HMOOB NTUJ TSHIAB

TXOJ KEV HLUB FORUM

December 2016

SunMonTueWedThuFriSat
    123
45678910
11121314151617
18192021222324
25262728293031

Calendar Calendar

Top posters

Npauj Npaim (1385)
 
Ntsuj_Plig (604)
 
Lubpajzoo (455)
 
Tubzoonraug (408)
 
Dok_Champa (368)
 
maivntximhlub (349)
 
NkaujNyiag (101)
 
PajHmabPajNtoos (96)
 
Tojxeem (94)
 
Nkauj_Hli (88)
 

Latest topics

» NCO KUV LUB QUB ZOG
Fri Nov 18, 2016 11:01 pm by Ntsuj_Plig

» Paj Huab & Yim Laj Lub neej hluas
Mon Oct 24, 2016 7:53 pm by Ntsuj_Plig

» Soob NTxawg Thoj Cov Lus Tham
Fri Sep 09, 2016 12:01 am by Ntsuj_Plig

» Lub neej zoo tam li dej ntws
Sat May 21, 2016 1:23 pm by Ntsuj_Plig

» Roob Cuam Kau Lub Neej Ib Vuag Dua
Tue May 03, 2016 8:13 pm by Ntsuj_Plig

» Qee yam zoo thiab qee yam phem
Fri Apr 15, 2016 12:45 pm by Ntsuj_Plig

» Koj puas xav paub??
Thu Mar 31, 2016 10:39 pm by Ntsuj_Plig

» NYIAJ TXIAG PAUV TSIS TAU KEV HLUB
Wed Mar 02, 2016 9:09 pm by Ntsuj_Plig

» Ntsuj Plig Tsis Zoo Li Neeg Ntiaj Teb
Mon Feb 29, 2016 1:40 am by Ntsuj_Plig

Who is online?

In total there is 1 user online :: 0 Registered, 0 Hidden and 1 Guest

None


Most users ever online was 80 on Sat Jun 30, 2012 10:41 pm

Statistics

Our users have posted a total of 4110 messages in 214 subjects

We have 36 registered users

The newest registered user is cwj mem hmoob

Keywords

Hmoob  txog  ntuj  niam  huam  tshiab  

Gallery


Log in

I forgot my password


    Ncaim Cev Tsis Ncaim Siab

    Share

    Npauj Npaim
    Moderator

    Posts : 1385
    Join date : 2011-02-11
    Age : 41

    Ncaim Cev Tsis Ncaim Siab

    Post by Npauj Npaim on Sat Feb 12, 2011 12:58 am

    First topic message reminder :

    Ncaim Cev Tsis Ncaim Siab



    Ncaim Cev Siab Quaj Dhi,


    Lub cev lam ncaim koj mus...,
    Lub siab tseem niaj hnub hlub...,
    Lub cev lam tias ncaim koj mus li...,
    Lub siab mob kub lug zoo li yuav khis...,

    Lub cev lam ua ib siab tso koj tseg...,
    Lub siab mob lub plawv yuav nres...,
    Lub cev lam ua ib siab mus...,
    Lub siab mob cuag tu...,







    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Aug 05, 2011 3:27 am

    Npauj Npaim Txoj Kev Hlub, continues...,

    Hnub xiab peb:

    Hnub xiab peb thaum sawv ntxov Npauj Npaim sawv los ua tshais. Nws tawm mus nqa taws los rauv ces txawm muaj ob tug tubhluas nyob sab nraum zoov ua rau nws ntshai. Nws txawm qw ib suab tias, “Kuv niam aw!!!” Nws niam txawm hnov thiab sawv tsees lawv nws qab mus saib yog muaj abtsi. Thaum nws niam tuaj txog pom nws sawv nrog ob tug tub Hmoob xwb. Tabtom nws niam tawm plaws tuaj hu tias, “Me ntxhais, ua cas rau koj na?”
    Ob tug tub Hmoob ntawd ceeb thiab nyias fee nyias lawm ces Npauj Npaim thiaj khiav loo los mus tsev lawm. Npauj Npaim ntshai thiab tsis kam mus tim tshav pob hnub no. Nws thiaj tsis npaj mus ces nws tsis hnav zam tshiab lawm. Thaum lub hnub tawm tuaj ci ntsa iab uas me duab tshav ntuj kom nyos los rau ntawm lawv qhov rooj ces txawm pom Ntsujplig tuaj txog ntawd. Ntsujplig los khob qhov rooj ces Npauj Npaim niam mus qheb thiab hu tias, “Tuaj los metub.”
    “Aws, Npauj Npaim puas nyob lawm os?” Ntsujplig nug Npauj Npaim niam ces nws thiaj teb tias, “Los tsev os, Npauj Npaim nyob hauv tsev tos koj os.”
    Thaum Ntsujplig los txog ces Npauj Npaim thiaj hu tias, “Koj tuaj lod?”
    “Aws, ua cas koj tsis hnav khaubncaws nrog kuv mus uasi mas lod?”
    “Kuv…, wsm…, kuv…,” Npauj Npaim tsis paub yuav teb licas ces Npauj Npaim niam thiaj hais rau Ntsujplig tias, “Metub, hnub no Npauj Npaim tsis tshua xis neej es koj txhob xav licas thiab koj txhob tos nws mog. Koj kavtsij mus nrog lawv muaj kev lomzem tim tshav pob es cia Npauj Npaim so ib chim nws taubhau zoo nws mam li tuaj nrhiav koj nawd.”
    “Wsm…, yog li puas kam kuv nrog Npauj Npaim nyob ib pliag kuv mam mus os, niam phauj?” Ntsujplig nug.
    “Tau mas, ces neb nyob kuv mus lawm od,” Npauj Npaim niam hais tag ces nws tawm mus lawm thiab. Nkawv thiaj nyob hauv tsev tham. Npauj Npaim thiaj hais rau Ntsujplig tias, “Ntsujplig, ua tsaug koj tuaj saib kuv nawd.”
    “Kuv txhawj koj na, Npauj Npaim, kuv thiaj tuaj ncig saib puas pom koj tawm qhov twg tuaj tabsis kuv ncig txog twg los tsis pom koj tawm li ces kuv thiaj txiav txim siab los tos koj hauv koj tsev. Uali puas kam qhia kuv tias puas yog naghmo koj nyob lig lig es thiaj ua koj mob taubhau ma?”
    “Tsis yog os. Naghmo ces koj mus lawm kuv twb mus pw lawm thiab tabsis tagkis no kuv sawv los phoom neeg ua rau kuv ceeb ces kuv ciali mob taubhau lawm xwb os.” Npauj Npaim teb rau Ntsujplig. Ntsujplig txawm hais ntxiv tias, “Koj phoom neeg abtsi na? Koj sawv ntxov mus abtsi es ho phoom neeg no?”
    “Kuv sawv ntxov ua tshais xwb tabsis txhua zaus ces kuv nqa taws mus tso rau hauv tsev thaum kajntug kuv sawv kuv thiaj tau taws rauv hos naghmo ces kuv tsis nco qab nqa taws mus cia tau rauv lawm es tagkis no kuv tawm tuaj nqa taws kuv thiaj ceeb neeg xwb os.”
    “Aud, yog li ces koj tsis mus no thov kuv nrog koj nyob puas tau mas lod?” Ntsujplig nug. Npauj Npaim thiaj teb tias, “Tau mas, tabsis tsam koj cov neeg nrhiav nrhiav koj ned?”
    “Tsis ua cas li os. Tsuav koj kam ces kuv nrog koj nyob zoo dua mus nrog kuv tej phoojywg nyob os,” Ntsujplig hais luag ntxhi rau Npauj Npaim ua rau nws zoo siab thiab luag ntxhi rau Ntsujplig thiab.


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Aug 05, 2011 3:29 am

    Npauj Npaim Txoj Kev Hlub, continues...,

    Nkawd nyob ib chim ntev loo ces tsis pom Npauj Npaim thiab Ntsujplig tshwm rau qhovtwg li. Ua rau Maiv Paj thiab Tub nkawd pib txhawj ces Maiv Paj thiaj hais rau Tub tias kom nkawd los nrhiav Npauj Npaim seb yog ua licas rau nws lawm no ces nkawd thiaj los txog ntawm Npauj Npaim tsev thiab hu tias, “Nyobzoo os, Npauj Npaim, koj puas nyob hauv tsev os?”
    Npauj Npaim hnov lub suab yog Maiv Paj lub suab ces nws thiaj tawm tuaj qhib qhov rooj thiab hu tias, “Nyobzoo os, Maiv Paj thiab Tub. Neb tuaj lod?”
    “Aws, wb tuaj saib koj na vim tsis pom koj tshwm ib tagkis no li es thiaj txhob txwm los saib koj seb koj puas nyobzoo xwb os,” Maiv Paj hais.
    “Los tsev tso mam tham os,” Npauj Npaim hais rau nkawd thiab nkawd nkag los rau hauv tsev lawm. Thaum nkawd los txog ces Maiv Paj thiaj nug ntxiv tias, “Koj puas nyobzoo ua cas koj tsis tuaj tim tshav pob mas lod?”
    “Kuv muaj ntsis mob taub hau xwb os,” Npauj Npaim teb.
    “Mob taub hau licas nas? Puas yog neb nyob ib hmos tsis tsaugzog thiaj mob nas, hehehehehe,” Maiv Paj luag. Npauj Npaim thiaj teb tias, “Maiv Paj, leej twg nim yuav tau zoo nyob li koj hais nas lod?”
    “Thov zam txim os, kuv tso dag xwb los mas,” Maiv Paj hais luag ntxhi rau Npauj Npaim thiab. Npauj Npaim tsis hais lus lawm ces Maiv Paj thiaj hais ntxiv tias, “Npauj Npaim, kuv tso dag xwb na. Kuv yeej paub tias koj tsis nyiam nyob hmo ntuj nrog leej twg hlo li tabsis kuv tseem hais li ntawd rau koj lawm thiab es thov zam txim os.”
    “Maiv Paj, tsis ua cas os. Tos kuv tsis tuaj los vim kuv tsis xav tuaj xwb es ua tsaug koj los saib kuv os,” Npauj Npaim hais rau Maiv Paj.
    “Aws, twb yog tsis pom koj tuaj ua rau kuv txhawj kuv thiaj los saib koj xwb. Yog tias koj yeej mob taubhau tiag ces kavtsij so es ib chim taubhau zoo mam tuaj peb uasi ntxiv nawd,” Maiv Paj hais rau Npauj Npaim.
    “Aws, uali os. Ib pliag kuv taub hau zoo kuv mam tuaj nrhiav koj nawd,” Npauj Npaim hais rau Maiv Paj. Maiv Paj thiaj teb tias, “Uali, ces wb mus lawm nawd.”
    “Aws, mus zoo neb os,” Npauj Npaim hais rau Maiv Paj thiab Tub nkawd ces nkawd txawm mus lawm.


    To be continues...,

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Sat Aug 06, 2011 2:21 am

    Npauj Npaim............

    Kuv tuaj lawm os, txhob tsaug zog lawm kav tsij los sau wb zaj dab neeg kuv yuav nyiag nqa mus ua ib phau ntawv tseg rau wb tej me nyuam tau nyeem hos....

    Kuv zaum no nyeem dab neeg tos koj nawb mog, txhob qaug zog kav tsij tuaj sau ntxiv os mog.




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:32 am

    Hahahahaa, puas yog mas? Yog tias koj txhawb kuv lub zog tiag no kuv yuav tuaj sau ntxiv mas vim kuv nyiam sau dabneeg heev li nas.

    Koj xav nqa mus los tau tabsis koj yuav tau los sau koj part rau hauv thiab mas thiaj zoo nawd.

    Zoo siab ntsib koj hnub no lawm os.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:34 am

    Npauj Npaim Txoj Kev Hlub, continues...,

    Thaum nkawd mus lawm ces Ntsujplig thiaj hais rau Npauj Npaim tias, “Npauj Npaim, puas muaj tseeb tias koj yeej tsis nyob hmo ntuj li mas lod?”
    “Wsm…, kuv tsis tau luag nyob hmo ntuj ces txog caij pw kuv mus pw lawm kuv yeej tsis tawm hmo ntuj li os,” Npauj Npaim teb rau Ntsujplig. Ntsujplig thiaj hais ntxiv tias, “Puas yog mas? Kuv hais qhov nyob nrog hluasnraug es koj puas nyob li mas lod?”
    “Kuv twb hais tias kuv tsis nyob no ned, koj tsis ntseeg los tsis ua cas vim koj los twb tsis tuaj saib kuv li thiab ces txawm kuv yuav hais tiag los koj yeej tsis ntseeg li os,” Npauj Npaim hais rau Ntsujplig.
    “Kuv tsis tuaj vim kuv mloog kuv niam thiab kuv txiv hais lawm xyov yog los tsis yog tabsis kuv yuav tau mloog vim kuv tseem tsis tau muaj peevxwm tawv kom dhau nkawd ob tug laus xwb.”
    “Koj hais li es nkawd txwv tsis pub koj tuaj hmo ntuj tuaj saib kuv lawm lod?” Npauj Npaim nug. Ntsujplig thiaj teb tias, “Tsis yog li koj xav. Qhov nkawd hais kuv kom txhob mus yos hmo ntuj yog vim nkawd xav zoo thiab txhawj kuv vim nkawd hlub kuv xwb. Nkawd hais tias txawm yus yog ibtug metub los tsis txhob tawm mus yos hmo ntuj vim muaj tej neeg siab phem xyaw siab zoo tawm uake rau hmo ntuj ces tsam yus mus ntsib tej neeg siab phem ces yus yog muaj teebmeem no. Thiab kuv txiv hais tias yog yus nyiam ibtug hluasnkauj twg lawm tiag mus ntsib nws nruab hnub xwb txaus lawm tsis tas yuav tsum mus ntsib nws hmo ntuj li. Yog thaum yus tus hluasnkauj thiab yus yeej sibhlub lawm tiag tiag ces txawm yus tsis mus ntsib nws hmo ntuj los nws yeej yuav tswj nws tus kheej nyob tos yus no es uali puas yog li nkawd hais thiab mas lod?”
    Npauj Npaim tseem xav tsis tau teb ces Ntsujplig hais ntxiv tias, “Koj tsis teb kuv puas yog koj chim tias kuv tsis tuaj ntsib koj no mas?”
    “Tsis yog, qhov kuv tsis teb koj ntawd yog kuv tseem muab koj cov lus los ua zoo xav seb puas yog xwb,” Npauj Npaim hais.
    “Aud, uali koj twb xav tau lawm lod? Koj puas xav tias qhov kuv niam kuv txiv nkawd hais kuv ntawd puas tseem ceeb thiab no?” Ntsujplig nug Npauj Npaim.
    “Wsm…, kuv xav tias koj niam koj txiv nkawd yeej hais yog lawm. Ntawm kuv tus kheej, kuv tsis tau qhia koj tabsis kuv yeej coj li ntawd thiab. Kuv yeej xav lawm tias nruab hnub kuv yuav nrog leej twg tham los tau tabsis hmo ntuj kuv yuav tsis tham vim ntuj dub ntuj tsaus kuv tsis paub luag siab thiab tsis pom luag zoo licas ces kuv yuav tsis tham hmo ntuj tsam raug neeg phem dag kuv poob ntsejmuag no. Uali koj ho xav licas rau kuv tej kev xav no thiab ma?”
    “Npauj Npaim, kuv tseem ntshai tias tsam kuv tsis tuaj saib koj hmo ntuj ces koj yuav hloov siab mus tham luag lwm tus tseg kuv nyob tsis muaj tug no. Tabsis yog koj ua tau li qhov koj hais no tiag ces kuv yeej txaus siab rau koj tej kev xav thiab tso siab tau rau koj tias koj nyiam ib yam li kuv niam thiab no es kuv yim huab zoo siab xwb,” Ntsujplig hais luag ntxhi rau Npauj Npaim.
    “Wsm…, kuv yeej nyiam li qhov kuv hais ntawd. Hmo ntuj txawm muaj koj thiab tsis muaj los kuv yeej pw deb ntawm lub phob ntsa kuv yeej tsis nrog leej twg tham li. Tsis yog tias tsis muaj neeg tuaj, yeej muaj tus puav tuaj tabsis kuv yeej tsis tham lices nim no lawv twb tsis tuaj thab kuv li lawm. Kuv yeej qhia qhov tseeb rau koj xwb koj tsis ntseeg los tsis dua ntawm koj xav lawm xwb,” Npauj Npaim hais rau Ntsujplig. Ntsujplig thiaj teb tias, “Npauj Npaim, kuv thov qhia rau koj tias koj yog tus coj haum kuv lub siab lawm. Txawm kuv tsis tau muaj dua ibtug hluasnkauj nyob qhovtwg li ua ntej koj los kuv xav tias yog koj tsis xyeej kuv no kuv yuav coglus rau koj tias kuv yuav hlub koj ib leeg nkaus xwb. Uali koj puas kam cog kev hlub nrog tias txawm yuav zoo licas los yuav nyob tos kuv no mas lod?”
    “Wsm…, kuv los yeej tsis tau muaj ibtug swm hluas nyob qhovtwg li. Ua ntej koj tsis tau ntsib kuv, kuv yeej muaj tus puav phoojywg tabsis kuv twb tsis nyiam lawv ua kuv tus hlub li. Kuv muab lawv zeem ua nus muag lawm xwb. Kuv yeej tsis tau cog lus hlub nrog leejtwg li.” Npauj Npaim hais.
    “Koj twb tsis tau teb kuv lolus nug ne?” Ntsujplig nug tag ces Npauj Npaim thiaj teb tias, “Koj xav kom kuv nrog koj cog lus kev hlub. Kuv yeej hnov koj los ntawd lawm tabsis qhov kuv tsis tau teb koj ces vim tias koj thiab kuv wb tseem yau heev li. Nyuam qhuav hlob xyoo no xwb twb tsis tau paub dejnum yuav pib tog twg los. Kuv xav tias cia wb txhob rawm cog lus kev hlub cia tos me ntsis ntxiv tso seb koj ua puas tau siab ntev xwb?”
    “Npauj Npaim, yog koj hais li ces cia wb ua phoojywg li no mus ob peb hlis ntxiv, tabsis thov koj coj lub siab ncaj rau kuv li koj tau qhia kuv hnub no nawd. Vim tias kuv txhawj koj heev li na,” Ntsujplig hais ntsia ntsoov rau Npauj Npaim xwb. Npauj Npaim thiaj teb tias, “Ntsujplig, txij li hnub wb sib paub los txog rau tam sim no, kuv twb coj ncaj rau koj ned.”
    “Npauj Npaim, kuv yeej paub, tabsis kuv txhawj koj na. Yog tias lam ua tau li kuv lub siab xav xwb mas kuv yeej xav kom hnub no, hmo no, koj yog kuv tug kuv li mus tag ib txhis xwb. Tabsis vim xav tau ua tsis taus, vim yus hlob cev tsis tau hlob siab txaus ces thov koj txhob ua rau kuv tu siab nawd,” Ntsujplig hais ntsia ntsoov rau Npauj Npaim. Npauj Npaim thiaj teb tias, “Ntsujplig, kuv xav tias yog wb coj wb ob lub siab ib pwm li no mus xwb ces yeej yuav muaj hnub no thiab yuav muaj lwm hnub thiab lwm xyoo rau wb ua lub neej laus nyob uake xwb, koj xav puas yog ma?”
    “Aws, cia mam yuav li koj hais.”

    To be continues...,


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:39 am

    Ntsuj Plig,

    Tseem tshuav ntev heev li thiaj sau tag tabsis kuv tsis xyeej sau pes tsawg lawm ces koj tuaj sau mus ntxiv mas lod?

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:40 am

    Npauj Npaim Txoj Kev Hlub, continues...,

    Nyob rau tim tshav pebcaug, Npauj Npaim tus phauj los nrhiav tau Npauj Npaim niam ces nws txawm hu tias, “Nyobzoo os, Npauj Npaim niad.”
    “Aws, nyobzoo os, phauj.”
    “Ua cas hnub no kuv ncig ib hnub tsis ntsib nej li twb xav tias ntshe nej tsis tuaj no nas, nyab aw,” tus phauj hais. Npauj Npaim niam mam teb tias, “Peb tuaj mas, tabsis tuaj lig lawm xwb os.”
    “Uali Npauj Npaim ned, kuv twb tsis pom nyob qhovtwg li thiab ned?”
    “Npauj Npaim los?”
    “Aws, kuv twb nrhiav seb hnov lawv tham tias naghmo nws hais kwvtxhiaj zoo heev no ces kuv thiaj los nrhiav mloog nws hais kwvtxhiaj no na. Uali nws ho mus dua twg lawm os?”
    “Aud, nws ces nyuam qhuav hlob xwb twb hais kwvtxhiaj tsis zoo li os.” Npauj Npaim niam hais rau lawv tus phauj.
    “Uali nws nyob rau qhovtwg lawm cas kuv nrhiav tsis tau li na?”
    “Twb yog hnub no nws muaj ntsis mob taubhau ces nws tsis tuaj lawm os,” Npauj Npaim niam hais qhia rau lawv tus phauj.
    “Aud, mob taubhau lawm lod?”
    “Aws, yog mas, phauj. Twb yog tagkis no nws sawv los ua ntshais tag ces nws hais tias nws muaj ntsis mob taubhau ces kom peb tuaj nws nyob hauv tsev lawm no.”
    “Aud, tos tias kuv nim nrhiav tag nrho qhov txhia chaw tsis pom li ntshe yog nws nyob tsev lawm tiag pod,” tus phauj hais.
    “Aws, yog mas,” Npauj Npaim niam teb tag ces tus phauj txawm siv hais ntxiv tias, “Yog hnub no nws tsis tuaj no tagkis coj tuaj hais kwvtxhiaj rau peb mloog nawd. Tsam lwm hnub peb yuav sibncaim lawm ces ntshe yuav ntev mam sibntsib od.”
    “Aws, ua li os,” Npauj Npaim niam teb lawv tus phauj.

    To be continues...,

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:42 am

    Ntsuj Plig,

    Koj tsis teb kuv los tsis ua cas, kuv yuav muab qhov xaus qhia rau koj hauv no es seb koj puas xyeej sijhawm tuaj sau kom tag nawd.

    Qhov zoo ces zoo li no xwb:

    Tom qab noj pebcaug tag tau tsis ntev, Ntsuj Plig mus kawm ntawv rau nram nroog lawm ces hnov tias Npauj Npaim yuav txiv lawm no. Qhov no ces yog lawv phauj tus tub tuaj nqes tsev hais Npauj Npaim tabsis Npauj Npaim tsis kam yuav. Muaj neeg taug xaiv mus qhia rau Ntsuj Plig tias Npauj Npaim yuav txiv lawm no ces Ntsuj Plig chim siab heev li.

    Lub hli tom qab xwb ces tebchaws tawg, nyias khiav nyias lawm ces thaum lawv khiav los txog rau nram Thaibteb, Ntsuj plig cov phoojywg twb qhia rau nws tias Npauj Npaim tsis tau yuav txiv no tabsis nws tsis ntseeg, nws ciali los tham hluasnkauj thiab yuav pojniam lawm. Tom qab nws yuav pojniam tag, Npauj Npaim lawv mam tsiv los txog ces Ntsuj Plig pom Npauj Npaim nrog nws niam lawv nyob tseem tsis tau yuav txiv ces nws thiaj tuaj hais thov txim tabsis Npauj Npaim tu siab tias nws tsis tos Npauj Npaim tiag ces Npauj Npaim chim rau Ntsuj Plig lawm.

    Vim Ntsuj Plig tsis tos, nws tsis saib tom ntej tom qab, nws chim thiab yuav pojniam lawm ces nkawd txoj kev hlub thiaj li tag li no thiaj tsis sib tau rau tim neej no.

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Sat Aug 06, 2011 2:45 am

    Good Luck!


    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Mon Aug 08, 2011 2:32 am

    Oh...............Koj hais tau zoo kawg lis os Npauj Npaim

    Tsis yog kuv tsis kam teb koj los yog tsis kam nrog koj sau tab sis kuv saib koj zaj dab neeg nws tsis yog lam sau nws yog ib zaj tiag lawm kuv thiaj xav cia koj sau kom tas kuv ua tus nyeem xwb, vim tias yog kuv sau nrog koj muaj qee qhov nws yuav tsis raug raws li zaj dab neeg lawm na. Cia koj sau tas zaj no kuv mam tuaj sau ib zaj rau wb nyeem nawb.

    Ua tsaug mog




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Tue Aug 30, 2011 7:23 pm

    Me naib aw..., tsis ua licas li os mog. Kuv tso dag me me kom koj kub siab rov qab tuaj nyeem wb txoj keebkwm xwb os mog.

    Yeej yog li koj hais thiab tabsis yog koj ho tuaj nrog kuv sau ces kuv yeej txawj sau raws koj seem thiab mas. Es txhob xav li ntawd, yog koj xav sau ces cia li los sau xwb os mog.

    Zoo siab rau koj cov lus heev li os, me naib siab zoo.

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Wed Sep 21, 2011 11:27 pm

    hahaa......NpaujNpaim

    Cas hnob no yuav tau ib lo lus qabzib ua luaj li os "Me naib" Lo lus no kuv ib txwm ntshaw thaum kuv niam yug kuv poob nthav los lawm tab sis tsis muaj neeg hu kuv ua Me Naib li, hnub no koj yog tus hais thawj zaug mas zoo kuv siab tiag li, thov ua tsaug nawb mog tus me neeg zoo.




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Thu Sep 22, 2011 6:35 pm

    Hmmm..., ua rau kuv xav tsis thoob lawm thiab laiv..., vim tias txhua leej niam uas zoo nws yeej hu nws cov menyuam ua, "Menaib" no nas. Kuv xav tias koj niam yeej hu koj ua menaib no lawm tabsis koj tseem hau heev tsis nco qab lawm xwb os.

    Yog koj nyiam ces kuj hu koj cov menyuam ua menaib no xwb mas nawd.

    Thov Vajtswv povfwm koj mog, menaib siab zoo.

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Sun Sep 25, 2011 10:40 pm

    Ummmm......kuv tsim kam hu lawv ua minaib, vim kuv twb xav yog menaib rau koj lawm xwb ntag...hahaaa
    rau qhov koj twb hu kuv ua me naib lawm ne...




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Tue Sep 27, 2011 2:24 am

    Oh lod?

    Uali mas me naib aw. Ua tsaug rau nws cov lus zoo thiab os mog.

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Tue Sep 27, 2011 3:47 am

    KUV LOS UA TSAUG RAU KOJ LO LUS "MENAIB" THIAB OS MOG

    GOOD NITE MOG




    bird love Pictures, Images and Photos

    "Koj xwb thiaj yog tus kuv hlub"

    Dok_Champa
    Moderator

    Posts : 368
    Join date : 2011-04-14
    Age : 46
    Location : Dawm Cua Hlob

    Re: Ncaim Cev Tsis Ncaim Siab

    Post by Dok_Champa on Thu Sep 29, 2011 6:15 pm

    hehe neb mas txawj sib teb kawg yom...

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Thu Sep 29, 2011 11:54 pm

    Hahahaha, nyobzoo os, Dok Champa,

    Kuv twb tu siab tias ua cas koj yuav tsis los xauj kuv lub tsev no kiag li no tabsis hnub no tuaj pom koj los txog hauv kuv lub tsev lawm es kuv zoo siab heev li os, Smile

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Sun Oct 23, 2011 5:14 am

    Nyopb zoo Npauj Npaim

    Ntev loo tsis tau tuaj lawm nej tsoom phooj ywg puas lom zem os??
    Kuv tseem nco nej txhua tus li qub mog....




    bird love Pictures, Images and Photos

    "Koj xwb thiaj yog tus kuv hlub"

    NkaujNyiag

    Posts : 101
    Join date : 2011-02-11

    Re: Ncaim Cev Tsis Ncaim Siab

    Post by NkaujNyiag on Wed Oct 26, 2011 11:37 pm

    Nyob zoo os Npaujnpaim thiab Ntsujplig,

    Kuv yeej always ncaim cev xwb lub siab tseem nrog nej nyob os
    Es Ntsujplig zoo li koj ncaim cev ncaim siab huv si lawm sav? hahahaa
    Tso dag xwb...vim ntev lawm tsis tau nrog koj txuas lus lawm xwb.
    Koj nyob li cas lawm xw bos tus me phoojywg Tsujplig?

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Oct 28, 2011 12:14 am

    Ntsuj_Plig wrote:Nyopb zoo Npauj Npaim

    Ntev loo tsis tau tuaj lawm nej tsoom phooj ywg puas lom zem os??
    Kuv tseem nco nej txhua tus li qub mog....
    Nyobzoo Ntsujplig,

    Zoo siab ntsib koj hauv no os mog. Peb los tseem nojqab nyobzoo tsuas yog busy dhau tsis muaj sijhawm tuaj sau li yav tag lawm xwb os.

    Ua tsaug koj tseem nco txog peb thiab nawd,


    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Fri Oct 28, 2011 12:16 am

    NkaujNyiag wrote:Nyob zoo os Npaujnpaim thiab Ntsujplig,

    Kuv yeej always ncaim cev xwb lub siab tseem nrog nej nyob os
    Es Ntsujplig zoo li koj ncaim cev ncaim siab huv si lawm sav? hahahaa
    Tso dag xwb...vim ntev lawm tsis tau nrog koj txuas lus lawm xwb.
    Koj nyob li cas lawm xw bos tus me phoojywg Tsujplig?

    Nyobzoo niamhluas, NkaujNyiag,

    Zoo siab hnub no koj ncig tuaj saib Ntsujplig wb lub tsev no os.

    Hahahahaa, niamhluas, koj muab Ntsujplig ua twg lawm na? Tsis yog koj muab nws Tsujplig lawm lod?

    Hahahah, lam tso dag xwb vim koj sau nws lub npe yuamkev ces ua rau kuv luag tsis taus li lawm xwb nas, hahahaa,


    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Tue Nov 15, 2011 4:45 am

    Nyob zoo Nkauj Nyiag thiab Npauj Npaim

    Kuv ncaim neb mus ntev heev zoo li twb tau ib tiam lawm os
    neb puas tseem nyob zoo na los yog mus ua nyab tag alwm os??




    bird love Pictures, Images and Photos

    "Koj xwb thiaj yog tus kuv hlub"

    Npauj Npaim
    Moderator

    Posts : 1385
    Join date : 2011-02-11
    Age : 41

    Re: Ncaim Cev Tsis Ncaim Siab

    Post by Npauj Npaim on Wed Nov 16, 2011 7:53 pm

    Hahahahaa, nyobzoo Ntsujplig,

    Txawm koj mus lawm ntsiag moo to
    Los peb tseem niaj hnub nyob tos
    Txawm koj yuav mus lawm ntev ntev
    Los peb tseem nyob peb hauv tsev

    Zoo siab hnub no koj rov los saib peb os
    Ua li koj puas noj qab nyob zoo no?
    Peb ces nyob tsev xwb tsis paub mus qhov twg
    Vim ua neej twj cuab tsis muaj phoojywg

    Li no xwb tiag..., Smile

    Ntsuj_Plig
    Moderator

    Posts : 604
    Join date : 2011-02-15

    Re: Ncaim Cev Tsis Ncaim Siab

    Post by Ntsuj_Plig on Wed Nov 30, 2011 2:55 am

    Npauj Npaim.......

    Lub ncauj tias noj qab nyob zoo los lus siab quaj dhi zoo tam ntua lub ntuj pos huab niab twb yuav ntxhoo os, hnub no koj ua dab tsi lawm xwb ntev kawg uas kuv tsis khoom tuaj saib nej lawm na?




    bird love Pictures, Images and Photos

    "Koj xwb thiaj yog tus kuv hlub"

    Sponsored content

    Re: Ncaim Cev Tsis Ncaim Siab

    Post by Sponsored content Today at 3:22 pm


      Current date/time is Thu Dec 08, 2016 3:22 pm