm no

    nthais yuav muab me maivntxim hlub nco nco tsis paub nyob

    cas sij hawm nim lawm zuj zus tiag

    ntshai tsis ntev yuav ploj pliag

    yuav ua licas nco nco tej kev no cia...

    NkaujNyiag

    Posts : 101
    Join date : 2011-02-11

    Re: Seev suab sib dho

    Post by NkaujNyiag on Mon Apr 16, 2012 8:32 am

    Nyob zoo cov sister Dok Champa, Maivntximhlub thiab Npaujnpaim

    Nej sab ntuj nim tshaj ntuj ci iab
    Nej muaj zoo lawm thaj chaw txawb
    Nej cov me paj thiaj tawg tau dawb dawb
    Nej tham muaj zaj muaj zaus
    Nej nim tham tau lom zem xauv npo
    Kuv tuaj txog xav zoj tsis seev
    Los cas kuv lub siab tsis kheev
    Seev los cas sau tsis dho
    Nej lam nyeem kuv thiaj muaj siab tuaj zaum tos...hahahahaa

    Nyob zoo nej thiab zoo siab rov tuaj ntsib nej os cov sisters aw!






    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Mon Apr 16, 2012 6:23 pm

    Nyob zoo rau koj thiab os nkaujnyiag, txawm seev tsis yog los mam sib kho

    txawm hais tsis raug los mam rov sau

    peb sawv daws los yeej tseem xyaum tas zaj tas zog

    txawm sau tsis raug los kawg rov sau kom sib dho

    li no xwb ces ib hnub twg yeej sau tau zoo lawm os mog.

    zoo siab pom koj rov tuaj ncig txog hos nrog peb tham kom thiaj lom zem xauv npo

    NkaujNyiag

    Posts : 101
    Join date : 2011-02-11

    Re: Seev suab sib dho

    Post by NkaujNyiag on Fri Apr 20, 2012 8:51 am

    Nyob zoo Maivntximhlub, Dok Champa, Npaujnpaim, Tubzoonraug thiab phoojywg sawv daws...

    Nej sawv daws nyob li cas lwm xwb os....
    Xav tuaj nrog nej seev duab dho
    Kom txawj hais lus zoo thiab mos
    Xav tuaj nrog nej hais paj ntsha
    Seb puas muaj hnub peb lub koob nrov npe ncha
    Xav tuaj nrog nej tham
    Kom peb txoj kev phoojywg txhob plam

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Fri Apr 20, 2012 9:55 pm

    Nyobzoo os, Dok Champa, Tubzoonraug, Maivntximhlub, NkaujNyiag, PajHmabPajNtoos, Ntsujplig, thiab lwmtus uas kuv hais tsis tag npe los thov zamtxim mog.

    Ncaim nej tau ntev lawm, hnub no rov tuaj pom nej nyob luagntxhi thiab tuaj tu vajtse dulug nyob tshiabkhiv xwb ua rau kuv nco nco nej heev li os.

    Nej puas nojqab nyobzoo? Cas kuv yuav nco nej ua luaj tabsis kuv busy heev rau kuv txoj haujlwm no es kuv twb tig tsis tawm cev los nrog nej tham li.

    Ua nej tsaug qhov nej tuaj nyob zov lub ntuj no pub rau kuv mog.

    Mam ntsib nej ntxiv...,

    Hlub..., NpaujNpaim


    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Tue May 08, 2012 1:11 am

    Nkauj Nyiag thiab npaujnpaim, Kuv ces yeej tseem nyob noj qab zoo li qub

    qhov kuv laj nyob ces yog nco nco nej txhuas hnub

    thiaj nrhiav ib lub zos dhaus lawm ib lub zo

    los twb tsis pom nej qhov twg li os...

    Ntsuj_Plig
    Moderator

    Posts : 604
    Join date : 2011-02-15

    Re: Seev suab sib dho

    Post by Ntsuj_Plig on Wed May 16, 2012 5:40 am

    Dok Champa kuv leej niam zoo
    thov nug moo nws nyob li cas
    puas nco ras kuv yog nws tub
    muaj ib hnub nws qhia kuv hu
    hnia nws plhu niam puag me tub
    niam mam hlub ntsujplig tsis ploj
    thaum tub loj mam puag niam pw
    niam mas tsw qab kawg li tiag.....hahaha

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Seev suab sib dho

    Post by Dok_Champa on Wed May 16, 2012 11:23 pm

    Ntsuj_Plig wrote:
    Dok Champa kuv leej niam zoo
    thov nug moo nws nyob li cas
    puas nco ras kuv yog nws tub
    muaj ib hnub nws qhia kuv hu
    hnia nws plhu niam puag me tub
    niam mam hlub ntsujplig tsis ploj
    thaum tub loj mam puag niam pw
    niam mas tsw qab kawg li tiag.....hahaha

    wow niam me tub ntsujplig
    cas yuav hais tau lus ntxhi
    zoo zoo cuag li
    ua tsaug rau nws tej lus zoo
    los kiag ntawm no niam mam puag lias
    thiab hnia nws ib pas kom nws nco ntsoov.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Sat May 19, 2012 3:05 am

    Kuv tsis txawj seev suab sib dho ces kuv mam tuaj mloog nej seev xwb os..., Smile

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Seev suab sib dho

    Post by Npauj Npaim on Wed May 23, 2012 12:52 am

    Ua cas lub ntiajteb no yuav tsaus ntuj nti
    Tuaj thaum twg los tsis muaj ib tug neeg li
    Ua cas lub ntiajteb no yuav nyob nphob xuav
    Tuaj thaum twg los tsis hnov ib lub me suab

    Rooj teb no cas yuav nyob tau kho siab zim
    Tuaj thaum twg los tsis pom leej twg kiag li
    Rooj teb no cas yuav nyob tau ntsiag to
    Tuaj thaum twg los tsis pom leej twg los

    Nej txawm yuav cia kuv nyob ib leeg xwb ntag
    Tuaj thaum twg los tsis pom xyov nej dua twg tag
    Nej txawm yuav cia kuv nyob ib leeg xwb tiag
    Tuaj thaum twg los tsis pom leej twg kiag..., Sad

    NkaujNyiag

    Posts : 101
    Join date : 2011-02-11

    Re: Seev suab sib dho

    Post by NkaujNyiag on Sun May 27, 2012 8:01 am

    Niamlaus Npaujnpaim
    Nws sab ntuj twb kaj tshiab
    Muaj zoo lawm tus zoo ntxhiab
    Me kab me muv twb ya los txog ze
    nws sab ntuj twb nyob tau kaj nrig
    Muaj zoo lawm phoojywg tuaj ncig
    Nws txhob seev seev
    Nws lub siab thiaj tsis ua mob nkig

    Yuav tsis cia nws nyob ib leeg
    Vim muaj num ntau thiaj ncig tuajtsis tau
    Tseem npaj siab yuav rov tuaj sau
    Txhob chim txhob nros
    peb kev phoojywg tseem ruaj khov
    Nkaujnyiag mus lawm los tseem yuav rov tuaj cuag nws nov






    Sponsored content

    Re: Seev suab sib dho

    Post by Sponsored content Today at 5:59 pm


      Current date/time is Mon Dec 05, 2016 5:59 pm